اين انت الآن منى

[ام صبا]

ما بشكى احساس الألم
وما بقول اتبدل الزمن الجميل
يكفي انت تكون فى خاطري
حتى لو شوفتك مستحيل
وما بتغيرنى الظروف
وحبى ليك اكبر دليل
ومهما تبعدنا المسافه
من حبك محال اميل
أين أنت الآن منى

[طلال الحكيم]

قال الناس عن الجمال
بس الما شاف وجيهك ما شاف شي جميل
قلبك لي أطيب مكان
وعطفك والحنان ظلي الظليل
ولو كل القلوب مالت في الهوى
أنا عن هواك أبدا ما بميل

أين أنت الآن مني

[ام صبا]

وين انت
يالغيبته وغيبتك طالت
وشوقنا اليك مليان حنيه
بعادك زاد حنينا اليك
وقلنا متين ياربي الجيه
وحشتنا كتير طلاتك
وليه بغيابك تقسى عليا
وانت حنان رقه وحنيه
وبعودتك كانت الفرحه
وكل الدنيا الليله هنيه
أين أنت الآن منى

[طلال الحكيم]

خطابك زاد الشوق وزاد البيا
وزاد اللهفة لرؤية عيون
شقت قليبي بسهام الأذيه
شوفي البعاد كيف سوا فيني
أحرق حشاي وكواني كيا

أين أنت الآن مني

[ام صبا]

حقه تعرف لو بتعرف
انه غيابك قاسى عليا
وانه بعادك ما بهواه
ومابرضى لو لحظه
تغيب عن عينيا
تعال اروينى حنينك
تعال جدد اشواقك ليا
أين أنت الآن منى

[طلال الحكيم]

محال أشواقي تموت
ومحال غيرك تشوف عينيا
إنت الفرحة لكل محزون
وإنت النور وإنت الضيا
حبك خلاني رقيق وجميل
وهذب كل أخلاقي الـ فيا

[ام صبا]

انت انسان مليان حنيه
وانت جمال ماليني حنين
وكل طبائعك ما خافيه عليا
بيك ازدهت ايامى
وبيك الدنيا بقت ورديه
أين أنت الآن منى

[طلال الحكيم]

منك شلت جمال الطيبة
وكل أيامي معاك هنية
ومنك شال الورد رحيقه
وشال ألوان خده الوردية
وبيك أفراحنا دوام تزداد
وكل أحزانا اليوم مخفية

اين أنت الآن مني

أم صبا .. معليش ساهرت بيك
سهرنا الليل وكملنا ....

أحلام سعيدة

[ام صبا]

صدقنى مافارق معاي
طول غيابك والسهر
ولحظاتنا ديك تحت المطر
وهمساتنا فى ليل السمر
ودمعاتي ليك ساعة السفر
كله مافارق معاي
بس بيفرق معاي غيابك
غير عذر
أين أنت الآن منى

طلال الحكيم تحياتى سعيده كتير بمشاركاتك
وجد انت انسان مبدع لانه كل مشاركاتك
معاي بتكون فى نفس اللحظه وده دليل لابداعك
وتسلم كتير وسامحنا فى السهر

[طلال الحكيم]

جمر الغياب يا غالية
أقســى من كل الجمر
ولهب الحريق ما بنطفي
وما ليه حل غير الصبر
وكيف الحبيب يبقى الحبيب
لو غاب في يوم من غير عذر


أين أنت الآن مني

مشكورة كتير ... وما عدمناك
تصبحي على خير

[ام صبا]

احترت اعمل ايه معاك
يااغلى انسان ياملاك
لو قلت دوبنى الحنين
القاك تصليني بجفاك
ولو قلت زاد شوقى ليك
تردد الآهات غناك
وماعرفت اعمل ايه معاك
قول لي كيف اكسب رضاك
أين أنت الآن منى

[طلال الحكيم]

كل رضاي مبذول في غناك
أنا مبتعد بس قليبي
هناك معاك
يسعد بلقاك
وبرضو الروح هناك

أين أنت الآن مني

[ام صبا]

ياريتنى لو اقدر اقول
وياريتنى لو احظ بهواك
كنت بحلم بيك معايا
وهناي كان لحظات صفاك
امتى ترحم يا مدلل
وامتى تسعدنى بلقاك
أين أنت الآن منى

[طلال الحكيم]

كل العذاب محتمل
إلا عذاب ليلات جفاك
ليه خليتني تائه يا حبيب
ومشيت في الدروب براك
تعال أرجع ليا تاني
كفاي عذاب أرحم كفاك

أين أنت الآن مني

[ام صبا]

تسألنى القاك كيف؟
جرب تحس طعم الحنين
لوعاودك شوق السنين
واتعبك مر البعاد
والقليب مكسور حزين
واسرح بعيد جوه العيون
يوم تبكي فرقة زول عزيز
عزاه كان حبه الدفين
تلقاني بين دمعة ألم
وتلقاني بين أنة أنين
وصدقنى ياحلم الصبا
راجياك بشوق السنين
أين أنت الآن منى

[طلال الحكيم]

ألقاك وين يا حبي الدفين
يا هاجر أشواقي يا عذاب
قلبي الحزين
قلبي الحزين فاض بالحنين
ليك منتظر كل يوم يا ضنين
لو كنت فاكر غيرك تاني بعشق
لالا محال ...... محال يمين


أين أنت الآن مني

[ام صبا]

كنت الحلم وشلتك عشم
واتمنيت يوم تبقى اليقين
ونعوض الراح من عمرنا
وننسى آهات السنين
وشلتك معاي فى نومى
او كان فى صحاي
وحلمت بيك
ياريت لو فى الاحلام تظهر تبين
ونتلاقى يا اجمل حلم
ونتهنا بالعديل والزين
أين أنت الآن منى

[طلال الحكيم]

باكر أتصبح بالقلب الحنين
يملاني بالحب والهنا
ويمسح عذابات السنين
ويسقني من كاسات وصال
وما يخلي الفراق لحبي يهين

أين أنت الآن مني

[ام صبا]

انا قلت ليك ما تسيني لليل والشجن
خايفه بعدك الايام تدور
وترمينى فى بحر المحن
وتانى وين القى الحنان
والقاك يا اجمل وطن
أين أنت الآن منى

[طلال الحكيم]

على عهدي باقي وما بغيرني الزمن
وفي حبي مخلص مهما صابتني المحن
ما تخافي من جور الليالي
وأتهني بالنوم و الوسن

أين أنت الآن مني