وهج الشموس

[هامس]

والله ما أروعكم انتو ألأثنين,
وزى ما قالت بخيتة أمين فى جرة قلم( الحنين ما دايرلو شاهد)..

عارف الحب يبداء بنظرة بين رجل وامرأة, وبين رجل ورجل تحابا فى الله بمقابله

وجها لوجه فى ظروف معينة فى مكان معين فى زمن معين,

ولكن ان يتحابا فى الله بواسطة حروف وكلمات تكتب وترسل عبر ذرات الهواء

فى مثل حالتكم دى شىء نادر,

ادام الله حبكما واطال عمركما كى نتمتع بما تخطه أناملكما.

تحياتى وأشواقى لاخيكم الثالث الرائع أيضا ود السنجك

(همسة) انا فى انتظار مجىء الحطيئه

[ودالدرديري]

عزالدين

أيمن

شكيتكم على الله إنتو الإثنين

ياناس قلبتو بيتنا بيت بكا عدييل كدا

وأنا المابكيت لي كم سنة

ان شاءالله مانعدمكم

- عزالدين ..... أبقى مارق ياخوي


وليييييييييييييييييي قدااااااااااااااااااااام








و................الباقي على الله

[عزالدين محمد]

اخوتي هامس/ ود الدرديري

اسعد الله صباحاتكم بالخير والرضأ

اخي هامس لك كل الشكر والتقديرعلي

جميل ما كتبت واتمني ان تدوم المودة بيننا

اما اخوتي ايمن وود السنجك انا سعيد بهذه

المساجلات وهي ضرب من ضروب الادب

وقلنا نكسر بها رتابة القصيد شوية واراك

تحثُ الخُطي علي ان اهجو الجماعة واوعدك

بذلك اخي هامس0

ود الدرديري كل الشكر والتقدير علي مرورك وتفاعلك

مع الموضوع واحمد الله ان وجدت صرختي(وامُشرفاه)

صدي وانا سعيد مرة اخري بأن دلف الي مُتصفحي شخص

بقامتك والباقي كما اسلفت علي الله ومارقين يا عزيزي

[أمين السنجك]

الأخوان الأعزاء
عزالدين / أيمن
السلام عليكم ورحمة الله وبركاته

حقيقة قلبتو علينا المواجع بوصفكم الدقيق لما جرى ويجري في الغربه ولكن الأمل في الله كبير
بأن تتحسن الأحوال وتعود المياه لمجاريها . مشكورين على هذا المجهود الرائع مع أمنياتي بدوام التوفيق
أليكم أجزاء من أبيات شعر كانت أول مشاركة لي في هذا المنتدى

تحياتي من خلالكم للأخ العزيز الرائع دوماً هامس ( المحامي )

تخريمه / ياعزو الحلومر ما بيفكك مني شوف لك حاجه أكبر ههههههههههههههههه

*************
الغـربه نيران الجـمر
فراق الأهـل .. فـراق الصحـاب
أعـد النجـوم عز الضـهر
ليـل الأرق .. والأكـــتئاب
الغـربه مشــوار الصبر
سـيفاً مسـلط فوق الـرقاب
فيـها العقـول سرحت كتير
أما السـعادة بقـت سـراب
مكتـوبه فـوق جنحـين صـقر
مـربوطة في ريشـة غــراب
***********************
الغـربه للضـاقوهـا نـار
دمعـاً بينـزل ديمـه كــاب
مغـروسه سهمـاً في الضلوع
تـالا القلـب نشـابو صـاب

[عزالدين محمد]

يسلام عليك ياود السنجك وانا اعتبر نفسي من المحظوظين جدا

لاني اتشرفّ بمروركم الدائم عبر مشاركاتي وجميل ان تسجل هذه

الابيات الولهي لتكتمل قصيدتي ويصل مضمونها وفحواه للناس

[ودالدرديري]

عزالدين




سل جتتك وأمرق تعال لي ياجنا
أرحم رويحتي قبل تروح محرومة من شوفة الضنا
شن قدر الناس الحداك وقعدك في الغربة نص عشرين سنة؟؟
طارياها ضحكتك الصباح في لمة الشاي بالهنا
طارياهو صوتك ياجناي لمن تقوم تبدا الغنا
طارياها صورتك ياجناي لمن تكون زعلان وشايل همنا
رحت ومشيت ووراك غطاني الحزن
لاجيت براك لاشفت حالتي المحزنة
كمين صباح أنا ياجناي راجياك تفتح بابي دا
وتدخل تجي وتقعد معاي في الضل هنا
............





دي هدية ليك عشان تبقى مارق جد جد
والتكملة في مكان تاني

وليييييييييييييييي قداااااااااااااااااااام








و...................الباقي على الله

[عزالدين محمد]

ود الدرديري ابقي مارق لي وين؟

انت جبت الملاكم تاني ولا شنو؟

انا شاكر مرورك اخي العزيز

وكلنا لي قداااااااااااااااااااام

[أيمن]

عزالدين

دي هدية ليك عشان تبقى مارق جد جد
والتكملة في مكان تاني

وليييييييييييييييي قداااااااااااااااااااام

ود الدرديري ابقي مارق لي وين؟

انت جبت الملاكم تاني ولا شنو؟

انا شاكر مرورك اخي العزيز

وكلنا لي قداااااااااااااااااااام

[poem=font="Simplified Arabic,7,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
مخلوع بالملاكم ونومك أصبح طالق =
وتتلفت متل حاله الحرامى السارق=
الدرديرى قالك عود واسرع مارق=
شن جاب الملاكم شان تنط متشالق=[/poem]

[عزالدين محمد]

والله اخي ايمن امد يديّ وافردمهما ولكأني احتضن شخصك الكريم

بسلام سوداني خالص وهذه المساجلة جعلتني اضحك من قلبي وما اروعك

وانت تنتزع الابتسامة منا ونحن هنا في متاهات الضياع اخي ايمن اسعد الله

بك واسعدك ولك كل حبي وتقديري0

[عزالدين محمد]

[frame="2 80"]

ليلك هجّد إتقاطرت كتل الســـحاب مطرك عقــد

إتزاحمت فيك الدروب الشيخ نتّح لالوب جـــــرد

والقبلي شال ولّع هناك برقا لمع والشيخ يـجـــــــر

الله احد الله صمد

إتواترت اخبار هناك الغــــــــــــيث نزل والجو برد

فزّت بغاث طارت هناك ولهانة من صوت الرعد

والشيخ زرع راجي المطر دعاتو يارب هات مـدد

مصلاتو من صوف الدرتّ تشهد وتحلف كم سجــد

فدان مترعّ بالعرق ما الشيخ وحيد ماليهــــو حــــــد

إتوسد الشيخ البرش وإتلحـــف الشيخ الســــــــــــــعـــد
*****
الشيخ حكايتو مع المطر قصة غرام لا بل غـــــــزل

تعجز توافيني الحـــــــــروف إتمردت تصبح جـــمـل

يجثو ويدعو يا كريم هـــــــــاته وابل مـــــــاهـــــاطـل

الضاقو شيخنا من العــــــذاب والحاجة ياخي يهد جبل

ذهـــــــبت سنينو اليانعات والدمعة جفّت في المــقــــل

والشيخ عيونو معلقات في السحـــــــاب الفات رحـــــل

[/frame]

[أيمن]

[frame="2 80"]

ليلك هجّد إتقاطرت كتل الســـحاب مطرك عقــد

إتزاحمت فيك الدروب الشيخ نتّح لالوب جـــــرد

والقبلي شال ولّع هناك برقا لمع والشيخ يـجـــــــر

الله احد الله صمد

إتواترت اخبار هناك الغــــــــــــيث نزل والجو برد

فزّت بغاث طارت هناك ولهانة من صوت الرعد

والشيخ زرع راجي المطر دعاتو يارب هات مـدد

مصلاتو من صوف الدرتّ تشهد وتحلف كم سجــد

[/frame]

[poem= font="Simplified Arabic,7,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الليله اتلقط سحاب حجب الشمس والضوء لبد=
اتباشرو الناس بالخريف كم شبه فوق محرات ولد=
بارياهو فاطنه تدلى فى التيراب وأكرب ياحمد=
وحمد أريتو جناك مابردلو حاره وكادى كد=
متوكلين وموحدين بالبارى لاغل لاحسد =
والقبلى خلف الضى شقه وجاب رعد=
والشيخ ينادى ياعوين اتواشكو الليل برد=
وقعد على تبروقتو تسمع ياكريم ومسك عدد=
والساريه صبت وغرقت والشيخ قصد باريو حمد=
بتق زرع .عشرت عناق. ولد البقر. والخير رقد=
ياعزنا حارسين ريالات العرب نومكم شرد=
اتيقنوا وعودوا الخطى قوماك يلى على البلد=[/poem]

[عزالدين محمد]

شكرا اخي ايمن علي هذا التلازم الذي اضحي تناغُم

وتزداد به مشاركاتي بهاءاً وانت ياخي اتاريك عارف

الامور كلها ايمن انت عائش وين في السودان الواسع دة؟

تحياتي اخي الحبيب0

[هامس]

أكيييد ما بقدر أعمل زى الجميل المستحيل البتعملو فيهو ده يا حلوين, لكن حاولت
اطلع مناظرة من شغلكم المدهش , وان لم تعجبكم بسراع كلمونى عشان أقوم أحذفها
ع) ليلك هجد اتقاطرت كتل السحاب مطرك عقد

أ) إتباشرو الناس بالخريف كم شبً فوق محرات ولد

ع) إتزاحمت فيك الدروب الشيخ نتًح لالوب جرد



أ) وقعد على تبروقتو تسمع يا كريم ومسك عدد

ع) والقبلى شال ولع هناك برقا لمع والشيخ يجر الله أحد الله الصمد

أ) والسارية صبت وغرقت و الشيخ قصد باريهو حمد

ع) إتواترت أخبار هناك الغيث نزل و الجو برد

أ) والقبلى خلف الضى شقه وجاب رعد

ع) فزًت بغاث طارت هناك ولهانه من صوت الر عد

أ) وحمد هناك ما بردلو حاره كادى كد

ع) والشيخ زرع راجى المطر دعاتو يا رب هات مدد

أ) متوكلين وموحدين بالبارى لا غل لا حسد

ع) مصلاتو من صوف الدرت تشهد وتحلف كم سجد

أ) بتق زرع. عشرت عناق. ولد البقر. الخير رقد

(همسة) دمتم يا غالين

[أيمن]

أكيييد ما بقدر أعمل زى الجميل المستحيل البتعملو فيهو ده يا حلوين, لكن حاولت
اطلع مناظرة من شغلكم المدهش , وان لم تعجبكم بسراع كلمونى عشان أقوم أحذفها
ع) ليلك هجد اتقاطرت كتل السحاب مطرك عقد

(همسة) دمتم يا غالين

[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
والله ياهامس عجيب..........=
ضايرت أبيات الشعر..........=
شلته البعيد وجبته القريب........=
ورصيته رص ....................=
ده كلام غريب....................=
والله شكيت فى القصيد............=
ماعرفته قولى من كلام عزو الرهيب=
أمرك عجيب..........................=
هله الخريف............................=
ودعاشو جانا ارياحو طيب.......=
ضرب الخلا وكرفنا عطر الحمريب=
والقبلى جاب الهمبريب..............=[/poem]

[هامس]

هلَ الخريف والقبلى جاب الهمبريب إإإ
حكايتى فى الغربه يا أيمن حكاية هاك ليها

الليل فى جفنى سهر

والدمع فى عينى نهر

وهنا ينام معسكرى منذ الغروب من الضجر

والريح تعوى والرمال قضت على أحلى الصور

الشهر فى عرفى سنه واليوم فى عرفى شهر

عام مضى وهناك ولى وإندثر

وعام أتى ليمضى بعد دهر

والحال فى حالو لم يتغير

[عزالدين محمد]

اخي هامس اشكرك علي جميل فعايلك بالقصيد

ودائما انت والاخ ايمن تبهرونني بوضع الجماليات

التي يعجز قلمي عن اضافتها لأن الابداع له اهله

ايمن والله لا اريد ان اقصم ظهرك وانت بين ظهرانين المُتصفح

ولكن انت بالفعل مارد له انياب ممسكة بتلابيب اللغة لذا تتلاعب

بها وهي طائعة مختارة انت بتعمل الحاجات دي كيف؟

[أيمن]

هلَ الخريف والقبلى جاب الهمبريب إإإ
حكايتى فى الغربه يا أيمن حكاية هاك ليها

الليل فى جفنى سهر

والدمع فى عينى نهر

وهنا ينام معسكرى منذ الغروب من الضجر

والريح تعوى والرمال قضت على أحلى الصور

الشهر فى عرفى سنه واليوم فى عرفى شهر

عام مضى وهناك ولى وإندثر

وعام أتى ليمضى بعد دهر

والحال فى حالو لم يتغير

[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
هامس أخوى=
متلك كتير القام رحل=
حالتك حويلت الأنجبر=
فات الخلا ودقش البحر=
قاصد النجاح قاصد الثمر=
وحصد ريال وحصد هلل=
لماها مسكين من عمل=
مجبور عليو لكن صبر=
وكل الحصاد من الثمر=
لماهو واداهو الأهل=
ضكران أكيد ماقلنا شى...........=
لكن كمان ورينى ياخوى شن عمل=
وقعد هناك مالاقى حل=
ودموعو نازلات ذى مطر=
ولهان يغنى على الحبيب=
حسنك أمر................=[/poem]

[هامس]

[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
هامس أخوى=
متلك كتير القام رحل=
حالتك حويلت الأنجبر=
فات الخلا ودقش البحر=
قاصد النجاح قاصد الثمر=
وحصد ريال وحصد هلل=
لماها مسكين من عمل=
مجبور عليو لكن صبر=
وكل الحصاد من الثمر=
لماهو واداهو الأهل=
ضكران أكيد ماقلنا شى...........=
لكن كمان ورينى ياخوى شن عمل=
وقعد هناك مالاقى حل=
ودموعو نازلات ذى مطر=
ولهان يغنى على الحبيب=
حسنك أمر................=[/poem]

خبرنى انته أخوى أيمن شن العمل
والله صدقت القول ما لاقى حل
صابر على الضجر عله بتفرحنى الهلل
بفرح يوم يجينى خبر المعاش قالو نزل
وحات أيمن أسبوع ما بتلقى واحد هلل
-----عله خبرنى شن العمل؟لكن
الحمد لله, ما راحت لحبشية وداك سهر
شيشه وبيرة والليل قعادو شاطى البحر
همسة هناك لمسة هنا ما جايب خبر
للقاعدين هناك منتظرين منو خبر يسر
-------عله خبرنى شن العمل---------

[عزالدين محمد]

ماشاء الله عليكم ايمن وهامس

انا بعاين من بعيد

تخريمة ود السنجك مسكو الكفيل؟

[هامس]

أخى المبدع عز الدين قصيده ملانة بالآهات والمواجع, ولكن فى اعتقادى
هذه هى الحياة تباعدنا لتقاربنا وتقاربنا لتباعدنا مرة اخرى وما بين
التباعد والتقارب نجد لذة الحياة فى حلوها و مرها.
لو كانت الحياة كلها مرة أو حلوة أكيد لا يستطيع ألأنسان تحمل رتابتها
وهنا يصبح الملل هو سيد الموقف.
ومن رحمة الخالق جلا وعلا أن جعل لنا فى الحياة بشر موهوبين زيك
كده لنتكى فيما سطرت أناملهم فى ألأدب والشعر.
نحن بشر أخى عزو وفى إتكاءتك الحلوة والمرة نجد أن للحياة طعم.

(همسة) دمت ودامت كتابتك لنا خميلة نستريح فيها