اين انت الآن منى

[ام صبا]

لو تجافي لوتحس
غير احساسى ليك
ولوتعاند فى مشاعرك
لو شقاي يهون عليك
مابغير في عواطفي
ولا ببدل حبي ليك
أين أنت الآن منى

[طلال الحكيم]

محال أبقى جافي
أو أغير خطواتي ليك
أو تتبدل مشاعري
ده قلبي رايدك ومصطفيك
إنت بس شيلي الفرح
شيليه بس وابشري ما عليك

[ام صبا]

وين عهودك ياغالي
البعاد كان اختيارك
ولا عاد حكم القدر
ولا كانت لحظه عابره
لمحه فى حالة سفر
كيفن اكون ومضه فى حياتك
يا اغلى من كل البشر
أين أنت الآن منى

[طلال الحكيم]

إنت أكبر من وميض
إنت الشمس وإنت القمر
حافظ عهود ريدك دوام
وكل يوم بزيد ريدك بحر
أنت ما ضي العيون
وإنت ما أغلى البشر

أين أنت الآن مني

[ام صبا]

ماعدت قادره احتمل
طول انتظارك والسهر
ده كتير علي
ماجانى منك غير ألم
فتق جروح
وانا بيك ادمنت السفر
وانت ماحاسى بي
يا احلى انسان فى البشر
أين أنت الآن منى

[طلال الحكيم]

من القدر ... يا نور العيون
أين المفر ؟
قلبي الولوف من فـُرقتك
ناح وإنشطر
والحال العلي بكا العيون
وحتى الحجر

[ام صبا]

حبك زي ما كان اول
وبحلف ليك كمان بقى اكتر
وزاد الشوق الفينى
واحساس اليك محال يتغير
بس ليه ديمه تعاند
وتخلى قليبي معاك يتحير
وانا لسه بحبك اكتر
تعال اروينى حنينك
تعال نتلاقى ونسهر
أين أنت الآن منى

[طلال الحكيم]

[align=center]حار الناس
بس قلبي محال يتحير
ولو إتغير لون السماء
قلبي الواله ما بتغير
وين زيك تاني بيلقى
ولغيرك ما بختار
مهما قالو الناس إتخير[/align][/b]

[ام صبا]

كتبت ليك طال الانتظار
وانا لافترت خطاي
ولا مشيت درب الودار
وكتبت ليك اسرع تعال
قبل الليل يجن
تعال نتلاقى فى وهج النهار
وطال الانتظار
حاولت القى ليك عذر
امكن ظروف ما بتتحكي
جارت عليك ونستك كل شي
وانا ايه اقول
مليت بعادك والانتظار
أين أنت الآن منى

[طلال الحكيم]

جاني الخطاب وقريته
بعيون الفؤاد الـ كم عليكِ غار
كل الكلام ليك بتحكي
أنا سري ليك زي شمس النهار
لا دسيت عليك في يوم حنين
ولا نار شوقي البزيد نيرانه نار

جايك أنا وشايل كل العواطف
وكل الحنين وأجمل إعتذار

[ام صبا]

وعدتك
وقلت تبقى البينا عامره
ونبقى اكتر من قراب
ونتقاسم اللحظه الهنيه
وتسقينى من دنك شراب
ونتلاقى في قيف المحبه
لا شقى لا مظنه ولا عذاب
أين أنت الآن منى

[طلال الحكيم]

وعدتِك ما عندي ليك غير المحبة
وبسقيك في كل يوم أعذب شراب
تشرق شموس ريدك في كل صباح
ويمسح حنان حبك دمعات العذاب
أنا ليك يا الوافية في وعدي وافي
وشلت ليك جواي محبة بلا حساب

[ام صبا]

سألتنى كتير
ليه طال الغياب
وين ايامنا الزمان
ما عرفت كيف القى الجواب
اصله حبك جواي مقيم
وعمره ما بيغشاه الضباب
والبينا اكتر من محبه
والبينا اكبر من عتاب
أين أنت الآن منى

[لبيب]

[align=center]أوعى تفكر إني نسيتك
في يوم أو لحظات جافيتك
إنت وطيفك جوا عيوني
خليك فاكر إني اخترتك
سحر الخاطر ولازال بحلم
إني لقيتك
نتذكر أيامنا الحلوة
:
:
:
لسا فاكر ؟


أين انت الآن مني ![/align][/size]

[wanja]

اين أنتم الان مني

[ام صبا]

انا ما غنيت غناوى الفرحه
الا فى حضرة مشاعر مسكونه
بالحب النبيل
واتوسدت الليل والقمر
وحجيت النجوم بغرامك
ووصيت الغيمه تصبح ليك دليل
وكل الاحاسيس طايعه ليك
يارقه ياذوق ياجميل
أين أنت الآن منى

[طلال الحكيم]

البينا أكبر بكتير
وما بتكتب في كتاب
البينا إحساس في الدواخل
لا ليه قياس لا ليه حساب
البينا أشواق عيون وإيتهاج
عيون تشوف حتى من خلف الضباب

أين أنت الآن مني

[طلال الحكيم]

شفت الغصون عليك تميل
ويشرق صباح العيد من جبينك
وتسعد عيون الناس بالوجه الجميل
يوم مجيك تتباشر الأعياد
يوم غيابك هو الدهر الطويل

أين أنت الآن مني

أم صبا .. كل سنة وأنت طيبة[/font][/size][/b]

[ام صبا]

اشتقت ليك
قول ليه ايه معنى الغياب
وانت عارف فى غيابك
ياما بيضنيني العذاب
الكون بيصبح حزين
وحياتى حافيها الضباب
أين أنت الآن منى
طلال كل سنه وانت بالف خير

[طلال الحكيم]

فتشت ليك
وما كان معاي غير قلبي الدليل
قلبي الرهيف قلبي الضعيف
من فرقتك أصبح عليل
شلت ليك أجمل حنين
وعارفو قلبك لي بالحنان
دايما ً بشيل

أين أنت الآن مني