dreem-lady كتب: نهر المحبة ياعسل
[align=center]أهلين دريمو السكر
اولا بالتبادي كده....انا بريدك شديد....وانتي زولة عسل ودمك شربات
وانا كمان والله
اجغمي من قهوتك .....واديني جغمة
اتفضلي حبيبه
اكتر قسم تحبي تتواجدي فيه؟
القسم الأدبي عموما والحوار العام
كنتي في المدينة......احلى ذكرى طلعتي بيها من المدينة؟؟
ذكريات طفولتي كلها في المدينه اتولدت وعشت فيها وما برتاح الا فيها ( ربنا لا حرمنا المدينه)
احلى ايام المدرسه وكل حاجه فيها حلوه...وانا لسه ما انقطعت منها بمشي وبجي عليها قبل شهرين كنت فيها
سمعتا انك حافظة للقرأن الكريم ...وازداد اعجابي بك....واتمنى لك الثبات والتوفيق.....اكثر شخص كان له الفضل في حفظك......واكثر الاسباب المسهلة للحفظ؟؟
الحمد لله تسلمي حبيبه... امين يارب العالمين...امي الله يحفظها هي السجلتني وكانت متابعه معانا والوالد كمان كان ليه الفضل في التحفيز لانه كان بنمشي دوامين في اليوم فكان دائما بيدفعنا بكلمات محفزه وبيدفعنا لقدام......شخصيا اكتر حاجه ساعدتني على الحفظ اني اصلا بديت صغيره والحفظ بقى جزء من حياتي ...
اكتر حكمة تؤمني بها؟؟
كن لله كما يريد... يكن لك فوق ماتريد
بيت شعر دايما في بالك؟؟
مافي شي معين بس في بيت بحب اردده لمدني النخلي
واقف براك
والهم عصف
ريحاً كسح زهرة صباك
ليلاً فتح .. شرفة وجع
قمراً رحل فارق سماك
*******
مطر الحزن عاود هطل
جدد عذاب الأرصفة
ضى المصابيح البعيد
أتعب عيونك .. وإنطفا
لمتين مواعيدك .. سراب
والريد شقا .. حرقة .. وجفا
اكثر روائي احببتي كتاباته؟
الطيب صالح واحلام مستغانمي
مارأيك في المرأة السودانية.....دورها....سلبياتها ....ايجابياتها.....هل هي مظلومة؟؟
المراه السودانيه في نظري من افضل النساء... ساهمت بشكل فعال ولها دور بارز في المجتمع عموما كانت لها بصمتها منذ القدم من عهد المهديه ولنا شخصيات نسائيه بارزه لها تاريخ يتغنى يكفي ان يكون هناك مراه سودانيه كمهيره ورابحه....والان المراه السودانيه عضوه في البرلمان بينما غيرها من نساء العالم العربي مازالت تجاهد كي تنال هذا المنصب...
تحية لكل امراه سودانيه داخل وخارج انا سوداني...
ولي عودة غاليتي
[/size][/font][/color][/align]