عمك تنقو وجد كنتوش
قال الليلة ده فيهو قروش
دخل الاوضة وسد الباب
قال نحن بكرة غدانا كباب
كسر الكنتوش بالحجر
الشيطان حالا ظهر
شيطان عاتى عيونو كبار
كرعينو جداده وراسو حمار
عمك فى الخوف دائما أبطل
وبالشباك حالا طفر
بقى مجنون وكلامو مبعثر
ومن يومداك ودهو لى بعشر
عمك تنقو سافر كوريا
لقي اصحابو حالقين كابوريا
بنقو ورنقو وكمان عثمان
سلم عليهم بالاحضان
وقعدوا واعادوا ايام زمان
جاهم كوري سمين وملان
بتكلم عربي وبعرف السودان
طلع الكوري بعرف عثمان
كان زميلوا في مدرسه خمجان
عمك تنقو فكه الضحكه
رنقو اتهجم وبنقو نطه
وعثمان والكوري اكلوا الشطه
عمك تنقو بقي تفتيحة
جاب ليه جهاز لاب توب ومعاو مرجيحة
خش النت قال داير إتعلم
فتح الفيسبوك ووجهو أتجهم
شاف الناس كاتبين في قروبو
حاجة عجيبة ماذي ذوقو
حاول يمسح الشي المكتوب
غلبو كتير قام جاب الطوب
مسك الشاشة كسر كسر
وقال العولمة دي حاجة تحير
[overline]عمك تنقو الديمة مكاجر
بطل شغله وفكر يهاجر
لبس البدله معاها الشورت
وعمل الصورة والباسبورت
في الطريق لاقوهو جماعة
عمك قاشر زى شماعة
قالو ليه جيب الفين
تمشي دبي او تمشى العين
عمك وافق من غير شورة
ودفع المبلغ بالفاتورة
في المطار ودع اهله
عمك سافر يحقق امله
بعد ساتين وصل الفاشر
وعمك يلطم وشه الكاشر
عك تنقو شرب المقلب
قلب الهوبة ووقع اتشقلب
جوهو الناس قالو ليه سوري
ولموليهو حق اللوري [/overline]
عمك تنقو جلس محتار
اشتغل دكتور ولا نجار
احسن مهندس لالا عطار
اخيرا قال احيي الافكار
عمل تربيزه وبقي جزار
جاب شوايه وولع النار
زاد البهرجه بمحل خضار
كان فاكر الشغله هظار
صار المعلم والبقيه صغار
عمك بقي الناهي الامار
كل الجزارين من تنقو تغار
عمل حسابو وساب البزار
عمك عارف الزمن غدار
رطب وبقي يتنفس دولار
قال حقيقة الزمان دوار
عمّك تنقو اليوم فرحان...
عايز يعمل سوبر مان...
لبس الماسكر وطار طيران...
يطير من مدنى لامدرمان...
يساعد ويتنقذ كل لهفان...
في اي زمان واي مكان...
يحلق يغني وياكل موزة...
قال يا اخوانا حليل عزوزة...
شايف من اعلى صورة مهزوزة...
من فوق الكبري اتقلبت روزة...
عمك تنقو بقي ساعاتي...
كل الشافو قال عجلاتي...
لافته كيبرة عم تنقو الساعاتي...
بالشاكوش شغال يوماتي...
جات سعدية جابت ساعة...
جات لي تنقو يشوف اوجاعا...
عمك تنقو فتح الساعة...
وكسر ليك كل عضامة...
ست الساعة جرت بي سرعة...
فتحت ليهو بلاغ في الشرطة...
الفارعة كتب:[overline]
عمّك تنقو اليوم فرحان
عايز يعمل سوبر مان
لبس الماسكر وطار طيران
يطير من مدنى لامدرمان
يساعد ويتنقذ كل لهفان
في اي زمان واي مكان
يحلق يغني وياكل موزة
قال يا اخوانا حليل عزوزة
شايف من اعلى صورة مهزوزة
من فوق الكبري اتقلبت روزة
قال يا أخوان بلاش اللمــة
خلونا ننقذهم ونقوم بمهمـة
بسـرعـة ناولوني سلبـة وعمـة
من وسط الموية بكل سهـولة
رفع الروزة والناس مذهـولة
قوة خارقة ما معقولة
كل المشهـد في التلفزيون
جواك بطل وسر مكمون
وعمك يشرب في الشامبيون[/overline]
عمك تنقو بقي رأس مالي
فتح في الحله دكان اجمالي
بالرخي بالدين ببيع طوالي
انا في خدمة الشعب الغالي
حتي لو اخسر كل مالي
واصبح بعدها انسان دلالي
انا فلسته وجيبي بقي خالي
الوقفته معاهم نسو افضالي
مافيهم زول سأل في حالي
خلاص يالعازه انتهت امالي
زوجك الثري بقي رمتالي
انا اسف جدا اقبلي اعتزاري
اتهورت وضاع مستقبل عيالي
والبنا من طوبه حأكبر تاني
عمك تنقو الليلة عجيب
فاتح معهد للتدريب
للسلوك البشري والتهذيب
تبقى حياتك زي الترتيب
اهتم بنفسك مظهر وجوهر
خلي اسلوبك زي السكر
أياك تحاول تكون مغتر
اوفظا والحولك تنفر
تصبح قائد وشخص مؤثر
الناس تحترمك وليك تقدر
أما في شغلك دائما حاضر
قبل نهايته اوعى تغادر
خلص شغلك وخليك شاطر
قبل ما تكسل وتقول باكر
عمك تنقو دخل الفيس...
سوالو كرامة وضابح تيس...
جاه طلب صداقة من بلقيس...
قال للعازة الليلة عريس...
جاهو طلب صداقة من بكور...
عمك طوالي عمل ليهو اقنور...
