لو كان حبيبي اباح
واعلن هواه صراح
كان الفؤاد ارتاح
وانا كنت ليه مشيت
يا ريت يا ريت
سالوني عن حبي
انكرت ما قريت
شافهو متخبي في
عيون تقول يا ريت
حاولت اكتب ليك و اصور الاحساس
و اقول كلام في الريد زي النجوم و الماس
تعبت القى حروف ما سمعو بيها الناس
سبت الكلام ومشيت
وبديت تاني اقول يا ريت
يا ريتني اقدر ابوح و اقولو يا حبي
يا حبي
انت الحبيب لي الروح
لكني خايف اقول
ازعل ومني يروح
عشان كدا استكفبت
كفايه اني هويت لما الحنين فاض بي
من الحنين انيت
يا ريت يا ريت ياريت
ياجميل يا مدلل قولي ليه بس حكم الغرام قد حلل
عذابي يدوم
*****
ياجميل يا مدلل كل ما اطراك بالدموع اتبلل
جسمي صار منحول والمنام يتقلل
طرفو لي رؤياك دمعو اكبر وهلل
جفاني النوم
*****
بالعلي لا تجهل يا حلو النغمات يا لذيذ المنهل
نارو حارقة الجوف و المدامع تبهل
بعد هذا الحال هل وصالك يسهل
تحن يا ظلوم
*****
ليل ضفايرك مسدل يا رشيق القامة والمعاطف الهدل
القوام ممشوق و المعاصم جدل
ده البخلي اليك حبي ما يتبدل
يزيد كل يوم
*****
ما العقول تتخيل والاديب للقاك يتهبل
بيد اني عزيز خفت في المستقبل
اهدي ليك الحب وانت بي ما تقبل
اكون محروم
*****
في هواك لو اعزل برضي لا انساك في الخيال اتعزل
العجيبة كمان قلبي صار ليك منزل
انت فوق للقوس
والسماك الاعزل
نـعـيـم الـدنـيــــا عبد العزيز محمد داؤود
---------
كيف الحياه غير ليمك
في بعدك أصبح حظي زي لون هضليمك
يا نعيم الدنيا
**
يا حليف الخدري التايه في نعيمك
ما دام هاجرني أرسل لي نسيمك
و أنعش لي روحي بندى جسيمك
أو طيب المسك الفايح من تبسيمك
**
يا أماني حياتي البيك نور إقليمك
يتمنى التبري يلمع كأديمك
مشتاقه الشمس تظفر بي ليمك
تاخد من نورك تلثم لي قديمك
**
يا فرع البانه المايل في خميلك
من قامتوا حبيبي متعلم ميلك
يا البدر التم ما بتم تكميلك
لو ما تجعل لي محبوبي زميلك
**
سيوف الهندي من لحظة عينك
ليه بيها تصيبني إيه بيني وبينك
غير كوني بريدك و حياة خدينك
كف عني صدودك يا روحي و بينك
**
ليك حق في صدودك و تيهك و تذليلك
ليك حق تهجرني ... و يكتر تعليلك
ما دام فردي ... على جيلك
تمتاز بالعفه المانعني أجيلك
**
مع صدك و هجرك لا زلت أريدك
و منام عيني بين حظوظ جيدك
تيه بي نعيمك مولاي يزيدك
ضيعت حياتي تسلم لي إيدك
أنا في هواك ضحيت
الشـاعر / محمد بشير عتيق
الفنان / حمد الريح
أنا في هواك ضحيت يا حبيبي لو تعلم ...
وعزولنا نام مرتاااح وانا قلبي بينزف دم
***
بكره الرحيل يا ملاك وتااني ما بنتلم
حافظ على الذكرى الدنيا ماا بترحم
صابر على الايام وانا عمري ماا بندم
لو ضاع شبابي فداك تعيش ولي تسلم
***
كل ما يعاود الليل افكاري تتقسم
تسيل دموع الشوق اطراك اتبسم
اشكي لمييين في الناس في الدنيا مين يرحم
بعدك فقدت هنائي يا ناسي والبلسم
***
دائما امني الروح يمكن انوم واحلم
اتهنى بشوفتك انسى الدموع والهم
اتملى بحسنك ما حسنك فريد وعدم
البدر لو شافك وحياتك يتبسم
عشان ألقاك
قطعتا رمال بلا آخر
عبرتا بحار
ورغم ضراوة التيار
بقيت اعصار
وعشتا معاكي يوم باكر
على الحاضر
لأنو الماضي هاجر
في ركاب الليل
وخلف جرح ما ببرى
وكسر خاطر
عشان ألقاك ولاقيتك
أريتوا لقانا يوم ما كان
تعبتا من السفر في الموج
وداير اوصل الشطآن
طلبتك قلتا خلصني
مد إيدك وجود وحنان
لقيتك إنتا فوق البر
أشد أغرق من الغرقان
عجيبة حظوظنا في الدنيا
غريبة الدنيا في الاحسان
لكن للأسف يا سنين
كملتي ونحن برضو كمان
آيه تعبر حروف الشعر
اذا جفت ينابيعوا وصار الحب
مجرد كلمة من كلمات
وهل نفطم قلوبنا على تعابيروا
ونقنع انو مافي صلات
اذا الايام بتبعدنا وتسرق اجمل اللحظات
وتاخدك مني رغم الحب ورغم حرارة العبرات
اريتا حروفي ما اتغنت
واريتو غنايا نازع ومات
..
أنا في هواك ضحيت يا حبيبي لو تعلم .. وعزولي نام وارتاح . وانا قلبي بنزف دم
بكرة الرحيل يا ملاك .. وتاني مااا بنتلم ..حافظ على الذكرى .. الدنيا مااا بترحم
صاابر على الايام .. وانا عمري مااا بندم .. لو ضاع شبابي فدااك تعيش ولي تسلم
************************************************** **
كل ما يعااود الليل .. افكاري تتقسم .. تسيل دموع الشوق اطراك اتبسم
اشكي لميين في الناس .. في الدنيا مين يرحم
بعدك فقدت هناي .. يا ناسي والبلسم
********************************
دايما امني الروح ... يمكن انوم واحلم
اتهنا بشوفتك . انسى الدموع والهم .. اتهنى بحسنك .. وحسنك فريد وعدم
البدري لو شافك وحياتك يتبسم
بزيارتك بيتنا نور وكلو زينه جاءتنا بسمه
فايحة نسمه ولمسه حلوه في عيننا
والله سمحه لونا قمحه وعاد خدودتا يا حلاتن بحنينا
خصله تائهه مره سارحه ومره نازله فوق جبينا
*******
انت رسمك في قليبنا حاشا غيرك ما عرفنا وما هوينا
وسيبي قلبك معانا واعذرينا نحن لسه ماروينا
نظرات عيونك ليها نشرح سر هوانا وما علينا
وكم حلفنا نعيش نحبك يا ذات عمرنا الباقي لينا
*******
دارنا أصبح ليك دار في بعادك كم تعبنا وكم شقينا
شوفي كيف لهفتنا باينه يا حلاتك بمشاعرك تحتوينا وتسعدينا
تحكي لينا كيف بدينا وكيف مشينا
خطوه خطوه وأحلى قصة يحكي الشوق سنينا
أذكريني يا حمامة
كلما ساجع ترنم
بي هواي وحب جمالك
كلما هطلت غمامة
أذكريني يا حمامة
فى مسائك أو فى صباحك
وفي غدوك أو فى رواحك
وكلما بارق تبسم
أو نسيم الصبح نسم
عني دايماً يكون سؤالك
فيم هجراني وعلام
يالهواك صار لى علامة
شاهرة لى دايماً سلاحك
وموتي واجب فى اصطلاحك
طرفى عن رؤياك يُحْرم
وذنبى إيه غير أني مُغْرَم
ولي هواك من بدرى مالك
كل من فى الكون ناما
وعينى ليه فقدت مناما
وانت يالكاحلك نعاسك
يزدرى الأغصان مياسك
حظى زى ليل فرعك أسحم
والجحيم من هجرك أرحم
عني يالشاغلك دلالك
صرت أعشق فيكي قامة
خصرها يعيرني السقاما
فيها أشرق نور صباحك
لي سنا البدر افتضاحك
فكري زي خِصرك مُقسّم
وخَطبي زي ردفْك مُجسم
هل يصح ويرضيك ذلك
روحي لو وافت حِمَامَا
أذكريني يا حمامة
في ذهابك أو في إيابك
ثم في فترة غيابك
وهاكي دُر شِعري المُنظم
ودمت ياالقدرك معظم
في نعيم جنات ظلالك
آه يا قلب..تعشق تريد فيهو وتحب
الزول ده ما فات الحنان..تلقاهو وين دربك تعب
آه يا قلب
*****
آه يا حنين شايل السنين..حبك متين ما قال تعب
أديت براك زولا ً نساك..نال من هواك ياما وشرب
آه يا قلب
*****
الريد سلام صدق سلام..أصلو الغرام جد ما لعب
من غير دليل قلبك بميل..إحساس جميل ما كان كضب
آه يا قلب
*****
رغم العذاب والسعد غاب..نسمة سراب حولك تهب
تحلم تعيد الراح بعيد..وتكون سعيد للكون محب
آه يا قلب
*****
آه يا قلب..تعشق تريد فيهو وتحب
الزول ده ما فات الحنان..تلقاهو وين دربك تعب
آه يا قلب
