دريموالعسل
كفيتي ووفيت
اول مره اتابع البوست بتاع ود ابنعوف دا بي مزاج كده
واول مره اقعد اتشالق في القهوه دي
وربنا يستر من الجاي يا ليدي
وبعدين اكثر من صراحه من غير تلفيق
احييك علي الصراحه اللامتناهيه
واحب الجرأه الفيك
وتمنيت اكون جرئي ذيك
لانو في حجات ما بقدر اقول نهائي
مخير الله علي عشرين مره هههههههه
فهمتي طبعآ
بصراحه ماعندي اي سؤال جيت احييك وبس
كوني بخير دريمو
فتك بعافيه
هلا وغلا دريمو العسل جاياكي ب أسئله سهله وخفيفه
هلا بروح دريمو ....ننوشة عين دريمو
1- هل تعتقدين انك ربة بيت مثاليه ؟
نوعا ما.....بحاول المستحيل ......وبطمح للافضل
2- هل لديك علاقات بصديقاتك خارج المنتدى ؟
صداقات قوية اتشرف وافتخر بها
3- هل عمرك عاملتي لميس كطفله ؟
مرات
4- لديك كم طفله وكم عمر اكبر وحده فيهم ؟
اثنين.....9سنوات
ماكترت الأسئله عشان ما اكون تقيله حمشي واجيك بأسئله نار
هلااا حبيبه جيتك تاني .....
1/هل دريمووو حصل ظلمت شخص بردة فعلها السريعه ؟
2/دريمووو شخصيتك اختلفت في السنوات الاخيره فقد كنتي طويله البال والان العكس
كنتي تتجنبين كل من يخطء في حقك والان تقفين لمواجهته....مارأيك في هذا التغير
وماهي اسبابه ؟
3/من هي لميس من وجهة نظر دريمووو ايجابياتها وسلبياتها؟
4/من هي توأم دريمووو اي صديقتها وبئر اسرارها ومشاركة همومها؟
ليه دايما المرأة تكيد لزوجها وتحاول تهلكه بالطلبات عشان تفلس بيه وما يتزوج عليها
طيب دا ما بخلى الزوج يكره صنف الحريم ؟
السودانيين دايما بابالفو بسرعة ويطبعو بعادات البلد المستضافة
السبب ليه ؟
هل لهجتنا السودانية صعبة الفهم ؟
بنكون موضع سخرية الاسباب
الغربة بقدر ما اعطت اخدت
لو تهيئت لك الفرصة فى السودان ح تقدرى تادى نفس العطا ؟
عندك مشروعات للسودان مع العلم انه الاجراءات والقرارات فى السودان ما مشجعه هل ح تسعى برغم ذلك تنفذيها ؟
العرب بصفة عامة ما عندهم خطط مكتوبة زى ما تجى تجى انتى بتكتبى خططك وتشرعى فى التنفيذ ؟
هلا ياشاطرة ....الصقي في اللاب توب واهريني اسئلة اجاوب ليك من المكتبي الغياظ
في ناس كتيرة الليلة نفسها تعضيك .
1/هل دريمووو حصل ظلمت شخص بردة فعلها السريعه ؟
حصل.....مثلا قبل فترة ايام التتش حقي مع الضراع ومحمد نعيم...لاحظت الغالية مابترد لي ...مشيت على ملفها لقيت قدام اسمي مكتوب انهاء صداقة..... ماكنتا عارفة انو اصلا بكون كده....المهم اتغظتااااا ومشيت انا كمان...قلتا الخاتاها شنو في قائمة اصدقائي وعمل ليها انهاء صداقة ....وكنتا زعلانة شديد....بس ولمن عرفتا القصة منك ياكولمبوس ..انتظرتها بفارغ الصبر ورسلتا اعتذرتا ليها....واصلا البنية دي انا بحبها وبموت فيها...ومعليش تاني ياعسسسل
2/دريمووو شخصيتك اختلفت في السنوات الاخيره فقد كنتي طويله البال والان العكس
كنتي تتجنبين كل من يخطء في حقك والان تقفين لمواجهته....مارأيك في هذا التغير
وماهي اسبابه ؟
صح صبرتا كتير وكنتا اطول اهل بيتي بالا ...وزوجي كان بيشيد بي بالنقطة دي ....بس ماعارفة خلاص بقيت مابقدر اتحمل شئ.... الكبر يابتي
زمان كنتا مابواجه من يخطئ في حقي بس حسيت في ناس ولفت وحستو ضعف عشان كده بقيت اخاطب كل شخص بلغته....وكمان وحات الله صبري نفد
3/من هي لميس من وجهة نظر دريمووو ايجابياتها وسلبياتها؟
بت دلوعة [align=center]وبتحب الحردان .....مع انها عسل بس بترفع لي ضغطي-خاصة الليلة
ماشاءالله عاقلة وبستفيد منها كتير ....مخلصة وحساسة وقوية الشخصية ومرات لسانها موس [/
size][/font][/color]
4/من هي توأم دريمووو اي صديقتها وبئر اسرارها ومشاركة همومها؟
اختي ماانتي
المره دي خفيفه والجايات اكتر.....[/color][/size][/align]
ليه دايما المرأة تكيد لزوجها وتحاول تهلكه بالطلبات عشان تفلس بيه وما يتزوج عليها
طيب دا ما بخلى الزوج يكره صنف الحريم ؟
[align=center]اقول ليك شئ...عندنا واحدة كانت بتوصينا انو نكتر من السكر والملح عشان يجيهم سكري وضغط عشان يتهدو ويبقو بال صحتهم ومايفكرو في العرس.... انا من ناس الوسط ...فلسوهم بس مامشكلة يكرهونا بس مايعرسو [/align]
السودانيين دايما بابالفو بسرعة ويطبعو بعادات البلد المستضافة
السبب ليه ؟
[align=center]عدم ثقة بالنفس ليس الا....الانسان الواثق من نفسو لايتنكر لنفسه[/align]
هل لهجتنا السودانية صعبة الفهم ؟
[align=center]صعبة لان اهلها لايتداولونها عالميا ....ويستحو من التعامل بها....مع المصري بتكلمو مصري ومع السعودي سعودي ومع ....[/align]بنكون موضع سخرية الاسباب
[align=center]لتفاهة من يسخر....ولانهم مابيعرفو منهو الزول السوداني...السوداني الانسان الذي لايتعامل بحلو اللسان والمصالح ...السوداني الذي له وجه واحد....لاينافق ولايلبس ثوب المثالية المزيف [/align]
الغربة بقدر ما اعطت اخدت
لو تهيئت لك الفرصة فى السودان ح تقدرى تادى نفس العطا ؟
[align=center]اتوقع لو كنا بنفس الفهم للغربة الغشاشة كان تعبنا وسنينا وفرناها هناك...حتى لو ماوصلنا للطموح المادي كنا فزنا بالاستقرار النفسي[/align]
عندك مشروعات للسودان مع العلم انه الاجراءات والقرارات فى السودان ما مشجعه هل ح تسعى برغم ذلك تنفذيها ؟
[align=center]مشروعات عقارية بس.....لانو اي شئ حكومتنا الجميلة قصاصة الرقاب بتكسر مجاديفو....
عمرك شفتا بلد بدفعو زول ضريبة على دجاج ؟؟؟ ولو اشتريت دولاب من السوق؟؟؟ ورسوم وضرائب ....باقي رسوم على النفس [/align]
العرب بصفة عامة ما عندهم خطط مكتوبة زى ما تجى تجى انتى بتكتبى خططك وتشرعى فى التنفيذ ؟[/color]
وبالهناء
انا بحب اخطط كتير.... بس خطط مفيدة
حتى حاطبخ شنو واعمل كيف واقوم كم وووو
وربك يعين
الليله جينا وكياا للمابينا
اها يادريموووو صيامك اليوم كان كيف؟؟
1/مارأي دريمووو في التسلط والجبروت الزائدعن الحد وهل ذاقت التعايش مع من لديه هذه الصفه؟؟؟
2/دريمووو مركبه السماعات وبتغني باعلى ماعندها من صوت ..هل بتكوني عايشه الجو؟؟؟ام قايله صوتك زي الفنان البغني؟؟؟ام فاكره انك بتطربينا ؟؟؟في حين انو بتكرهينا....
3/ما رأيك في كل من الاعضاء:
هندسسسسسه
بت السرف
الضراع
ريانه
نبره
عبق
وايا
لمسه
بطه
محسيه
وعوده(حبيبتي الغايبه)
ود ابنعوف
الامير الحب
كيبتاون
الاصيل
ابوصديق
عمااار
4/اذا خان دريمووو شخص واعتذر هل تقبل؟؟ام تصمم وتلتزم بردة فعلها الرافضه له كليا؟؟؟
5/مارأيك في الزواج عبر الانترنت؟؟ وهل هو زواج له مستقبل؟؟وهل تقبلين ان يتزوج او تتزوج عزيز و عزيزه لكي عبر الانترنت؟؟وهل قابلت على ارض الواقع ممن ارتبطوا عبر الانترنت؟
6/هل يمكن للشخص ان يحب شخصا لم يراه؟؟
7/هل انتي مع من يضحون بأنفسهم وسعادتهم ومشاعرهم كي لايجرحوا مشاعر شخص ما؟؟
وجاياكي تاااني .....