ود ابنعوف حبابك عشرة ورمضان كريم
منورة من جديد الله اكرم
1/اسمك يسري رحمةالله ابنعوف
ومهنتك مدير مكتب معرض سيارات
وعمرك 36 خريف
المراحل التعليمية الابتدائية والمتوسط بالمسعودية دبلوم التلمذة الصناعية تخصص كهرباء عامة
2/الحالة الاجتماعية متزوج واب لبنتين بثينة وريناد
3/ما رايك في انفصال الجنوب وصفى للانفصال مثل مريض السكرى لما يصيبو جرح فى رجله فبيطر انه يبتر الرجل [
/color]4/
هل انت من المحبين لااخوانا الجنوبين وكيف في اعتقادك يكون السودان بعد الانفصال انا محب للانسانية بغض النظر عن الجنس وفى المعهد زملائى جنوبين وكان فيهم متفوق عليناالسودان حاليا بمر بظروف حرجة بس لو خلونا فى حالنا الجنوبين الوضع بكون احسن شديد[
/color]ه/ما هو احب القبايل لديك في السودان السودان كله حبي انا انتسب من قبيلتين كاهلىالاب عكرى من ناحية الوالدة
6/ما هو احب عضو لشخصك بالمنتدي كتيرين هوومى وودالزوحى وفارماس ووايا وبكور وهندسسسة والقائمة تطول دا على سبيل المثال فقط7/ما رايك في الاعضاء الاتية وما العلاقة البينك وبينهم
1/ ود الزوحي 2/ لاشيتر 3/ بعد الزمن 4/مها 5/ام صبا 6/القلب الملك ود الزوحي الاخ والصديق الاشيتير عمود الراكوبة لو يخلى المتاوقة ويجى خاشى احسن بعد الزمن المرح الذوق الردود الحلوة فكاهت المنتدى مها اخت عزيزة نوارة المنتدى ام صبا هى ام الكل ومشجعة ومحبة للمنتدى القلب الملك اسمو يكفى برضو لو يجى ويخلى المتاوقة احسن وهولاء وغيرهم ركائز ودعائم المنتدى ربنا يوفقهم دائما فى مبتغاهم8/
ما هو رايك في منتدي انا سوداني بيت وملاذ لى خاصة فى الغربة واستفدت منه كثير فى معرفتى[/
color]9/ ماذا تعرف عن كنترول 8 وكنترول 6 وما ريك فيهم كنترول 8 و6 هم اعضاء مثلنا ووكلت لهم مهمة ومراقبة الله يكون فى عونهم يسهرو لراحتنا
10/هل اعجبت بعضوة في المنتدي ومن هي معجب من ناحية الكتابات والمواضيع بعضوات كثركل عضوة قلمها يؤثر فينا اكيد معجب بيها
البقية تأتي
رمضان كريم والصيام كيف معاك
الله اكرم لاحد الان الحمد لله رمضان
قلتى انك ما شايقية طيب بتنتمى لاى قبيلة ؟
انا من قبيلة التعايشة وايضاً حمرانية
صفى قبيلتك العادات والتقاليد فى سطرين
قبيلة التعايشة قبيلة عربية نزحت ناحية الغرب واستقرت ووتصاهرت والخليفة عبد الله التعايش معروف لدي الجميع ويشهد له تاريخ السودان بما قدمه سواء حسن ام سيء لدي بعض القبايل الاخري تتمركز قبيلة التعايشة في امدرمان حي الامراء وفي الخرطوم في ديم التعايشة وهو خليفة المهدي اما قبيلة الحمران في الشرق وحبوبتنا تاجوج في الشرق غنية عن التعريف
الحب وتجربة بحلوها ومرها رايك فى الحب هو نفس الحب الى تكلمو عنو ناس قيس وليلي وعنتروعبلة
يكفي الاغنية البتقول حليل الغرام ايامه ما ولت حليل لبنة يوم عن قيسها ما تخلت
وللا الحب بقى زيو وذى السلع اليومين دى؟
الزمن زمن مصالح يا اخوي الحب انتهي زمان
وتجربتك مع الحب حبيتى وحبوك صفى تجربتك ؟
اكيد ليه مالي ما بت ولا شنو يا ود بنعوف يهون الله لازم احب واتحبي وانا كانو البحبوني كتار جداً لكن للاسف لم اتزوج شخص حباني
بقولو البسمعمو لعثمان حسين كلهم تجربتهم فى الحب فاشلة انتى رايك شنو ؟
فعلاً وانا من معجبين عثمان حسين
نخش شوية فى الاغانى
بتسمعى لمنو من الفنانين ؟
عثمان حسين وابن البادية وووردي وكمال ترباس
واى اغنية بتعيشي معاها بكل احاسيسك وليه ؟
يا ربيع الدنيا لانها اهداها لي شخص عزيزعلي قلبي ولكن القسمة شاءت ان اكون لغيره والان هو بالامارات وهو برضو ما زال يستمع الي هذه الاغنية واغنية غلطة لوردي وفات الاوان لابن البادية وما تهتموا للايام كمال ترباس
كيف مع الشواكيش ؟
انا بشوكش ما بشوكشوني عشان كده ما بعرف اثرها شنو
جاك شاكوش وللا اديتى شاكوش وليه ؟
اديت ولكن بقول ليس شاكوش ولكن القسمة وتأتي الرياح بما لا تشتهي السفن
سجلتى فى المنتدى لقيتو كيف ؟
والله وجدت فيه نفسي يعني اكيد تمام وكل شيء علي ما يرام
ناس اعجبوك فيه سبب الاعجاب؟
كثيرين وربما يكون كلهم لكتابتهم ومواضعهم المميزة واسلوبهم الراقي
وناس عايزة تديهم نصيحة وليه ؟
عايزة ادي النصيحة دي لكل اعضاء المنتدي لان الاحسان هو البفضل لينا في حياتنا وبعد موتنا والعمل الطيب وربنا يحسن الاعمال والنصيحة هي :اوريك طبك احسن فمن عاداك ومن يحبك
المواضيع فى المنتدى مفيدة وللا فيها مواضيع ما ليها فايدة؟
والله مفيدة انا اي موضوع دخلته كان مفيد بالنسبة لي لكن ما بعرف راي الاخرين
ادوك وسام التواصل شعورك شنو لما جاتك رسالة من الكنترول قبل ما تفتحيها ؟
اكيد شعوري كان فرح وابتهاج
وبعد فتحتى الرسالة ولقيتيها تهنئية بالوسام الشعور كان كيف ؟
انت مالك بتسل السؤال مرتين ما خلاص
نظرة المجتمع للمراة المطلقة سلبية تفتكرى ليه ؟
المجتمع منقسم الي اقسا م فيه البنظر ليها نظرة زولة مرفوضة ومنهم البحن وبعطف عليها ومنهم البفهماها ولكن كله ما مهم المهم هي تكون شخصية قوية وما تستسلم للفشل ولو ما الفشل ما كان النجاح وانا مرت بهذه المرحلة والحمد لله
عضو بتعجبي بمواضيعو هل تعتقدى انه الكلام البقولو فى المواضيع على الطبيعة نفسها وللا فى اختلاف ؟
والله انا الاعضاء القابلتهم كلهم نفس كتابتهم نفس شخصياتهم هي هي مافي اي اختلاف
مدن فى الخاطر وتتمنى انك تزوريها ؟
مدن كثيرة
انتى قريبة للاحداث هسي السودان بعد الانفصال فى تغير ملموس ؟
لاحدي الان لا
الحمدلله فى اتم الحال والصيام نعمة2/
ما هي وجبتك المفضلة في صنية رمضان
فى رمضان بفضل العصيدة باى ملاح ما فرقت حلومر بليلة عدس فوقن تمرات 3/
انت متزوج هل زوجتك الان معك في الغربة وبجهز ليك الافطار
للاسف رمضان دا ما معاى هنا فى الغربة العائلة كبيرة الحمدلله والاخوة السودانيين كتار اها بعزمونا الغالبية عزومات بس انا وزميلى بنعمل الفطور على حسب مرة انا اعمل العصيدة وهو الملاح والعكس بالعكس
4/اذا لم تكن معك فكيف بتجهز الافطار
الاجابة فى السوال رقم 3
5/في الغربة احسن اسرتك تكون معك ولالا ولماذا
الافضل الاسرة تكون فى اى مكان مرات الظروف والقوانيين حق بلد الغربة تمنع انهم يكون معاى
6/حبيت كم مرة قبل الزواج
الصراحة ما عرفت الحب الا بعد الزواج القبل الزواج دا اعجاب وتهيات بس اعجبت بواحدة
7/هل تزوجت من تحبها ولا لا واذا لا لماذا
اكيد احببتها قبل الزواج كنا مخطوبين لينا 6 سنوات اها فى الفترة دى حبتنى وحبيتها كان جنس كسير تلج وسهر ليالي وطقطق اصابعين والسهر هسي زاد زيادة 8/ماذا يعني لك الحب قبل الزواج وبعد الزواج
على حسب تجربتى الحب الحقيقي بعد الزواج اذا الطرفين اتوهطو فى الواطة وختو النقاط فوق الحروف وكانو صريحين وانا اشوف الصراحة افضل تكون من ايام الخطوبة 9/ رايك شنو في الحب قبل الزواج
الحب اذا كان مبنى على الصراحة واى واحد تفهم التانى بكون حلو والحب ياهو الحب قبل الزواج او بعده10/
ماهو الحب الصحيح قبل الزواج ولا بعد الزواج بعد الزواج 11/
لو خيروك تختار الاتي حبيبة من المنتدي من تكون
الهنية البترضى بوضعى
12/اخت من المنتدي من تكون
انتى نبرة فرح محسية دريم ليدى بت السرف ام صبا بت هندسة بت السقاى احسان دعد بطة ريانه امام القائمة تطول ودا مثال فقط13/
صديقة من تكون
نفس الشخصيات الفوق وجميع العضوات انا طماع ما برضى باخت واحدة 14/
ارقي عضوة بالمنتدي
لو ذكرت واحدة اخاف القية تزعل
15/ اوسم عضو
انا ما قابلت اعضاء كتار بس الصراحة ودالزوحي وفارماس
16/اكثر عضو وعضوة مشاكسين بالمنتدي
العضو المشاكس فارماس والعضوة بت السقاى
17/اكثر اعضاء ملتزمين بالمنتدي
ودالزوحي بعد الزمن
18/رايك في دكتور صلاح مؤسس المنتدي
دكتور صلاح له الفضل فى لمتنا هنا من جميع الجنسيات
19/رايك في الاعضاء الجدد
الاعضاء الجدد اكيد عطا للمنتدى وتنشيطه ومنتظر منهم اثرا المنتدى بالجديد 20
رايك في الاستاذ احمديس
عمود من اعمدة المنتدى ومحبوب من الكل
21/الكنترول 9 ود ولا بت
رايك في العضوة الهنوف ومحسية ونبرة فرح وام اواب وبت السرف والعضو الضراع وماذا يعني لك
الهنوف محبوبة من الكل واثبتت وجودها بيننا وتعطى دون انتظار شكر محسية شخصية قوية وتقول رايها بكل صراحة ونبرة فرح تزرع الفرح فى ارجاء المنتدى ام اواب عضوة متميزة بس غيابها كتير بت السرف دخلت فى المنتدى بقوة بس بتكتب لمنو ما عارف الضراع يحمل الكتير بس كتير الغياب
الي اللقاء في المقابلة الجاية
معنى كدا انك حنكوشة صحيح وللا لا ؟ والله الوقت داك حتي اسم حناكش ما كان جاء ولا بنعرفه لكن دي طفولتي وناس الديوم كنا كده
الزول الحبيتو وحبابك ليه اديتيه شاكوش موش انتي بتامنى بالحب قبل الزواج ؟
انا ما بامن بالحب قبل الزواج امكن تكون ايام طيش دي كانت في المرحلة الثانوية الشخص الحباني وكان بتمناني العمر كله تزوجته الان بعد ما انفصلت من والد عبده لكن صدقني ما كنت بحبه بس هو كان في اعتقاده انه زول بحبه الله عشان كده شاءالله ان يتزوج من المراة الحباها عمره كله وانا رضيت بالقسمه لي ربي
نفهم الحب سهر وهيام وحاليا مكالمات اخر الليل دا حب الزمن دا ؟
انا ما بعرف لكن المفترض اي بنت ولا ولد ما يضيعوا زمنهم في الفاضي حب واكل اسكريم وفي النهاية الم وبكاء وفراق اي بت حبت ولد تضع النقاط في الحروف وتحسم امورها علي طول زواج او فراق واهون الفراق من الاول قبل الفاس تقع في الراس
البت من تصل عمر 25 سنة ليه بتقول قطرنا فات وغناينا مات ليه؟
فعلاً اذا لم يتقدم شخص لخطوبتها بتحس بكده لان مجتمعنا لا يرحم ولا يفهم قسمة رب العالمين والزواج قسمة ذي الموت ما معروف متي يكون ومن من
ايهما افضل الزواج فى سن مبكرة من 18سنة وللا بعد عمر 22 سنة ؟
ما سمعتي مثل اهلنا الشوايقة البقول سمح المهلة وولاداة الجهل بالمناسبة انا ما شايقية لكن ربينا معهم واختي متزوجة شايقي وعندها منه 6 اطفال
عبدو الصغير بتختارى ليه انتى طريقه وللا بتخليه يختار هو ؟
علي انا اوريه الصاح والغلط وهو يعمل العايزه عشان يرتكز علي نفسه ولا يحتاج لااحد والظروف ما معروفة البحصل شنو لقدام
الحمد لله انتهينا ولا لسة في اسئلة يا ود بنعوف[/color]
اى حزب سياسي ؟
انا ما بنتمي الي اي حزب سياسي ولكن لو خيروني بختار (موتمر وطني)
الاحزاب السياسية قدمت شنو للسودان ؟
والله كثير واي حكم فيه اجابيات وفيه سلبيات
الاوان الاخيرة بتكلمو عن تطبيق الشريعة الاسلامية هل تقدر تطبق فى السودان ؟
الشريعة هي التزام وانا ملتزمة والحمد لله
لو مسكوك وزارة المالية والاقتصاد الوطنى القرارات الى ح تتخديها شنو ؟
اول شي ازيد مرتبات العاملين
السودان بيه موارد هايلة هل استخدمت فى المسار الصحيح ؟
مالك يا ود الناس علي انا لا افقهي شي ء عن ما تتحدث
الخرطوم هى العاصمة والعاصمة هى الواجه للدولة البنقصها شنو ؟
انت لما ترجع بالسلامة
امال والصيام كيف لحدى الان
الحمد لله علي ما يرام
وصفى لينا يومك فى رمضان ؟
برجع من المكتب الساعة ثلاثة واتفرج علي التلفزيون لاحدي الساعة الخامسة وبعده بدخل المطبخ والباقي معروف
طقوس الزواج السيرة وقطع الرحط اوصفيهم لينا
الزواج ببداء بالتعارف وفتح الخشم وبعده عقد القران وتحديد يوم الزفاف وسد المال وتعليم العروس والحنة ودق الريحة ويوم الزفاف يقام الحفل اذ كانت بالنادي تذهب الناس لمحل اقامة الحفل ويذهب العريس لياتي بعروسه من الكوافير ومن هنالك يذهبوا الي الصورة وبعده الي النادي بعد نهاية الحفل يرجع الجميع لقطع الرحت والجرتق ورقيص العروس زمان كان في الصبحية في اليوم الثاني ولكن هسي من قطع الرحت وطيران علي الفندق او الشقة ما بعرف لاحقين شنو ولا شنو الحايفتون
تعرفي شنو عن ديل
شليل ام كواعية الرمة وحراسة وضب العصب وشدة ودش الميس
اناما بعرف فيهم غير شليل دي لعبة كنا بنلعبها في ايام الطفولة
اين تجدين نفسك
وسط لمة الناس وللا على ضفاف النيل ؟
علي ضفاف النيل انا بحب الرومانسية والجوالهادي والماء والخضرة
مشيتى وين فى السودان ؟
بلاد كتيرة
ادينا نبذة عن قبيلة الكواهلة العادات والتقاليد ( طبعا من الدراسة من كتب قريتيها )
كتب قريتيها ماذا اضافت لك ؟
يا ود هووووووووو انا الكواهلة بسمعي بيهم فقط لا افقهي شي عنهم
[
