مامدى اتساع علاقاتك بالاخوة والاصدقاء في منتدى انا سوداني؟؟؟ هل تمتد خارجا ام تنتهي بمجرد تسجيل خروج؟؟
فوووووووق ما تتخيلي .. علاقاتي جميلة والحمد لله
من مصادر قوية ...سمعنا ان اقرب اصدقاءك في انا سوداني .....اختنا ريانة امام......اها؟؟
فعلا .. هي من المقربين " هي وختيبها كمان "
مارأيك في الاخت ريانة....كتاباتها .....قلمها فكرها ,,,,,شخصيتها؟؟
طبعا لا شك إنها تملك قلم نادر الأفكار والتعبير ومتمكنة بمعنى الكلمة .. بس عيبها ما بتكتب كتير ,, شخصيتها حبوبة وظريفة , ورباطابية مرات كده
وووووووو حاجات حلوة كتيرة
علاقتك ببكور.....صداقة ام قدوة.....والماعندو كبير يشتريليو كبير؟؟؟؟
صديقي وحبيبي , بس أنا أكبر منه , عشان كده مشتريني .. وأنا برضو دافع فيهو وكده يعني
سؤال كده ... لو عمل معاك شخص موقف كده اغضبك شديد الغضب
وممكن يكون كلفك ..بهدر مشاعر او هدر اي حاجه غاليه عليك هل بتفكر تنتقم
او ترد اعتبارك بشكل ما وليه ؟؟
شوفي أنا صراحة بفوت كتير .. مرة واتنين وثلاثة
وطيب لأبعد الحدود , بس يوم أقوم ويفيض بي الكيل
أعوز بالله من نفسي اللحظة ديك " بكون ما أنا عديل كده "
ماذا تعني لك كلمة نجاح ...
النجاح أن اصل أو أحقق , شئ من طموحي
قلت انو احلى ذكريات في حياتك هي فتره الخدمه الوطنيه باختصار ...حابه تحكي لينا احلى يوم
مر بيك اثناء اداء الخدمه حصل فيه شنو ... ومتى كان اسوأ يوم ...
الايام الحلوة كتيرة في الخدمة الوطنية .. وبالرغم من ذلك أحلى يوم كان يوم خلصت منها
وأسواء يوم .. يوم ضربة كسلا بواسطة المتمردين والفزع والرعب العاشتو المدينة في ساعتها
بمناسبه الخدمه الوطنيه ....رايك فيها شنو من حيث الاهميه ؟؟
أعتقد إنو أهميتها في ازكاء روح الوطنية في الجميع
" بس مفروض تكون في البلدان المستقرة " لانو تجييش شعب كامل في بلد يعاني من انقسامات وحروب
مشكلة كبيرة
ولو اصبحت مسؤل عن تنظيمها في يوم من الايام ؟؟شنو التغيرات الحتعملها فيها ؟؟
أكيد حالقيها خالص .. لأنو في السودان اثبتت فشلها
وماهو اسوأ قانون من قوانينها في نظرك ؟؟
أولا : تجنيد المرأة .. والطلاب
ثانيا : قانون استيعاب مؤديي الخدمة الوطنية في الجيش النظامي