كم سؤال كده على الطاير للاخ waya
عرف نفسك قى اربع سطور ؟
ماذا يعنى لك waya ؟ ولماذا سميت هذا الاسم ؟
هل انت انسان راضى عن نفسك ؟
بس اسئلة خفيفة علشان انت صايم
لكن لى عودة
تحيااااااااتى
يا سلاااااام .. ما أحلى القهوة في هذا المكان
أولا اشكر الأخ ودابنعوف على البوست الرائع وضوفه المميزين
وأشكر الغالية " محسية " على الفنجان السادة سكيتو وبعد هروبها المقنن
وان شاء الله نردها ليك في بوستات أًخر ..
اممممم
1- ويــّا .. انسان بسيط .. محب للناس والخير .. عرك الدنيا .. وجاراها صبراً
2- ويـّا شخصية تحمل جوانبي المحببة " المرح .. العفوية .. الانفتاح .. الرومانسية .. الخ "
والتسمية أصلا : هي كلمة تعجب واستعجاب بالأشياء الجميلة كنت كثيرا ما أرددها .. فصارت لقباً
3- الرضا درجات .. تزيد وتنقص , حسب الأحداث والأشياء المحيطة " والحمد لله أجد الرضا في جوانب كثيرة من حياتي "
ليست صدمات .. وإنما مواقف أثرت فعليا على حياتي , بعضها للأفضل , والبعض بحاول اتناساه
متى تكـــون شخص حنـــون ؟
عندما أتعامل مع الإنسانية الحقة في دواخل الآخرين .. وأفهم الشخص الذي أمامي
" وبيني وبينك كده يعني .. طبعي حنين "
ومتى تكـــون قـــاسي ؟
عند الغضب والضرورة .. وفي بعض المواقف , الإضطرار
إحساسك عندما تشعر بأن الشخص الذي أمامك لم يفهمك ؟
اممممم .. اقرب أشد باقي شعيراتي ديل " دي أكثر شئ بيضايقني في الزول " والمصيبة بتحصل كتير
ماذا تعني لكِ أبتسامة الطفل ؟
[sor1]إشراقة صبح جديد .. انشراح .. تفاؤل .. فرح .. " حاجة هللللللوة يعني "[/sor1]
ما هو دور الشيخ ابو وردة فى حياتك ؟؟
شيخي وملجئي .. وسندي وعضدي .. ومرات حيطتي المايلة ذاتو
" ده شيخ حليفة ساااي "
هواياتك والتي تمارسها وقت الفراغ..؟؟؟
حاليا الأنترنت .. وخلف الرجول في القهوة
ماهو معني الحب ؟
ده تجيبي كمية من الدفاتر والأقلام عشان أحاول أوصل معنى الحب
وباختصار كده هو " الحياة "
من هو الصديق من منظورك ومالفرق بينه وبين الحبيب ..؟
الصديق درجة مختلفة من الحب وإن كان أقل في المشاعر , بس أعلى في جوانب أخرى بالذات في الصراحة والمكاشفة بالعيوب والأريحية الزائدة وقلة التوتر في المعاملة والحذر والخ ..
وايااا لو طلبت منك تهدينى بيت شعر تقول شنو ؟؟؟
ولى عودة
لايعرف الحزن إلا كل من عشقا وليس من قال إني عاشق صدقا
للعاشقين نحول يعرفون به من طول ما حالفوا الأحـزان والأرقا
و الله يا ادروب يا اخوى عايز اسعلك لكن كلها حسحاسه كده الاسعله دى
بعد هساسه .. بتسعل مالك , شايفني دواء شراب
كدى جاوب على ديل :- اهااااا
العرس ؟؟ (و ما تقول لى مالو )
العرس ده مش عايز ترتيب .. وتظبيط ,, يعني مثلا أول شئ تنتهي من إلتزاماتك الأسرية الأخرى
ودي شئ لسه ما حصلت معاي .. حتى بعدين أفكر في الأمورة اللذيذونة السارقه قلبي بي نظرة عيونه
وبس
حاجه فاقدها فى رمضان هنا من السودان ( طبعا غير لمه الاهل و الاصحاب )
والله فاقد الحلو مر والأكلات السودانية "وعلبة برنجي "
ما رايك فى ما حصل فى التحرير امس و فض المظاهرات بالقوه ؟؟؟
ما عندي أي خبر " سياسة دي حقت عجائز "
صراحة الأخوة المصريين محبكنها شوية .. لاقين حكومة مافي ومتغرين بالثورة الأنجزوها
بدل ما يتلفتو للتصليح ويسيبو الحكومة الحالية تدير مصالح البلد , متدخلين في كل صغيرة وكبيرة وده المعطلهم لغاية دلوقتي , بس بيني وبينك .. الجيش شكلو زهج , وبعد ده حيستعمل القوة لحفظ البلد من الانهيار .. وطنطاوي ده لو ما حكيم " كان حصلت مجازر " غايتو دعواتنا ربنا يصلح الحال ويهدي الجميع لما فيه الخير
الغالي والحبيب وايا
نشكرك على استجابتك ولنا عظيم الشرف ان نتقهوى فى حضرتك ونغوص فى اعماااقك
يا هلا بيك
وان شاء الله القهوة تطيب لك معنا
وصيام مقبول ان شاء الله
وايا الشاعر المرهف الحس.....كلماتك بتنساب برقة للاعماق......ماعلاقتك بالشعر والخواطر....؟؟
أعتقد لكل منا في دواخله كميات متفاوته من الأحاسيس المرهفة .. هناك من يستطيع اخراجها ويعبر عنها بالكلمات أكثر من غيره .. " الشعر والخواطر , عالم يمتلك احساسي "
وايا في مصر.......وازن لنا من واقع معايشتك ....الطموح مع ماتم الوصول اليه؟؟؟
مصر بالنسبة للشباب السوداني أرض معبر أو إنطلاق
معبر : بوابة للهجرة الخارجية " بالذات لاروبا
إنطلاق : بالنسبة للدراسة وكده
بصفة شخصية .. كانت رض إنطلاق في فترة ما ..
والآن .. محطة إنتظار , على أمل الانطلاق لجهة أخرى أجد فيها بعض من الطموح المنشود
مارأيك في منتدانا الجميل بصراحة......وماهي العيوب والثغرات التي تلحظها؟؟
وراجعة من تاني
المنتدى .. دوما .. أقل ما يوصف به الروعة لتفرده بأعضاء متميزين ومعطاءين
والمنتدى في حد ذاته لا أجد فيه عيوب , وربما ما أراه عيب هو نقطة تميز
يعني مثلا استايل المنتدى ثابت بدون تغيير ما عدا تغييرات شكلية بسيطة في الهيدر
فريد مصطفى
الميلاد والسكن والمراحل الدراسية حتى الخدمة الالزامية : كسلا
الدراسة الجامعية : مصر " الأمريكية , اكاديمية الدلتا , معهد القاهرة لللاسلكي , اكاديمية a.c.a "
ادارة اعمال , حاسوب , هندسة راديو , فندقة , سكرتاريا , وكمية كده من الكورسات " ما شاء الله
الوظيفة : مدير إداري في " المتعلم + abc&a للوكالات والاستشارات والخدمات التعليمية "
الحالة الاجتماعية : عازب والحمد لله
انت فوزت بالمسابقة الشعرية
صف لنا شعورك بالفوز والتكريم من الادارة ؟
صراحة المنتدى يمتاز بشعراء مخضرمين .. بس أنا كان إختياري موفق للقصيدة
وحتى الآن شعوري حلو " لدرجة إني خايف اشارك في المسابقة من تاني وأفقد الاحساس ده "
ماذا اضاف لك المنتدى ؟
أبعاد أخرى من الفهم والتعامل والمعرفة
انت تكتب خواطر وشعر فى وقت معين لذلك ؟
يعني حسب الحالة النفسية " يعني بالمزاج وكده "
فى خواطرك فى نوع من الحزن ما هو السبب ؟
دائما كتابة الانسان بتعكس أشياء في دواخله .. وأكيد الحزن موجود
" وبمنتهى الصراحة , أعتقد إني حساس شوية وبتأثر شديد بالأحداث من حولي "
وأهو الدنيا والظروف ما مقصرة , مدياني سبب للشعور ده
اعضاء تتمنى ان تقابلهم وجه لوجه ؟
ييييك .. كتار والله ,, كل الرواكيب القدام فجر واسامة واسبانش وأنتا وفارماس وهندسسسه ود الزوحي والشمّالي والأصيل ومهاجر ونهاد وجاسمينا ونهر المحبة وملاك الورد والماسة ونون ودريم وبت السرف ومها وعمك صلاح .. صراحة مناي اقابل كل الأعضاء ومن ذكرتهم مجرد مثال
طموحات واهداف تتمنى ان تحققها ؟
مستقبل جميل يساعد على الاستقرار ورآحة البال
وأسرة تزيد الاستقرار وتحافظ علي رآحة البال
رايك شنو فى المصرين اللى عملوا فى الرئيس النهارده فى المحكمة ؟ هل انت مع ولا ضد محاكمة الرئيس المصرى ؟
هل من الممكن الشعب السودانى يعمل ثورة ويحاكم رئيس زى ما عملوا المصرييين فى رئيسهم ؟
لى عودة
تحياااااااااااتى
[align=center]اهلا وايا
رمضان كريم..
تصوم وتفطر على الف خير..
عندى كم سؤال كدة على الماش..
وايا ..من هو وايا ..وماذا يريد وايا من الدنيا دى ؟؟
ماهى رغبة وايا ..وامنياته التى لم تتحقق؟
وما الذى حققه وايا ..ويشعر بالرضا من تحقيقه؟
هل يوجد قصة حب فى حياة وايا؟؟
اذا فى ..احكى عن الانسانة الانت مرتبط بها؟
واذا مافى ..ماهى مواصفات الانسانة البتتمنى ترتبط بها؟
من كلام محسية عنك ....
( وايااا
انسان رومانسى وحساس جدا عيبه انه بتاع جكس )
يعنى ايه بتاع جكس؟؟
وضح وبى اسهاب لو سمحت...[/align][/b][/i][/size]
[align=center]خلى لى معاك جبنة لما ارجع ليك ..سكر خفيف ماتنسى[/align][/i][/size].