رجعته ليـــك المره دي بي اسئلة بتورينا طريقة تفكيرك انشطاين كان بشف مني
ما تنسى عااااوزين الحقيقه ولا شئ غير الحقيقه ( انا كمان كانو عاوزيني اقدم برنامج لحظــة الحقيقه لكن رفضت وجابو بدالي الممثل عباس النوري ) والحقيقه تبين علي وجهي فيتوهج حقيقه
يلا نبدأ بسم الله اتوكلنا عليك
71- هل عندك استعداد لما تتزوج تساعد زوجتك في امور البيت وامور اطفالكم ( الطبيخ - الكوي - التنضيف ....)؟؟ ايوه ,,, علي القسم شفتهم بي عيني دي رجال حصلوا مراتب علميه عاليه ومناصب رفيعه ,, والله شفتهم بقعدوا في الواطة دي وبطيخو وبرتبوا امورهم ,,, يا بتي الحياة دي فيها شنو غير شراكة وتفاهم وكلنا مخلوقين من طين
72- هل بتفضل أنو تكون زوجتك المستقبليه امرأه عامله ؟؟ او بتفضل انها تكون ربة منزل؟؟
و شنو السبب ؟؟ ربة منزل اكيد ,,, عشان تتفرغ لتربيه الاولاد لانو عملها في البيت اهم من عملها في المؤسسات عشان تطلع قروش ,,, اهم تطلع اولاد صالحين ومتربين صح ,,, ولأ تطلع قروش ؟؟
73- هل تحكم على اي بنت من ملابسها ؟؟ وماهو حد الحشمة عندك...؟؟؟؟ اكييييييد ولبسها بعكس تربيتها والبيت الطالعه منو ... وحد الحشمه معروووووف
74- كم مرة تنازلت عن مبادئك من اجل انثى؟؟ والسبب شنو ؟؟ (جاوب بصراحة ) ولا مره
75- شنو الكلمة البتوتر البنت بنظرك؟؟ الهنان والهبكانيات
76- هل بترضى انو اختك الأصغر منك تكلم شباب على الجوال ( اصحابها في الجامعه ) ؟؟ والسبب شنو؟؟ ياخ انا اجاوب ليك كم مره ... انا اختي الصغيره لسا ما دخلت الجامعه وقولت ليك انا واااااثق منها يا فرده دي رفارف قلبي ,,,
77- ما صفات الزوجة المثالية بنظرك؟؟ ربة بيت ناجحه ,,, طباااااخه ,,, ذات خلق ودين ,,, مره بتتصرف بي حكمه في الامور الاجتماعيه في حالة غيابي وامور اخري لايسع الوقت لذكرها
78- كم وحدة ممكن قلبك يحب ؟؟ وهل بِتُـأمن بالحب من اول نظرة ؟؟ الحب غريزه وعاطفه ربنا ادخلها في جوفك زي ما ادخل الغرائز التانيه ,,, زي الاكل والشرب والشوق ... الخ ,,, يعني من اول نظره السهم بتحكر في الجوف وبخليك تبلع في اللبان ,,, وقلبي ده ما كوز سبيل ايي زول يشرب منو ,,, مره واحده لا ثانيه لها
79- شنو رأيك بالخيانة وخصوصا اذا كانت من حبيبتك ؟؟ الخيانه من ابشع الكائنات التي تمشي علي مليون كراع ,,, والحمدلله ماجربتها
80- هل انت غيور على من تحب ؟؟ بالتاكيييييييد ولو ماغرت عليهو احسن اشوف لي قلب اصطناعي
81- كم مره بتشوف نفسك بالمراية قبل ما تطلع من البيت ؟؟ مالك علينا ياهنايه ,,, ان الله جميل يحب الجمال ,,, والناس كل ماشافوك بمظهر اجمل يكون افضل
82- لما تشوف شاب احلى منك بتغير منو ؟؟ هههههههههه ,,, انتي لسه مافهمتي عربي جزيره يعني شنو !!! يا بنت انا زول جزيره حر الوجاهه للاولاد مافي قاموسي ,,, انتي قايله والديني في ميامي ,,,
83- تسريحة شعرك كيف ؟؟ وهل بتحبذ انو الشاب يعتني بمظهرو ( يعني يخت جِلّ - يسوي سشوار في شعرو .. )؟؟ علي الجزيم لما تجي السودان اكان اسوقك الجزيره عشان تشوف الناس هناك كيف ,,, تسريحة شنو ؟؟؟ انتي دايره تكشفي حالي مالك ,,, واقول ليك كلام والله الليله طلعت من البيت وماسرحتو ,,, والمظهر مهم علي اساس النظافه في الوجه ما شكل التسريحه الي غيرو ...
84- شنو موقفك وقت تشوف ايميل حبيبتك عند صديقك المقرب ؟؟ لسه الحبيبه ما جات واصحابي ما بتعاملوا معاي كدا ,,, يا بنت نحن ناس جزييييييييييييره اجيبها ليك بالالياف الضوئيه عشان تسمعيها ,,
85- رأيك شنو في الأسئله دي ؟؟ زيك كده بث ~~~~~~~~~~~~~~~~~~~~~~~
يلا اشوفك في دفعه جديده تشوفي الهنا والايام السعيده[/align]
ملقبني في البيت بي شيف الحلويات لكن ما بحب اطبخ موالح ( والعجيب اني ما بحب آكل الحلويات وبحب آكل الموالح )
عبق في تعاملها مع الضيوف ؟؟
طبعا الضيوف حاله يوميــــه عندنا ( جزء من روتيني ) وأول ما يجينا ضيف بكون انا الرسبشن ( طبعا ما ممكن اخلي امي براها معاهم ) وكرهي الضيوف البقعدو بالساعات
عبق في حالة الزعل ؟؟
طبعا لما اكون زعلانه مافي واحد بيقدر يتكلم معاي ( لأني بنفعل بي سرعه )
عبق في المناسبات (طريقة اللبس ... الخ) ؟؟
لما يكون عندنا مناسبه بقعد اجهز ليها قبل ما تجي بي شهر ( من ناحية اللبس - طريقة الشعر - الإكسسوارات - ...الخ )
عبق في التعامل مع الغريب في حالة وجه ليك حديث ؟؟
وضح اكتـــــــر لأني ما فهمت قصدك
عبق في يومها ,, برنامجك اليومي ؟؟
في الإجازه بقوم من النوم الساعه 11 بصلي بعدين افطر وبقعد في المنتدى شويــه أو بقعد في التلفزيون ((( ماما مسجلاني معاها في دار كنت مداومه عليه في ايام المدرسه لكن في الإجازه يوم بمشي ويوم لا ...)))
المهم اذا قررت انو امشي للدار بتغدى وبعدين بقعد اتجهز وبطلع مع امي وبرجع الساعه 6 وفي الوقت ده يا بنطع يا بجونا ضيوف وبعدها بصلــي ا وبعدين بقعد في النت يا في التلفزيون والساعه 8 بمشي اتعشى واصلي وبمشي اكمل باقي وقتي في النت الي الساعه 5 الفجر بعدين بصلي وانوم
عبق ورغبتها الجامعية ؟؟
طموحي اني ادخل طب واتخصص جراحه.....الى الدكتوراه بعد داك بفكر في العرس
عبق واسلوب تفكيرها (بتميلي للتفكير في المستقبل) ؟؟
يــــــــــــــس
عبق ومواصفات زوجها ؟؟
حافظ القرآن - طولو يكون مناسب مع طولي - ما يكون اسمر شديد - رومنسي - متديـــن - حلوو
عبق هل تحلم في المنام بالزواج ؟؟؟ زي هنايه ديك ؟؟
ههههههههههههههههههه
انا اصلا احلامي كلها غريبه ( مثلا كنت في المريخ وفجأه القى نفسي في عطارد )
عبق هل هي مدمنة نت ؟؟
شديــــــــــــــــد
عبق والمواقع النت الاجتماعيه (هل تتعاملي بحزر معها ؟؟) ؟؟
وضح ما فهمته
عبق تفضل الافلام الاجنبيه ام العربيه ؟؟
الأجنبيــــه وبذات الكوريــه
عبق واسلوبها مع الحبيب (طريقة علاقتك معاهو حاتكون كيف ؟؟) ؟؟
لما احب بعديـــن بجي اوريكم كيف بتعامل معاه
عبق ماذا تعرف عن التقاليد السودانيه ؟؟
انت اسألني عن التقليد وانا بوريك بعرفو ولا لا
عبق وحالة الاسره المادية (ممتاز ؟؟ جيد ؟؟ ضعيف دي ماف لانكم مغتربين وكدا) ؟؟
86- .هل ممكن تتزوج وحد اتعرفت عليها عن طريق الإنترنت ؟؟ ممكن ليه لأ ... النت وسيله للتواصل واكتساب المعرفه وخلف الشاشه دي في انسان زيي وبضغط علي لوحة المفاتيح زي ما انا بضغط
87- هل بتجذبك الفتاة البتخت مكياج ؟؟ انا زول اسراني سماحةً قاسية ,,,
بنت البلد السابته وراسية ,,,
سماح التاية الماهو ملفق وماهو مزين بي كريمات
88- ( البنت الخجوله - البنت الهادئه - البنت الضحوكه - البنت الرومانسيه ) اي بنت فيهم بتجذبك اكتر ؟؟ جـــــــــــــــت ... كولهن يعني ولو في طريقه زيديهن
89- بتقبل تتزوج انثى غيـر سودانيـــه ؟؟ والله الديجيتال ده ما خلأ حاجه ,,, وعرفنا علي ثقافات كتيره ,,, بس انا سوداني حتي النخاع
90- ما رأيك في البنت البتتكلم مع الشباب في الماسنجر ؟؟ نوع الكلام شنو ؟؟؟ ممكن تتكلم بس في حدووود ويكون زول فاهم وواثقه منو
91- ما رأيك في الحب من طرف واحد? عداله نهي يعني ؟ كدا الميزان برجح وما بتكون في لذاذه وانجزاب واشواق وهنانات
92- شعورك شنو لما ترفضك بنت بتحبها شديد شديد ؟؟ الخلقها خلق غيرها ,,, والبفتش سكة يسيبنا ,, نحن نفتش قبلو درووووووب
93- بتعتبر نفسك قد المسؤوليــه ؟؟ جيتي في محلي ... لو ما قدر المسؤليه قااااعد في الخرطوم وانا اصلاً مأجز وافتش لي شغل الشقاوه عشان اطلع حق سكني وبعض مصاريفي وكسوتي ؟؟ وانا اصلاً مرتاح واسرتي مرتاحه والحمدلله !!!
94- تعاملك مع البنات بكون كيف ( اختار يا قاسي يا لطيـــف ) ؟؟ ظرافه ولطافه وضحك وبعض الجديه مع البنات المابحبن الضحك ,,, بنات اهلي طبعاً
95- انت عصبي ولا هادي ولا شنو بالضبط ؟؟ هاااااااادي بالجد وما بتعصب الي في حاجات نادر ماتحصل لي
96- بتفضل الزواج من (( الأقارب )) او غير (( الأقارب )) ؟؟ كلو عندي واحد بس الاهم التفاهم والتناغم وتبادل المشاعر والكلمات الرقيقه واسألتك دي بتخلي عويناتي ديل عوينات شافع ود يومين عليك الله اختي مرض حامد ده
97- طريقتك في التخلص من الحزن هي شنو ؟؟ الكتاااااااااابه وبخلي الورقه في المحل الكتبت فيهو واذا كانت رساله في الجوال بمسحها لانو دي مذكراتي بعتبارها ولو شفتيها بتكشفي حالي ودااااااايماً بكون قاعد مع نفسي
98- شنو الحاجه الما بتعجبك في نفسك ( ظاهرا وباطنا) ؟؟ الامام الشافعي قال :
اذا كنت ذا قلب قنوع ,,, فأنت ومالك الدنيا سواء
وقلبي تكسوه القناعه والحمدلله
99-رايك شنو في مقولة ( الحب والحزن توأمان ) ؟؟ جربت الحزن بس ما جربت الحب عشان احكم
99- ممكن انك تحب وحده ما شفتها ؟؟ صعبه دي وممكن تكون مستحيلها لانو عندي موضوع ممكن ترجعي ليهو اسمو (مواسير الحب بالتلفون)
100- لو عرفت انو في بنت تتمنى انها تتزوجك حتعمل شنو ؟؟ والله وربنا وحدو العالم انو قالتها لي واحده في وشي خلتني ليك اتلفت زي حرامي النعلات بس سمعتها ليك كلام بقت قدر ما تشوفني دميعاتها يجرن ... اختيار شريك الحياة داير تركيز وفحص دقيق شديييد
.101- تعاملك بكون كيـــف مع الشخصيه الحساسه ؟؟ انا حساس اكتر منها ... وبندوب في الحساسيه سوا
102- قول لينا بصراحه طبايعك السيئه في شخصيتك ؟؟ مجااااااااااامل لي درجة بتخليني الغي كتيييير من الحاجات المهمه عشان اجامل
103- .رايك شنو في الرجل الحساس ( يعني ببكي لما يزعل ) ؟؟ ببكي لما يزعل ده ما لاقاني ,, ولو لاقاني بديهو مناديل
104- كيف بتكون لما تعصب ؟؟ الله لا وراك ,,, بشوف القدامي سبعه سبعه وضربتي واااااحده ما بتجلي وعلي الجزيم اقشطك كف تقولي قشطني محمد علي كلاي (بس ناااااااااادر ما ازعل )
105- بنظرك البنت الما بتعرف تطبخ هل بتصلح تكون زوجه ؟؟ لا لا لا لا انا شخصيا اول حاجه بدخلها ليك معاينات لو نجحت اوكي لو ما نجحت الباب بيمرق فيل ... انا حياتي كلها معديها عزابي وفي اخر النهايه اتزوج لي واحده ما بتعرف تطبخ
~~~~~~~~~~~~~~~~~~~~~~~~~~~~~~ ~~~~
جاوب وبجيــك بي قنابل تاني
اليوم 01:24 جاوبت ... الدور عليك يا المنططه عينيك
لما اخــتي ضيعت التأشيره وهي في السودان وقالو لي انها ماممكن تجي السعوديــه تاني
شخص لاترفضي له طلبا ..؟؟
امي وابوي
ماهي التجربه التي تتمني تكرارها ...؟؟
حفلة زواج صحبـــتي
من هو توأم روحك ...؟؟
لســه ما قابلتو
ماهو اكثر شئ تخشيه...؟؟
يــوم القيامه
مالذي يشعرك بأكثر قدر من الحرج...؟؟
لما تسألني عن الهنانات ع قولتك
ولما واحد يمدحنـــي
قصتك شنو مع الكوريين ؟؟
طبعا الكوريين عشقي الأبدي
انت تابع القناتين ديل وحتحبهم كمان
قناة (KBS WORLD ) وقناة ( korea tv )
هل عندك احساس انك تبوري ؟؟؟ (بي مواصفاتك القبيل دي بورتك لا اكلت لا شربت)
ههههههههههههههههههههههههههههه
شنو السؤال ده
طبعا لا ( وبعدين المواصفات الكتبتها فيها شنو )
لكن بيني وبينك مما جيت المنتدى ده بقيت اخاف ( ده كلو بي سبب دريــمو )
ممكن ارتبط بي شخص فقير اذا حبيتو يعني ما يكون زواج تقليدي لا بيعرفني لا بعرفو
وبعدين بنكون نفسنا مع بعض
لو لاقيتي ليك شخص اعمي وقال ليك وصفي لي الحياة حتوصفيها ليهو كيف ؟؟
الحياة زي النهر ما بتقدر تلمس الماء نفسو مرتين عشان كدا استمتع بكل لحظه في حياتك
وبرضو الحياه زي كرتونة الطماطم ما بتعرف الطماطمة الكعبه الا لما تجربها وبعدين تجرب طماطم تانيه تطلع كويـسه ( الحياة مفاجئات )
هل تبكي علي موت شخص جرحك ؟؟
طبعا اكيـــد انا ما قلبي قاسي للدرجه دي
كم مره تسامحي ؟؟
بسامح لما القى انو العذر بيتصدق حتى لو غلط الشخص معاي الف مره
لو شفت امك بتبكي وانتي ماعارفه الموضوع حاتعملي شنو ؟؟
بمشي اسأل اخوي ( هو شمشار البيت )
بعدين انت مالك على امي
اول محل حاتزوريها وين لما تجي السودان ؟؟
والله ما عارفه
لكن سمعت انو اسمح محل في السودان عفراء مول
114- مقولة ( قلب الرجل في معدته ) صح بالنسبه لك ؟؟ والسبب ؟؟
115- بتحب اي ماده لما كنت في المدرسه ؟؟
116- هل تخصصك رغبه شخصيه ولا في سبب تاني ؟؟
117- قرار استعجلت فيــه بعدين ندمت ؟؟
118- اكثــر حاجه بتحرجك شنو ؟؟
119- لو رجع الزمن لورا شنو الحاجه الي نفسك تسويها ؟؟
120- ملحوظه لاحظتها على عضو من الاعضاء شنو هي ؟؟ ومنو العضو ؟؟
121- شيء حصلك غير مجرى حياتك ؟؟
22- كلمة تتمنى تسمعها كل يوم ؟؟
- قبل كده قلت انو اذا بنت قالت ليك عاوزه تتزوجك بترفض قول لينا السبب ؟؟
124- لما تمشي في الجامعه في بنات بعلقو فيك ( زي عاينو العسل الجاي ده ) ؟؟
125- في بنت قالت ليك انها معجبـــه فيك ؟؟
126- حصل رسبت في ماده ( في ايام المدرسه وفي الجامعه )؟؟ والماده هي شنو ؟؟ والسبب شنو ؟؟
127- حصل واحد لحقك في الشارع عاوز يضربك ؟؟
128- شنو المدن الزرتها ؟؟
129- طموحك تشتغل في اي بلد ؟؟
130- لو حبيـــت بنت وطلبت يدها للزواج ووافقت وبعد ما اتزوجتو اكتشفت انها ما بتعرف تطبخ الأكلات السودانيه بس طباخه شديد في الأكلات التانيــه حتعمل شنو ؟؟
( بدون ذكر اسماء احســـن ) 
- قبل كده قلت انو اذا بنت قالت ليك عاوزه تتزوجك بترفض قول لينا السبب ؟؟ 
