41 – [align=center]وريني معنى الكلمات دي لكن بدووون غش ( كلمات سعوديه كاااااااااااااااك ) ده شنو يا البخيته ,,, انا مالي ومال السعوديه ,, انا سوداني والراس مرفوع حتي قردنتني حاجه في راسي ظنيتها دي السحابه ,, مالي ومال محن الناس انا في الجنسيه مكتوب سوداني بالميلاااااااد وسودنتي عارف عنها ايي حاجه ... خليك سودانيه ومصطلحاتك سودانيه لانو ماف زول زييك في الطيبه والكرم والنخوه والشهامه انتي سودانيه بنتدخلي اصبعك ده في عين اكبر كبير
نحن اولاد بلد نقعد نقوم علي كيفنا ** فينا كتييير في العدم دايماً مخدر صيفنا
نحن الخرج بنملاهو وبنكرم ضيفنا ** ونحن الفي رقاب الناس مجرب سيفنا
شخص يصلي صلاه واجبه ويصوم صيام واجب وخلفه تصلي زوجته فالتفت يمين فبطلت صلاته
والتفت يسار وبطل صيامه والتفت على زوجته في الخلف فحرمت عليه زوجته
السؤال / 1- ماهي الصلاه التي يصليها ؟؟ صلاة الفجر
2 - لماذا بطلت صلآته ؟؟ لانه شاف مويه وهو كان متيمم
3 - لماذا بطل صيامه ؟؟ لانو راى هلال شوال وهو يحسب الشهر كامل لما سلم على يسارو
4 - لماذا حرمت عليه زوجته ؟؟
لانو شاف زوجها وهو قايلو استشهد في الجهاد فحرمت عليه وردت الي زوجها الاول شرعاً
~~~~~~~~~~~~~~~~~~~~~~~
بجيك تااااني يا غوريلا هع هع هع الا الاسئله انا قالوا لي تعال قدم برنامج من سيربح المليون بس رفضه لانو عندي شويه مشاغل قام قدمو جورج ود قرداحي [/align]
عرفينا علي عبق شكلا في سطور (الطول العرض الوزن ..الخ) ؟؟
كلمة الحــــــــــــــب ماذا تعني لعبق ؟؟
الحب كتجربه ... هل تقاسم قلبك هذا الشعور مع احدهم ؟؟
لو خيروك بين الحب والصداقه فايهما تختاري ؟؟
احببته لدرجة الجنون فكنتما كفراشتين لا يهدأ لهما جناع ,, بلبلان تغردان في الافياء بكل مكان .. وتم الاتفاق علي كل شيئ حتي شكل فستان الزفاف .. وفجأ وبالصدفه وجدته جالساً مع حسناء وامامهما ,, كوبايتين عصير منقه وبرتقال ويشيلوا ويشفطو فيهن .. (بتخيل في منظر الشفط انا هسي) ردت فعلك حاتكون شنو ؟؟
حصل سمعتي او جابو ليك ,, انو في اولاد اتكلمو عنك ؟؟
حصل اتكلمتي مع اولاد بالتلفون ؟؟
حصل شاغلك واحد في الشارع ؟؟
حصل في زول قال ليك انتي جميله لحدي ما خجلتي وجضومك حمرن ؟؟
بتستعملي مستحضرات تجميل ؟؟
بتعايني لي وجهك كم مره في اليوم في المرايه ؟؟
لو حبيتي ليك واحد واكتشفتي انو عندو علاقه مع الغوريلا ديك المبدله القبيحه (لمسة جمال) ردت فعلك حاتكون شنو ؟؟
ولو خيروك بينها وبينو حاتختاري ايي واحد وبكل صراحه ؟؟
هل اعجبتي بولد في حياتك ؟؟
لو حباك واحد سعودي وطلب يدك حاتقبلي ؟؟ وتقولي ليهو بحبك يا طويل العمر ؟؟
في نظرك الجزاب اكتر والفاهم والعاقل الشاب السعودي ولأ السوداني ؟؟
تحبذي الحب قبل ام بعد الزواج ؟؟ ولماذا ؟؟
لو حبيتي ليك شاب خارج العائله واهلك رفضوهو حاتعملي شنو ؟؟
وخليك عارفه انا عندي مصادر موثوقه بعرف منها اجوبتك وبعمل ليها جيك قبل ما اعتمدها ,,
يا اصيل البنت دي السودان ده ماشافتو الا في الاطلس ,,, اجوبة شنو الجابتها من راسها انت صدقتها ولأ شنو ... علي الجزيم اتلقي قلبت البيت قلب وبتكون بالميت كدا قشطت ليها اكتر من عشرة اسكراتشان ..
انسانه هادئه وفي نفس الوقت تحب الضحك ... ( ما بعرف اعبر عن نفسي )
عرفينا علي عبق شكلا في سطور (الطول العرض الوزن ..الخ) ؟؟
طولي 156
الوزن 49
عاوز تعرف شنو تاني
كلمة الحــــــــــــــب ماذا تعني لعبق ؟؟
تعني الإلتزااام
الحب كتجربه ... هل تقاسم قلبك هذا الشعور مع احدهم ؟؟
لالا
لو خيروك بين الحب والصداقه فايهما تختاري ؟؟
كل انسان حر بإختياراتو وانا ما ممكن اني اخلي البحبو أو اخلي صحبتي
احببته لدرجة الجنون فكنتما كفراشتين لا يهدأ لهما جناع ,, بلبلان تغردان في الافياء بكل مكان .. وتم الاتفاق علي كل شيئ حتي شكل فستان الزفاف .. وفجأ وبالصدفه وجدته جالساً مع حسناء وامامهما ,, كوبايتين عصير منقه وبرتقال ويشيلوا ويشفطو فيهن .. (بتخيل في منظر الشفط انا هسي) ردت فعلك حاتكون شنو ؟؟
بمشي بسلم عليهم وكأنو ما حاصله حاجه وبقعد معاهم ( كيـــه ليهم ) وبعد ما البت تمشي بسألو وبتصرف حسب الجواب البقدمو لي ( بعدين انا لو حبيت واحد ما حيكون الشخص ده اي كلام )
حصل سمعتي او جابو ليك ,, انو في اولاد اتكلمو عنك ؟؟
يـــس كتيــــر
حصل اتكلمتي مع اولاد بالتلفون ؟؟
ابدا ابدا والله يشهد علـــي ( طبعا ده ما بشمل اخواني وابوي وجدي وخيلاني واعمامي فقط )
حصل شاغلك واحد في الشارع ؟؟
كتيـــــــــــــــر
حصل في زول قال ليك انتي جميله لحدي ما خجلتي وجضومك حمرن ؟؟
يــــــــــــس
بتستعملي مستحضرات تجميل ؟؟
لا بس بخت ماسك
بتعايني لي وجهك كم مره في اليوم في المرايه ؟؟
قول لي بتقعدي بدون مرايه كيــف
لو حبيتي ليك واحد واكتشفتي انو عندو علاقه مع الغوريلا ديك المبدله القبيحه (لمسة جمال) ردت فعلك حاتكون شنو ؟؟
ححاول انسى البحبو
ولو خيروك بينها وبينو حاتختاري ايي واحد وبكل صراحه ؟؟
والله والله والله حختارها هي ( لأنو انا ما بحب الما بحبني )
هل اعجبتي بولد في حياتك ؟؟
ايـــــــــــوه
لو حباك واحد سعودي وطلب يدك حاتقبلي ؟؟ وتقولي ليهو بحبك يا طويل العمر ؟؟
اولا بشوف اخلاقو وسلوكو بعدين بفــكر
في نظرك الجزاب اكتر والفاهم والعاقل الشاب السعودي ولأ السوداني ؟؟
انا ما بحكم على الناس بالجنسيــات
تحبذي الحب قبل ام بعد الزواج ؟؟ ولماذا ؟؟
الحب قبل الزواج , لماذا دي الله اعلم
لو حبيتي ليك شاب خارج العائله واهلك رفضوهو حاتعملي شنو ؟؟
طبعا ححاول اقنعهم ( ع فكره انا اهلي ما عندهم حركات الرفض والكلام البايخ ده ) واذا لقيتهم مصرين على الرفض حعرف انوالسبب من الشاب وحرفضو ( العائله فوق كــل شيء )
وخليك عارفه انا عندي مصادر موثوقه بعرف منها اجوبتك وبعمل ليها جيك قبل ما اعتمدها ,,
عمار ود الشرفه كتب:يا اصيل البنت دي السودان ده ماشافتو الا في الاطلس ,,, اجوبة شنو الجابتها من راسها انت صدقتها ولأ شنو ... علي الجزيم اتلقي قلبت البيت قلب وبتكون بالميت كدا قشطت ليها اكتر من عشرة اسكراتشان ..
اصرفي النظر عن الانسحاب يا بنت ياعبوقه
[align=center]هههههههههههههههههههههههه
ما تنسى كمان شفتو في صور
وباقلي سنتين وامشي السودان ( عشان كده بحاول اتعلم الكلام ده عشان اقدر اتفاهم معاهم )
44- شوكه لمن تبعثها ؟؟( ما تقول لي كل العضاء بحبهم والكلام الماليه داعي ..) برق خاطف
45- اكتر عضو بتعجبك كتاباتو ؟؟ ( ما تقول لي كل الأعضاء ) الكاشف اخوي (الشمّالي في الضحك والونسه ,, الاخ والصديق ناجي عثمان عبدالرازق في النقاش وطرح المواضيع ,, مها في الهنانات والخواطر والرائع الغائب مجدي عكاشه)
46- عضو غايظك شديد ؟؟ والسبب ؟؟ ( ما تقول لي مافي لأني عارفه انو في ) جد والله ماف والفي بالك دي والله بتكيف ليها شديد ولي مكاواتها لاني بجب المكاوه
47- قول نصيحه لكل من الأعضاء الوارده اسمائهم ( ويكون فيها انتقاااد بناء ) قبل ما اقول النصيحه جد انا ما مؤهل عشان انصح انسان بس عشان نحن اتفقنا نجاوب علي كل الاسئله بقول كلام ممكن تعتبريهو طلب مني ليهم
# لموووووووووسه حبيبت قلبي دعااااايه وجد بتضحكني روقي المنقه وخليها مكاوه بس ما دعا
# صباع امير بطل الانشراطه وخوت الكوره الواطه وماتشوت ضفاري
# دريمووو عليك الله لموووسه دي قدر ماتلقيها نايمه ومبتسمه صحيها
# ذات الشجووون تاني البقول ليك ذات الجطوم انزلي فيهو بي تقلك واقطعي فيهو اسم ونحن بننشرو ليك (ماعدا انا )
# الشمالي رفارف قلبي ,,, النبي فوقك لو ماجيت عيدت في السودان
# بطوطه خليك مراقبه كتاباتي وارفعي لي تقارير اول بي اول عشان ما ادقس تاني
# اصيلووو ده البنصحو منو ,,, والله والله وما مجامله اصيل عن حق وحقيقه وانصح العالم ده كلو ما انصح الراجل ده ولو قصيتي رقبتي وعملتي السبعه وزمتها .. سوداني يا اصيل
وبث لأ النبي فوقك لو زيديهم
48- عضو يمتلك موهبه نفسك تكووون عندك ( ما تقول لي مافي ولا تقول لي انا ما ناقصني مواهب ) ناجي عثمان عبدالرازق في الكتابت والنقاش ومها في تطويع الاحرف ويا حليل مجدي عكاشه
49- عضو نفسك تقابلو ؟؟ ( ما تقول لي كل الأعضاء ولا تقول لي مافي ) ناجي عثمان عبدالرازق والكاشف اخوي وانتي
50- عضو بتحبو شديد أو معجب بيه سواء بنت او ولد ؟؟ جد كلهم
ركزي في الجاييك يا دقوسه الليله الا تطيري [/align]
اها جبت ليك الدفعه الخامسه علي الجزيم دفعاتك دي في الكلية الحربيه ماف
ودي مختصه بي روتينك
51- اوصف لينا انت بتعمل شنو كل يوم ؟؟ ( بالتفصيـــــل الممل ) انا طالب يعني عندي اجازات روتيني بكون فيها مختلف زي الوقت الحالي بس الايام دي في فترة استجام ومحاسبة النفس والنقد الزاتي ... علي الجزيم اسبووووع قاعد في غرفه براي زي المجنون وبطلع الضهر عندي كورس خارج الجامعه ساعتين وبرجع الغرفه تاني وبطلع بس اجيب لي حاجه اكلها ونوووووم تقيييل بس في رمضان الروتين بختلف تمااااااماً لانو حا انزل شغل
52- اليوم فطرته بي شنو ؟؟ واتغديت بي شنو ؟؟ واتعشيت بي شنو ؟؟ والله والله والله فطرته بي فول وغداء ماف طبعاً ,, نظام ثاااابت ,, واتعشيت بي فول (انا اقول ليك الفول ده غرامي الابدي مجبور اعمل شنو)
53- قول لينا جدولك في الجامعه ؟؟( يعني المحاضرات بالترتيب ) هسي عليك الله الفتره القعدتها في الجامعه دي كووووووولها دايراني ارص ليك الجدول بتاعها !! السمستر الفات ده عندي تمانيه مواد واربعه لابات ومتابعات خارج الجدول ويوم الجمعه والسبت ده بتلقيني قااااعد في الجامعه ودايراني اوريك ليهن يعني (خليك في منهجك السعودي ده ما تلخمي راسك)
54- قلت انك انت وصاحبك مأجرين شقه طيب البنضفها منو ؟؟ غرفه ما شقه ... والحمدلله كل انواع السكن جربتها (شقق ,, بيوت عاديه ,, سطوووح ,, داخليات ,, علي الهواء مباشرةً ,,) اما النضافه فحالياً انا قاعد براي اذاً بنضف برااااي
56- البطبخ في الشقه منو انت ولا صاحبك ؟؟ حالياً بجيب اكل جاهز (فول وكدا) بس ايام الجامعه كنا مأجرين شقه جمب الجامعه كنا بنطبخ حسب الجدول يعني ممكن في الاسبوع بتطبخ يومين كدا ...
57- بتعمل شنو في الويك اند ؟؟ لو كتبتيها بالانجليزي كان افضل ,, بس لو قاصده لما اصحي من النوم ,, ايام الجامعه طبعاً بتشوف لو شغال تقوم تتفكفك علي جامعتك ولو ماف تتم نومتك ... وحالياً بصحي بفطر وبشوف المنتدي وبتصل علي اصحابي لو في برنامج وبمش المعهد وهكذا (بالاضافه الي الامور الدينيه)
58- في الأسبوع ده حصل ضيعت حاجه مهمه ؟؟ ولا سرقو منك حاجه ؟؟ ولو ايوه الحاجه دي شنو ؟؟ في حياتي ماحصل ضاعت مني حاجه مهمه ,,, في بيت العزابه كلهم عارفيني حرييييص ,,, اما السرقه في حياتي اتسرقت مرتين ,,, مره كنت في زياره لي اهلي في منطقه في الجزيره ومره في الداخليه وعرفت السرقني منو ,,, طنشت بتاع الجزيره بس بتاع الداخليه طبقت فيهو نظريه ,, علي القسم لي الان ماعارفين مكانو وين وكل الكانو ساكنين معاي في الغرفه ماعارفين مكانو هسي وين ,,, واترفد من الجامعه وبلااااااوي يافرده ,,,
59- انت ذكرت وقلت انو الأنا بعرف اطبخو انتي ما بتعرفيه طيب بتعرف تعمل تشيــــز كيك أو اي حلى تاني ؟؟ امانه في زمتك ده طبيخ ... هسي دي بياكلوها بي شنو اول حاجه ؟؟ تاني من الله سكني عزابي ماحصل بيتنا دخلتو حاجه حلوه (تحليه)
60- بتقعد في جهازك كم ساعه ؟؟ الايام دي بقعد كتييييير بس ايام الجامعه والله مكانو مابكون عارفو ..
61- لما تقعد في النت بتفتح حاجات تانيه غير المنتدى ؟؟ وهي شنو؟؟ بعد مرات بفتح منتدي حلتنا اشوف الجديد شنو ... وبعد مرات بفتح الفيس اشوف اخبار اصحابي شنو اذا كانو قاعدين اما اذا ماف بقفلو طواااالي ... وموقع الجزيره الاخباريه علي طوووول وبعد مرات بتصفح مواقع عاديه
62- متسجل في منتدى تاني غير المنتدى ده ؟؟( عارفاك حتقول لي كتير لكن انا قصدي منتدى بتشارك فيه زي منتدانا ده ) والله ماف منتدي بشارك فيهو قدر ده حتي منتدي حلتنا ما بشارك فيهو كتير بس بخل اعرف جديد اهلي شنو تاني ما مسجل في منتدي نوهائي
63- عندك كم صاحب ؟؟ ( بالأرقام لو سمحت ) اووووووووووك انا هوايتي الاصحاب وبالجد بالجد ماعارفهم كم بس عندي شله في حلتنا عسل بس والله خونا علي روحنا من العين من شدة ما مترابطين ومنسجمين ,, يتجاوزوا السبعه
64- بتسجر كم سجاره في اليوم ؟؟ ولا وااااحده ولا بالغلط وبيتنا كلو كدا والحمدلله
65- القنوات البتحضرها كل يوم ؟؟ انا اصلا مقطوع من حاجه اسمها تلفزيون بصادف شهر ما اشوف لي شاشه الا شاشات الدعايه الفي الشوارع ,,, ولما ارجع البيت علي طول بكون فاتح الجزيره الوثائقيه او ناشيونال جوقرافيك ابو ظبي زي ماقلت ليك قبيل
المحلات البتحب تزورها في السودان ؟؟ البحر ,, مع اصحابي (في حلتنا)
68- منو الأحلى انت ولا صاحبك القاعد معاك بالشقه ؟؟ هع هع هع هع هع ,, هسي هو ماف عشان كدا باخد راحتي ,,, الود القاعد انا معاهو ده حنكوشه للطيش وجنو نوووم بس الوجاهه دي نحن رجال والراجل ما بقيسوهو بالجمال
69- وصف لينا طريقة عمل الفول ؟؟ والله نحن اكتسبنا مهارات لا تضاهي في طرق عمل هذه الوجبة الدسمه ,,, بنعملو مطبوخ بعد مرات عشان نشتم رائحة الطبيخ ونعيش الدور ... وبعد مرات بنعملو عااادي تجيبي البوهارات وتكبيها وباقي المحسنات مثل الطاعميه والجبنه بعدها بتجي المسهلات (زيت السمسم) وطواااالي علي المصنع يا فرده
70- حصل زغته من محاضره ؟؟ ومشيت ويـــن ؟؟ ومع منو ؟؟ وليــــه ؟؟ كتييييييييييييير بعد مرات بتكون عندنا جلسات مع اصحابي الذكرتهم ليك بيدرسو في جامعات مختلفه بنتلمه وكدا ,,, وبعد مرات بكون زهجان بمش البيت (انا قبيل قولت ليك ماعندي علاقه بي زميلاتي نوهائي)
ماشاء الله عليكم
يا عمااااااااار انت وعبق انثى
موااااجهة جميلة وملى بالاسئلة المتنوعة
اتمنى ليكم مواجهة اكثر واكثر سخونة
متاااااابعين معكم
[align=center]
ملحوظة صغيرة
للجميع الاعضاااااء الاعزاء الدخول للتشجيع فقط يجب عدم الاقتباسات يا شبااااب حتى لا يفقد الموضوع معناها الحقيقى وهى الحوار العاااام
[/align]
)
