انا جيت

[اسامه خضر محمد على]

السلام عليكم يا جماعه انا جيت ممن بعععععععيد جدا جدا شايل هموم البلد والغربه وبدور انوم بدور ارتاح بدور اعوض بيكم شبابى الراح فهل وصلته الى الدار البرراح فى انتظار الترحيب والاجابه

[سوداني]

يا غربة يا بكاية يا غشاشة يا مستهبلة
تغرينا بي درهم قروش ووراك قنطار بهدله
جيناك نقعد بس سنة وحاجاتنا ناقصة نكمله
نبني البيوت في العاصمه ونفرش اثاثها نجمله
وكرولا حارة نرسله اصله النقل صار مشكلة
ونكمل الدين بي مهله والسمحة جاهزة نحصلها
غير القروش اللي الاهل عبر الشهور حارسله
والباقي يدخل في البنوك ونشوف دباره نشغله
ناس فكرت تجني العلم ةتبدا الدراسة تواصله
احلام كتيرة وشيقة وامال كبيرة مدنكله
لكن حساباتنا الغلط في كل يوم بنرحله
مرت سنين من العمر بنعزها وبنفضله
والحسبة وصلت طاشرات امكن نعيش ونبدله
وتعال نحاسبك يا وهم من غير رقم او اسئلة
كان للقروش نجري ونحوش لكن تقول بنشاكله
ماراضيه تقعد في الجيوب وتقول حرامي بينشله
لكن بتقعد في الضهور بي ديون تقيلة مطوله
ممحوقه ما بتقضي الغرض واقل حاجه تكمله
كملانه بطحاء وحق وزن ومجاملات مستعجلة
واحلامنا ديك صبحت سراب نمشي ونجرى ما نحصله
ياريت يكون هم القروش يا غربة فيك المعضلة
لكن تعال شوف الهموم الما افتكرنا نقابله
ذله ومهانة واحتقار خلو النفوس متململه
سجننا كبير فيه الكفيل سجان قيوده مكبلة
اشغاله شاقة مؤلمة ودائما تكون مستعجلة
مرض الضغط والسكري ومرض القلب ووجع الكلى
مصران وقرحة واكتئاب ونفوسنا ما متحمله
وبقينا كيمان لحم تحت الهدوم متندله
واكيد يكون اكل المعلب والمجمد عامله
وعدم الرياضة والكند شه لابد يكون ليهم صلة
وكمان تعال للمعادلة الماقدرنا اصلا نعدله
سجن العيال جوه الشقق ولا فراق العائلة
جيب العيال فيه المخاطر وجيوبنا غير مميله
وصغارنا صبحت بالزهج متوحشة ومتجفله
لا قادره تدرس بي نفس من الدروس متذهله
تلقى الولد غالبه الكلام والبنت كبيره مريله
كل الضغوط جاتهم سوا ما قدرنا حتى نقلله
في كل الظروف تلقى القرف تلقى الخيوط متشابكة
اما الفراق اصل الوجع ومشاكله بايته مقيله
والفراق عارفين مشاكله ومافي داعي نفصله
ياغربة اديناك كتير ادينا خاطرك يسهله
خلينا نرجع بالفضل نلحق حياتنا نعدله
امالنا فيك بدري اتنست الا الرجول متوحله
وبقينا زي اهل القبور لا البره عارف يدخلها
ولا الجوه يرجع لي وره يحكي الحكاية يوصله
لكن خلاص هان الخلاص عدك نزل مهما علا
وانشاء الله نحيا ونودعك وتكوني ذكرى نغازله
يا غربة يا بكاية يا غشاشة يا مستهبلة

[asool22]

¨°o.O ( ..^إاسامه خضر محمد على ^.. ) O.o°¨
أهلاً وسهلاَ بك أخي الكريم ..
حللت أهلاً .. ووطئت سهلاً ..
ياهلا بك بين اخوانك وأخواتك ..
ان شاء الله تسمتع معــانا ..
وتفيد وتستفيد معانـا ..
وبانتظار مشاركاتـك وابداعاتـك ..
ســعداء بتـواجـدك معانا .. وحبابك عشره


.

[الدكتوره]

الاخ اسامه
مرحبا بك فى منتداك انا سودانى
المتعه والفائده عنواننا
وننتظر مشاركاتك

[نديم الصمت]

الغالى
تحية احترام و احلال
اهلا و سهلا بك
نورت المنتدى
اتمنى تفيد و تستفيد
و ان تجد ماتتمناه
اتمنى لك كل التوفيق
تحياتى و احترامى

[سالى]

[img][url=http://%20%20for.net][img]http://%20%20for.net/uploads/79a4819bc9.gif[/img][/url][/img]

[SNGAM]

الاخ اسامة
السلام عليكم ورحمة الله


اهلا وسهلا
وحبابك مليون نتمنى لك قضاء اوقات [جميلة شيقة وممتعة ومفيدة
واغلب الاخوة معزبون بنار الغربة والعودة للديار قريبة ان شاء الله



SNGAM

[كيمو]

الف الف الف مرحب بيك يا عسل في منتدانا


وانشاء الله تفيد تستفيد معانا ولقدااااااااااااااااااام


ومزيد من التقدم من النجاح والعتقدم والازدهار

[عاشقة محمود عبد العزيز]

[استارو]

لنا الشرف بانضمامك الى منتديات انا سودانى
اخى المتالق فى سماء انا سودانى
&&& اسامة خضر محمد&&&

يشرفنا ويسعدنا
انضمامك الى ركب منتدى انا سودانى

مرحباً بك
قلماً يضيف لمعارف المنتدى ألقاً
مرحباً بك
تنافح من اجل بسط روح التعاون

مرحباً بك
عنواناً للقلم النضيف الهادئ

مرحباً بك
رجلاً يجمع شتات الأفئدة التي فرقتها الدنيا

مرحياً بك
دائرة تحوم حولها الحقيقة والذوق في التعبير
كم تفرق الناس وصاروا فرقاناً خلف الضوء
ترجل واقشع الظلام
ادفع بكل ماعندك ولا تبخل علينا

اخوك
استارو
__________________

[بت الشيخ]

مــــراحب ..


مرحبا .. مع كل شروق شمس وغروبها ..


مرحبا .. عدد نجوم السماء اللامعة في الأفق ..


مرحبا .. حين تتلاطم أمواج البحر ..


مرحبا .. عند سقوط قطرات الندى على الزهر ..

مــرحبا ملــيون

[شاربة توت ولابسة بوت]

[صلاح يحيى سليمان]

الاخ اسامه خضر محمد على..!

الف مرحب بيك ..وحبابك عشرة معانا فى منتديات أنا سودانى.
نشكرك كثير الشكر لقرارك الانضمام الى المنتدى...وان شاء الله قرارك
يعود لينا جميعا بالفائدة ..والمنفعة. ونحن فى انتظار مشاركاتك،
قول بسم الله ...وابدأ معانا فى تطوير المنتدى .
فى منتدى الحوار العام وتحت المشاركة ...صباح الخير للجميع...نلتقى كل
صباح نحيى بعض ...ونصبح على بعض...وشويه... شويه ...حا تتعرف
على مجموعة من الاخوة والاخوات....وكمان لو دخلت علينا فى ايه وقت
بتلقانا فى منتدى الراكوبة...محل الونسة مع الشاى والقهوة...24 ساعة...!
أخد راحتك واتلفت جاى وجاى...ومحل ما تلقه مشاركة ...ليك تعليق
فيها....طوالى ادينا رائك.....وماتنسى...مشاركاتك الشخصية.
وان بقه عندك اقتراح او فكرة او شكوى...منتدى الاقتراحات والشكاوى ...تحت
خالص ..آخر المنتديات.
مرة تانى مرحب بيك واهلا وسهلا...!

[Sudani_w]

منتدى انا سوداني يرحب بك أجمل ترحيب

ونتمنى لك وقتاً سعيداً

فأهلاً بك في منتدانا
ونرجوا أن تفيد وتستفيد منـا

[نوركم]

نورت المنتدى
اتمنى تفيد و تستفيد
و ان تجد ماتتمناه
وحبابك مليون نتمنى لك قضاء اوقات [جميلة شيقة وممتعة ومفيدة
واغلب الاخوة معزبون بنار الغربة والعودة للديار
اتمنى لك كل التوفيق
تحياتى و احترامى