فنجان قهوه مع ...............

[ود الزوحي]

مهند

ارشف الفنجان دا

وآدي بقه

الانفصال اصبح واقع معاش واعلن عنه
هل تعتقد انه سوف نعيش نهضة شاملة
يعنى بعد كم ستة تتوقع عدد كبير من المغتربين يرجع ؟

ماظنيت إنو النهضة تكون واضحة بالمعنى الانت قاصدو لأنو حاليا نحن بنقول إنو عايشين نهضة ومافي شي كدا .. والمغتربين يايسري مشكلة مامشكلة نهضة وألا شي لكن مشكلتنا الضغوطات اللي بتمارس علينا يعني الواحد لو عايز يتشري ليهو عربية لازم يكون مجهز قروش وحده زيها عشان الجمارك يبقى كيف عايز تقولي نرجع ونحن بندفع كوم القروش دا عشان ما نقري أولادنا أو أخوانا .. ماااااااااا ظنيت في رجعه باقتناع ياخوي !!

او تعتقد ان الانفصال كانت شماعة بعلقو عليها الفشل ؟

الانفصال أنا لو في محل الجنوبيين حنفصل .. الواضح مافاضح الجنوبيين ما انفصلو ساي لكن بالجد في الشمال الجنوبي مضطهد فعشان كده الأغلبية الصوتت للإنفصال كانت عايزه تمرق من حتة الاضطهاد اللي هم عايشنو !!

فى قنوات دولة الجنوب وما اراه فيه يدينى احساس اننا كنا محتلنهم هل هذا صحيح؟

أكيد وفقا للكلام الذكرتو ليك .. ناهيك عن الافتتاحية اللي حصلت يوم اعلان دولة الجنوب رسميا كان في قاريء مسلم يعني مشكلتهم ما مشكلة ديانه بل شي في دواخلهم هم !!

هل ترى السماح للحركة الشعبية بمازاولة نشاط سياسي فى الشمال وهى قادة للانفصال ؟

ما أظن إنو في داعي للحركة الشعبية بعد كدا طالما حصل انفصال يبقى خلاص !!

هل تعتقد ان تحزو مناطق دارفور حزو الحركة الشعبية وتقود للانفصال فى الغرب ؟

طبعا شي متوقع وأكيد !!

الا تعتقد انه انفصال الجنوب حافز لبعض الحركات ؟

أيييييييييييوة

اشرب قهوتك

تسلم ياملك البن عندك لكن !!

[ود الزوحي]

ود الزووجي مرحبتين جيت اشرب معاك الجبنة ان شاء الله يكون عندك لي مساحة بس

حبابك منورة .. البنبر بنبرك .. والجبنة حلوه بناسها !!

رايــك شنو في تنفيــذ الشريعــة في السودان ( زي ضرب البنات )

أنا مامع استفزاز البنات خلي ضربهم والدين يسر وليس عسر عاقبت عاقب بما يرضي الله واستر على الولايا .. ومن ستر عن مسلم ستر الله عنه يوم القيامه .. عندنا في السعودية دعوة جميلة بتعجبني جدا (الله يستر عليك) !!

مــا هـــو احســاســـك الان بعــد انفـصـال الجنـــوب عــن الشمـــال

زمان كانو بقولو لينا السودان البلد الكبير .. حسي في واحد صاحبي عاد لي نفس الجملة بس بقت السودان البلد الصغير ولسه شكلو الكلمة حتتعاد بسميات تانية !!

مــا رايــك في الارتبــاط عبــر الانترنــت ( الشبكــة العنكــبوتية ) وهل ممكن تفــكر انك ترتبــط كدا ؟؟

عادي جدا .. الارتباط من النت زيو وزي أي ارتباط بس تتوفر الشروط المناسبة قبول ورضا .. مافي شي بمنعه
هل انت من الرجال الذين يعتقدو بان المرأة لا تهتم سوء بالمال والجواهر ؟ واذا كان جوابك نعم جبت الفكرة دي من ووين ؟؟؟

لا أبدا المرأة بتهتم إنو يكون عندها رجل خاص ومملكة خاصه !!
تحيــــاتــــي

عوده حميدا طيبا أخت إحسان .. وين الغيبة وإن شا الله القعده عجبتك وبن يسري روق بالك !!

[ابن عوف]

عوده حميدا طيبا أخت إحسان .. وين الغيبة وإن شا الله القعده عجبتك وبن يسري روق بالك !!

جنبك بلم فى عدة قهوتكـ

[ابن عوف]

اخى وصديقى ورفيقي

مهند

كنت ضيفا عزيزا علينا واستمتعنا بارتشاف القهوة بحضرتكـ

ونشكرك اولا للاستجابة

ونشكرك ثانيا لسعة ورحابة صدرك وحلو اجاباتك


كلمة اخيرة


وشكرا جزيلا

[امال الناس]

يا جماعة حبوبتكم دي مافي ليها فنجان جبنة ولا شنو الحكاية والله نفسي اشرب فنجان واحد ما اكثر عشان الضغط وكده اها سريع جيبوا القهوة بس بدون جنزبيل ممكن شوية من الهبهان واهما شيء بخور الجاولي والعودية والعدني والمر الحجازي اصلاً بحلي القهوة ولمتها

[jasmina]

ود الزوحي صباح الخير,,,,

جيت متاخر بس لو امكنك تجاوبني قبل كلمتك الاخيره

-تقريباً99 % من الجنوبيين عايزين انفصال والاسباب حسب مابيدعو كتير ...انت لو كنت جنوبي
كان حتصوت للانفصال ؟؟.....وليه؟؟

-"الخريطه الجديده للسودان ".....وصف شعورك لما بتشوفها ..,وماذا يدور في بالك لحظتها ؟؟

-سؤال تاني من الاعماق ...لما تم الاعتراف بالدوله الجديده كل العالم العربي والشعب السوداني كان عندو
مخاوف مختلفه ولاسباب متعده ....شنو في رايك اكبر سبب يخلينا فعلا نخاف من الحيحصل بعد الانفصال؟؟

-برة السودان كده ........!!
لو ماكنت مغترب في السعوديه وجاتك فرصه تغترب في دوله تاني ...حتكون ياتو دوله ؟؟؟وليه؟؟

الكفيل ....السعوده ... اجنبي ... اقامه ...مغتربين ... شهاده عربيه ..ماهو اثر هذه الكلمات في ود الزوحي؟؟

عذراً على الاطاله .....تحياتي

[ابن عوف]

يا جماعة حبوبتكم دي مافي ليها فنجان جبنة ولا شنو الحكاية والله نفسي اشرب فنجان واحد ما اكثر عشان الضغط وكده اها سريع جيبوا القهوة بس بدون جنزبيل ممكن شوية من الهبهان واهما شيء بخور الجاولي والعودية والعدني والمر الحجازي اصلاً بحلي القهوة ولمتها

لازم تشربي فناجين يا حبوبة

الحبوبات ديل الجبنة معاهم ليها نكه تانية

ان شاء الله

[ابن عوف]

مهند


سوف يرد على اسئلة ياسمين فقط


لانه الفترة انتهت وسوف نستضيف عضو اخر



مودتى لكم جميعا

وشكرا لك من شارك فى هذا البوست

[امال الناس]

لازم تشربي فناجين يا حبوبة

الحبوبات ديل الجبنة معاهم ليها نكه تانية

ان شاء الله

قلت كدي خلاص كويس
هي ويني لكن ما جيبوها

[ابن عوف]

قلت كدي خلاص كويس
هي ويني لكن ما جيبوها

قااااااااااااااااااعدة جنبك



هاك امسكى الفنجان دا وارشفى


مودتى

[ود الزوحي]

ود الزوحي صباح الخير,,,,

جيت متاخر بس لو امكنك تجاوبني قبل كلمتك الاخيره

اوك ياستي ولا يهمك نجاوب بس تحاسبي انت على البن !!

-تقريباً99 % من الجنوبيين عايزين انفصال والاسباب حسب مابيدعو كتير ...انت لو كنت جنوبي
كان حتصوت للانفصال ؟؟.....وليه؟؟

طبعا كان حصوت للإنفصال لأنو أنا ذكرت في سابق كلامي إنو الجنوبي مضطهد في الشمال فعشان كدا شي طبيعي إنو يكون الأغلبية أو فلنقول الكل عايز الانفصال اللي سموهو استقلال على حد زعمهم !!

-"الخريطه الجديده للسودان ".....وصف شعورك لما بتشوفها ..,وماذا يدور في بالك لحظتها ؟؟

سؤال صعب جد جد وحدي حاسي ما قادر استوعبها لكن متوقع تغييرات أكتر عليها

-سؤال تاني من الاعماق ...لما تم الاعتراف بالدوله الجديده كل العالم العربي والشعب السوداني كان عندو
مخاوف مختلفه ولاسباب متعده ....شنو في رايك اكبر سبب يخلينا فعلا نخاف من الحيحصل بعد الانفصال؟؟

النضال الطال عشان ما يحصل الانفصال ما ظنيت إنو حيطول عشان ما يحصل افنصال جديد ودولة جدية وكلو على يدك ياجاري !!

-برة السودان كده ........!!
لو ماكنت مغترب في السعوديه وجاتك فرصه تغترب في دوله تاني ...حتكون ياتو دوله ؟؟؟وليه؟؟

أي دولة أوروبية .. لأنو هناك مافي حتة بتاعت استغلال للمقيم ناس كفيلك عايز كدا عشان ورقة أو غيره أنا عندي نماذج كتيرة هنا في السعودية بتشكو من الكفيل بأنو بقى زي السوبر ماركت عايز كدا تدفع .. الله غالب غايتو !!

الكفيل ....السعوده ... اجنبي ... اقامه ...مغتربين ... شهاده عربيه ..ماهو اثر هذه الكلمات في ود الزوحي؟؟

علاقة ما بين الاغتراب في الخارج والعودة للوطن .. فإذا اختفت الحاجات دي تأكدي إني حكون في السودان وبالنسبة ليهم

الكفيل .. رب منزل لأسرة لها رب منزل

السعودة .. كابوس أي مغترب

أجنبي .. إنت مافي بلدك

إقامة .. نفس حكاية الأجنبي

شهادة عربية .. مسلسل كابوس طلاب البلاد العربية للعودة والدراسة في الوطن ..

عذراً على الاطاله .....تحياتي

لا ولايهمك بس ما تنسي الحساب !!

[ود الزوحي]

تحية لجميع الجلاس والسمار ولحبيبنا يسري على الرحلة النيلية والفنجان الجميل ..

حنكون مع ضيف جديد وحسب طلب الأخ يسري اختيار العضو القادم حيكون من اختياري فأنا رشحت عضوة عزيزة علينا ..

الأخت إحســــــان .. يلا جري بنبرك وتعالي بجاي .. أنا زايغ !!


تحياااااااااااااااتي

[ابن عوف]

شكرا ودالزوحى على الرحابة وقبول الدعوة

وبجد كانت متنوعة فى الاسئلة وقهوة كان لها طعم حلو


يديك العافية

[ابن عوف]

احسان


العضو النشط المحبوبة لكل الاعضاء


اسعد الله اوقاتك بكل خير

سعداء ايهما سعادة وانتى تتشرفينا فى ركننا الهادى والجميل بلمتكم

لنغوص معك فى شتى المجالات


اهلا وسهلا بك

وفنجان بكرى اول

السيرة الذاتية

النشاة والترعرع

المراحل التعلمية

فهلا تفضلتى

[ود الخير]

القهوه دورت
حلو جدا
بس ليه السيده احسان ما شرفت
نفسى اشرب معاها البكرى
وندردش معاها شوى
فى الانتظار

[Control 4]

السلام عليكم وجمعة مباركة

قبل ما تشرف الجبنة ست الحسان ( احسان )
ادوني فنجان يعدل لي الضغط شوية
عشان أجاوب على اسئلتك الكتيرة دي يا ودابنعوف

يا كنترول 4


السلام عليكم


هل انت راضى عن مواضيع الراكوبة ؟

ماهى الخطط لترقية الراكوبة ؟

وهل فى منافسة بين المواضيع ؟ اذا كان نعم فى تكريم للموضع المميز

وتكرار المواضيع الحل ليه شنو؟

الراكوبة تحتوي على مواضيع متفرقة كثيرة ( معلومات وغرائب واخبار وطرائف وترفيهات وحوارات واغاني واشعار وصور ) يعني شاملة كنموذج مصغر عن المنتدى ككل
ولكن الملاحظ أغلب المواضيع تنحرف تدريجيا عن فكرتها وتأخذ طابع الونسات الجانبية وبالتالي يفقد الموضوع مضمونه فلا العضو صاحب الموضوع يستطيع المتابعة ولا العضو الجديد يستطيع الدخول في الموضوع الأصلي

أكيد المنافسة يخلقها الأعضاء بفكرهم
فكل عضو يمتاز باسلوب معين واختيار معين لمواضيعه
( يعبر عن شخصيته وعن الهدف من عضويته )

والراكوبة اكثر الاقسام التي تم منها تكريم مواضيع ( كأفضل موضوع )
وأكيد اي موضوع مميز يمنح ختم ( مميز )
وأكثر المواضيع المميزة سوف يتم تثبيتها بصفة دورية
ويتم إضافتها في البوست المثبت ( المواضيع المميزة )
( كي ينال الأعضاء أصحاب المواضيع المميزة حقهم على مجهوداتهم )


النقطة الأخيرة ( تكرار المواضيع )
هي مشكلة حقيقية في جميع المنتديات يتسبب فيها عادة الأعضاء الجدد بحماسهم للمشاركة
وغالبا تحدث في المواضيع المنقولة من منتديات أو مواقع أخرى
والإدارة بدورها تنبه كالبوست المثبت في جميع الأقسام
هام .. حتى لا يحذف موضوعك أو يدمج

والمشكلة دي حلها في حرص العضو على تجنب التكرار حتى لا يفقد مجهوده بالحذف أو الدمج




شكرا على الفنجان

[بعد الزمن]

كوفي شوب

في انتظار الانسه احسان ...............؟؟؟؟؟؟؟؟؟؟

[ابن عوف]

ما زالت القهوة فى انتظار احسان

[احسان]

تحية لجميع الجلاس والسمار ولحبيبنا يسري على الرحلة النيلية والفنجان الجميل ..

حنكون مع ضيف جديد وحسب طلب الأخ يسري اختيار العضو القادم حيكون من اختياري فأنا رشحت عضوة عزيزة علينا ..

الأخت إحســــــان .. يلا جري بنبرك وتعالي بجاي .. أنا زايغ !!


تحياااااااااااااااتي

الســــلام عليـــكم ود الزوجي الشخص الرائع

شكــــرا علي الستضـــافتك واسفـــــة علي التــاخير والغيـــاب

وربــــنا لا يحــــرمنـــــا من طلـــــتك وابــــداعـــــاتــــك الرائـــعة

[احسان]

احسان


العضو النشط المحبوبة لكل الاعضاء


اسعد الله اوقاتك بكل خير

سعداء ايهما سعادة وانتى تتشرفينا فى ركننا الهادى والجميل بلمتكم

لنغوص معك فى شتى المجالات


اهلا وسهلا بك

وفنجان بكرى اول

السيرة الذاتية

النشاة والترعرع

المراحل التعلمية

فهلا تفضلتى

ود ابنعـــوف يا رائـــع سوري علي التاخيـــر

السيـــرة الذاتية

الاســـم : احســـان احمــــد

مواليـــد : الفـــاشر 1985

النشــاة : من 1993 سافرنا ليبيــا ورجعــنا والحمــد لله قبــل 4 سنين 2007 وحاليا في الفاشر

سنـــواتي الدراسية :سنة اولي كانت في السودان وبالتحديد في الفاشر من تانية ابتدائي لحدي اولي جامعة في ليبيـــا وحشتني

يســــلمـــو علي الاســئلة الســلســـة