عضوين فى قفص المواجهه

[الشمالي]

يابنت براحة على الولد
عملتي ليه هروب قسري

برمه :
هالو الشمالي

انقطع الصوت من المصدر

وين ياااا حبة علي الجزيم بلداً بلاك
خربانة

برمة
الصوت رجع غااااااااغ

[الشمالي]

الشمّالي :
الروب اليشرقك
مالك انت ومال الروب
خليهو في حالو
وبطل حركات يا مان
وخليك في الاسعئله بتاعتك دي
رد ببلاغه وخلي التهرب البتسوي فيهو دا
بت السرف عفيت منك

انت هسة الجاب سيرتك منو يااا السجم

[الشمالي]

[align=center]جيناكم ياحبايبنا ..
شايلين هناء..وعبق المنى..
واشواق كتيرة معتقة..
وكلمات ..حروفها منمقة ..
لناس عزاز ..متحكرة..
جوة القليب..متوسدة..
احرف غناك...مااجملها..[/align][/size]


[align=center]الشمالى..
ازيك ...
مية مية
شلت نفس خلاص..
نفسين والحمد لله وباقي السجارة
باصيتو لي بعد الزمن غاااااغ
اهااا بسم الله نبدأ...

هو نحن لسه ما بدينا !
1-الشمالى ..اليوم دة يوم تاريخى ..انفصال الجنوب ...انت مؤيدو وللا معارضو
حقيقي انا مؤيد للانفصال
؟؟ مع ذكر الاسباب فى الحالتين؟
الاسباب واضحة لقد استنزفت حرب الجنوب
منذ عام 56 من خزينة الدولة وانعكست علي
مستوي المعيشة , واسنزفت من الارواح
ما استنزفت , كما ان الخلافات العقائدية
والاجتماعية والثقافية والفكرية
واللغوية والفاروق الفيزيائية
بين انسان الشمال والجنوب لا تبشر باي
وحدة وانسجام علي المدي الطويل والقصير
2-سبب تسميتك بالشمالى شنو؟وكيف اخترت الاسم دة؟
الشمّالي هو لقب جدي وهو من الشملة التي
تصنع من الصوووف فجدي عليه رحمة الله
كان زاهداً للدنيا ولبسة من الصوووف فاطلق
عليه لقب ابو شملة وكذلك الشمّالي وليس له اي
علاقة بالشمال الاتجاه كما يعتقد الكثير
3-بطاقتك الشخصية ...
العوض سيد الجركاااانة غااااااغ
زول ضهاري وسربة ونيل وطين
الاسم الرباعى..
التاج علي النور الشيخ
المهنة...
مدير مالي
الحالة الاجتماعية...
الحمد لله متزوج واب لي يمني وايمن
فصيلة الدم...
A+
محل الاقامة...
حالياً السعودية الريااض
وفي السودان الخرطوم شرق النيل
تاريخ انتهاء البطاقة الشخصية...
انتهت زماااااااان
4- انت درست وين ؟ومؤهلاتك العلمية شنو؟
جامعة الخرطوم كلية الاقتصاد
بكلاريوس مع مرتبة الشرف والنية
واصلة لاكمال الماستر
5- اتزوجت متين؟وعندك اطفال؟ مع ذكر الاسماء؟
2002م لي يمني وايمن
6- اتزوجت عن قصة حب وللا زواج تقليدى؟؟ولو قصة جب لاقيتها وين؟؟
قصة حب
7-بتعرف تحنك؟؟ كدى حنك كنترول4 ؟
اسألي ام ايمن ,
سنة ولا اموت انا ياا نمرة اربعة غاااااغ
8-بيتكم وين فى السودان؟ ومبنى شنو؟وفيهو منو بخلاف الوالد والوالدة ربنا يخليهم ليك؟
باحد قري شرق النيل تدعي الدومة
كان عندنا بيت جالووووص عينة السبلوقة
انقدت والمرق انكسر والبيت دفق غااااغ
هسع الحمد لله طوب احمر (عقد )
ومحتفظين ببعض غرف الجالوص
نظام حنين كااااااااااك
اخوين واخت وحبوبة
رست ام ايمن كنت ح تعرس منو؟
؛؛؛؛؛؛؛؛
جاوب على دى والباقى فى السكة ....[/align][/b][/size]

باااقي الاسئلة بكرة ان شاء الله

[بت السرف]

اها ياا بت السرف
جيتك يالشمالى مالك شفقان...

1- كدي اول حاجة رينا (بت السرف ) دي
مقصود بيها شنو ؟
السرف لقب لى ام امى وهى اتولدت فى المقرن ويوم ولادتها النيل سرف ودخل البيوت ..وسار عليها اللقب اكتر من اسمها الحقيقى...وكنت احب زول ليها بس لما اتوفت فرقت معاى شديد..لانها هى الربتنى وقعدت معاها اكتر من أمى..الله يرحمها.
2- علاقتك شنو بسد السرف بتاع القضارف ؟
لا اعرف عنه اى شئ والله..3- الاسم بالكامل ؟
ضرورى...هالة عبدالقادر على ابوشمال../
4- العمر غاااااااااااااااغ ؟
عمر الغرام ..عمر المنى ..قطرى صفر خلاص قرب يفوت..30
5- اللووووووووووون ؟
قمحية ..سودانية ..وللا قاصد لون تانى؟؟
6- الوزن ؟
شن بدور بيهو الوزن ..قايلنى زى عدس مريسيلك وزنى بزيد..كدى قول ماشاءالله تقريبا تمنين.
7- الطووول ؟
كنت بلعب كرة طائرة .. Happy0005.gif عشان ماتقول قصيرة متل البرميل...167
8- المؤهل الدراسي والتخصص ان وجد ؟
جامعية..هندسة معمارية..نزل صورتك يالشمالى كان مارسمتك بشكل كاريكتورى أخلى الراكوبة كلها تضحك فيك..
10- مكان الاقامة في السودان ؟
الخرطوم بحرى
11- واين تقيمي الان ؟
ماقلنا بحرى :d:
12- الحالة الاجتماعية مخطوبة ام متزوجة
ام علي قيد الحياة غااااااااغ ؟
على قيد الحياة هههههههه.
13-كدي احكي لينا عن شقاواتك عندما
كنت صغيرة والاَن ؟
شقاوة الطفولة دى خليها من راس بيت لى راس بيت
بس هسة انا زولة عاقلة ورزينة
14- يااا تري انت واقعية عقلانية
ام من رومانسية من ناس الهنانات
واشوووف في شخصك احلامي كااااك ؟
والله انا واقعية شديد الا تجينى كديسة الهنانات اقوم اشوف فى شخصك احلامى... ههههه
15- لو خيرتك ان تختاري لك خطيب
بين شخص متعلم وكادح واخر تعليمه محدود
لكن معاهو قروووش ( فكّة ) من تختاري ؟
اكيد المتعلم ...thumbup.gif الفلوس مابتشترى السعادة والتفاهم.

جاوبي علي ديل وعلي ضوء اجاباتك
جاوبت بالشمعة..قال ضؤ..يضوئ ليك المرسيل بالعدس والحلل المحرقة
بفتح عليك باقي الابواب بكرة غااااااغ

بكرة مسك الختام...جاوب انت على اسئلتى الفاتت والجاية...باقى لى كديستى محرقانى دايرة انضم فيك حروف....

[بت السرف]

[align=center]جيتك راجعة تانى ..

اهااا ود امى انشاءالله اصبحت طيب..
قول بسم الله...بدينا من تانى..
1- قلت شغال مدير مالى...ليك كم سنة مغترب؟
2-وراتبك كم فى الشهر؟
3-وأم ايمن قاعدة وين..؟؟ وليه ماسقتها معاك؟
4- انت عمرك كم سنة؟
5-ابوشملة جدك ...زول شيخ صح..احكى عنو ؟وحصل حضرت ليهو واحدة من كراماتو؟
6-فى الجامعة ..كنت شنو؟شقى وبتاع حبكانيات...وحبيت كم واحدة فى الجامعة؟
7-هل تؤيد مبادرة فتاة معجبة باحدهم..وعايزة تتقدم ليهو؟
8-من هو الشخص الذى ترك بصمة فى حياتك؟سواء بصمة سعيدة؟ او حزينة؟من المنتدى او خارج المنتدى؟
9-متين دموعك نزلت؟
10-ماذا تعنى لك الكلمات الاتية...
الحب..
الوفاء..
الاشتياق..
الخيانة..
الصمت ..
الصديق..
العدس..
الاحساس..
11-امنية لم تتحقق؟ واخرى تحققت؟
12-عضوة تتمنى لو عرفتها من زمان؟
13-عضو تندم على معرفتك به؟
14-لاقيت منو من الاعضاء؟ العضواتوجها لوجه؟
15-كنت تتمنى تواجه منو بدلا منى؟وليه؟
16-رايك شنو فى العلاقات العاطفية عن طريق النت؟وفى المنتدى هنا؟
17-هل يوجد عضوة معينةكنت تتمنى لو تزوجتها؟وهل صارحتها؟
18-من هو العضو\العضوة البتتمنى تلقاهو فى الواقع؟
19- من هو العضو \العضوة البتتمنى تتعرف عليهو؟
20- من هو العضو \العضوة المزعج بالنسبة ليك؟
21- من هو اقرب عضو ليك وكاتم لاسرارك؟
22-من هو العضو \العضوة احسست بانك تريد ان تضربه كف وليه؟
23- لو جاتك فرصة وبقيت كنترول...
وعندك كم قرار...
1)حزف موضوع..ليه ولمنو؟
2)وسام التمييزلموضوع..لمنو وليه؟
3)حظر عضو ..ليه ومنو؟
4)وسام تكريم..ليه ولمنو؟


اهاا جاوب على ديل لما باكر انزل ليك الباقى ....[/align][/size]

[قناص اخر الليل]

عااااافى منك يا بت السرف
شايف القلابات مليانة اسئلة وواقفة منتظرة تقطع الكوبرى عشان توديها للشمالى

الشمالى ...
الله يكون فى عونك
ردم جد جد

تحياتى

[وعد الاميره]

بت السرف وتقولى مسكينه

والله مسكينه انا ههههههه

[الشمالي]

[align=center]9-رايك شنو فى الاتية اسمائهم..
فارماس..
فارماس الفار الفرفار فار قلبي غاااغ
المرسيل..
الحاسدين الراصدين اعداء الدين
العدو المبين كااااااااااااك(رفارف قلبي ) حديك كمان سر جيبي
اضانك الزول ده اخوي ود خالي
لزم عشان كده طينتنا واحدة , ودي حصري
ليك غاااااغ
وايا..
رقة وظرافة وهدهدة ونظرت عيونو
مووووت عديل ياااا هو الردي غاااغ
سنة ياااا انت

نبرة فرح..
فعلا نبرة فرح طيبة وشعلة نشاط
وزولة عزيزة لدي الجميع
احاسيس..
كل الطيوب الحلوة يااااا مولاتي
اخت غالية وكفي
بعد الزمن.
بعد الزمن شتل الاحاسيس الجميلة
عشرة سنين منسوجة باحرف وفاء ما اجملها
يلزمك تزيح الستار شوية يااا بعدووووو
الامير الحب...
السجم زوووول حقيقي جميل من الداخل
وتشرفت بمعرفته , ياا خوي ما تصدق
وتقوم تزل القزاز , ملااح الروب الاقطع
غااااااااااااغ
السودانى الاصيل..
قايتو يوم بفقع ليهو مرارة زووول بماسورة
غااااااااااااااغ , شعلة نشاط قلبو ابيض كلو
حسن نية
ذات الشجون..
ديار محبه ديار محبه ديار حياه للعائدين
كنترول9....
سنة يااا رونالدو اقول ليك حاجة يااا تسعة
احبك كان مراءة كان راجل والباقية التبقي
غاغاغاغاغاغاغاغاغاغاغاغاغغ
ود النصر...
سيد السسسسفة وسيد الحقة زوووول
يجبرك وتسعي عشان تتعرف بيهو
ابوصديق...
ضاع الكلام ماتت حروووف اللقيا قبال اهمسة والليلة ما وشوش نسيم بالطيب

يغازل نرجسة مخير الله علي 10-
لو ماعرست ام ايمن كنت ح تعرس منو؟

ام يمني وهي نفسها ام ايمن غااااااااااااغ
شوفي يااا بت السرف ام ايمن دي قدري
وكفي جاوب على دى والباقى فى السكة ....[/align][/b][/size]

جنس غايتوهاااااات قبال اصحي من الغبيوبة
القاك نزلتي ليك اسعلة تاني يااا ختي علي عصر
الشغل العلي اديني معااااك فرقة مخير الله

[الشمالي]

اهاااااا

هااااك ديل

1- حبوبتك قالت ليك يااا بتي امشي جيبي الطايووق
بتمشي تجيبيهو من وين ؟

2- وقالت ليك كان ما لقيتي الطايوق اتناولي علبة المسحة
بتتصرفي كيف ؟
3- اخر مرة طبختي متين ؟
4- ممكن تورينا ملاح ام اتكشو بعملو كيف ؟
5- الظروف ودتك الريف وعملتو ليك غنم
يا تري بتعرفي تصرري الغنم ؟
6 - ان كانت الاجابة بنعم الغنم بصرروهم كيف ؟
7- الفرق بين السخل والحَمل شنو ؟
8- الظروف جمعتك بواحدة شرانية علي وزن
الرضية الخاتية ودخلت معاااك في زعميط ومعيط
بدافعي عن نفسك كيف غاااااااااااااغ ؟

[مسلمة وافتخر]

عافااااكى سرووووفة حبيبتى
جهجهتى الشمالى دا جهجهة مرتبة واديتيه جرعة من العيااار الثقيل
طلعت بنت بمية راااااااجل وما بينخاف عليكى
عفارم عليكى

وانت يا الشمالى زنقوك زنقة الترزى فى يوم الوقفة
يلا شد حيلك وتعال حتا لينا سروفة دى شوية

[الشمالي]

[align=center]جيتك راجعة تانى ..

حبابك يا الاصيل تيرابك

اهااا ود امى انشاءالله اصبحت طيب..
اديك العافية يااا هلوووولة اختي بالمناسبة
جدي برضو اسمو ( علي ابوشمال ) وحات ايمن
صحي شوفتي الصدف دي كيف غااااااغ
قول بسم الله...بدينا من تانى..

بسم الله وان شاء الله تاني ملينا 1-
قلت شغال مدير مالى...ليك كم سنة مغترب؟
تسع سنوات 2
-وراتبك كم فى الشهر؟

الحمد لله مستورة بكفي وبفيض وبدخر منو
كمان 3-
وأم ايمن قاعدة وين..؟؟ وليه ماسقتها معاك؟
ام ايمن حالياً في السودان لكن كانت موجودة معي
بالسعودية وان شاء الله قريبا سوف تكون معي
بس دعواتك والاخوان والاخوات بالتوفيق

4- انت عمرك كم سنة؟
عمر الزهوووور عمر البقااال
عمر القنا غااااااغ 34 سنة
5-ابوشملة جدك ...زول شيخ صح..احكى عنو ؟وحصل حضرت ليهو واحدة من كراماتو؟
احسب انه من رجال الصالحين وزووول مسيد
وتقابة ولا تزال نار تقابته الي الاَن رغم اني لم
احظي برويته عليه الرحمة , لا أومن بالكرامات

6-فى الجامعة ..كنت شنو؟شقى وبتاع حبكانيات...وحبيت كم واحدة فى الجامعة؟
يااا بتي زووول متخرج بمرتبة شرف لازم
يكووون دبيب مكتبة , يااا بتي انا كنت زول
ضهاري وصقووع وكبير بيت و5 اخوات و3
اخوان الزي في وكت الدراسة يحرم عليه الحب
وكنت عارف دربي طوووويل طولاً يجنن وايضا
مبادي بتحتم علي انو ما اتلاعب بعواطف اي بنت
ورغم ذلك ذلك كانت لي صديقة وحيدة خلال فترة
الدراسة وحرصاً مني علي عدم اذيتها كنت حريص
علي ان لا تاخد الزمالة والصداقة مسار اخر رغم
اني كنت ارتاح اليها جداً , اتمني لها التوفيق اينما
تكووووون .
7-هل تؤيد مبادرة فتاة معجبة باحدهم..وعايزة تتقدم ليهو؟
اولم تخطب سيدة النساء خديجة بت خويلد
محمد صلي الله عليه وسلم .
8من هو الشخص الذى ترك بصمة فى حياتك؟سواء بصمة سعيدة؟ او حزينة؟من المنتدى او خارج المنتدى؟
استاذ درسني في الثانوي العالي استطاع
ان يزرع فيني الثقة في نفسي وكان يقول
لي يااا تاج انت حتدخل جامعة الخرطوم
من فوووق صلعتي دي وكان اصلع , لله
درك استاذي الحبر وجزاك الله عني خير
الجزاء
9-متين دموعك نزلت؟
عندما شاهدت عبر التلفاز مشهد الصغير
محمد الدُرة يحتمي بابيه من رصاص الصهائنة
ثم رصاصة من العدو ومحمد الدرة ممدا 10-ماذا تعنى لك الكلمات الاتية...
الحب..
اكســـــــــــــير الحياةالوفاء..
الاشتياق..
نكهة الحب ولونه وطعمه
الخيانة..
نهاية طريق
الصمت ..
قد يكون ابلغ من الكلام احياناً
الصديق..

المــــــــــــــــــــلاذ والرفقة الطيبةالعدس..
الاحساس..
كيبوووورد الحياة والحب
11-امنية لم تتحقق؟ واخرى تحققت؟
رغم قناعاتي باالاختلافات بين بين الشمال
والجنوب لكني في داخلي كنت اتمني عدم
الانفصال ,
والاماني التي تحققت كثيرة 12-
عضوة تتمنى لو عرفتها من زمان؟
كل الاخوات الرائعات بالمنتدي
13-عضو تندم على معرفتك به؟
الي الان لا يوجد
14-لاقيت منو من الاعضاء؟ العضواتوجها لوجه؟
لاقيت كوكبة من الرائعون منهم الاسد محمد نعيم
والرائع الضراع والجميل طلال الحكيم والانيق
كايدووو والوجيه جراح والمبدع استاارووو
والوسيم ود كبوشية الامير الحب والعدو المبين
مرسال الشوق والفار فرفار فارماس وابراهيم الجيو
و الدويحي2 وود الدرديري وبلاك كات
وتواصلت عبر الهاتف مع اخرون
اروع ولكنك طلبتي فقط من رائتهم شوف عين غااغ

15-كنت تتمنى تواجه منو بدلا منى؟وليه؟
يااا بتي كفاية علي انت بس خليك حنينة16-رايك شنو فى العلاقات العاطفية عن طريق النت؟وفى المنتدى هنا؟
والله ياا بتي العواطف دي ان ما بقت شووف عين
ما اظنها تنجح , في المنتدي سادي دي بطينة ودي
بعجينة وبتمني التوفيق للجميع 17-
17-هل يوجد عضوة معينةكنت تتمنى لو تزوجتها؟وهل صارحتها؟
لا توجد
18-من هو العضو\العضوة البتتمنى تلقاهو فى الواقع؟
كوكبة رائعة التقيت بهم عبر الهاتف واتمني ان
اراهم علي راسهم ابو صديق والرائع هوومي
عما ود الشرفة وبكوووور والزعيم عمر بابكر
وود الهادي ود ابوسن , وبتمني اشوف ود بابكر
وابوصديق وامووووت عشان اسمع صوت او
اشووووووف بعد الزمن رغم انو منزل القزاز
شوية وخاتي التظليلة غااااااااااااغ19-
19-من هو العضو \العضوة البتتمنى تتعرف عليهو؟
الرصين مهاجر في البلد والحبيّب قلبو طيب
اسنابر
20- من هو العضو \العضوة المزعج بالنسبة ليك؟
اي عضو بتعمد اذيّ اخوانه وخاصة البنات
فقد اوصانا نبينا الكريم خيراً بالنساء
21- من هو اقرب عضو ليك وكاتم لاسرارك؟
مرسااال الشووووووق ود الخال
22-من هو العضو \العضوة احسست بانك تريد ان تضربه كف وليه؟
لا احب اذيّة الغير لكني عاتب علي احد
الاعضاء بسبب تهجمه غير المبرر
علي شخصي وبدون اي داعي رغم
انه لا تواجد بيننا مداخلات اَنذاك ولكني
متاكد يقينا انه احد ذوي العضويات المزدوجة
علي العمووووم الله يسامحه

23- لو جاتك فرصة وبقيت كنترول...
اكيد حارفض الفرصة لاني لا استطيع
التواجد بصورة مستديمة ودي مسئولية
الله يعين الكنترولات يلقوها من بعد الزمن
ولا من فارمااااس غاااااااغ
وعندك كم قرار...
1)حزف موضوع..ليه ولمنو؟
بوست غير موفق وغير موضوعي عن العلاقات
السودانية المصرية ولا يعتمد علي مرجعية
علمية بل علي اقوال وكلام جرائد صفراء ومواقف
شخصية , للعضو برق خاطف
2)وسام التمييزلموضوع..لمنو وليه؟
صيد الخاطر للرائع ود بابكر
3)حظر عضو ..ليه ومنو؟
اي عضو بستخدم عضوية بديلة
للتشفي من الاخوان والاخوات طبعاً
بعد التأكد
4)وسام تكريم..ليه ولمنو؟
للمبدعة اركمانية ناس قميص الموية الحرق


اهاا جاوب على ديل لما باكر انزل ليك الباقى ....[/align][/size]

ياااا اختي باقي شنو تاني شكيتك ما خليتك

[الشمالي]

امسكي ديل كمان

1- احيانا الواحدة ممكن ترتاح لفكر وقلم
شخص ما ياتري في واحد قدر يحرك مشاعرك
في المنتدي ومن غير ذكر اسم غاااااغ ؟
2- وردة لمن تهديها بالمنتدي ؟
3- لا تقوليها لمن بالمنتدي ؟
4- براااافو تقوليهما ايضا لمن ؟
5- الزم حدودك الاشارة حمراء لمن ؟
6- بتتمني تعضي منو من الاعضاء في راسو ؟
7- عضو تبحثين عنه اول ما تدخلي ؟
8- عضو لا تتمني وجوده ؟
9- الله يوفقك لمن تقوليها ؟
10- موضوع تمنيتي ان تكوني كتبته انت ؟
11- من لفت نظرك وتتحركك كلماته في قسم
الشعر ؟
12- وفي القسم الاسلامي من يجعل العبرة
بحلقك ؟
13 - اي الاقسام لا تحبيها ؟
14- الفرق شنو بين ملاح ام رقيقة
وملاح التقلية ؟
15-وشنو القاسم المشترك بين السعن والقربه ؟
16- اختاري سبع عضوات ووجهي لهم رسالة
او قولي لهم كلمات وكذلك اختاري سبعة اعضاء
ولك حرية الاختيار لتوصيلب رسالتك ؟
................. الرسالة .................................
................. الرسالة .................................
................. الرسالة .................................
................. الرسالة .................................
................. الرسالة .................................
................. الرسالة .................................
................. الرسالة .................................
................. الرسالة .................................

[مسلمة وافتخر]

براااااااافو عليك يا الشمالى يا اخوى

يلا اردم ساااااى وارمى لى قدااام

[ريانه إمام]

أحلي إتنين
غااااااغ علي قولك يا الشمالي

[الحلم السوداني]

يا سلااام عليكم

بجد بجد ممتعين واختيار موفق اكييد

بت السرف والشمالي


وكل واحد قاعد يجمع في اسئلة وطوالي يرميها لتاني سريع سريع وحار حار

يديكم الف عافيه امتعتونا الصراحة

ويلا كملوا واحنا متابعين ^_____^

[الأميرالحب]

الشمّالي بت السرف :
احلي ثاني بجد
كلكم رقه وخفة دم
امتعنونا وبالفواصوليا ازيتونا
والعجب ملاح الروب كرهتونا
غااااااااااااااااااااااااااااااااااااغ

[بت السرف]

عااااافى منك يا بت السرف
شايف القلابات مليانة اسئلة وواقفة منتظرة تقطع الكوبرى عشان توديها للشمالى

الشمالى ...
الله يكون فى عونك
ردم جد جد

تحياتى

[align=right]هلا بيك حبابك ...
هو الشمالى دة كان ماغرقتو كدة مابجيب اجلى....
مشكور على مرورك الجميل..[/align][/size]

[بت السرف]

بت السرف وتقولى مسكينه

والله مسكينه انا ههههههه

[align=right]دى انا غلباااااااااااااااانة :001[/align][/size]:

[The Sniper]

اروع بوست خلال الفترة الفاتت بلا منازعة

اهم شئ قدرنا ندخل دواخل الكثير من الاعضاء و صراحة في قمة السعادة اني اتعرفت عليهم اكتر

واصلو و نحنا متابعين



الشمّالي ربنا يعينك انا كنت مفتكر بت السرف مسكينة بس طلعت حاجة تانية

و شكرا بت السرف علي الحوار الممتع


ودي و تقديري لكم

[بت السرف]

[align=center]الشمالى ..
اتاريك طلعت ود عما لى..
اهااا أود عمى ...
اخر اسئلة عندى عشان امشى ارد على اسئلتك الردمتها لى دى..



1- احلى خبر فى المنتدى...خطوبة الرائعييين يكور وريانة
هديتك ليهم شنو؟
2-فى اجابات وايا لنبرة فى القفص دة ..قال مرتبط بى واحدة هنا فى المنتدى...تفتكر بنجح زى الجماعة اعلاه؟
3-وبتعرف ناس تانية فى المنتدى ..عندهم نفس الاحاسيس دى ..؟؟اذكرهم بالاسم لو بتعرف؟؟
4-الامير الحب ..مالو زول جنو كبكبة...بحكم معرفتك بيهو..ممكن تورينا سبب الكبكبة دى شنو؟؟
5-ياحليل الاهل ياأخوي حليل اللمة
زمن هداوة البال المابتصيبوا ملمة
لمتين الرحيل لمتين نعود نتلما
وياهو داك الجواب بنعود مؤكد لما...
بتعدى الابيات دى لمنو؟؟
6-اكتب احلى دوبيت مر عليك وعجبك شديد؟
7-من من بنات المنتدى تحس بيها زولة قريبة منك وبتفهمك؟
8- ‎الشوق اليكم بلا حدود الفرقه مافرقه جفا
لكن ظروفي ابت تعين قدرت خطايا تكشفه
لكني متعشم تجود تجمعنا بلحظه وفاء
انت وانا وكل الصحاب نضمد جروحنا النازفه ....
احساسك شنو وانت بتقرأ الكلام دة؟؟
وبتهدى لمنو؟
9-فيك طبع الأسد صالحت او حاربت
وفيك طبع البرامكة بعدت او قربت
فيك طبع الملوك شرقت او غربت
وفيك طبع الحكيم لقمان حلل او ربطة
تفتكر الكلام دة ممكن ينطبق عليك؟
ولو ما انطبق عليك ..بنطبق على منو من الاعضاء فى المنتدى؟؟
10-اهلي المن جهين ماه عريبا لفوا
تقالا كالجبال عند المروه بخفوا
إن ملكوك كرام ماه لئام بتشفوا
طبع اجداد قديم إن عاهدوك بوفوا
بتهدى الكلمات دى لمنو ؟؟
وليه..؟؟
جاوب على ديل ..تانى جاياك ماتفوت بعيد...[/align][/u][/size]