انا مسافر السودان واريد نصيحتكم

[المتحكم]

كيف الحال احلى اخوان واطيب قلوب

حبيت اخبركم بأني جاني بعثة عمل في ام درمان السودان

وحاب اعرف بعض الاشياء

كيف الاكل في البلد وكيف الاجواء وكيف الصرف غالي ولى رخيص

وهل في ملاريا زي مايقولوا ولى كلام

وانا من هواة رياضة السباحه احصل نادي في مسبح نظيف vip

وكم العملة تساوي الريال السعودي

وماهو اللبس اهل البلد لصلاة الجمعة

اشكركم من كل قلبي

وبدعيلكم ربنا يسعدكم

[Keeptown]

أخونا الغالي ...
السودان بلد جميل وناسوا طيبين جدآ...
الجو ما أغشك مسخن بعض الشي يعني ذي جده كدا ...
يوجد بأم درمان مطاعم راقية جدآ وأكل أكتر من نظيف ويوجد المطاعم البلدية أذا تبي ...
من حيث المسابح توجد بكثره مسابح نظيفة وvip‏ ...‏
أما عن الأسعار يعني ما غالية وما رخيصة مناسبة يعني...‏
بالنسبة للريال يساوي 81, جنية سوداني وذلك حسب علمي قد يكون زاد أو نقص ...
وأتمنى لك أقامة جميلة بالسودان ولو إحتجت اي حاجه نحن أخوانك ماتخجل...

[Keeptown]

بالنسبة لصلاة الجمعة يمكن تلبس أي شي جلابية سودانية جلابية سعودية قميص وبنطلون اي شي يكون نظيف وساتر...

[المتحكم]

الله الله على جمال الرد والذوق

وان شاء الله تكون رحلة عمل سعيدة

ممكن اسماء فنادق كويسة او غرف

ممكن اسماء نوادي ومسابح جميلة وكويسة

اشكركم جدا جدا

[Keeptown]

بالنسبة للفنادق ماعندي بها خبره كبيره بس عندك بالخرطوم ( فندق البحرين وفندق الهيلتون وفندق برج الفاتح وفندق سلام روتانا ) كلها فنادق خمس نجوم إلي سبعة نجوم بس ما عندي فكره عن ام درمان ( يوجد بها فنادق بس ما بعرف أسماءها) ويوجد فنادق أقل من ذالك بأسعار مناسبة بالسوق العربي ...
أما المسابح عندك ( مسبح نادي الضباط ومسبح النادي الوطني ومسبح النادي الألماني وعدد كبير من المسابح الجميلة والنظيفة وإنت شوف البناسبك) ...

[فاطمة الحلو]

اولا السلام عليك ورحمة الله وبركاته

اخى اود ان اعرفك السودان بلد جميل بجمال اهله الطيبين ومرحب بك فى وطنك الثانى

وكل شئ متوفر حسب امكانيات البلد يستحسن ان تحضر وتشوف بعينك


اتمنى لك اقامة طيبة فى سودان العزه سودان الخير

[الكاحل]

ترجع بالسلامه الله يوفقك زي عادات اخوانا ا لسعوديه

[المتحكم]

مشكورين وماقصرتم

[امال الناس]

ربنا يجيبك بالسلامة وما تخاف من الملاريا ده مرض عادي ويتوفر علاجه في السودان بكثرة وما اظن بيصيب كل الناس الا الذين يتعرضوا لوجود البعاوضة وما اظن انت حتجد مشكلة لانك حتنزل في فندق خمسة نجومة او شقة مقفولة اما بالنسبة لجوء البلد نعم سخن ولكن التكيف متوفر ومافي مشكلة والكهرباء مستقرة تصل بالسلامة ونرحيب بيك في بلدنا الحبيب

[المتحكم]

شكرا لك امال الناس افاده طيبة


سؤال اخواني

قال لي صديق سوداني لاتسافر الان

لانه يوم 9 يوليو سيكون هناك انفصال بين الشمال والجنوب

وممكن ان تحصل اشتباكات لاسمح الله

فهل هناك مشكلة في ذالك ؟؟

اشكركم كثيرا

[وعد الاميره]

والله الاشتباكات دى الا تمش تشارك فيها

لو ما كدا ما حتلاقيك اي مشكله

[Keeptown]

أخي الكريم ...
الموضوع لن يصل إلى درجة الإشتباكات ...
ولكن لسلامتك أنا أيضا أنصحك أنا تأتي بعد ذلك التاريخ ...
‏( لا يقني حذر عن قدر أخي الكريم) ...

[امال الناس]

شكرا لك امال الناس افاده طيبة


سؤال اخواني

قال لي صديق سوداني لاتسافر الان

لانه يوم 9 يوليو سيكون هناك انفصال بين الشمال والجنوب

وممكن ان تحصل اشتباكات لاسمح الله

فهل هناك مشكلة في ذالك ؟؟

اشكركم كثيرا

ما يخوفك ساكت ما اظن في حاجة حتحصل
واذا لا قدر الله حصل شيء انت بتكون داخل الفندق او الشقة
ما تخرج وخلاص لكن مافي اي حاجة الانفصال حصل وانتهي
بس باقي التنفيذ وسفر اخوانا الجنوبين الي الجنوب ربنا يوفقهم
في بلدهم يعني انت ولا نحنا ما لينا دخل بامور الانفصال دي
ترتيبات الحكومة

[المتحكم]

صراحة منتدى جدا رائع

سريعي التجاوب

انا اتوقع اني اعيش في السودان

من كثر ماني شايف قلوبكم ورحابة صدوركم

[المتحكم]

سؤال يااخوان

التأشيرة كم تستغرق وقت الين تطلع

يمني مقيم في السعودية