مجــــــــــــــــــــــــــــ ـادعــــــــــــات مجنـــــــــــــــــــونة ...!

[همسة فرح]

مجادعات ..........


سلاااااااااااااااام دي من بعض المجادعات المجنونة بيني و بين اصدقائي سراقة التجاني و نزار ود المكي
سراقة التجاني

وينك يا الأمير مندسي من وش الحروف مغموس تخلي الريح تسوق واسوقنا لي جب الحكايا تكوس علي مرساك تلف وتلف تجيب هم البوادي عبوس تعال فتق علينا الخير وزكي الفرحة في المهووس

همسة فرح

هناااااك واقف على قيف الهنا المدسوس ..
بدسدس في مضامين الهوى المنداح
على نبض الغنا المحسوس ..
بفتش فيك إذا قامت قيامة الريد
ألاقيك في النصيب فردوس ..
و لا تسأل و لا تحتار
إذا غاب القمر و إختار
يناجي الطيف إذا بيت القصيد محروس ..
و ستو تكوس ..

سراقة التجاني

وأناجي الفكرة من تالاك
أكوس مغناك بلا قاموس
أحبّر مرتع الأيام
أشدك في الحنايا دروس

همسة فرح

تعال نتحدى بالأشواق
نهد بي ريدنا أي تروس ..
نجرتق موكب الإبداع ..
نزف الفرحه لينا عروس

سراقة التجاني

نستف بالاماني هواك نجرتق بالغناوي الرووس
تخش أنسام مسام الريد تخت فوق المسافة نفوس

همسة فرح

تهرجل فيني طفلة شوق
و أكورك فيها ياخي جلوس
و ألاقيك في جواي بتحوم
و في شريان دماي محبوس ..

سراقة التجاني

وأحس شوق الروادي هتاف
مرصرص والسكات منكوس
بعافر في الشجن جواي
بهندس في الجوى المكوس

همسة فرح

نجافي الغيبه و الترحال
نواعد حبنا المغروس
نجابه إندياح الهم
نهش وش الأسى المطموس


همسة فرح

تعال نتماشى ما نلعب
نصوغ الكلمه و الإحساس ..
نشد سرج الحروف نركب
على خيل القصيد فراس ..
و أرح السوق ..

سراقة التجاني

أرح نتلافا في الوجدان
نسيم بتغلغل الأنفاس
أرح نسكب رحيق الروح
علي البوح الدوام تراس
ورحكي السوق


همسة فرح

أرحكا نبدل الأحزان
نجيب فرح الزمن إحساس
نجيب الطرحه كوبيه
و نفرح بيها ست الناس

سراقة التجاني

أرح ندخل نفاج الليل
نعلق في جبينو الماس
نفلي منامو شان يهجد
ونرتع في مراحو مساس

سراقة التجاني

يابت مناهل فتي وين
السوق بهاتيبك خلاس
بدور تعلقي فوقو فانوسك
ينور بالضجيج أجراس


همسة فرح

ارح السوق ..
سألتك بالذي خلقك
أرح السوق ..
و شوف كيفن بريد الناس
و كيف جوف الحزن محروق ..
من مشوار مشينا السوق
ارح السوق

سراقة التجاني

خطاوي السوق تساسق كان خلوقو تروق
وبوح الروح مطرز بالحنين مطروق
أرح نتلافا بدري السوق
أرح السوق

Dalal Al-sir Ali
ارح السوق
نشتري الفرح كيمان
نفرح شافعنا الصبح زعلان
من هم عليو كتران
نقولا ماتحزن
اهي الأوجاع بدت ترحل
والهم بيتحلحل
واكيد حنتحلحل
من قيد الزيف ع معصمنا يوت كبل
نبدلو سوار من دهب صدق اصفر
مطعم بالوفاء لازوردي وحجر أخدر
وارح السوق

سراقة التجاني

أرح نجدع عباية الهم علي ماضي الضلام أرحل
أرح نفتح مسارب روعة الجايات علي فرح المسام أقحل

همسة فرح

خلاص يلاك أرح السوق
نجيب الفرحه مستقبل
أرح ي ناس ملاهم ذوق
و شدو الهمه شان نوصل

سراقة التجاني

أرح نتبارا كان نوصل
نباري زقاقنا نسترسل
نسوق عفت براح السوق
نخلي الشينة تتغسل

همسة فرح

أرح باكر أكيد اجمل
مدام بيكم بسل سيف الفرح مسنون
و في وش الهموم أركز .. و أستبسل

سراقة التجاني

باكر صباحات البذوخ للهمة للناس العسل
السكتو الحزن البليد الدقو سواي الكسل

همسة فرح

باكر صباح باهي و جديد
باكر نعيد هذا الفرح
و لازم يكون باكر سعيد
ما دام طريقنا هداااك وضح

سراقة التجاني

أصلو الطريق واضح زمان
بس كان مغبشنا الترح
لازمن نسند وقفتو
يشهق نواصيه المرح


سراقة التجاني

بستأذنك يا بت أرح
نسرح مع الطيف والدعاش
نتناجا والبال السرح
نفتح نفاج بين الأنين
نتعاطا طوالي الفرح

همسة فرح

ي زول أرح
يلاك نجيب غيم الوداد
ننسج خيوط الجوف مرح
يلاك و لايهمك عزول
صوت الحنين جواك صدح
يلاك أقيفك إنتباه
يلاك أحسك إنشداه
ي زول أرح
راجياك تجيني مع الخيال
لا نام شعوري و لا سرح ..
ي زول أرح
ننساهو خاطر المستحيل
نفتح عوينات الفرح ..
ننسى العذابات و الترح
و ي ود أرح ..

سراقة التجاني

يا بت أرح
نخلف كراع الريد و دام حزنو البدوبي مسح
من الآمال أسيلات الأغاني شطح
قال المروق من حق دخول البوح وتارك للغناوي التح
بس كان مروقك فيهو عنوان الحقيقة
شك زف أحلامو للواقع فضح
وكفاك عناد يا بت أرح

همسة فرح

ي ود أرح
يلاك نكاوي الدنيا بي بسمة رضا
يلاك نرد صوت الحقيقه مع أهازيج الصدى
يلا نهز بالفرحه أركان المدى ..
يلاك نرشرش فوق صحاري الجفوه قطرات من ندى ..
يلاكا ياخ لبي الندا
و ي ود أرح
بطل عناد ما تكون كده
يلاك أرح

نزار ودالمكي

ولاماشي
أنا المعزوم رهافة وحس
علي ضل الدليب
منداح
ولاماشي
وعليك المولي ياسراقة
تطقطق لي قطار الشوق
عشان أجبد حنيني براي
وأقيف في الساحة مترمل
ولا ماشي
مدامك سقت أحلامي
ودعتك الله ياقاسي
بكون ناسي
إذا نده الغرام جواي
ولا ماشي

سراقة التجاني

لأ أحسن فوت
تعال برجاك علي طل الجروف واقف
منسم بي بريق صحوك مرسم بالأمل واجف
أكيد برجاك نشيل من الحراز الهم
يدوبي مناحة التاريخ ولي ذكراه يتبسم
أكيد يا نزو هوي برجاك
إنت الخال وود الجد وبرضو العم
إنت الشوق وريق الزوق
إنت الماشي بس لافوق
وإنت اللي ضراك تسلم

همسة فرح

و لا تمشي
انا السايقني
شوقي بجيك ..

انا الجاياك نفوت السوق

نغني و نحتفل بالشوق

تدندن بالأماني عنيك

و اكفت خد بنية الحن

إذا ضلت طريقا إليك ..

و لاتهتم و لا تزعل

انا الحأجيك ..

نزار ودالمكي

أخوي في الدم
ومابنتم فرحنا بلاك
مادام إنت الحنين والفال
وكيف تنفات
عقدت النية في بكرة
أجيك متدرق الأشواق
ميقن بي صباحك ضي
أرحكا معاي
نسافر في ربا الأحلام
ونقعد تب ونتفرجخ
ننادي مناهل الدنيا
نطير منية
نشرك للسحاب نفاج
نفج عتمة ضهاري الدنيا بالفرح
وأرحكا سوي

سراقة التجاني

أرحكم للأمل غيمات
نسافر بي جناح الريد
نفتق بي الحنين البوح
يدوزن في رؤانا جديد
أرحكم نستبيح الشوق
نبتق في البوادي قصيد
أرحكم هوي تعالو سريع
مناهل نزو نستلهم من الأيام غنانا نشيد

نزار ودالمكي


وين ماتكون
مسارب الروعة جد دابك
فيا روعة
أرحكي حداي
إذا نادي الحنين دوباي
أرحكي وسلي سن سيفك
أذا ضيفك هجد غفلان
مكامن روعتك خلخال
طرق أبوابنا بي حنك
فكيف منك
نضاري اللهفة والأشواق

همسة فرح

أرح يلاك
انا و إحساسي راجنك
تسوي شنو
إذا جنك
فضح إنك
مشكن في الموده ولف
مدسدس في قصيدنا حرف
و ميقن تب
و ما بيناتنا أي عتب
إذا فاضت سيول بوحك
كشح تحنانو في سوحك
و إذا هزيت جريد نخلك
فما دخلك ؟
إذا قمرك
سطع جواك
مرق منك دخل تالاك
و ارح ي جن ..

نزار ودالمكي

وأرح ي حن
نتاتي سنين معاناتنا
نفتش جوة في ذاتنا
نصقر في السؤال ذاتو
نجاوب لو قدرنا سوي
نزح عتمة بعادنا جوي
فما قولك
إذا طولك
غلب قصري
فما قولك
إذا شمسك
غشت ضهري
فيا عمري
أرحكي هناك
محل ماشوقنا متردم
نفرهد بالحنين شبال
فما معناي
إذا هلت بدوري بلاك
أكيد بلقاك
إذا شلنا السحاب طاقات
فما قولك

وارح ي جن

[أم عسجد]

مجادعات بالجد خطييييييييييييره ومجنونه جن
وياااااهمسه باتسوقونى معاكم؟؟

انا الممكونه من تبيت
انا المصبوغه بالحزناً سواد اليل
انا المكلومه
انا المظلومه
انا اليى سرج الفرح شديت
وماشا السوق

[همسة فرح]

مجادعات بالجد خطييييييييييييره ومجنونه جن
وياااااهمسه باتسوقونى معاكم؟؟

انا الممكونه من تبيت
انا المصبوغه بالحزناً سواد اليل
انا المكلومه
انا المظلومه
انا اليى سرج الفرح شديت
وماشا السوق

ارح ي بت نبيع احزانا نص السوق
و ما بنسيب حزنا يطول و يلا نفوق
و نوصل فوق ..

لكن تدفعي حق المواصلات

[امال الناس]

ارح ي بت نبيع احزانا نص السوق
و ما بنسيب حزنا يطول و يلا نفوق
و نوصل فوق ..

لكن تدفعي حق المواصلات

[أم عسجد]

ارح ي بت نبيع احزانا نص السوق
و ما بنسيب حزنا يطول و يلا نفوق
و نوصل فوق ..

لكن تدفعي حق المواصلات

حزنا كتيييييير ياهمسه
ومن مليون ذاد خمسه
بخارو يوج من لمسه
وسعرو رخييييص خممممممممم وانسى

[همسة فرح]

جنس شماتة

[همسة فرح]

حزنا كتيييييير ياهمسه
ومن مليون ذاد خمسه
بخارو يوج من لمسه
وسعرو رخييييص خممممممممم وانسى

سكتتيني

[وعد الاميره]

مشاء الله عليكم مجانين مجانين

[همسة فرح]

مشاء الله عليكم مجانين مجانين

تسلمي ي وعد و الجنون فنووووووووووون

[Batta]

اووووووه يا همسة,سجلي واحد معجب مكسر.

وسجلي واحد مغرود شديد في السوق,

عندو بضاعة وفاقد بضاعة,وكايس شوق

[waya]

يا همسة فرح .. دي جدعات مجنونه
فيها الكلمة ناطقه عديل وصارخه فنونه
منك همسة
ود المكي بيجدع لمسه
والتجاني يرص في الرصة
وشعورنا معاكم زايد هسى
ووو ..
تشكراتي ليك مضمونه