عــــــــــــــــيون عتاب

[مهند العاص]

يا جايي مارق
من دخول الغيث
شرايين التراب السايفة ..
أوردة الوطن .
قشره اليباب ..
نشره العطش..
كلما سرت
قطرات دِرِبَّ الرحمة
في جوفو ارتعش ..

[مهند العاص]

انا من محبي الشاعر الفز هاشم صديق
لذلك احببت ان تكون هذه الزاويه مخصصه لشعره
وهو هديه مني لكم
واتمني من كل شخص يجد قصيده لهذا الشاعر ان يقوم بتنزيلها هنا
حتي نجعلها مكتبه ضخمه بحجم هاشم صديق

[همسة فرح]

عَزم الغَلَابة
مسكين أنا

ومسكين أبوى

مسكينه أمى..وبرضه أختى

كمان أخوى

لكن - ورغمَك يا شَقَا-

بَرضُه راكزين زى بَلد

الليل سَرَحَ فيها ومشَىَ

وسَاوم عيونها وحَنَّسَها

ولا اتبَدَلت..لا استسلمت

مسكين أبوى

ضامِر مِتِل عوداً نِشِف

ومسكين أبُوه

السَّلَّ سيفو على المدافع

وصاغ صباح مليون حَرِف

ومسكينة أمى

الما غِشَت درب الكتابة

لكنها

ساعة الحريق الشال عُمُر

ناساً عُزاز نصروا الغلابه

عِرفت تَخُط حرفين كبار

رَسِمُهم حِلاَ

ولاَ مِن لَمَع لون الحِبِر

كل البلد صِبحَت دروب

مكتوبه لا




تَعَب حُرُوفها

ضِحكت عيونها

كلام أكيد قالوه غيرى

ودايِر اقول ابيات جديده.

وشان أطوّع للحروف

العارفها مرات عنيده

ساهرت زى قطرة مَطَر

فىجناح سحابة.

وقلت يا أقدر أقول أوصافى فيها

او أصوم من الكتابة.



حاولت أرسُم ضَحْحَتَها

كل ما أحَنِّس فى الحروف

ألأقاها تابى

حاولت تانِى

بديت أعيد رسم الحروف

إصرارى!؟..لا لا

ريدى ليها الطاغى جابها

وفرحت لاَ مِن دمعة رَقَشَت

وخُفتَ تنزل

وللخطوط تَمسَح تَبَدل

وَقَفتَ حيلى بعيد مشيت

قَبَّلتَ تانى رجعت جيت.

زِدت الخطوط عايَنْت فيَها

لقيت نجم شَعّ وْحَضَن

وردة بَنَفسج جوّه غابة.

وكلمة احبك فى الفروع

مكتوبة بى صدق الغلابة.

وكوخ مَحَكّر فى القمر

قلبى البِرِيد لى بابه شابا

وفكرت تلت الليل أفسّر

وين جمال ضحكة عيونها

وين؟وين؟ وهل..؟

وهل أحرف كلامى الفيها دونها؟

وحاولت تانى

ومن جديد سِخَت الحروف

زدت الخطوط اكتر كمان

بَسَمت عيون السمحه من وسط السطور

وشوَيّه من الدايروبان.

وبديت أزيد... ومرات اعدِّل

ولما ألقىَ وَصِف جديد

أفرح واقيف فى الساحه أقدِل

وفى النهاية لقيت عيونها.

والبَرِيق الزى شموس حَاضِن سنونها.

والخدود والجيد... وخصلاتها

البِزِيد غزل النسايم فى جِنونها

كلهن ضاحكين بتَاوقوا من القصيدة

إلإ آه أنا من حروفى الفيها عاجزة

كل الكتبتُه محال يكون أبيات جديدة

محال يكون أبيات جديدة

[Batta]

امممممممممممممممممممممممممممممممممممممم

هنا الجمال, همسة فرح, محل ما تمشي سوقيني وراك ولو في يوم رحتي

مكان وما لقيتي الصفقة وراك,قوليلي عوووووووك انا يابطة قاعدة هناك,انا يا بطة قاعدة هناك

[مهند العاص]

مشكوووووووووووووووووووور ياغليه كثير علي المروووووووور الجمل ده

[مهند العاص]

قمر السبعتين قدلت حمامة

غطت جملتن متل الغمامة

محزوز جيدها فوق بانة قوامه

مجروح ريدها وين تلقى السلامه