نافذة علي الماضي الجميل

[ام مودة]

الشمّالى حمدالله على السلامه وبنشكر كتير على الابداع ومنتظرنك ما تطول علينا

تحياتى واحترامى ام مودة

[الشمالي]

الشمّالى حمدالله على السلامه وبنشكر كتير على الابداع ومنتظرنك ما تطول علينا

تحياتى واحترامى ام مودة

الله يسلمك ام مودة ومشكورة علي المرور

[أبو صديق]

أها يا حبيب القســا العرس متييين
الحنّه طارت والزين والطيب وفاطنه
في إنتظار إبداعاتك بشغف

[محمد نعيم]

فاتحين خشومنا وقاعدين

كع

[الشمالي]

أها يا حبيب القســا العرس متييين
الحنّه طارت والزين والطيب وفاطنه
في إنتظار إبداعاتك بشغف

حبيب قسايا الفات خلاني لالمي وشقايا العرس
قرب وشغالين ركبو في الصيوان والجماعة ركبو
بص عبد الجليل عشان يجيبو حطب الوقود وخليك
قريب عشان السيرة ما تفوتك

[الشمالي]

فاتحين خشومنا وقاعدين

كع

ان شاء الله انتظارك ما بطول

كع

[الشمالي]

عـــــــــــــــــدنا

اها اليوم داك بعد اتفقت مع عليش امر عليهو عشان ابني معاهو سريقة الجالوووص وبعدين نشوووف موضوع التشرك بتاع القمري ده , مشيت شربت الشاي سريع مع الحاجة ولقيت اللقيمات مدورة وطوالي علي عدلي مشيت علي عليش ولقيتو جهز الطين وخمجو تب ونادي عوض الكريم ابشنب باقي خبير في البنيان وبدينا الشغل انا ادردم في الطين واناول عوض الكريم وداك شغال يبني باخر خبرة وهندسة وحرفنه وسفتو ماديها تلاتة متر قدام الشلاليف وعليش اشيل واخمج في الطين , والضحوية كربت تب والشمس بقت في النافوخ وفي الزنقة ديك جاء علينا النيل قشرة المدلع (الحنكوش) باقي النيل ده اهلوا مرتاحين وناس باااااسطة سااااكت وبيستي كولا وما بشرب العكارة قال بتعمل ليهو حماوض (حوامض) اها زولنا قال الا اشتغل معانا قام ضحك عليهو عوض الكريم ابشنب وقال ليهو يااا النيل ولدي امشي اقعد جنب خالتك عشة اخير ليك , باقي النيل ود خالة عليش والفرق بيناتم ذي الفرق بين ام رقيقة وكنتاكي بالرغم انو حبوبتم واحدة سبحان الله , البطن بطرانة غااااااغ. النيل اصر الا يشتغل وقام كدة جرة حتة طينة حلاتة وحلاتة وقعد ادردم فيها نص ساعة وبعد جهيد جهيد شالها ناولها عمك عوض الكريم وهو ساخر جدا قام مسك الطينة بتاعة النيل وسلم عليها قائلا :- والله يااا قشرة طينتك حقوا اختوها تزكاااار غاااااغ ونحن هنا فقعناها ضحكة , وواصل ابشنب سخريته قائلا :- والله يااا قشرة كان الطين بدردموهو ذي درديمك ده يمين السريقة الواحدة تتم سنة للحول كاااااااااااك , المهم في ضحكنا داك جو علينا كم نفر من شباب الحلة وخلصنا السريقة , ولقينا خالتنا عشة مجهزة جردل العكااارة (الموص ) الما خمج داك وشييطك شيطك ما بقي في الجردل شي كااااك , بعد كدة شربنا القهوة , وشلنا قلابتنا (القلابة ) بتاعة الشرك ومشينا علي السكة الفوقانية عشان نشرك للقمري , وقمنا خيلنا الشرك وقجينا القلابات وبقينا ندودر في القمري , والشمس نص النهار والعرق يخرخر , بعد شوية جات قمرية علي قلابة عليش وزولي اشتغل يدودر ( يغني ) في القمرية :- قمرية ودباسة سمحة رقاصة ابوك الخليفة و .......... والقمرية استمخت مع اغنية عليش وبقت تتقدل علي القلابة الشرك كان اسمع زط وعليش يكووورك قبضت قبضت قبضت وجرينا علي القمرية وطلعناها من الشرك قبال تفطس , ياااسلام كمان قمرية ام تيلة باقي ان تيلة دي سمينة وماكنة وكفي اتنين غااااااغ , وقام عليش خيل العيشة (الذرة ) تاني وقج القلابة , وانا بهناك جاني يااا دوبك قدالي ود ابرق وبقيت شغال ادودر في القدالي :- ياااقدالي هوللب في المالوفة هوللب دنقر شوفة هوللب , ... ولحسن حظي قبال القدالي يصل القلابة جاء ركّ سرب بتاع قطاء (السمان) ونزل عديل في القلابة وتسمع زط وانا من الخلعة لمن وقعت في الواطة يااا سلام قطاية مرة واحدة , كدة ضمنا الغداء والعشاء , وجريت علي القطاية مرقتها من الشرك وجنحتها عشان ما تطير والجنيح ده تقوم تقص جناحات الطير عشان ماتطير تاني . المهم واصلنا شريكنا داك ونهاية اليوم طلعنا بكم قمرية من نوع الدباس والحميرة وقطايتين وكم قدالي ومسكنا درب الحلة , وقبال ندخل الحلة غشينا كمينة بت العواق والكمينة دي بقومن نسوان الحلة بجيبن حطب كبار بحرقنو وبعملن منو الفحم , المهم غشينا كمينة بت العواك وشوينا لينا قمرية وقداليين وضربناهم في محلهم وغشينا سبيل ود الزين وكتحنا لينا كوز موية ودخلنا بباقي الصيد الحلة , وفي الطريق لاقانا خالد شمارات غااااغ قال لينا ناس الحلبي جوهم ضيوف من الخرطوم ومعاهم بت وولد صغارين والشفع ديل نضاااااف يلمعو غاااااغ وريحتم سمحة جنس سماحة تقول مستحمين بصابون ام ريحة كاااااااااااااك يااا حليلنا نحن الواحد فينا ريحتو طير طير غااااااغ

اها ياا الحبان اخليكم علي امل اللقياء ونشوف ضيوف ناس الحلبي ديل نفرم شنو كااااااااك

[ام مودة]

الشمالي ازيك اه منتظرينك عشان نعرف خبر ضيوف الخرطوم شنو تحياتي ام مودة

[ام مودة]

الشمالي يسعد مساءك بالخير تحياتي واحترامي ام مودة

[الشمالي]

الشمالي يسعد مساءك بالخير تحياتي واحترامي ام مودة

يديك العافية ام مودة ومشكورة
علي المرور والتشجيع

[ξـبق ٲڼثـِـِـِێ]

[align=center]لا بجد ابداااااااااااااع

الله يكتر من امثالك البفخرو بأصلهم

للأمانة في بعض الكلمات ما فهمتها

منتظرين الباقي

ξ ـبق ٲڼثـِـِـِێ [/align][/size]

[Batta]

اووووووووووووووووه يا شمالي

وين كان الموضوع دا عنــــــــــــــــــي؟

ضحكت لما بطني وجعتني!!والدموع لا تسأل عنها بقيت اشوف

طشاش طشاش!!!

وبحاول اقرا لصاحباتي والضحك ما مخليني اقرا كويس وهم يخبطوا فيني.

الليلة ادقيت بسببك!

حقيقي اسلوب فذ في السرد,اضف لمخزون هائل من الذكريات الروعة.

حتة الشخير دي فقعت بالضحك,لا والله كل كلمة كنت بضحك قبل اقراها.

يللا كمل,وشوف ازهري دا كان عندو اخو!!!!!!!!!!!!

[dream-lady]

بالجد حاجة روووووووووووووووووووووعة
البوست ده كنتو داسنو وييييييين منتظرين ضيوف الحلبي
الشمالي احييييييييييييييييييييييييييييك

[الشمالي]

[align=center]لا بجد ابداااااااااااااع

الله يكتر من امثالك البفخرو بأصلهم thumbup.gif

للأمانة في بعض الكلمات ما فهمتها

منتظرين الباقي

ξ ـبق ٲڼثـِـِـِێ [/align][/size]

عبق انثي كل الشكر علي المرور
الجميل وكلماتك الحلوة
اشيري الي الكلمات التي لم تفهميها
وجاهزين للشرح
وخليك قريبة

[الشمالي]

اووووووووووووووووه يا شمالي

وين كان الموضوع دا عنــــــــــــــــــي؟

ضحكت لما بطني وجعتني!!والدموع لا تسأل عنها بقيت اشوف

طشاش طشاش!!!

وبحاول اقرا لصاحباتي والضحك ما مخليني اقرا كويس وهم يخبطوا فيني.

الليلة ادقيت بسببك!

حقيقي اسلوب فذ في السرد,اضف لمخزون هائل من الذكريات الروعة.

حتة الشخير دي فقعت بالضحك,لا والله كل كلمة كنت بضحك قبل اقراها.

يللا كمل,وشوف ازهري دا كان عندو اخو!!!!!!!!!!!!

اوووو بطوطة سلامتك وصاحباتك البضربو
فيك ديل كرامتك والبوست موجود من زمان
بس كان موكر في السحّارة بتاعة كنترول 2
غاااااااااغ , علي الجزيم انت لو حضرت الشخير
ده علي الهواء مباشرة كان الضحك كتلك عديك
اسعدني مرورك الجميل وخليك قريبة , ازهري
عندو اخووو بس بتقدري علي ناس الشعيرية ديل
كاااااااااااااك

[الشمالي]

بالجد حاجة روووووووووووووووووووووعةthumbup.gif
البوست ده كنتو داسنو وييييييين منتظرين ضيوف الحلبي
الشمالي احييييييييييييييييييييييييييييك

والاروع مرورك يااا دريمو
وضيوف الحلبي يااا دوب جو
داخلين الحلة بعد ارتاحو ونشوف
سالفتهم كااااااااااك

[Batta]

اوووو بطوطة سلامتك وصاحباتك البضربو
فيك ديل كرامتك والبوست موجود من زمان
بس كان موكر في السحّارة بتاعة كنترول 2
غاااااااااغ , علي الجزيم انت لو حضرت الشخير
ده علي الهواء مباشرة كان الضحك كتلك عديك
اسعدني مرورك الجميل وخليك قريبة , ازهري
عندو اخووو بس بتقدري علي ناس الشعيرية ديل
كاااااااااااااك

ما بياكلو كيك؟

[omar babikir]

ليت هذه النافذة الساحرة تبقا دوما مشرعة
ليملأ عبقها القادم من زمن الطيبة والسماحة والمحنة
ايامنا التى فقدت طعمها ونكهتها ..

الشمالى منتظرينك قرب النافذة

[الشمالي]

ما بياكلو كيك؟

ان بقيتاً علي الكيك الخبيز ده بشوفوهو
من العيد للعيد
لكن كان قاصدة الكيك بتااع الجاتوهات
والحاجات الطرية دي لسه ما وصلت غااااغ

[الشمالي]

ليت هذه النافذة الساحرة تبقا دوما مشرعة
ليملأ عبقها القادم من زمن الطيبة والسماحة والمحنة
ايامنا التى فقدت طعمها ونكهتها ..

الشمالى منتظرينك قرب النافذة

الحبيب ود بابكر مرورك له رونق
وخصوصية خاصة