خواطر بنت لسه متخطبتش

[روينة]

ازيكم يا بنات أنا سودانـــــي

الموضوع ببساطة

انهابنت لسه متخطبتش بيجلها خواطر

وعايزة تشاركم فيها

الموضوع هيكون عبارة عن قصص منفصلة لخواطر منفصلة

لهذه الفتاة

ممكن تكون بتكلم نفسها بتكلم صحبتها او اي حد


المواقف منها ما هو واقعي ومنها ما هومجرد قصة من الخيال


شدوا حيلكم معايا عايزة تفاعلكم وارائكم في هذه الخواطر




الفـــــــــهـرس

==========

[روينة]

الخـــــــــاطرة الاولي


مني تحدث نفسها


مش كنت اتجوزت قبل ما التزم احسن زي بنات كتير

دلوقتي انا ضيقت علي نفسي اوي

لازم يكون ملتزم ويكون بيصلي الفروض في الجامع

ويكمن مش بيتفرج علي التليفزيون


يلا حصل خير


ايه ده

ايه الكلام الفارغ اللي بيجي علي ذهني ده


استغفر الله العظيم يارب استغفر الله العظيم

يارب اغفرلي

ده انا المفروض احمد ربنا اني متجوزتش وانا علي المعاصي ده

ده ربنا سبحانه نجاني والله

نجاني من شر نفسي ونجي اولادي وروجي من شري

مش كل المعاصي اللي كنت هوافق عليها زي التليفزبون وغيره كانت هتكون في ميزان سيئاتي


والله الحمـــــــــــــــــــــــدلله

الحمدلله يارب من قلبي ان متجوزتش اللي لما اتعلمت الدين صح

ومشيت في طريق الالتزام



مني تبتسم لنفسها وتقول

سبحان الله في بداية التزامي كان اقصي طموحي ان البس اسبنش في الفرح

دلوقتي والله والله لو مش هيكون غير علي شرع الله

مفهوش اختلاط واغاني اسلامية

مش هعمل فرح

والله ماعايزة فرح اغضب ربنا في ببداية جوازي

الحمدلله يارب الحمدلله

اللهم ارزقني الثبات وفضلك يارب

..............

[رشة عطر شانيل]

ربنا يرزق كل بنووته بالزوج الصالح والذريه الصالحه يااارب

موضوعك جميل يا عسل

[الهنوف]

الله رزقكم الزوج الصالح ايارب
يعطك الف عافية ولاحرمنا الله من جديدك

[mis.silent]

ربنا يهدينا ويثبتنا كلنا يارب
بارك الله فيك يا روينة

[روينة]

ربنا يرزق كل بنووته بالزوج الصالح والذريه الصالحه يااارب

موضوعك جميل يا عسل

اللهم آمين

دا أنتي اللى عسل
وردكِ جميل مثلك
ونورتِ أنا سوداني

[روينة]

الله رزقكم الزوج الصالح ايارب
يعطك الف عافية ولاحرمنا الله من جديدك

الله يعافيكِ ويحفظكِ
وما يحرمنا من وجودكِ وردودكِ الطيبه مثل روحكِ

[روينة]

ربنا يهدينا ويثبتنا كلنا يارب
بارك الله فيك يا روينة

يارب
وفيكِ بـــارك اللَّه
ونورتي المنتدى بطلتكِ أخيتي

[روينة]

الخاطرة التانية

ريم تحضر نفسها للقاء طالما انتظرته

اليوم قد اعلن في منزلهم الطوارئ لقدوم العريس


ريم تبتبسم قائلها لنفسها


سبحانك يارب

كل لما افتكر اللي كان في قلبي ساعة ما عرفت الخبر

ازعل اوي واضايق لكن يارب انا تبت

وحسن ظني بيك انك غفرتي اللي كان في قلبي

بجد بجد سبحان الودود

وتردد قائله


لو علمتم كيف يدبر الرب أموركم لذابت قلوبكم من محبته



ريم لماذا تقول هذه العبارات


في البوست القادم سنرجع للخلف لمعرفة ما كان في قلب ريم

[روينة]

الخاطرة الثالثة ))


ريم لسه راجعة من الكلية حالا



هدي :ريم ريم شفتي اللي حصل


ريم : حصل ايه يا هدي

هدي:واحدة نعرفها هتكتب كتابها قريب قولي مييييييييييين خمني


ريم : قولي يا هدي انا راجعة تعبانة من الكلية اخلصي بقي مين


هدي: طيب هقولك بس متتصدميش ماشي



بنت جارتنا طنط اماني


ريم : قصدك مين ايمان انت بتتكلم جد يا هدي ولا بتهزري



هدي :يا بنتي بقولك كتب كتاب بهزر ايه بس


ريم تترك هدي وتذهب الي غرفتها وعلي وجهها علامات الحزن اكثر من علامات الدهشة



هدي: ريم انت رايحة فين

ريم : انا داخلة انام


ريم تحدث نفسها


يعني ايمان بنت طنط اماني اللي عمرها 16 سنة يتكتب كتابها ولسه كمان في الثانوية

وانا اللي قربت اخلص كلية صيدلة محدش عبرني


ليه هي احسن مني في ايه

انا كمان نفسي اتخطب واتحب واتجوز


ليه

ومن شدة الحزن تذهب ريم في نومها



وبعد مرور ساعات ومع أذان الفجر تستيقظ ريم حتي تصلي فرض ربها


وبعد الصلاة تنهمر في بكاء حار



انا وحشة اوي يارب ازاي افكر كده

انا بحسد ايمان انها هتتجوز وانا لسه

انا فعلا وحشة


يارب انت اللي عالم اني بكره نفسي لم بحس الاحاسيس ديه

الحسد ده بياكل من حسناتي

وانا حسناتي قليلة اوي يارب


يارب قلبي بين يديك تقلبه كيفما تشاء فثبته علي الايمان


يارب انزع من قلبي اي حسد اواي غل من قلبي لا حد

وانزع اللي في قلبي من حسد لايمان


...........................................
















يا بنات أنا سودانـــي

ريم ممكن تكون انا او انت او اي حد

تساعدوها ازاي انها تتخلص من احساسها ان مش راضية بحكمة ربنا في توزيع الارزارق

وانها بتحسد ايمـــــــــــــــــان



للقصة بقية انتظروها ان شاء الله


انتظر مشاركتكم ومعلش لو اتأخرت في الرد شوية علشان الامتحانات


جزاكم الله خيرا

[صفاء الروح]

خواطر جميلة جدا يا روينة

تسلمي ع الفكرة الرهيبة

[مها]

تسلمى اختى روينه
فى انتظار البقيه

[روينة]

خواطر جميلة جدا يا روينة

تسلمي ع الفكرة الرهيبة

اللَّه يسلمكِ ويحفظكِ يا صفاء الروح
أسمك جميل جداً
ونورتي أنا سوداني

تسلمى اختى روينه
فى انتظار البقيه

اللَّه يسلمكِ وتسلمي من كل شر
أختي مهــــا

[روينة]

(( الخاطرة الرابعة ))



و ذهبت ريم الى الجامعة و بين المحاضرات ذهبت لتأدية صلاة الظهر فى مسجد الكلية و هناك

و بعد الانتهاء من الصلاة وجدت صديقتها ساره و دار هذا الحوار

ساره: ريم انت يا بنت يا وحشه بقالى كتير مشوفتكيش ايه اخباراتك عامله ايه فى الدنيا

ريم: ساره واحشانى جدا والله سبحان الله كنت لسه بفكر فيك

ساره: ريم مالك انت تعبانه شكلك مش عاجبنى

ريم: ............... زعلانه شويه

ساره: زعلانه من ايه يا جميل

ريم: زعلانه من نفسى اوى اوى

ساره: ليه كده بجد يا ريم فيه ايه

............ وهنا اخذت ريم فى البكاء مره اخرى

اخذتها ساره بين ذراعيها وبدأت ترقيها بالفاتحه وبعدها ريم بدأت تتحدث


ريم: انا هقولك انا زعلانة ليه بس متفهمنيش غلط


امبارح لما روحت البيت هدي قالتي ان واحدة جارتنا هتكتب كتابها

مش ده اللي مزعلاني


اللي مزعلاني اني حسيت في قلبي احساس مش حلو لما سمعت الخبر

حسيت اني انا كده بحسدها

واستمرت في البكاء



سارة:ايه يا ريم هوني علي نفسك انا فهمتك

بصي يا قمر الاحساس اللي انت حستي ده مش نهاية الكون احنا بشر


بس الغلط اني اسيب نفسي للاحساس ده

لازم اقاومه

جميل انك عرفتي المرض اللي في قلبك عالجي بقه


ريم: ازاي

سارة: تستغفري كتييييييييييييييير اوي

وتدعي لجارتك ده بالبركة في رزقها

كل لما تفكتريها تدعلها ممكن الاول تكوني بتجهادي جامد علشان تدعي لها باخلاص

لكن ربنا لطيف بعباده وهيلطف بقلبك وبيك ان شاء الله


بصي ياريم ربنا بيقول ايه في القرأن الكريم


وَجَعَلْنَا بَعْضَكُمْ لِبَعْضٍ فِتْنَةًأَتَصْبِرُونَ وَكَانَ رَبُّكَ بَصِيراً

هتصبري يا ريم

ريم وعينها مبللة بالدموع


يارب ارزقني الصبر يارب

...................

[روينة]

(( الخاطرة الخامسة ))




وبينما ريم في طريقها الي المنزل واثناء ركوبها المواصلات

كان السائق يستمع الي القرآن الكريم


وسمعت ريم هذه الاية

وكأنها اول مرة تسمعها


: وَلْيَسْتَعْفِفِ الَّذِينَ لا يَجِدُونَ نِكَاحاً حَتَّى يُغْنِيَهُمُ اللَّهُ مِنْ فَضْلِهِ

ريم في نفسها: ياااااااااااااااااااااااااه

وحبست ريم الدموع في عينها وبلعت الدموع

وقالت يا ودود ارزقني فضلك

يا ودود اغنني بفضلك

يارب

............................

[روينة]

(( الخاطرة السادسة ))








ومرت الايام وطاب حال ريم

فما الدنيا الا لحظات من الحزن ولحظات من الفرح ونحن نتقلب فيها هكذا الدنيا



وحانت لحظة الفرح الآن

رجعت ريم من الجامعة


هدي: رييييييييييييييييييييييييم عندي خبر فظيع مريع

ريم :في ايه يا بنتي


هدي: جالك عريس


ريم :ايه انت بتهزري


هدي: خمني مين اللي رشحك للعريس


ريم: اخلصي بقة انطقي


هدي: انت عارفة ان زوج ايمان مهندس و ليه صحاب كتير مهندسين

فايمان رشحتك ليه

والعريس كلم با با وحدد ميعاد معاه


ريم: يااااااااااااااااااه يا كريم


واخذت تردد
لو علمتم كيف يدبر الرب أموركم لذابت قلوبكم من محبته

بقي ايمان هيه اللي تكون السبب في جوازي

سبحان من بيده تدبير الامور سبحانه

وفجأة انتبهت ريم ان اليوم هو يوم مجئ العريس المنتظر

وظلت تحمد ربها كثيرا واحسنت الظن بربها انه غفر لها ما كان في قلبها................








مش مهم بقي با بنات العريس عمل ايه مش ده موضوعنا



اه القصة خلصت

بس ليه تعليق في البوست اللي جاي

[لمسة جمال]

خواطر رائعة يارائعة وفي انتظار جديدك ولكي ودي وتقديري

[ام مودة]

ماشاءالله عليك دائمامتميز ومبدعه الله يديك العافيه خواطر رائعه جزاك الله خير تحياتي

[روينة]

خواطر رائعة يارائعة وفي انتظار جديدك ولكي ودي وتقديري

الرائع مروركِ وردكِ واسمك الجميل
وربي يسعدكِ ويحفظكِ

ماشاءالله عليك دائمامتميز ومبدعه الله يديك العافيه خواطر رائعه جزاك الله خير تحياتي

ويعافيكِ ويجازينا وإيـــاكِ يا حبيبه
وربي يحفظلك مودة

[روينة]

(( الخاطرة السابعة ))



خاطرة سريعة كده

:)

في بنات دايما بتفكر انها مش هتجوز


ولو اتجوزت مش هتخلف


ولو الحياة مشيت يعني


تقول هموت بدري














ليه كده يا بنات

احسنوا الظن بالكريم



عارفة يعني ايه الكريم



ادعي ربنا كتييييييييييييييييير

وادعي بيقين


عارفة يعني ايه يقين



يعني انت متأكدة من اجابة الدعاء


اعرف بنت كانت مطبقة مبدأ حلو اوي


شوفوا الاية ديه



(فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِين َ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا)


كانت عاملة ورد استغفار

لحد لما اتجوزت تيجي نعمل زيها

:)

عقبال كل البنات