من انجازات دولة المشروع ( الحضاري ) : أولاد ينافسون البنات في ( الديانا والبابايا)..

[برق خاطف]

السلام علي كل من يحب السودان والسودانيين بصدق

"

لم تعد مساحيق التجميل والإكسسوارات حكراً على السيدات فللرجال نصيب يساوي حظ الانثيات مما تركن ، كثيرون يلتقطون احدث الكريمات ومساحيق التجميل مع مراعاة اختلاف أنواع الكريمات التي يستخدمونها في فصول العام المتعاقبة ففي الشتاء يستخدمون المستحضرات المرطبة والمعالجة لجفاف الجسم مع المواظبة على جلسات التقشير والساونا في صالونات الحلاقة وفي فصل الصيف يتجه الشباب إلى استخدام المستحضرات الواقية للجلد من أشعة الشمس الحارقة حماية لها من لهيب الصيف حفاظاً على نضارة بشرتهم امتثالاً لغناء أبو اللمين (النضارة إلفي شبابك والطفولة إلفي عينيك).. أفادت الصيدلانية هناء الشيخ قائلة : أصبح الشبان يشكلون حضوراً طاغياً في قسم المستحضرات وباتوا يهتمون ببشرتهم أكثر من الآنسات وأكثر المستحضرات التي يبتاعونها من محلنا هي صوابين التفتيح والتنظيف مثل الديانا والبابايا بالإضافة إلى الكريمات الواقية من الشمس (الفير وصن بولك ) كل هذا مع غسول الوجه المقشر ومعظم الشباب يفضلون ( كلين أند كلير المقشر والمنظف في ذات الوقت ) ولم يكتفوا بذلك بل عرجوا إلى قسم المستحضرات الطبية التي لا تصرف إلا بوصفة طبية مثل (بيتاديرم و ديرموفيت) الذي صنع خصيصاً لإزالة الآثار الناتجة عن حساسية الجلد ولكن استخدامه أكثر من أسبوع له آثار جانبية منها تفتيح لون البشرة.. وقال الصيدلي د. معتز الطيب الرجال انخرطوا بصورة واضحة للعناية ببشرتهم مما دفع الشركة المصنعة للفير لتصنيع فير أند لفلي رجالي ويستخدمون ذات كريمات التفتيح والتقشير النسائية مثل أولاي وبوندس وحتى الديانا ولكن معظم الرجال يفضلون الصوابين عوضاً عن الكريمات وأكثر الصوابين المطلوبة ( اكسترا فيرم ومينيرفا وبلوك وايت)... " .
انتهي .
المصدر : صحيفة حكايات ..

وبعد ده كلو الجماعة في المنتدي شغالين ونسات وضحكات ونكت وغناء ..

ولا هاميهم البحصل في السودان ..

[رمـــ(الماء)ـــاد]

يابرق الموضوع ما بالسوء اانت بتوصفو او بتصيغ بيه الحديث ابدا ..
كون الواحد يهتم نفسه في صياغ الاهتمام لا عيب ولا جريمه وفي ناس وجوهم ما بتتقابل بشرتهم ما بتستحمل وبرجعو لاخصائيي الجلديه ....اما الاهتمامات ما ظهر ناس الصوابين الانت بتتكلم عليهم في حدود يعني الموضوع ما وصل حد الهوس عشان يعمل قلق في الشارع العام والناس تسيب الوراها وتلاحق وود فلان برط وشو والتاني فرد شعرو والاخير شالو بالخيط ..
وحتى الافراد اعلاه الواحد ما بركز شدييييد علي الموضوع الا لو عريس او وزيرو
بعدين الحاجات دي غاليه يعني خلاص الواحد خلص شغل الحنك واعزم فلانه نها وفلتكانه هناك عشان يصرف في وشو لالالا ياخ لسه ما وصلنا الوعى ده
والانت تتكلم عنهم اقليه وفي مرحله عمريه معينه وحسب متطلبات الجيل ما حنقو العولمه او العصر ناس زمان عندهم الخنفس وناس هسي جل لكنهم رجال والراجل ما بتقاس بي شكلو الراجل بالمحريه الفيهو
فالله يرضى علينا وعليك ما تنفعل وتفجر ليك عرق وانت لسه في عز شبابك ... السودان لسه بخير


ملحوظه.....
صيدلانيتك دي قديمه خلاص انت من زمن الديانا والبابايا هههههه
تقبل مروري

[برق خاطف]

فعلا الموضوع ما بالسوء ده .. الموضوع اسوأ من كده بكتير .. خصوصا اذا كان في ناس بيدافعوا عنو ..

يا اخت رماد .. هذه الممارسات فيها تشبه بالنساء واضح ..

وهي مقدمة لمرحلة جديدة من الانحلال الاخلاقي ..

ارجو ان لا تدافعي عنها .. وانا مانقلت الخبر كلو .. لاني خجلت من نقلو في المنتدي ..

الحقيقة انو قبضوا علي رجال يلبسون زي النساء في حفلة في احدي المدن السودانية ..

8رجال بالتحديد .. ودي ما اول مرة ..

قبلها قبضوا علي 10 رجال يضعون المكياج في شوارع الخرطوم ..

مش كده وبس ..
في اخبار عن عملية قبض علي مجموعة من الشباب كانوا متلمين ..

علشان يعملوا حفلة من النوع اللي مابقدر اكتب عنو ..

يا اختي .. عيب عليك تدافعي عن هكذا افعال ..

من متين الرجال بيستعملوا كريمات ويبيضوا بشرتهم ..

حتي اذا كان الخواجات بيعملوا كده .. فالخواجات بيختلفوا عننا في الدين .. وفي العادات والتقاليد ..

الممارسات الزي دي معروفة معناها شنو ..

والشباب لازم يكون خشن ..

الخشن بيدافع عن بلدو وقت المحن ..

امّا الخايب الخايس بتاع الكريمات مابيعمل اي شئ فيه الفايدة ..

امشي راجعي ليك امام جامع بيخاف الله علشان تتاكدي ..

وان كانت الحكاية ما عايزة ليها اي تاكيد من ائمة الجوامع ..

تم تحرير الرابط من قبل الادارة

يرجي الالتزام بالقوانين و عدم ادراج روابط لمواقع خارجية

[رمـــ(الماء)ـــاد]

ماعاوزه اقول انك متحيز وبتناقش الموضوع من وجهه نظر ضيقة جدا ....
والقصه مامحتاجه ائمه جوامع عشان يفتو ... لكن من ردك بينت انه صدرك ضيق للنقاش
وعموما لكل زول وجهه نظرو سواء عجبتك ولا لا بتحترمها ...
وبمشي واقول ليك العالم اكبر مما تراه عيناك ...
والسلام ختام

[فارس الرومانسية]

انا ما شايف غلط فى انو الانسان يهتم بنفسو دى وجهه نظرى انا .

[برق خاطف]

يا رماد ورومانسي ..

كدي امشوا اسألوا والديكم عن الكلام ده ..

يا ريت كلو واحد فيكم يسأل ابوه عن الكلام ده ..

الاهتمام بالنفس يا رومانسي مالازم يكون بالتشبه بالنساء ..

ردكم تأكيد علي الحالة المزرية اللي وصل ليها السودان الان ..

والكريمات والاشياء اللي بتشبها دي بتاعت نساء .. ودي حاجة معروفة ..

[برق خاطف]

iهذا هو الخبر
"

ألقت شرطة ولاية ..... القبض على 8 رجال أثناء حضورهم لحفل زفاف بمدينة .... ....... متشبهين بالنساء في مكياج وملابس نساء وباروكات شعر.. وقال المصدر أن الرجال حضروا إلى حفل الزفاف وهم في كامل حلتهم النسائية ما جعل الحاضرون يظنون أنهم نساء حقيقيات غير أن بعضهم اشتبه فيهم . وأضاف المصدر : أحس أحدهم أن النساء المزعومات سلوكهن مختلف عن سلوك السيدات ما دفعه للتحري حولهن وإبلاغ الشرطة التي حضرت لمكان الحفل وضبطتهم قبل أن تكشف أنهم رجال بعد أن نزعت عنهم الثياب وباروكات الشعر ليتم تحويلهم إلى النيابة التي تحرت معهم وإحالتهم للمحكمة ومن المنتظر أن تشاهد المحكمة في جلسة اليوم (شرائط الفيديو والسي دي ) التي سجل عليها حفل الزفاف لمشاهدة المتهمين في الوضع الذي ضبطوا عليه...


أولاد ينافسون البنات في ( الديانا والبابايا)..!!

لم تعد مساحيق التجميل والإكسسوارات حكراً على السيدات فللرجال نصيب يساوي حظ الانثيات مما تركن ، كثيرون يلتقطون احدث الكريمات ومساحيق التجميل مع مراعاة اختلاف أنواع الكريمات التي يستخدمونها في فصول العام المتعاقبة ففي الشتاء يستخدمون المستحضرات المرطبة والمعالجة لجفاف الجسم مع المواظبة على جلسات التقشير والساونا في صالونات الحلاقة وفي فصل الصيف يتجه الشباب إلى استخدام المستحضرات الواقية للجلد من أشعة الشمس الحارقة حماية لها من لهيب الصيف حفاظاً على نضارة بشرتهم امتثالاً لغناء أبو اللمين (النضارة إلفي شبابك والطفولة إلفي عينيك).. أفادت الصيدلانية هناء الشيخ قائلة : أصبح الشبان يشكلون حضوراً طاغياً في قسم المستحضرات وباتوا يهتمون ببشرتهم أكثر من الآنسات وأكثر المستحضرات التي يبتاعونها من محلنا هي صوابين التفتيح والتنظيف مثل الديانا والبابايا بالإضافة إلى الكريمات الواقية من الشمس (الفير وصن بولك ) كل هذا مع غسول الوجه المقشر ومعظم الشباب يفضلون ( كلين أند كلير المقشر والمنظف في ذات الوقت ) ولم يكتفوا بذلك بل عرجوا إلى قسم المستحضرات الطبية التي لا تصرف إلا بوصفة طبية مثل (بيتاديرم و ديرموفيت) الذي صنع خصيصاً لإزالة الآثار الناتجة عن حساسية الجلد ولكن استخدامه أكثر من أسبوع له آثار جانبية منها تفتيح لون البشرة.. وقال الصيدلي د. معتز الطيب الرجال انخرطوا بصورة واضحة للعناية ببشرتهم مما دفع الشركة المصنعة للفير لتصنيع فير أند لفلي رجالي ويستخدمون ذات كريمات التفتيح والتقشير النسائية مثل أولاي وبوندس وحتى الديانا ولكن معظم الرجال يفضلون الصوابين عوضاً عن الكريمات وأكثر الصوابين المطلوبة ( اكسترا فيرم ومينيرفا وبلوك وايت)..."
المصدر: صحيفة حكايات .

تفتكروا اذا ما كانت الكريمات ليها علاقة بالخياسة ليه تم ربطها مع الخبر بتاع المقبوضين ..

اذا ما اقتنعتوا ممكن انقل ليكم التعليقات ..

[محسية]

اولا اخى
ما عيب ان الرجل ان يهتم بنفسه بس فى حدود المعقول

لكن ما درجة صن بولك وكريمات ديانا ومقشر ومنظف
وحكاية الرجال الذين يتشبهون بالنساء دى حكاية عجيبة
كيف يعني رجل يرضى يلبس لبس إمراة ده أكيد فيهو عيب أصلاً


وفى منتهى الإنحطاط ما فى غير كلمة واحدة تقال
الله يعين بس



وبعد ده كلو الجماعة في المنتدي شغالين ونسات وضحكات ونكت وغناء ..

ولا هاميهم البحصل في السودان ااخى ماا تفق معك فى نقطة انى ما فى زول فى المنتدى يهمه
اللى بيحصل فى السودان
انت عرفت من وين انهم ما مهتمين بالشىء اللى بيحصل فى السودان انت دخلت جواهم علشان تعرف هما بيفكروا فى شنو
والمنتدى ده فى فيه الحوار والنقاش بكل منطقية وعقل وعدم تجريح لاى شخص وفيه الاسلامى وفيه الونسه والغناء والضحك والنكات وكل شىء
يعنى ما من حقك انك تفرض رايك على اى شخص يا اخى
تحيااااااااااااااتى

[برق خاطف]

الاخت محسية .. تحية طيبة

انا ما بحاول افرض راي .. لكن حال السودان الايامات دي صعب ..

والناس ما عايزة تتكلم بيهو .. وما عايزة تهتم بيهو ..

وده مافي المنتدي ده بس .. ده تقريبا في كل المنتديات ..

بس انا كتبت عن المنتدي ده علشان مشارك فيهو .. وانا اشتركت فيهو علشان اسمه .. لكن ...

يا اخت محسية .. السودان الان دولة معرضة للزوال .. جغرافيا و بشريا ..

معرض لانفصال اقاليم اخري غير الجنوب ...

ومعرض للذوبان في المصريين ..

ومعرض لاختفاء عاداتنا السمحة اللي بتميّز السودانيين عن بقية الناس ..

العادات الفريدة اللي قال عنها مرة احد امراء الاردن سودانيات ..

هذه العادات بدأت في الاختفاء وحلت بدلها عادات اخري غريبة ..

علشان كده انا بكتب بطريقة انتي بتشوفي فيها محاولة لفرض الراي ..

الاخت محسية .. بالمناسبة..

اهلنا المحس هم اكتر ناس معرضين للخطر في وضع السودان الحالي .. من ناحية سياسية ..

يا حبذا لو نبّهت الاهل الي دراسة بعنوان :

( العلاقات السّودانيّة المصريّة في ظلّ اتّفاقيّة الحرّيّات الاربع ) ..

الدراسة منشورة علي موقع sudanary .

والي دراسة تانية بعنوان :

( مشاريع السدود في السودان .. هل هي سيناريو لدارفور جديدة تحت التنفيذ ؟ ) ..

منشورة علي عدة مواقع علي الانترنت .. منها موقع jaseratsai .

تحياتي ..

[لبيب]

ماشاءالله عليكم حوراكم روعة ومنطقي في الردود


في حاجة مهمة الناس تفتكر ليها إنو اختلاف الرأي لايفسد في الود قضية


واسمحوا لي أدلي برأيي في الموضوع :


من ناحية عامة البلد فعلا في محك خطير جدا من عدة نواحي
لكن إذا قلنا الناحية الأخلاقية (موضوع النقاش هنا)
الوضع محرج والله
أولا الشباب إهتماماتهم اختلفت
والإختلاف الححكى عنّو أخونا برق ناتج عن عدة عوامل
إذا مسكنا الناحية الأسرية:
وين الليلة العادات الزمان وببساطة الأكل في الجماعي (الصينية) الليلة الأسرة السودانية بدت تتخلى عن عادة أكل الصواني على نطاق الأسرة ........................................
الموضوع مشعب نواصل بعد حين

[برق خاطف]

شكرا علي مرورك ..

[brain]

أولاً ما علاقة العنوان بهذا الموضوع .؟ وهل هذا السلوك ناتج من سياسات حكومية .؟ الذي يقرأ العنوان يحس أن هناك سلوك يجد الرعاية والتشجيع من الجهات المسئولة ؟ وهذا لم يحدث في السودان ؟ بل حتى أؤلئك المتشبهين تطاردهم وتعاقبهم السلطات الرسمية اينما وحلوا .. والشواهد قضايا كثيرة من جنس ذلك السلوك تناولها الاعلام .

إذن هذا الموضوع يمكن أن يسلط عليه الضو باعتبارة سلوك جديد من افرازات الثقافات الواردة الينا عبر اجهزة الاعلام الخارجية والتقليد الاعمي لها. .
ـــــــــــــــــــــــــــــــــــــــــــــــــــــــــ
مع التقدير

[لبيب]

أستاذ بارين
لك التحية



نعم الظاهرة جديدة وزي انت ماقلت إنها ناتجة عن التقليد الأعمى للثقافات الواردة
لكن إذا كانت الدولة وثقافتها مؤثرة فلن يكون هنالك أثر للثقافات الواردة
لكن للأسف نحن ليس لدينا إعتداد بثقافاتنا ونستحي أن نبرزها للناس
على سبيل المثال لا الحصر(الثقافة الوطنية) بصراحة شباب اليوم وبنسبة كبيرة جدا ليست لديهم وطنية ولا إحساس عالي بهذا الوطن (وهذا رأي قابل للنقاش) وتاكد من هذا بنفسك واسأل أي شاب يقابلك (وبصورة عشوائية) عن ماذا يمثل لك الوطن ؟ لتسمع الإجابة وتحكم . . .

[امال الناس]

أولاً ما علاقة العنوان بهذا الموضوع .؟ وهل هذا السلوك ناتج من سياسات حكومية .؟ الذي يقرأ العنوان يحس أن هناك سلوك يجد الرعاية والتشجيع من الجهات المسئولة ؟ وهذا لم يحدث في السودان ؟ بل حتى أؤلئك المتشبهين تطاردهم وتعاقبهم السلطات الرسمية اينما وحلوا .. والشواهد قضايا كثيرة من جنس ذلك السلوك تناولها الاعلام .

إذن هذا الموضوع يمكن أن يسلط عليه الضو باعتبارة سلوك جديد من افرازات الثقافات الواردة الينا عبر اجهزة الاعلام الخارجية والتقليد الاعمي لها. .
ـــــــــــــــــــــــــــــــــــــــــــــــــــــــــ
مع التقدير

عوافي عليك

[برق خاطف]

كيف يا brain تكتب ماعلاقة الحكومة بالذي يحدث في المجتمع السوداني ..

اليس ما يحدث للمجتمع السوداني من مسئولية هذه الحكومة ؟!!..

من المعروف بان القرارات السياسية التي تتّخذها اي حكومة لها ابعاد اقتصادية ..و اخري اجتماعية ..

هذه ظاهرة مستوردة من المجتمعات الاخري في دول الاغتراب ..

واحد اهم الاسباب للاغتراب هو الفقر وعدم توفر الفرص للعمل في السودان .. وهذه مسئولية الحكومة ..

ايضا من اسباب انتشار هذه الظاهرة غياب الرقابة الاسرية ..

وذلك بسبب انشغال الابوين بالجري وراء كسب لقمة العيش .. وهذا بسبب سياسات هذه الحكومة ..

اليس في عهد هذه الحكومة ازداد معدل الفقر في السودان ؟!!..

وتبعا لذلك انشغل السودانيون بالجري وراء لقمة العيش عن تربية ابنائهم التربية الصحيحة ..

ايضا من الاسباب غياب القدوة الصالحة في المدارس.. وهذه مسئولية هذه الحكومة ..

فمعظم المعلمين الان غير مؤهلين للتدريس .. وهذا باعتراف المسئولين في هذه الحكومة ..

تذكّر انّ اسمها وزارة ( التربية ) والتعليم ..

اضف الي ذلك , غياب المنهج التعليمي الوطني الذي يربط الشباب بالعادات والتقاليد السودانية الاصيلة ..

راجع كتاب الصف الثالث الثانوي لن تجد فيه قصيدة وطنية واحدة ..

ولن تجد فيه قصيدة تتكلم عن الاخلاق السودانية من باب النصح والارشاد .. وهذه مسئولية هذه الحكومة

ايضا هذه الحكومة ساهمت في تشويش مفهوم الحلال والحرام في عيون الشباب ..

فهي تسرق وتدّعي انّ هذا من الشرع ..

وتستبيح الحرمات وتدّعي انّ هذا من الشرع ..

وتقتل وتدّعي ان هذا من الشرع ..

هذه الممارسات صنعت تشويشا في مفهوم الحلال والحرام لدي الشباب ..

اليست هذه الحكومة هي من سمحت بادخال البناطلين ذات الخصر المنخفض والتي يلبسها الشباب هذه الايام ..

اليس في عهد هذه الحكومة تضاعفت اعداد صحف الاثارة و ( الرياضة ) والتي هي من المهليات التي تلهي الشباب ..

هل هكذا هي سياسات الدولة (الرسالية ) ؟!!..

اليست وزارة ( الصحة ) في عهد هذه الحكومة هي من توزّع وسائل تساعد علي الزنا في الجامعات ؟!!..

ماتفسيرك لا نتشار الزنا في عهد هذه الحكومة ؟!! .. ماذا عن اطفال دار المايقوما ؟!! ..

ماذا عن اطفال السفاح الذين يولدون يوميا بالعشرات ويموتون بالعشرات ؟!! ..

وهذه المعلومات مأخوذ من اعترافات من كانوا في صميم تكوين هذه الحكومة ..

اذا كانت هذه الحكومة تقوم بالقبض علي بعض الذين يظهرون ممارسات مخالفة لطبيعة لمجتمع السوداني فانّه لم تكن هنالك هكذا ممارسات قبل مجيئ هذه الحكومة ..

هل تريدني ان ازيدك ؟!! .. لا نني اخجل من الكتابة عن الفضائح السودانية الكبيرة في هذا المنتدي خصوصا بعد انضمام بعض من هم ليسوا بسودانيين اليه ..

اذا كنت تريدني ان ازيدك فسازيدك ..

http://www.anasudani.net/fourm/showthread.php?t=55261

http://www.anasudani.net/fourm/showthread.php?t=55542

[brain]

[quote="برق خاطف"]كيف يا brain تكتب ماعلاقة الحكومة بالذي يحدث في المجتمع السوداني ..

اليس ما يحدث للمجتمع السوداني من مسئولية هذه الحكومة ؟!!..

من المعروف بان القرارات السياسية التي تتّخذها اي حكومة لها ابعاد اقتصادية ..و اخري اجتماعية ..

هذه ظاهرة مستوردة من المجتمعات الاخري في دول الاغتراب ..حدثني عن قرار حكومي واحد بدعوة الشباب لاستخدام المساحيق ومستحضرات التجميل حتى ولو كان ايحائياً ؟ .

واحد اهم الاسباب للاغتراب هو الفقر وعدم توفر الفرص للعمل في السودان .. وهذه مسئولية الحكومة ..
أغلب هذه الفئة المنحرفة مجودين بين أسرهم في السودان . فلو كان هذا هو المنطق لفسد جميع ابناء المغتربين .. ولكن الحقيقة غير ذلك فأخواتنا نساء المغتربين جزاهم الله خيراً قمنا بتربية ابناءهم خير تربية بل وأفضل من رجال كثيرين .
ايضا من اسباب انتشار هذه الظاهرة غياب الرقابة الاسرية .. وهل أصدرت الحكومة قرار يمنع الرقابة على الأبناء ؟
وذلك بسبب انشغال الابوين بالجري وراء كسب لقمة العيش .. وهذا بسبب سياسات هذه الحكومة ..
إذا كان انشغال الابوين بالجري وراء كسب لقمة العيش يفسد الابناء فهذه طامة كبرى .
اليس في عهد هذه الحكومة ازداد معدل الفقر في السودان ؟!!..
وما علاقة الفقر باستخدام الاكسسورات والمساحيق وباروكات الشعر . أخي انت تعلم أن مستلزمات التجميل مكلفة ولا يستطيع الفقير والمسكين شراءها . ولا حتى تكون ضمن أولوياته .

وتبعا لذلك انشغل السودانيون بالجري وراء لقمة العيش عن تربية ابنائهم التربية الصحيحة ..
:معلوم أخي
ايضا من الاسباب غياب القدوة الصالحة في المدارس.. وهذه مسئولية هذه الحكومة ..

فمعظم المعلمين الان غير مؤهلين للتدريس .. وهذا باعتراف المسئولين في هذه الحكومة ..

تذكّر انّ اسمها وزارة ( التربية ) والتعليم ..

اضف الي ذلك , غياب المنهج التعليمي الوطني الذي يربط الشباب بالعادات والتقاليد السودانية الاصيلة ..

راجع كتاب الصف الثالث الثانوي لن تجد فيه قصيدة وطنية واحدة ..
التربية تقيم بمنهج كامل وليس مادة فصل دراسي واحد . أنا شخصياً اتابع مع ابنائي واجباتهم وأعرف أن هنالك كثير من الموضيع تهدف لرفع الوعي الادراكي للقيم والاخلاق والفضيلة وتجرم مساوئ الاخلاق
ولن تجد فيه قصيدة تتكلم عن الاخلاق السودانية من باب النصح والارشاد .. وهذه مسئولية هذه الحكومة

ايضا هذه الحكومة ساهمت في تشويش مفهوم الحلال والحرام في عيون الشباب ..
(
فهي تسرق وتدّعي انّ هذا من الشرع ..

وتستبيح الحرمات وتدّعي انّ هذا من الشرع ..

وتقتل وتدّعي ان هذا من الشرع ..

هذه الممارسات صنعت تشويشا في مفهوم الحلال والحرام لدي الشباب ..
إنما الحلال بين والحرام بين )
اليست هذه الحكومة هي من سمحت بادخال البناطلين ذات الخصر المنخفض والتي يلبسها الشباب هذه الايام ..

اليس في عهد هذه الحكومة تضاعفت اعداد صحف الاثارة و ( الرياضة ) والتي هي من المهليات التي تلهي الشباب ..

هل هكذا هي سياسات الدولة (الرسالية ) ؟!!..

اليست وزارة ( الصحة ) في عهد هذه الحكومة هي من توزّع وسائل تساعد علي الزنا في الجامعات ؟!!..
( لا حول ولا قوة الا بالله )

ماتفسيرك لا نتشار الزنا في عهد هذه الحكومة ؟!! .. ماذا عن اطفال دار المايقوما ؟!! ..

ماذا عن اطفال السفاح الذين يولدون يوميا بالعشرات ويموتون بالعشرات ؟!! ..

وهذه المعلومات مأخوذ من اعترافات من كانوا في صميم تكوين هذه الحكومة ..

ان كنت لا تعرف فكان هنالك بيوت معروفة منتشرة في كل مدن السودان تمارس هذه الرزائل جهاراً .

اذا كانت هذه الحكومة تقوم بالقبض علي بعض الذين يظهرون ممارسات مخالفة لطبيعة لمجتمع السوداني فانّه لم تكن هنالك هكذا ممارسات قبل مجيئ هذه الحكومة
..بلا زعل كم عمرك انت يا ابني ؟

هل تريدني ان ازيدك ؟!! .. لا نني اخجل من الكتابة عن الفضائح السودانية الكبيرة في هذا المنتدي خصوصا بعد انضمام بعض من هم ليسوا بسودانيين اليه
..شعور جميل تشكر عليه

اذا كنت تريدني ان ازيدك فسازيدك ..

الروابط التي ادرجتها يا أبني يمكن أن تناقش في إطار نفاق وفساد امسؤلين في الحكومة لكنها لا تصلح لأغراض هذه القضية .
القضية في نظري غياب التربية والرقابة الاسرية
احترم رأيك ولك مني خالص التقدير

[رءوف]

انا غايتو لو لقيت كريم بتمسح مش ممكن الاقى عروس وبعدين اخلى الكريمات

[brain]

انا غايتو لو لقيت كريم بتمسح مش ممكن الاقى عروس وبعدين اخلى الكريمات

ههههههههههههههههههههههاي
هووووي يا رؤوف
تقع ليك في كريم مدتو منتهية بزلط وجدانك اقصد وشك أو يبقى مبرقع زي طيارة الجيش
سلامي

[برق خاطف]

يا brain .. اولا انا لست ابنك .. والفرق في العمر بيننا لا يصلح ان تطلق علي هذه الصفة ..

ثانيا .. انا كتبت انّ اي قرار سياسي له ابعاد اقتصادية .. وبالتالي اجتماعية ..

وانا اعني الابعاد والنتائج لهذا القرار .. وليس القرار نفسه .. مع العلم انّ القرار نفسه ظالم ..

ومن المعروف انّ القرارات التي اتخذتها الحكومة اثرت علي المجتمع السوداني ..

علي سبيل المثال .. سياسة ( التمكين واحالة الموظفين للصالح العام ) ..

ادت الي انهيار اسر عديدة .. او الي اغتراب الوالد ..

وهذا بدوره سبب كافي لغياب الرقابة الاسرية بطريقة صحيحة ..

وبالتالي هذا القرار سبب في الذي يحدث ..

وعلي عكس ماكتبت .. اغلب الاسر التي يستعمل ابنائها الكريمات هم من ابناء المغتربين ..

والذين اتوا بهذه العادة القبيحة من دول الاغتراب ..

ثمّ .. انا كتبت عن منهج الصف الثالث الثانوي لانّه اكثر صف يرسخ في اذهان الطلاب ..

وانا كنت طالب ثانوي قبل مدة اقصر منك .. ولكن النهج ككل خالي من التربية الوطنية ..

ومليئ بالتشويش الديني ..

نعم الحلال بين والحرام بين ..

ولكن .. اذا كان الولدان مشغولين بالجري وراء لقمة العيش . .

والمعلّمون غير مؤهلين , فمن الذي يعلم الحلال والحرام ؟!!..

ثمّ .. لا تحاول تحريف الحقائق .. الان في السودان ليس هنالك بيوت معروفة تمارس الرزيلة ..

الرزيلة منتشرة بدرجة كبيرة .. في كل الفئات الاجتماعية ..

والفئة الاكثر اصابة بتلك المصيبة هي طالبات الجامعات ..

هل تعرف لماذا ؟ .. لانّهن لا يملكن الاموال التي تمكنهن من اداء الاقساط الجامعية ..

وانا لم اورد روابط .. انا اوردت رابطين .. ويا حبّذا لو عرفت كيف تفرق بين المثني والجمع ..

والرابط الاول هو شهادة لاحد كوادر الحزب الحاكم السابقين ..

تبيّن بعض الضرر الذي الحقته هذه الحكومة بالسودان .. وبالتالي بالمجتمع السوداني ..

والرابط الثاني هو ايضا شهادة لاحد المنسوبين الي ماتسمي بالحركة الاسلاموية في السودان ..

و تبيّن شهادته عقلية شباب تلك الحركة .. وكيف انّهم اصبحوا يدافعون عنها مهما فعلت ..

وكيف انّهم اصبحوا يضعون نصرة الحق جانبا عندما يتعلق الامر بالدفاع عن هذه الحكومة الفاسدة ..

اخيرا .. عمري مكتوب في بروفايلي .. ومثل سوألك هذا يدفع البعض لاتهام السودانيين بالكسل ..

و عموما .. ليس من الضرورة ان اكون موجودا قبل مجيئ هذه الحكومة لاعرف احوال السودان قبلها ..

يكفي ان اعرف راي من شهدوا ذلك الوقت .. يكفي ان يحكوا لي وعن طباع كرم المجتمع السوداني في ذلك الوقت ..

انصحك بالبحث عن مقال بعنوان : ( اخلاق السودانيين في خطر ) .. علي الانترنت ..

تحياتي

[رءوف]

ههههههههههههههههههههههاي
هووووي يا رؤوف
تقع ليك في كريم مدتو منتهية بزلط وجدانك اقصد وشك أو يبقى مبرقع زي طيارة الجيش
سلامي

بالله ..........كمان الكريم زى الاكل مدته بتنتهى ؟؟
والله شكرا ليك على النصيحة