الحقيبة السودانية .. سر تدهور الإعلام والفن السوداني !!

[ود الزوحي]

كان الحوار الذي تخلله برنامج سهران يانيل ليوم الثلاثاء يدور حول محور سطحي ومحور خفي ربما لم يستطع مقدم البرنامج من الاحتفاظ به .. حيث كنت أتابع البرنامج عن كثب وأترقب لذلك الذي يدور خلف محور الحديث حيث كان المحور السطحي يدور حول عدم قدرة الفنان السوداني على إظهار فنه في بلاد المهجر وغيره من الدول العربية وكان السؤال هل الغربة سبب في اندثار فن ذلك الفنان أم أن الخجل كان هو السبب الأكبر وراء ذلك الاختباء !!

[ود الزوحي]

جلست بالقرب من أحد الأطفال الذين يبلغون سن العاشرة وكنت أمارس هوايتي في العزف فقال لي (بتعرف تعزف الليمونة) !! قلت ليه طبعا وعزفتها ليهو كان بيردد الأغنية عن ظهر قلب بس كان ناقصه الزمن .. المهم

أثناء محاورتي لأحد الشاعرات قالت لي خلال يومين حننتهي من تلحين أغنية حقتي كتبتها وأديتا لفنان (الإمبراطور) قلت ليها دا من و الامبراطور قالت إنت وين عايش قلت ليها في جده .. المهم قلت ليها بكون البغني أغنية عيشة الشقى يا أرض الجزاير ده الإمبراطور حقي غايتو قالت دي أغاني شنو أول مرة أسمع بيها قلت ليها يازولة .. معقولة ما بتعرفي حمد الريح قالت لي سمعت بيهو لكن ما بعرف ليهو شي .. فحبيت ألف عليها وقلت ليها طيب ما سمعتي أغنية كسير تلج ألمتنا حقن البنج .. قالت لي آي سمعتها قلت ليها .. قلت ليها دي حقتو .. قالت لي لا دي بتاعت طه سليمان !!

أها نجي للجيل بتاعنا ناس التمانينات .. بسأل في زول قلت ليهو بتعرف الهادي حامد قالي شنو .. سكت قلت ليهو طيب قرقوري قالي وفي زول ما بعرف قرقوري (تاني وين تلقاني لابره لا في الفيس بوك)

زعلت جد جد منو قلت ليهو ياخي والله ياحليل الفن والله بقيتو ما بتعرفو ناس الفن الصحي صحي وبتعرفو ناس الفيس بوك ديل قالي دقيقة ع الأقل ناسنا البتتكلم عنهم ديل قدرو يعملو حاجة حسي عندك طه سليمان عمل فيديو كليبات وطلعها في مزيكا (دي قناة مصرية فضائية) وريني من ناسك العاجبنك ديل قدر يعمل شي .. فسكت وماعرفت أرد عليهو لأنو بالجد قبل ما أسألو سألت نفسي وجاوبت عليها الفرق شنو الخلا ناسهم يكونو مشهورين أكتر من ناس الحقيبة .. ناس كروم وسرور والكاشف ومصطفي سيد أحمد .. وغيره

طبعا في نكته جميلة كانت أثناء الحوار قلت ليهو ياخي يكفي إنو في محمد وردي فنان أفريقيا الأول .. قالي طه حسي فنان أفريقيا والشرق الأوسط لأنو ع الأقل في ناس عرب عرفوهو !!

للبقية تتمة .. ومافي زول يجي يقول لي الحقيبة أحسن من حسي .. بالمنطق والبرهان موجود الدليل !!

[ود الزوحي]

الفن السوداني وأقصد هنا الحقيبة السودانية .. لها من الزمان ما يكفي ليجعلها تاج على رؤوس الأغنيات وإلي الآن لا توجد أغنية أو فنان سوداني من الرواد السودانييون له اسم برز نجمه في الساحة العربية بخلاف الفنون الأخرى !!

ليه ماعارف .. ده أكبر دليل على فشلها ..

بالإجمال كدا أعتقد إنو الفن السوداني الحالي ناس أضربني بمسدسك والجاب لي أخبارو ودايرك براك في كلمتين قدرو يكتسح الساحة الفنية لدرجة إنو حسي مافي شاب ممكن يلقى استحسان لأغنية من الحقيبة بدل الأغاني دي ..

والدليل واضح هو اندثار هذه الأغاني في مجتمع هذا الجيل !!

[ود الزوحي]

نجي ناخد شوية حتة الفن المصري ..

والله ما أعتقد إنو الفن السوداني أحسن من الفن المصري .. بدليل الفنانين المصرين القديمين ناس أم كلثوم و عبد الحليم حافظ وناس فريد الأطرش ديل عندهم صيت أكتر مننا ..

الشعب المصري أثبت نجاحو في أي شي فن كورة إعلام وغيره !!

لدرجة إنو بقى بقدر ينافس على جوائز عالميه (وبفنانين هذا الجيل) .. ياحليل فننا !!

الاعلام المصري أثبت إنو ذكي جدا حيث إنو اهتم بفنانين هذا الجيل ناس عمرو دياب وتامر حسني حسي قولي في العالم منو الما بعرف تامر حسني أو عمرو دياب (عمرو دياب عندو طيارة) !!

جيبو لي فنان من فنانينا عندو طيارة .. كان زمان وألا حسي !!

الإعلام والنقاد حقينا من خلال متابعتي ليهم جيدا .. اكتشفت إنهم مدمرين فقط وما فاهمين هم بسو في شنو !!

قبل فترة كان في استضافة للفنان طه سليمان .. وكان في مجموعة من النقاد اتهموه بتهبيط الفن السوداني فذكر أحد النقاد حينها أغنية لطه سليمان اسمها (دقيت ليهو ماردا.. برن جوالو بشده .. رضو حبيبي ما ردا)
فقال لي طه الأغنية دي هابطة .. فطه قاليهو ياخي الهابط فيها شنو .. قاليهو الكلمات .. فطه رد عليهو بنوع من الفكاهة بأنو ما ممكن يقول رسلت ليهو حمامة وماردا .. لأنو حسي زمن الحمام انتهي والحمام بقى ياكلوهو بس !!

يعني حتى النقد بقى من غير منطق ..

طيب طالما ما الكلمات هابطة والفن هابط .. كيف قدرت تصل لهذا القدر من الشهرة بين الشباب

ومافي زول يجي يقول لي مستوى السمع بقى رف !!

[ود الزوحي]

حكون في خلال مقارنتي ماخد الجانب المصري أو العربي أكتر شي !!

انتشار فظيع للأغنية العربية أو المصرية مع وجود ضعف في الكلمات ..

تامر حسني من أشهر الفنانين حاليا وأثراهم ثروة ..

أغنية بنات عين شمس .. الأغنية بتقول في مجمل الكلمات إنو البنات يابنات جامعة تجارة ياعين شمس .. وأعتقد الجيل الحالي كلو عارفها ..

من جانبنا طه سليمان .. عندو أغنية اسمها (عندي منية أحب من بنات الطب) والله حسي كان سمعوه ناس النظام بغنيها يلمو في ضرب تحت مسمى الشريعة الاسلامية !!

في حين ذلك كان الاهتمام للشاب تامر حسني يزيد تألقه بين فنانين العرب !!

ولسه مازال المسلسل قائم !!

[ود الزوحي]

جد جد نفسي يوم أسمع إعلام عربي بسيء لفنانين الشباب كان إعلام مصري أو لبناني أو سوري أو عربي حتى ..

بالتالي حنلقى نفسنا نحن الوحيدون البنحب الانتقاد من شنو .. من غير مانعرف أصلا نحن بننتقد ليه !!

[السودانى الاصيل]

[frame="3 80"]

اخيرا موضوع قوى ومهم وهادف

لابد فى البدايه ابعث اليك تحيه على اختيارك هذا الموضوع والذى يحرجنا دائما عدم
معالجته وسط الاخوه من الجنسيات الاخرى

والحقيقه اخى ود الزوحى هى فى المقام الاول تقصير من الاعلام السودانى والموضوع
لا يقتصر على انتشار او شهرة الفنانين والممثلين السودانيين فحسب

بل فى عدم معرفة اقرب الشعوب الينا باكبر واهم مدن السودان ؟ ودائما يسالونى اخوتى من
مصر انت منين فى السودان ام درمان ولا دارفور ؟؟؟

واحد قال لى انت منين فى السودان قلت ليهو من سقط لقط والله ؟؟ اقدع ناس وكان عندى قريبى
بشتغل هناك !!!!!

لانو ما بعرف غير دارفور الفيها الحرب وام درمان الفيها استاد الكوره

الموضوع كبير استاذنا ود الزوحى
ان شاء الله اكون هنا بكثره لاخذ جميع الجوانب فى الموضوع

[/frame]

[ريانه إمام]

سلامات يا ود الزوحي,,
(كويس إنك فتحت الموضوع ده ,, )

,,
أولا
الزمن والذوق والسمع إختلفوا كثيرا عن زمان ,,
أيام كروم,, وسرور ,,والكاشفي
الناس كانت (سميعه)
(مصطفي سيد احمد لسه الناس مواصله عليو وبتسمعوا,,
لانو كل أغنيه من أغانيهو بتحكي عن قضيه معينه
وبالذات الأيام دي,, الناس في حاله هياج سياسي عنيف)

ثانياً
الحقيبه السودانيه لم تفشل
الحقيبه السودانيه أخدت مكانتها المسموح ليها بيها في السودان
في الزمن الكان فيهو الأغنيه العربيه عموماً مقتصره
عبد الحليم حافظ,, أم كلثوم ,و فقط لا غير
أما إذا لاحظنا إنها ما إنتشرت بشكل كبير زي الأغنيه العربيه
(عاين لكل الدول العربيه وعاين للغات البتتكلمها,, بتلقاها قريبه من بعض)
عشان كده ,,
بس اللهجه السودانيه صعبه حبتين علي العرب إنتهم يفهموها,,
(أظن الأيام دي في ناس هنا في المنتدي بطالبوا بتفسير كلمات بعض الأغاني)
وفي مداخله كانت من عضو في المنتدي معناها انو السودانيين نفسهم أغلبهم ما بفهموا معني
الاغنيات,, كيف حيفهموا غير السودانيين,,
سبب تاني أتسبب في (تمركز الاغنيه السودانيه)
الفنانين العرب علي إستعداد ام إنهم يغنوا بلهجات غيرلهجتهم الأصليه
وكده,, بقدروا يوصلوا معلومتهم لأكبر قدر من المستمعين
أما الفنان السوداني أساسا ما بحاول يغني بلغه تانيه(وما مفروض أساسا)
لأنو جمال أغنيتنا ,, في لغتنا
(كيف عايزها تنتشر وهي أساسا تؤدي بلغه عاميه(في الأغلب طبعاً)
*الشاب السوداني الاشترك في ببرنامج(نجوم العرب تقريبا)
لما غني باللهجه المصريه كان (عواه عواره)
,,
اما بالنسبه للفنانين بتاعين اليومين دي
هم بغنوا (ما يطلبه المستمعون)..الشباب عايز كده

,,

بجي تاني,,

[ريانه إمام]

طيب طالما ما الكلمات هابطة والفن هابط .. كيف قدرت تصل لهذا القدر من الشهرة بين الشباب

ومافي زول يجي يقول لي مستوى السمع بقى رف !!

فعلاً يا ود الزوحي,,
السمع بقي رف جدا كمان ,,
والشباب هابط ,, وذوقو هابط جدا,, عشان كده الفن هبط
(السودان ماشي هابط في كل شي)

[أبو أحمد]

يا جماعة الخير .. الحقيبة دى زيها مافى أصلو والله

[حسن العربي]

الحقيبة تثبت علي مر العصور انها الفن السوداني الاصيل ومما يدل علي ذلك ان مايسمي بالفنانين الشباب كلهم يتغني بها ويرددونها فهي ما زالت حقبة عظيمة في مسيرة الفن السوداني.
أما المقارنة بين الفنانين السودانيين والمصريين فكل الامر اعلام . اخوانا في مصر يعرفون كيف يسوقون لمبديعهم وكيف يمجدونهم لكن نحن في السودان فلا نعرف كيف نسوق واعلامنا ضعيف واصلا التربية بتاعتنا تربية صوفية حيث الكل يتواضع ولا يحب الشهرة .

[ود الزوحي]

[frame="3 80"]

اخيرا موضوع قوى ومهم وهادف

لابد فى البدايه ابعث اليك تحيه على اختيارك هذا الموضوع والذى يحرجنا دائما عدم
معالجته وسط الاخوه من الجنسيات الاخرى

والحقيقه اخى ود الزوحى هى فى المقام الاول تقصير من الاعلام السودانى والموضوع
لا يقتصر على انتشار او شهرة الفنانين والممثلين السودانيين فحسب

بل فى عدم معرفة اقرب الشعوب الينا باكبر واهم مدن السودان ؟ ودائما يسالونى اخوتى من
مصر انت منين فى السودان ام درمان ولا دارفور ؟؟؟

واحد قال لى انت منين فى السودان قلت ليهو من سقط لقط والله ؟؟ اقدع ناس وكان عندى قريبى
بشتغل هناك !!!!!

لانو ما بعرف غير دارفور الفيها الحرب وام درمان الفيها استاد الكوره

الموضوع كبير استاذنا ود الزوحى
ان شاء الله اكون هنا بكثره لاخذ جميع الجوانب فى الموضوع

[/frame]

عارف ليه ما بعرفو لأنو نحن ما عايزين نعرفهم .. يعني استحالة شاب عربي أمشي أقوليهو ما بتعرف كروم وألا الكاشف ديل نحن مسؤولين منهم وما بنقدر نجبرهم يعرفوهم .. نحن علينا بالجيل الحالي لأنو هو الحيمثلنا لقدام .. ما جيل ناس جدي وجدك ..

الجيل الحالي من النقاد بنقدو الجيل الحالي لمجرد النقد ليس إلا ..

منتظر عودتك ومرحب بيك عزيزي السوداني

[ود الزوحي]

سلامات يا ود الزوحي,,
(كويس إنك فتحت الموضوع ده ,, )

الفنانين العرب علي إستعداد ام إنهم يغنوا بلهجات غيرلهجتهم الأصليه
وكده,, بقدروا يوصلوا معلومتهم لأكبر قدر من المستمعين
أما الفنان السوداني أساسا ما بحاول يغني بلغه تانيه(وما مفروض أساسا)
لأنو جمال أغنيتنا ,, في لغتنا

(كيف عايزها تنتشر وهي أساسا تؤدي بلغه عاميه(في الأغلب طبعاً)
*الشاب السوداني الاشترك في ببرنامج(نجوم العرب تقريبا)
لما غني باللهجه المصريه كان (عواه عواره)
,,
اما بالنسبه للفنانين بتاعين اليومين دي
هم بغنوا (ما يطلبه المستمعون)..الشباب عايز كده

,,

بجي تاني,,

ذكرتي نقاط كويسة ياريانة ولو لاحظت إنك ذكرت بعض الحلول المرفوضة .. وعشان شنو ماعارف

ليه مامفروض أساسا إنو الشاب السوداني يغني بلغة غير لغتو .. واشمعني لما الناس تلبس لبس غير لبسها ما بكون عواره ياريانة ..طالما في النهاية الهدف هو الظهور بمظهر لائق وربما لافت للإنتباه .. مش في مثل بقول أكل عجب نفسك وألبس عجب الناس

ليه ما يكون في أغاني لينا نحن السودانيين وأغاني لي باقي الشعوب عشان نقدر نصل ليهم !!

نحن دايما بنظلم نفسنا .. يعني شنو لو فنان سوداني غني عربي .. ليزا شاكر تكاد تصعد سلم الشهرة عما قريب بسبب قدرتها الفذة على الغناء بأكثر اللغات .. الفنان حسين الجسمي صاحب الجمهور العريض تغني بلهجة مصرية وما أروع ما تغني به !!

نانسي عجرم بتغني مصري عشان تصل للجمهور المصري وبتغني لبناني للاحتفاظ بمكانتها أمام شعب لبنان ..
أتمنى إنو الفكرة أو المنظور يتغير عشان نقدر نصل لشي .. طالما إنو في إمكانية خلت الناس تغير من طريقة لبسها وطريقة أكلها ..

[ود الزوحي]

فعلاً يا ود الزوحي,,
السمع بقي رف جدا كمان ,,
والشباب هابط ,, وذوقو هابط جدا,, عشان كده الفن هبط
(السودان ماشي هابط في كل شي)

عندنا ياريانة مجموعة من الفنانين الشباب عندهم أغاني وكلمات تعتبر الأقوى من نوعها

رايك شنو في الدمعة لو غلبا النزول .. حرمانة لو تنزل عليك .. شوقي لو غلبو الصبر بتحدى لو يحن ليك!!

ده تقريبا للفنان شكر الله .. حقو ندي الناس حقها .. وألا شنو !!

[ود الزوحي]

يا جماعة الخير .. الحقيبة دى زيها مافى أصلو والله

ماقلنا شي .. لكن أعتقد إنها بقت عقبة قدام إبداعات الشباب .. لأنو كل زول بقى يقارن فنهم بيها !!

[ود الزوحي]

الحقيبة تثبت علي مر العصور انها الفن السوداني الاصيل ومما يدل علي ذلك ان مايسمي بالفنانين الشباب كلهم يتغني بها ويرددونها فهي ما زالت حقبة عظيمة في مسيرة الفن السوداني.
أما المقارنة بين الفنانين السودانيين والمصريين فكل الامر اعلام . اخوانا في مصر يعرفون كيف يسوقون لمبديعهم وكيف يمجدونهم لكن نحن في السودان فلا نعرف كيف نسوق واعلامنا ضعيف واصلا التربية بتاعتنا تربية صوفية حيث الكل يتواضع ولا يحب الشهرة .

طيب الشباب ديل يعملو شنو .. في حالة زول غنى حقيبة يقولو ليه سمح الغنا في خشم سيدو .. وكان غنى غيرها يقولو ليهو حليل الغنا ..

بقى ما معروف يسو شنو زاتو .. حكاية الاعلام دي مسؤولية العشب قبل أي شي .. لأنو الشعب هو العايز يغني يكون في محلك سر لا تجديد ولا تبديل ..

تحياتي

[فارس الرومانسية]

ليالي الخير جادن — ود الرضي



ليالي الخير جادن…………….من المحبوب




نسائم الليل عادن…………….من المحبوب

شفت في الأحلام ظبى يتهادن…..برخيم نغمات خلى تنادن
عبرات الشوق بى ازدادن……تلكم أحلام ليت تمادن


شفت الحسن الحافل رافل …..في ثياب العز والعز كافل
رانع واحل تايه غافل……..لادن هادل ضامر كافل
هادئ ساكن آمن قادل ……..بهجة هيبة حاكم عادل
لافح فره وطارح سادل……ليل عسعس كاسى الهادل
بوبح جيده وأبصر واقل ……ظن مراقب صدق العاقل
قلب المخضوب فوق الفاقل……..تل اليمنى ومشى متاقل
رنا متخاوف بارق لجّ………بعضه فى بعضه ترادف لجّ
نصفو تثنى وآخر لجّ ………..لاطم أمواج من غير لج
رفع الهدب شفت محور ……….نوره تدفق صعد أتدور
فكر في شئ فضل أتصور…..بسم النوار فتح نور
فيه تأمل أيسر بند ……….لدن المثمر غصنه البندى
مايقه ترقرق شهر الهندي ……… فوح منو العرف الرّندى
وصحيت ندمان نومي انقل……..تناوم غش وقواي كل ّ
حاولت النوم لكن كلا………هيهات يعود الكان ولّى
والقصة تقول إن الشيخ محمد ود الرضي كان يحب إحدى الفتيات وكان يريد الزواج منها ولقد غاب فترة من البلد إبان عمله بخزان سنار ولكن حين عودته وجدها قد تزوجت من احد الرجال المعروفين ..وتصادف أن رأى ود الرضي في منامه انه وفي مايرى النائم أنه مرّ بأمام منزل الملهمة وكانت أبواب المنازل تصنع من المطارق وهى أعواد الأشجار ويمكن لاى شخص أن يرى ما بداخل المنزل من بينها …فشاهد ود الرضي هذه الجميلة..فماذا شاهد…
شفت الحسن الحافل رافل …..في ثياب العز والعز كافل

رانع واحل تايه غافل……..لادن هادل ضامر كافل
هادئ ساكن آمن قادل ……..بهجة هيبة حاكم عادل
لافح فره وطارح سادل……ليل عسعس كاسى الهادل
هذا هو الجمال والحسن والروعة التي شاهدها ود الرضي…ولكن هذه الجميلة شعرت هنالك من يراقبها وينظر إليها من بين الفتحات ….فماذا فعلت ؟..من عادة النساء في السودان في الأيام التي ليس فيها مناسبة أو عيد يخضبن الكف الأيسر…فلما رأت هذه الملهمة من يراقبها هزت جيدها ووضعت يدها المخضبة وهى اليد اليسرى على وسطها وتلت اليمنى ومشت على مهلها يتثنى قوامها ويتمايل بعجن يكاد أن ينقسم ..
بوبح جيده وأبصر واقل ……ظن مراقب صدق العاقل
قلب المخضوب فوق الفاقل……..تل اليمنى ومشى متاقل
وعندما وقلت بعينها مستغربة رأى ودالرضى العيون التي يشع ويتدفق النور من كل جوانبها …وترقرقت عيونها بالدموع فأصبحت جارحة كالسيوف الهندية …أما قوامها اللادن فقد أثمر وفاحت منه العطور الطيبة ..
رنا متخاوف بارق لجّ………بعضه فى بعضه ترادف لجّ
نصفو تثنى وآخر لجّ ………..لاطم أمواج من غير لج
رفع الهدب شفت محور ……….نوره تدفق صعد أتدور
فكر في شئ فضل أتصور…..بسم النوار فتح نور
فيه تأمل أيسر بند ……….لدن المثمر غصنه البندى
مايقه ترقرق شهر الهندي ……… فوح منو العرف الرّندى
العرف هي الرائحة الطيبة أما الرندى فهو من الرند وهو شجر طيب الرائحة…أما في نهاية الأغنية فيقول ودالرضى انه قد صحي من هذا النوم وحاول أن ينام مرة أخرى حتى يستمر الحلم ولكن هيهات يعود الكان ولى…
وصحيت ندمان نومي انقل……..ترخرخ جسمي وقواي كل ّ
تناوم غش لكن كلا………هيهات يعود الكان ولّى
وفى رواية أخرى …حاولت أنوم لكن كلا ….هيهات يعود الكان ولى
والعبادى جارى ود الرضي في كسرة هذه الأغنية أيضا حيث قال في أغنية بلابل الدوح …عيد لي النوم من اجل خيالك ……

[نهر المحبه]

التحيه لود الزوحي وللاخوه المتداخلين
في رايي الموضوع عنده جوانب كتيره...
1- انه الشعب السوداني شعب تقليدي ما من الساهل انك تقنعوه بالجديد..
المثال الذكرتوه للشاب في برنامج البوم وكمان شروق ابو الناس لمن غنت خليجي.
وده الشي الحاصل والمشكله البتواجهنا كل مايتفتح حوار فيه مقارنه مابينا
ن جيلنا والجيل القبل مننا
لو جينا نظرنا موضوع من جهة تانيه
الزمن مختلف احنا عايشين في زمن غير الزمن الاتوجدت فيه الحقيبه اصلا...
ايقاع حياتنا وطبيعتها كل شي اختلف...
بالتالي ما من الانصاف اننا نقيس تدهور الفن السوداني بالحقيبه وغيابها
الاغاني حاليا اتنوعت واتقسمت
عندك اغاني الحفلات دي بكون الكلام فيها ماموزون تلقى النس شغاله مع الموسيقى ما منتبه للكلمات
في حين انه الكلمات لو واحد قعد يسمع ليها بيلقاها مامقبوله في الغالب...
وكل شخص ميوله بيختلف عن الشخص الاخر....
في زمنا عندنا فنانينا البعبرو عن الشباب اليوم بس محتاجين لقوة الكلمات
احنا بنغني بالسلم الخماسي وماعندي فكره عنو لكن على ما اعتقد انه تقيل
بس عندنا اغاني خفيفه منها اغنية اودعكم لسيد خليفه غنتها فرقة ميامي...
يعني طريق الاغنيه السودانيه للشهره مفتوح بس محتاجه للفرصه المناسبه

[الحلم السوداني]

اولا التحية لك يا ود الزوجي على الموضوع المهم دا

والتحية لكل المشاركين في البوست

الموضوع يحتمل محاور كتيره للنقاش ومن المواضيع الفيها اراء كتيره لان كل واحد بشوف من منظوره هو

انا بضم صوتي لصوت نهر المحبة في حكاية ان الاغنية السودانية ممكن تعبر وتنتشر زيها زي الاغنية المصرية ولا اللبنانية ولا حتى الخليجية بس دا عايز ليه ووقت وشغل وجهد ما شوية بالبلعكس عايز شغل كبير لانها زي ما وصلت في العديد من الاغنيات البنعتبرها من اجمل الاغاني السودانية زي اودعكم وغيرها واكييد هي ما اغاني كتيره ....


اما من ناحية انه ليه الفنان السوداني ما يغني لهجة اخرى ما هي المشكلة بس اهم حاجة يكون مواكب ذوق وطبيعة ولحن واسلوب الاغنية باللهجة الاخرى لان التنافس في الغناء باللهجة الاخرى يكاد يكون في كل مكان وهناك عمالقة في الغناء بالمصري او الخليجي او غيره فعشان تخوض تجربة زي دي لازم تكون متمكن ومواكب في كل شي اللحن الكلمة الاسلوب وحتى الفديوا كليب !!!


نقطة تانية ...ليه الغنية السودانية ماانتشرت زي المصري وغيره

اولا بالنسبة للمصري دا مجال كبير للمقارنة لان مصر هي الرائده في حكاية الغناء السينما من حقبات مرت وهي تعتبر بهليود الشرق واكيييد لاكتساع اللهجة المصرية وانها بقت مستساغة وسهلة وبسيطة بالنسبة للوطن العربي وكمان من فترات طويلة فالمقارنة هنا صعبة مع مهو الحال في الاغنية السودانية او الدراما او غيره ولا ننسى ان زمان ايام افلام اسود وابيض كتير من الجنسيات اللبنانية في التمثيل على سبيل المثال انعرفوا واتقدمو باللهجة المصرية عشان كذا نجحوا واتعرفوا

وفيما بعد انعرف انه اللي عايز يشتهر يبدا في مصر لان سوق الشهرة ببداء من هناك وكان كتير من اللبنانين وحتى الخليجين لما حبوا يشتهروا في الوطن العربي يا غنوا باللهجة المصرية يا لحن ليهم مصري او كاتب اغنية مصرية وكدا وفيما بعد نشر اغنياته تبع للهجته الاصلية اللي كان ليها جمهورها في محيطه بس يعني الخليجي زمان بس معروف في الخليج ومستحيل مصري ولا لبناني يسمع اللهجة دي وهاكذا الحال مع باقي اللهجات والجنسيات


انا شايفة الممكن نقارن نفسنا بيهم (واكيييد ما قصدي ان اقلل من عظم الموروث الثقافي الغنائي ولا الموسيقي عندنا )نقارن نفسنا بالمحيط المغاربي هل الاغنيات المغاربية منتشرة في الوطن العربي لا ليه لان الذن العربية لسى ما مستسيغا اللحن والكلمة حقتهم وكذالك عندنا اللهجة العراقية ما دخلت الاسواق وباكتساح الا مؤخرا مع العلم ان كان كاظم الساهر من رواد فن الغناء بس كان حالة استثنائية لانة كان يغني اللحن المصري او اللبناني بكلمات عربية فصحى واحيانا جدا بالعراقي مع ادخال اللحن العراقي في كثير من الاغنيات ....واتوقع زي التجربة دي هي اللي حتفيدنا في الاغنية السودانية ذات الكلمة واللحن السريييع الانتشار واللي يرضى اغلب الاذواق وليس جميعها طبعا


لي عوده انشالله ....

[ود الزوحي]

ليالي الخير جادن — ود الرضي


ليالي الخير جادن…………….من المحبوب


نسائم الليل عادن…………….من المحبوب

شفت في الأحلام ظبى يتهادن…..برخيم نغمات خلى تنادن
عبرات الشوق بى ازدادن……تلكم أحلام ليت تمادن

والعبادى جارى ود الرضي في كسرة هذه الأغنية أيضا حيث قال في أغنية بلابل الدوح …عيد لي النوم من اجل خيالك ……

حبيبنا يافارس .. مافي زول نكر جمال كلمات الحقيبة عشان تقوم تجيب لي بيت أو أغنية منها .. أنا مقتنع بالشي دا .. لكن أين الحقيبة وفنانين الحقيبة من فنانين الشرق الأوسط ياخي الهنود مشهورين أكتر مننا

تحياتي ياملك ..