كلام .. احساس!!!!!!!!!!!

[حسن العربي]

هناك كلام تم نظمه في شعر الغناء السوداني وكنت دائما اشعر بانه كلام يمكن احساسه بدلا من قوله وورد كثير في اشعارنا السودانية الغنائية انظر الي قول شاعر الحقيبة
أنا يا حبيبي تجدني علي هواك امين
وفؤادي يعجز عن افكاري في الخمين(احساس رائع)
وحواسي تحسد نظري لي حسنكم تضمين
شمالي تاخدو الغيرة اذا جلست يمين( قمة الاحساس البديع)
تأمل معي الشاعر عندما يقول(اغنية ود الامين) لو وشوش صوت الريح في الباب
يسبقنا الشوق قبل العين
هذا لا يفهمه الا واحد شعر به... مرات كثيرة الشوق يكون اسرع من النظر!!!!!!!!!!!
رأيكم ايه هل في كلام نحسو قبل ان نقوله؟؟؟؟؟؟؟؟؟؟؟؟؟؟
الشاعر التجاني حاج موسي قال : لو الخاطر سرح عنك تأكد انو راح ليك
الشاعر السر دوليب قال أنا والاشواق في بعدك بقينا اكثر من قرائب
وكثير من شعرنا الجميل!!!!!
لكم الشكر

[بحلم]

موضوعك جميل جدا يا حسن
وفعلا اوقات كتير تحس ان لما بتسمع جمل معينة فى اغانينا السودانية
تحس انك عايش اللحظه دى من دقة وعمق المعنا
وكتير تتخيل الموقف اللى مريت به من هذه الجمل التى هى غاية
فى الرقى والروعة والتعبير الرقيق
تسلم على البوست الاكثر من رائع الذى يحمل مشاعر رقيقة

[السودانى الاصيل]

[frame="1 80"]

الاخ الرائع حسن العربى

كلمات الحقيبه وكلمات الغناء السودانى القديمه وبعض الجديده جميله وبديعه
وذات معانى جذابه

واعتقد الاحساس دائما يسبق الكلام لاننا نعبر بالكلام عن ما نحس به
وشكرا حسن ومزيد من البحث فى الكلمات ومعانيها الرائعه

[/frame]