بالدارجي

[الياسمينة]

الداخلة من باب الطيور ..



للشاعر :
محمداحمدنقد الله



آسف اذا ماقت فيك
انك ولاشبة الكفاح
على قدرى ماشلعت شموس
جواكى ماشفنا الصباح
ستفنا نضمك بالسكوت
ماخفنا غضبات الرياح
على قدرى مااندفنت بيوت
طالت عمارات السفاح
نرجاكى بس فى ياتو ميل
فى يات بلاد
بى ياتو حيل
والحيل جريح
والليل طويل
فوق أى غيم بتلاقى ريح
الدم على درب الوطن
يرسم على الاحلام ضريح
مسقوفة أزمنة الكلام
عن ساعة القول الصريح
ومفتوحة ابواب الملام
فى ساحة الفال الذبيح
يا داخلة من باب الطيور
فى ايدك الأولى السلام
وفى ايدك التانية الصبر
غشوكى اولاد الضلام
لاقوكى حافرين القبر
آخر مساراتك حريق
أحزانا مجرورة وتجر
يا الحاضنة أوجاع التراب
الراجى غيماتك تدر
دقينا ماخلينا باب
للوجعة فى الزمن الفقر
لا ارتحنا لا غنا السحاب
لا ليل مناحاتك بسر
يا الساكنة فوق خاطر الشموس
اليومى بتجيك بالمغيب
ورينا شن طعم النفوس
المابتوافيك بالحبيب

[الياسمينة]

الهزاني من جوّاي وجنن فكري
بنوتاً متل فلق الصباح البدري
سارب من ضحاي لي ليلي لامن فجري
شاكي الفرقة والصد المضيّق صدري
قسّام الصبر انجدني ضايع صبري

[كاريكا]

أبدعتي وإنشاء ما تنقطعي تاني
تقبلي مروري