الزول من يكبر بالله غير المشاكل مايشوف حاجة يطلع من مشكلة ويقع في حفرة تانية والله لمن زهجنا ظاااتو
علي الطرب بتلاتة بقينا نحل المشاكل قبال ماتقع بعتبار ماسيكون وبعد دا كل الحال ياهو الحال تصبح بمشلكة وتنوم بمشكلة انا قايتو بقت عندي وزارة من المشاكل والامور المستعصية وبعد دا كلو كل يوم احلم احلام يقظة اقول بكرة احلي ولكن ...
طااااااخ يطلع بندق في بحر عاد دا كلام يرضي الاحاسيس والمشاعر المقدسة .
عشان كدا دائما بسبح بخيالي الي تلك الايام الجميلة التي قضيناها في الطفولة واللعب بالطين وشليل ولاهمانا حاجة وكان عندي ساعة الزمن الغدار دا كنت وقفت الزمن دا في زمن الطفولة وعمرنا مانكبر وراسنا دا ماينصلع بكترة المشاكل والكر والفر من المحن التي تأتينا فرادا وجماعة لكن تاني لمن اتذكر جلد المدرسة وحفظ جداول الضرب والقيام مع الصباح البااارد داك وسوط المعلم المنتظرنا رغما عن انوفنا اقول لا لا اخير لي ابقي كبير وعاقل مالو ماكويس والله راسنا دا ظاااتو مافاضي لي دجاجي يلقط الحبة وجداول الضرب والامتحانات
سألت مرة وانا في السودان احد الطلبة الصغار بتتمني شنو قال لي والله ياعمو عاوز ابقي كبير وارتاح من الجلد دا ...
وقلت له ضاحكا والله ياولدي الجلد الكتير لسع راجيك قدام قال لي طيب الحلل قلت ليه الحلل عند ربك ماصلو ياولدي الانسان عمرو كلو مجلود صغيرا كان ام كبيرا بس كتر الكركاسات تسلم
طيب نعمل شنو ياخوانا دا حاار ودا مابنكوي بيه ...
قلنا الرووووووووب كررررر علينا .
مرسال الكبر شين والطفولة فيها براءة ومرح وجلد وشقاوة شفع ولعب ولما واحد يذكر طفولتي يمني الروح ان لو الزمن وقف بيه في تلك المرحلة الجميلة والمدهشة الطوطحانية والنبلة والشرك والخور والبحر يا سلام وحضرة الصول وعمو الجزار وست اللقيمات والفدادية وعربيات من علب الصلصل واساتكها بعملوها من السفنجة وحصان الخشب وفراشة المدرسة وسرقة الطباشير والشخبطة في الحيطة يا ليت ذا الزمان يعود وبت جيرانا وكلب ناس خالتي ياه ياسلام مرسال الشوق الشوق الوحيد ليك ول الماضي النبيل في موضوعك شفته الماضي ب كرعو بث تاوق وطفر
حياك الله اخي
لماذا كل واحد منا يشتاق الي ماضيه ويعود به الحنين الي ايام الطفولة؟؟؟
هل السببب الهروب من الواقع ام عدم قدرتنا لمواجهة المشاكل والمصائب التي تنهال علينا بما كسبت ايدينا او بسبب الحاقدين والظالمين؟؟؟
ام عجزنا لجعل ايامنا وحيتنا ممتعا ؟هل استسلمنا للحزن ؟استسلمنا للالام ؟استسلمنا للاحباط ؟؟؟
ام ماذا ياجماعة الخير؟
بين وبينك يامان ايام الطفولة احلي منها مافي ولة كيف
السنبلاية كتب:
تانى رجعنا مع سيد الكارو لسيرة ( البعاتى )
الله يكون فى عونا . كوم من المشاكل .. وكوم من الشــياطين
بسم الله الرحمن الرحيم .. هسى انا بخرم كدى مالى ..!!!
اووووو ست الخرمشة زاااتة والله نحن من خرمشتك بقينا لو جانا كيس طاير سااااكت نقوم جارين
يازولة انت جننتينا بكتاباتك دي والله اموت واعرف بتبجيبي الكلام دا من وين انا كل يوم شايل الدكشرني عشان افسر فيهو عدمتي راسنا الصوفة مخير الله علينا جانا حول ثلاثي في الاضنين وطرش في النخرين
بعد الزمن كتب:مرسال الكبر شين والطفولة فيها براءة ومرح وجلد وشقاوة شفع ولعب ولما واحد يذكر طفولتي يمني الروح ان لو الزمن وقف بيه في تلك المرحلة الجميلة والمدهشة الطوطحانية والنبلة والشرك والخور والبحر يا سلام وحضرة الصول وعمو الجزار وست اللقيمات والفدادية وعربيات من علب الصلصل واساتكها بعملوها من السفنجة وحصان الخشب وفراشة المدرسة وسرقة الطباشير والشخبطة في الحيطة يا ليت ذا الزمان يعود وبت جيرانا وكلب ناس خالتي ياه ياسلام مرسال الشوق الشوق الوحيد ليك ول الماضي النبيل في موضوعك شفته الماضي ب كرعو بث تاوق وطفر
الزعيم ملك الفكاهة .... بعدو
والله ليك وحشة بالشوالات والقفف يازول والله
كانت عندي رغبة شديدة اشوفك في الاجازة لكن ماقدرت
لانو ماعرفت رقم تلفونك لكن يلاااا نحن عارفين نفسنا مالينا في الطيب نصيب
وايام زمان يامان انا قايتو ماخليت لي لعبة مالعبتها والعجب
العجيب ماخليت لي سوسيو حايم في الفريق
وكل يوم عائم في الترعة لمن بقيت ذي الدحش الاخضر
لكن الايام ديك يامان مابترجع بالساهل بس نقول ياحليلا
وياحليلنا نحن الكبرنا وكبرت همومنا واحزانا
لمن بقينا الحزن النبيل ظااااتو
تحياتي يافردة وابقي قريب وماتبتعت
ام مودة كتب:مرسال الشوق يسعد مساء بالخير فعلا ايام الطفوله حلو وكلنا اكيد بنتمنا لو يرجع بينا الزمن لي وراء
ويسعدلي ايامك اختنا الرااااااائعة جدا ام مودة
والله طلتك حلووووة وبصمتك دائما جميلة ماحرمناك
ويارب ايامك كلها سعيدة ... بس تاني ايام زمان مابترجع بالساهل
ولكن دائما شاهديها في الصغنونة مودة ربنا يحفظها ليك
مرسال الشوق ...احيييك على اللفتة الجميلة والموضوع اللذيذ
صدق انا يظهر لي لو ماكانت الذكريات الحلوة دي معانا وتدينا دفعة للامام ....كان زمان قطعنا بنزين ووقفنا في نص الطريق
لي عودة بعيد عنك العبرة خنقتني
وانا ايضا احييييك علي الحضور الالق الجميل
ويابت امي ايام الطفولة لها مزاق جميل وذكرياتها دائما حلوة لي اي شخص
لانها ايام عفوية وطيبة مش ذي الوقت دا كلو حقد وكزب وغش
حياك الله اخي
لماذا كل واحد منا يشتاق الي ماضيه ويعود به الحنين الي ايام الطفولة؟؟؟
هل السببب الهروب من الواقع ام عدم قدرتنا لمواجهة المشاكل والمصائب التي تنهال علينا بما كسبت ايدينا او بسبب الحاقدين والظالمين؟؟؟
ام عجزنا لجعل ايامنا وحيتنا ممتعا ؟هل استسلمنا للحزن ؟استسلمنا للالام ؟استسلمنا للاحباط ؟؟؟
ام ماذا ياجماعة الخير؟
بين وبينك يامان ايام الطفولة احلي منها مافي ولة كيف
طيران الخليج التذكر بكم
احيييك واقيف اجلال واحتراما لحضورك الجميل
يازول حزن شنو البنستسلم ليه علي الطب بتلاتة نحن الحزن عبيناهو في شوالات وصدرناهو وعاد لينا بالعملة الصعبة ونحن يامان لو مابنضرب الهم بالفرح كان جانا شلل اطفال في العواطف او فقدان شهية
الفرح لكن علي منو والله الهم دا نضربو ضرب غرائب الابل وخليهو يجي ماري بجاي يشوف شوف
وماطول الغيبة التذاكر اليومين ديل رخيصة بتقدر تمشي والطيارة هبوبة ساااااقطة بس اول من تنزل تروح شمار في مرقة واقول ليك حاجة بس شيل معاك كم شوال كدا بتاع قروش اصلو البلد مولعة نااااار .... وياحبيبي نااااار
وتاني متشكر علي المرور الظريف
تحياتي واشواقي
مرسال الشوووووق ،،،
بين وبينك يامان ايام الطفولة احلي منها مافي 
طيران الخليج التذكر بكم
