أرح الســــــــــــــــــوق ...!!

[همسة فرح]

~*¤ô§ô¤*~*¤ô§ô¤*~أرح ننسى الوجع لحظات

و يلاك نحتفل بالشوق ..

نسيب الوحشه و الأحزان

نحلق بالمشاعر فوق ..

نسد باب الوجع بالريد

نزيل من بينا أي فروق ..

و نفرح نزرع التحنان

على أرض المحنه عروق ..

و ننسى الناس

و دنيا الناس

و قول الناس

نجيب شمس المحبه شروق ..

نتاتي الريده و إلإحساس

و نمشي السوق ..

نجيب رطلين أماني و حن

نجيب من الوداد صندوق ..

نجيب إخلاص و دسته جن

و كم كيلة محبه و ذوق ..

و نقيف نتحدى صمت البوح

نسيب حس الزمان مشروق ..

و ترجع لي هداوة الروح

و سمح الفال و نبض الشوق ..

و يرجع كل فرح مسروق ..


أرح الســـــــوق ..

أرح ي زول

نبيع أحزانا نص السوق ..

أرح ي زول

نبدل وحشة الأيام

نبدل ليل ملاهو ظلام

نبدلو بي أمان و شروق ..

و أرح الســـــــوق

نجيب من الحنان فستان ..

وفا و إخلاص

دفا و إحساس

و كميات من التحنان

و أعرف إنو ما بنفوت

نجيب الحسره و الأحزان ..

أرح و ما يهمك البدفع حساب الريد

و لا يهمـــــــك ..

انا البدفع ....

معاي شيكات قلب بالريد دوام غنيان ..

و لو بالكاش جيـــــــوبي ملانه بي ناسي

و إحساسي ..

وصحاب بيسدوا عين الشمس ..

و جنبي ملايكه حراسي

و لا تهتم ي إنسان

أرح السوق ..

أرح خلي اللعب ملحوق ..

أرح نشتاق أرح نحلم

نجيب لي جراحنا كم بلسم ..

نفوت لي صيدليه الريد و نتبسم ..

نجيب لي همومنا ألف دوا

حبوب أفراح و ريد و هوا

أرحكا سوا ..

أرح السوق ..

أرحكا معاي..

و كل الدنيا ما هاماني

ما دم فيك بجد دنياي ..

أرحكا قمر هواك ضواي ..

قبس يهديني بي نورو

إذا ما تهت في جواي ..

أرح ي جــــــن ...!!~*¤ô§ô¤*~*¤ô§ô¤*~

[كاريكا]

ياريت لو كل سوق زي سوقك يا همسة !!!!
لكن البمشي السوق اليويمن ديل بخاف على جيبو ولا ماكدا ؟
تقبلي مروري يا غالية

[همسة فرح]

ياريت لو كل سوق زي سوقك يا همسة !!!!
لكن البمشي السوق اليويمن ديل بخاف على جيبو ولا ماكدا ؟
تقبلي مروري يا غالية

هههههههههههههههههههههه صح السوق بخوف اليومين ديل
لكن ما تهتم انا البدفع

[أم عسجد]

والله قصيده رايعه وجميله وكلمات بسيطه تدل على بساطه صاحبتها
احلى حاجه
ارح ياجن
انا البدفع
(الساعه اليقولواليك رصيدك لايسمح لااجرا هذه .......... )

[أم عسجد]

هههههههههههههههههههههه صح السوق بخوف اليومين ديل
لكن ما تهتم انا البدفع

اى شى بقى غاااااااااااااااااالى اليومين ديل
همسه مالك الوفاء دا اشتريتى شويه ولا غاااااااااالى

[همسة فرح]

والله قصيده رايعه وجميله وكلمات بسيطه تدل على بساطه صاحبتها thumbup.gif
احلى حاجه
ارح ياجن
انا البدفع
(الساعه اليقولواليك رصيدك لايسمح لااجرا هذه .......... )

تسلمـــــــــــــــــــــــــــي ي موووووووووون الغالية

و ارح ي جن

و الرصيد ده دااااااااااااااااايما فاضحنا في المجتمع الراقي ... :040:

[همسة فرح]

اى شى بقى غاااااااااااااااااالى اليومين ديل
همسه مالك الوفاء دا اشتريتى شويه ولا غاااااااااالى

نحن ناس الغاااااااااااااااااااالي معقول نشتري شويه ؟؟؟

[أم عسجد]

نحن ناس الغاااااااااااااااااااالي معقول نشتري شويه ؟؟؟

كترى منو باقى اليومين ديل بقى نادر قبل ينعدم
ويااااااااااااااانتا ارح ننسى الوجع لحظات

[Batta]

~*¤ô§ô¤*~*¤ô§ô¤*~أرح ننسى الوجع لحظات

و يلاك نحتفل بالشوق ..

نسيب الوحشه و الأحزان

نحلق بالمشاعر فوق ..

نسد باب الوجع بالريد

نزيل من بينا أي فروق ..

و نفرح نزرع التحنان

على أرض المحنه عروق ..

و ننسى الناس

و دنيا الناس

و قول الناس

نجيب شمس المحبه شروق ..

نتاتي الريده و إلإحساس

و نمشي السوق ..

نجيب رطلين أماني و حن

نجيب من الوداد صندوق ..

نجيب إخلاص و دسته جن

و كم كيلة محبه و ذوق ..

و نقيف نتحدى صمت البوح

نسيب حس الزمان مشروق ..

و ترجع لي هداوة الروح

و سمح الفال و نبض الشوق ..

و يرجع كل فرح مسروق ..


أرح الســـــــوق ..

أرح ي زول

نبيع أحزانا نص السوق ..

أرح ي زول

نبدل وحشة الأيام

نبدل ليل ملاهو ظلام

نبدلو بي أمان و شروق ..

و أرح الســـــــوق

نجيب من الحنان فستان ..

وفا و إخلاص

دفا و إحساس

و كميات من التحنان

و أعرف إنو ما بنفوت

نجيب الحسره و الأحزان ..

أرح و ما يهمك البدفع حساب الريد

و لا يهمـــــــك ..

انا البدفع ....

معاي شيكات قلب بالريد دوام غنيان ..

و لو بالكاش جيـــــــوبي ملانه بي ناسي

و إحساسي ..

وصحاب بيسدوا عين الشمس ..

و جنبي ملايكه حراسي

و لا تهتم ي إنسان

أرح السوق ..

أرح خلي اللعب ملحوق ..

أرح نشتاق أرح نحلم

نجيب لي جراحنا كم بلسم ..

نفوت لي صيدليه الريد و نتبسم ..

نجيب لي همومنا ألف دوا

حبوب أفراح و ريد و هوا

أرحكا سوا ..

أرح السوق ..

أرحكا معاي..

و كل الدنيا ما هاماني

ما دم فيك بجد دنياي ..

أرحكا قمر هواك ضواي ..

قبس يهديني بي نورو

إذا ما تهت في جواي ..

أرح ي جــــــن ...!!~*¤ô§ô¤*~*¤ô§ô¤*~

هموسة سوقيني معاك دايرة اجدد غرف قلبي

وما تخافي جيبي لي زولي وانا البدفع.

انتي رائئئئئئئئئئئئئئئئئئئئئئئئئئئئئئئئئئئعة,وسوقك زاتو زيك

[بلسم حياتى]

قصيدة جميلة شديدة وكلمات بسيطة وحلوة وياريت كل سوق زى سوقك

[همسة فرح]

هموسة سوقيني معاك دايرة اجدد غرف قلبي

وما تخافي جيبي لي زولي وانا البدفع.

انتي رائئئئئئئئئئئئئئئئئئئئئئئئئئئئئئئئئئئعة,وسوقك زاتو زيك

ارحكي سريـــــــــــــــــــــــــع انا راجياك في طرف الشارع
الروووووووووووووووووعه منك و فيك ي سكره

[همسة فرح]

قصيدة جميلة شديدة وكلمات بسيطة وحلوة وياريت كل سوق زى سوقك

~*¤ô§ô¤*~*¤ô§ô¤*~
شكرا ي بلسم ده سوق موجود جوانا بس ي ريت كل زول يفتش دواخلو و أكييييييييييييييييييييييييد حيلقاهو

و أرح ي جن ~*¤ô§ô¤*~*¤ô§ô¤*~

[همسة فرح]

كترى منو باقى اليومين ديل بقى نادر قبل ينعدم
ويااااااااااااااانتا ارح ننسى الوجع لحظات

أرح ي جـــــــــــــــــــــــــــن ....

[رمـــ(الماء)ـــاد]

اعجبني جدا ...
تقبلي مروري ...

[همسة فرح]

اعجبني جدا ...
تقبلي مروري ...

شكــــــــــــــــــرا على مرورك المفرح ..........

دام الود ....

[أم عسجد]

همسه
يلاك نحتفل بالشوق ..

شوق الشوق شقاوه شديده اشد من الشواق

[همسة فرح]

همسه
يلاك نحتفل بالشوق ..

شوق الشوق شقاوه شديده اشد من الشواق

انا شوقي شوقا" شوق الشوق و جني جنا" جنن الجن

[أم عسجد]

انا شوقي شوقا" شوق الشوق و جني جنا" جنن الجن

لاحولا لاحولا

[nooon]

والله ياهمسة شكلك كدا حتأجري ليك بص كبيـــــــــــــر
عشان الناس الماشين السوق ديل بقو كتار شديد
برمة :
قلتي لي هو السوق دا جنب شنو؟

[مدثر محمد الرفاعي]

والله قصيده رائعه وممتعه شكلك كدا شاطر في التجاره