انا الغلطان ولا هي الغلطانة قصة حب حقيقية حصلت لي شخصيا؟ في انتظار الحكم من القراء

[طالب القرب]

في انتظار الحلقة القادمة ...مع انو احساسي بقول تغير للاجمل ..مؤقتا

هي اكيد اجمل ومن اجمل الحلقات لانو فيها المفاجئة الحلوة والماكنت متوقعها

انتظروووووووووووووووووووووووووووا

[بت السرف]

[align=center]ازيكم
اها الفاتنى شنو؟؟؟
الاخ العزيز بعد الزمن
انت عارف.....
ناس عايشة الحياة بروحها...
وناس عايشة الحياة مجروحة...
وانت ياود امى نص عمرك ضائع..
وللا رايك شنو dreem-lady[/align][/b][/size]

[هجره]

اها اعمل لينا اعلن فوق لما تنزل الحلقة الجديدة

عشان ماتفوت علينا

[طالب القرب]

الحلقة الخامسة : -

المقابلة الشخصية لاول مرة :-

طبعا زي ما قلت ليكم انا في بداية الطريق وما عندي التكتحني لكن الحمد لله الوالد مبسوط وانا في الصف الثاني الثانوي وبعد ما انتهيت من مشكلة ولد خالتها طبعا زي ما قلت ليكم كنت مبسوط وفرحان ومن شدة الفرح ما نمت الليل وبساهر الي الساعة 4 / 5 صباحا كل يوم افكر كيف اوصلها ( احترت فيها واحترت في القلب اليفكو وينشبك كيف اوصلا ) المهم مرت ثلاثة اربعة ايام قمت قابلت ود خالتها طبعا ود خالتها اصلا هو صحبي بس ما عارف اليوم ديك كان شوية وشو متغير قلت ليهو يا ( أ ) كيف اخبار ( ك ) قال لي يازول والله مية المية قلت ليو يازول ممكن طلب قال لي ابشر والله طالما انك انت عرفت والكلام دة بينا والله عندي نية اجلس معاها لحالنا وبك ادب رايك شنو قال لي مافي مشكلة اصلا خالتي جمبكم في البيت صاح اقول ليها الزول دة بلاقيكي هناك قلت ليهو ابشر يازول والله مافي اي مشكلة اها وبعد كدة بقت في الاقيها كيف واقول ليها شنو بس قلت خلاص لمن يجي يومها يازول مشت الايام وعد السبت الاحد الاثنين الثلاثا يوم الاربع لاقاني ( ا ) وقال لي يازول بكرة الخميس الزول دة جاي عن ناس خالتي قلت ليهو ابشر ما في مشكلة ورجعت يوم الاربع كويت يازول الجلابية والطاقية والشبط عملت ليهو ورنيش وضفتو نضيف يازول بقي حاجة ما تخلص المهم واليوم ديك من شدة الفرح والله ما قدرت انوم مشيت الكورة يوم الخميس وفي الرجعة قلت ليهو اها ( ك ) نزل لي خالتو ولا ما نزل قال لي العصر دة بكون نزل لانو انا اتغديت معاهم وقالت لي انا نازل يازول طبعا مشيت البيت استحميت حمام كدة بي مزااااااج حمام بتاع زول حبيب المهم شربت شاي المغرب الوالدة قالت لي الليلة عندكم حفلة ولا شنو قلت ليهو لا بس عندنا مرقة لي اصحابنا طبعا الايام ديك ايام التلفزيونات خشت البلد جديدة وتشوفو ناس المسلسل يتلمو في بيت واحد التقول نادي مع انو الناس كلهم عندهم تلفزيونات بس علشان التعليق وكدة المهم مشيت احضر التلفزيون عند ناس قريب من بيت خالتهم وقمت رسلت ود عمي قلت ليهو امشي قول للزول انا هنا بس اول ما مرقت برة عايز اوصيهو واقول ليهو كدة وكدة لقيت زولي ( ا ) واقف قدامي وبسمل علي وبناديني بي اسمي كانت احلي لحظة في حياتي مريت بيها وشدة ما اتهجمت ما صدقت وقلت ليها انتي ( ا ) حتي قالت لي خلاص اليوم عميت يازول يمكن حوالي خمس دقائق ايدي في ايدها وود عمي ما عرفتو محل مشي والدينا ليل وقلت ليها اخبارك وعاملة كيف شافت خالتها جاي فكتي ايدي وجرت ودخلت محل المسلسل وانا من شدة الهجمة منها ومن خالتها المسلسل ما حضرتو وقمت جري علي الشباب في الحلة وجلست معاهم وبالي اصلا ما معاهم ولا مع حد فيهم وانا بفكر وساعة ساعة امسح ايدي اقول انا سلمت عليها اصلا ما مصدق انو ايدي دخلت في ايدها وطبعا كانت اجمل لحظة في حياتي امر بيها والمنظر الي الان ما طلع من خيالي ومع داك مع مواعيد المسلسل مشيت انتظرت قدام البيت لكن كان للاسف خالتها معاها وجاني ود عمي قالي لي اطلع خلاص يلا البيت قلت ليهو في شنو قال قالت ليهو خليهو بكرة العصر يجينا في البيت وخالتي ما فيشة نخليكم لي بكرة الجمعة انشاء الله ربنا بحلها
استودعكم الله
الي اللقاء في الحلقة القادمة

[dream-lady]

[align=center]ازيكم
اها الفاتنى شنو؟؟؟
الاخ العزيز بعد الزمن
انت عارف.....
ناس عايشة الحياة بروحها...
وناس عايشة الحياة مجروحة...
وانت ياود امى نص عمرك ضائع..
وللا رايك شنو dreem-lady[/align][/b][/size]

هلا العسل -بت السرف-يلا تابعي الحلقة
ود امك تلات ارباع عمرو رايح

[طالب القرب]

[align=center]ازيكم
اها الفاتنى شنو؟؟؟
الاخ العزيز بعد الزمن
انت عارف.....
ناس عايشة الحياة بروحها...
وناس عايشة الحياة مجروحة...
وانت ياود امى نص عمرك ضائع..
وللا رايك شنو dreem-lady[/align][/b]

الشوق غلاب والوعد سراب في بعدك يا اغلي اماني يا سحر الروعة الاستطورة وحشاني عيونك وحشاني الشوق غلاب

تسلمي علي المرور تحياتي
سلام [/size]

[طالب القرب]

هلا العسل -بت السرف-يلا تابعي الحلقة
ود امك تلات ارباع عمرو رايح

انتي قسمتيها الي ثلاثة ارباع وين راح الربع الرابع ليه ما يكون كلو رايح

تحياتي وتسلمي علي المرور

سلام

[dream-lady]

انتي قسمتيها الي ثلاثة ارباع وين راح الربع الرابع ليه ما يكون كلو رايح

تحياتي وتسلمي علي المرور

سلام

لا حراااااااااااااااام -كده بنكون قتلناهو -بعد الشر وطول العمر

[بت السرف]

ازيكم يارائعين...
قسمتو عمرو ..بعد الزمن وده كلو ماجايب خبر؟؟؟
ياحليلو...

[dream-lady]

ازيكم يارائعين...
قسمتو عمرو ..بعد الزمن وده كلو ماجايب خبر؟؟؟
ياحليلو...

ياحليلو -ماعارفينو سارح ويييييييييييين راااايح

[الحلم السوداني]

والله انا الهنا الحاسة احنا متجمعين حول تلفزيون واحد عشان التعليق ومسلسل قصدي قصة شيقة
يلا استمر ومتابعييين
تحياتي

[ياسر مكنون]

بالجد قصتك دي حزينة جدا جدا
وبقطع القلب من جوااه ....
ما عندك قصة غيرها تقطع الفشافيش

[طالب القرب]

والله انا الهنا الحاسة احنا متجمعين حول تلفزيون واحد عشان التعليق ومسلسل قصدي قصة شيقة
يلا استمر ومتابعييين
تحياتي

خليكي معانا كل يوم الساعة الرابعة عصرا بتوقيت السودان المحلي

سعدت بمرورك اختي الكريمة

تحياتي

تخريمة : بس الكهرباء ما تقوم تقطع بعد الساعة 4 عصر

[طالب القرب]

بالجد قصتك دي حزينة جدا جدا
وبقطع القلب من جوااه ....
ما عندك قصة غيرها تقطع الفشافيش

قريبا انشاء الله

[طالب القرب]

اها اعمل لينا اعلن فوق لما تنزل الحلقة الجديدة

عشان ماتفوت علينا

قاسي قلبك علي ليه

حاضر انتي تامري امر
اسعدني مرورك وخليكي متابعة كل يوم في نفس التوقيت
تحياتي

[طالب القرب]

ازيكم يارائعين...
قسمتو عمرو ..بعد الزمن وده كلو ماجايب خبر؟؟؟
ياحليلو...

بس الواحد مايوريكم الحقيقة شانين عليهو حملة
لكن بيني وبينك ( ياحليلو زي ما قلتي )

سعدت بالمرور تحياتي

[dream-lady]

خليكي معانا كل يوم الساعة الرابعة عصرا بتوقيت السودان المحلي

سعدت بمرورك اختي الكريمة

تحياتي

تخريمة : بس الكهرباء ما تقوم تقطع بعد الساعة 4 عصر

ياذكي ..بسيطة كان الكهرباء قطعت...ماسمعت كلام عمك القذافي!!!احضر في الضلمة

[السودانى الاصيل]

يا اخوانا الزول دا ما اكون ود خالت البت لما فيهو تانى


شوفوهو مشا وين

يلا يا زول قصتك حلوه

[طالب القرب]

الحلقة السادسة :-

المجاسفة : -

طبعا زي ما قلت ليكم قالت لي ود عمي قول ليهو بكرة عن ناس خالتي طبعا انا ما صدقت قلت خلاص بكرة يوم ولا احلي يوم المهم صبحنا الصباح مشيت صلاة الجمعة وانا ماشي علي الصلاة قلت ياربي اشوفها بس لكن للاسف ما شفتها وصليت وجيت اليوم ديك الغداء اقوم واقعد واقول للوالدة الغداء وهي تقول لي مالك ياولد في شنو ضائق كدة المهم الغداء جاء واتغدينا ولا شربت شاي الغداء بس طبعا انا مفكر في المشية المهم مشيت لبست الجلابية طبعا ما الجلابية نفسها بتاعت امس غيرت الجلابية لبست جلابية سمنية وطاقية بيجية يعني حاجة ما تخلص مع شبط ( بني ) يعني ولا عريس الموسم المهم قمت مشيت جم البيت لقيت راجل خالتها قاعد قعدت جمبو شوية واليوم ديك الكورة ذاتها نسيناها وراحت من بالي يازول قاعد جم راجل خالتها مالقيت طريقة اصلا اخش البيت قامت خالتها جات وخالتها بتعذني جدا قالت لي الا تخش البيت طبعا انا بيني وبين نفسي عايز اخش وفي نفس الوقت عايز اعمل فيها تقيل شوية المهم خشيت قامت هي جات سلمت علينا وبعد شوية خالتها نادتها قالت ليها ( يا ك ) جيبي القهوة قلت ليها يا خالة انا ما بشرب قهوة قالت ليهو خلاص جيب ليهو عصير وفعلا ( ك ) جابت العصير اول ما دنقرت فيني قالت لي بالهناء وطبعا انا عملت زي الماسامع حاجة وخالتها تونس معاي اصلا ما لقيت طريقة اقعد معاها المهم قلت لي خالتها انا ماشي علشان هي لو عندها مشوار تمشي ولا تتخارج من البت المهم قمت ودعت خالتها وقلت ليها مع السلامة اول ما طلعت وانا في الباب اتلفت وراي وخالتها وراي وبقول لي خالتها وهي معاي عايزة تقدمي للباب شفتها هي واقفة في باب الاوضة وتاشر لي بي يدها ( مع السلامة ) طبعا انا ما فضل لي الا ارجع لكن اكلتو في بطني ومشيت واخت لي زي نص ساعة لافي في الحلة وانا جاي عليه تاني شفت خالتها مرقت بس اول ما مرقت قمت خشيت البيت وبس اسلم عليها كدة واقول ليها كيفك وكيف اخبارك تاني خالتها جات يعني الساعة ديك انا ما اتمنيت الا الارض تبلعني من منظري قدام خالتها قلت ليها نسيت الساعة وجيت اشيلها طبعا هي لا في ساعة ولا اصلا انا لابس ساعة المهم ضحكت واخدت الموضوع عادي وقلت ليها مع السلامة وتاني ماشفتها اصلا ولا حتي ما جلست معاها اصلا وطبعا هي كانت في الصف الثامن وانا كنت في سنة اولي جامعة الوقت داك وبعد كدة ما اتلاقنا الا لمن هي مشت الثانوي وهي في اولي ثانوي اتلاقينا ملاقاه حلوة وهي كانت ضربة البداية الحقيقية للقصة .
في الحقلة القادمة نوريكم الحصل شنو في الاحلي الاوقات
استودعكم الله سلام

[طالب القرب]

يا اخوانا الزول دا ما اكون ود خالت البت لما فيهو تانى


شوفوهو مشا وين

يلا يا زول قصتك حلوه

تسلم يا اصل السوداني وشكرا علي السوال موجودين بس كنا عندنا شغل
خلصناهو واسفين للتاخير تحياتي
ودمت اسعدني مرورك اخي الكريم
تسلم