همسات شعرية

[امال الناس]

زار الخيال نحيلاً مثل مرسله فما شفاني منه الضم والتقبيل.


وصالك جنـتي لكن نـفـسي تفضل في محبـتـك العذابا.


وهل لي نصـيب في فؤادك ثابت كما لـك عـندي في الفؤاد نـصيب.
قبلتها ورشـفـت خمرة ريقها فوجدت ناراً صـبـابةٍ في كـوثـر.


ضممـتـك حتى قلت ناري قد انطفت فلم تطفَ نيراني وزيد وقودها.

[waya]

بى طرف الفريق جيت مارى عصرا بدرى
شفت خضار ونور وافانى غير ماادرى
قلت مناى تم دى يبقى ليلة قدرى
قلبى تبنته مافى وروحى جات فى صدرى

شفت القمرة مارقة عينى وقعت فيها
شفت الصيدة هضليم النعام حافيها
سحابة وراحلة لكن الردف كاسيها
حلاوة الدنيا كان ضحكت فليجتا فيها

[waya]

[grade="00008b ff6347 008000 4b0082"]باريتك خلسه وغازلتك
سمعتك وما سامع همسي
كضبت عيوني وصدقتك
غيبت احساسك في حسي[/grade]

[رمـــ(الماء)ـــاد]

سئمت الحقيقة..
لأن الحقيقة شيء ثقيل
فأصبحت أهرب للمستحيل
ظلال النهاية في كل شيء
...إذا ما عشقنا نخاف الوداع
إذا ما التقينا نخاف الضياع

[waya]

[grade="00008b ff6347 008000 4b0082"]كان يكفي صدّك
ومُر عتابك
وكان كافي جورك
ونار عذابك
بس لمّا إسمي تهون حروفو
وتشيلو من صفحات كتابك
يبقي ظلمك فات حدودو
ويبقي أفضل أفوت سرابك[/grade]

[مها]

بسرح معاك

بنسى الهموم

واتمنى لو

كانت خطاي

تشبه خطاك

أو يصفى قلبي

معا صفاك

لكن وكت يبدا الحنين

لي زول هناك

بتمنى لو موجك كسر

كل السدود

فجّر عبر

كل الحدود

شان يحضنو

ويحكيلو

عن أجمل مناي

ومبتغاك

ما إنت زيي

ملان دفى

رحّال تفتش

عن وفا

ونصيحتي ليك

لمن تلاقي البصطفيك

ويحتويك

ما تقول كفى ..

أديهو لو صفى أو جفى

باكر بجيك

ويحكي ليك

وعشان هواك ..

بقى ليك براك

أديهو يا بحري الدفى

وامزج رضاك معا صفاك

يسرح معاك

[waya]

[grade="00008b ff6347 008000 4b0082"]بستطعمك في كل مدارت الفصول
في الصيف صدق.. شمسك رسول
مطر الخريف.. منك بشيل إذن الهطول

بردك دفا.. زيف الشتا ما بلقى لحضنك دخول
يا احلى من طلة ربيع لوردة شارفت الذبول
بستطعمك... يا احلى زول[/grade]

[ود النصر]

تعالي اقيفي يا شمس الصباح جنبي
تعالي اقيفي بي المهلة
وباقي شعاعك الفضّل
تعال رشيهو في السهلة
تعالي النزرع الواطة الحدانا شروق
عشان الخير يعم اهلها

[/quote]

[رمـــ(الماء)ـــاد]

ويحملني الحنين إليك طفلا..وقد سلب الزمان الصبر مني..
وألقي فوق صدرك أمنياتي..وقد شقي الفؤاد مع التمني..
غرست الدرب أزهارا بعمري..فخيبت السنون اليوم ظني..
وأسلمت الزمان زمام أمري..وعشت العمر بالشكوي أغني..
وكان العمر في عينيك أمنا..وضاع العمر يوم رحلت عني..

[waya]

بحصل ايه؟
بحصل ايه لو اني سرقتك
واتلاشيت ومشيت في حواسك
وشلتا عينيك واديتيك قلبي
ومن عيني اديتك كاسك
كل الناس بتدوب وبتسكر
وانا دوبت الفتش ,, كاسك
بين وسواس الشوق وحنيني
وجوة حواس انغام اجراسك
وانا حراس الليل ساجنني
وما عارفين اسباب وسواسك
انا وسوستك فيني محبة
وعصب الدم اديتو جناسك
يوم جنستك فيني بقيتك
اهلي واهلك وكل اجناسك
وكنت الناس والدار والصحبة
وكنت الهم الساكن ساسك
وانا مسكون بين اني احبك
ومشتاق ليك ,, واكون ونّاسك
وبين الصحو اديك انفاسي
و الروح الروح التعشق راسك
تنحت اسمك فوق في النجمة
وجوة القلب الفيهو مراسك

[رمـــ(الماء)ـــاد]

عشقتك عشق مجنون دايما يشقق بثوبه ..

عشقتك عشق سكران مات وبيده مشروبه ..

عشقتك عشق عشق مدمن يشوف الدنيا مقلوبه ..

عشقتك عشق مسجون كل أحلامه مسلوبه ..

[مها]

ومرَّة دون خاطري .. بتفوت واشقى بعدِك
في ظنوني
ومرَّة دون ميعاد .. تَهل .. وفجاة عينيك
يَحضِنوني
وانا بين بُعادِك .. واقترابك .. العذابات
جرّحوني
والصبر كملّتو .. كلو .. وقلبي لِسّعْ
مشتهيك
لا المسافات .. ببعدنك ...لا البُعاد بِحجب
وشيك
صاحي مرات بوصلك .. وديما في الاحلام
بجيك
وانا
مشتهيكِ
ومشتهيكْ

[امال الناس]

عليك يا حبيبتي السلام
فبعد عينيك أنا ..
لا أعرف السلام
قطعت في تشردي الطويل
يا قمري ..
يا أرنبي الجميل
يا رغوة الحليب والرخام
قطعت ألف عام
بدون عينيك .. بلا خبز .. ولاطعام
تصوري
أني بلا عينيك .. ألف عام
بدون مصباحين أخضرين
بدون شمعتين ..
بينهما أنام ..
فيروزتي ..
ما زلت في سفينتي
أصارع الشموس ، واللصوص ، والدوار
نزلت في مرافيء موبوءة المياه
صليت في معابد ليس لها إله
وأرخص الخمور ذقت ..
أرخص الشفاه
قتلت ألف مرة ..
غرقت ألف مرة ..

[رمـــ(الماء)ـــاد]

غدا في الشط تجمعنا

ليالي الصيف والنجوى

وفوق رماله الفرحى

سننسى الحزن والشكوى

نعانق فيه أحلاما

تركناها بلا مأوى

وقد ألقاك في سفر

وقد ألقاك في غربة

كلانا عاش مشتاقا

وعاند في الهوى قلبه

[الياسمينة]

يا مولاي بشكيلك شقاي و غلبي
حظي الديمة من ريدة الأنيس جافلبي
طالت السفرة و إتحفت مناسم تلبي
هب الريد و عاودك الحنين يا قلبي

مالك نفسي مطعونة تملي تنيني
مالك عيني لي الغميد أبيتي تليني
عطشان ديما طفح الموية ما برويني
كاتلاني الطريفية البريدا غريني

الناس عيدت مرقت علي أصحابا
و أنا فريت علي الجاهلة السمح ترحابا
فاطرًا يحكي براق البدودي سحابة
دي لفت قلبي زي لف طرحتا اللافحابا

يتمني الدهب لو لونو يشبه لونك
إشتهت الدرر لو هي تبقي سنونك
مجنون ليلي حالتو أقل من مجنونك
ما دام ليلي كانت في المحاسن دونك

عصباً عني فارقت الضريح لي ربي
كل ما هب نسام منو زاد في جمري
جرحي القرب يبري الداير يبدر عمري
بدرو ليّ تغريد بلبلك يا قُمري

أخضر ليهو ضل فوقو المحاسن شرن
و أفلج فاطرو زي برق السواري الكرن
يتقسم مقاطع في المشي و يتحرن
زي فرخ القطا الأماتو ركن و فرن

عمي الهادي نشاب البريدا ضربني
قسم نومي من تيبان حيايا سلبني
حاكم الصافي أبي يقبل سؤالي صدمني
صبري الكان جميل جربتو و كلو غلبني

عن من أحب أنا غير خاطري فرقت
هايم بي غرام عن حالتي كنت سُرقت
لولا أدمعي ،م ناري كنت حرقت
و لو ما ناري من كترت دموعي غرقت

ختت أيدها فوق إيدي انجذبت خِدرت
حبيت أمشي من كُتر الطرب ما قدرت
بقت الحنة بين إيدي وأيديها اندرت
لولا الحنة بيني وبينها كنت ودرت

شعرك منتظم زي السلاسل فتلو
وعينـيـك ترقِص الحجر ان بقت شافتلو
الطاؤوسة قاصدة مشيكي ما عرفتلو
وأعصاب الرآك أتكهربت تلفتلو

ممشوق القوام الماوجدتا مثيلو
جفاهو معاى ولا محنة غيرو
جافانى العزيز الكنتا ديمه نصيرو
هو يسوى الغلط وانا اسوي كتر خيرو

[مها]

سالين عليك جوه القليب الفي غرامك جنتو
وجحيمو بعدك ياحبيب الحق وطفف جمرتو
سالين نفتش وين مكانك ونحن عارفين نوصلو
بس البعاد ياغالي مكتوب والفراق مابنحملو
والله حاكماني الظروف ودموعي في الخدين جرو
الا القدرظلم الغرام واحكم بعادنا وطولو
احكيلك الحال العلي ولا العلي مااوصفو
يمكن تحسو وقت لقاك لامن ايدينا يسلمو
يمكن مع الايام نعود ونتلم تاني بحكمتو
ويفرح يغرد كل بلوم والدنيا تسمع غنوتو

[waya]

ما مشيت جواي ندهتك
ما سرقتك
من حواس الروح وجبتك
او جرحتك في ظنونك
ما بديتا معاي حكايتك
سر بدايتك
سر نهاية الدنيا عندي
وعندي كل الدنيا كونك
ما غريبة علي اكونك
مر شجونك
او تكونيني واشيلك
في حشاش قلبا بعزك
عمرو ما فكر يخونك
امشي في الدرب البشيلك
شدي حيلك
يا مشاويري وبشيلك
شيلي لي خاطر عيونك
ما عيوني بدون عيونك
زي مسافر
زي تذاكر حزن سافر
او حوافر خوف بتحفر
في قلب وتقولو سافر
وماهو راسم باقي لونك
والسفر بي الليد بقولوا
ورغم طولو
ايدي لو عرفت تصونك
او حصونك
كان مشيت جواك ندهتك
وبالفرح صحيت جنونك
صحي لي سكة ومسافة
ضل رهافة
ما اللطافه الفيك تصحي
وعمري ضايع بس بدونك
وماشي ليك لو فتي مني
رغم اني
واني بس لو ما التمني
كان هديت الروح دروبك
ودربي رايح من لحونك
وما رجيت لحنك يدندن
او يطنطن
فيني وتر الغربة يمكن
او تمكني لي سكونك
او جنونك
يا الظلمتك بي جنوني
واقتحمتا عليك سجونك
الا اعرفي كم بريدك
زي وريدك
بدي سر العافية ايدك
وفي القلب دايما سكونك

[waya]

أسطورة
أنا اللون الذي أكمل الصورة
أنا التاريخ يصنعه رجال خلف ماسورة
ستبقى قصتي لكم وللأطفال
ولمجمل قادم الأجيال
مأثورة

[مها]

وجئت إليك تحملني

رياح الشك.. للإيمان

فهل أرتاح بعض الوقت في عينيك

أم أمضي مع الأحزان

[فتحى نيل]

جوه قلبى ليك حكايه
و فى عينيك كانت البدايه
و فى هواك بسهر ليالى
بس خايف م النهايه...
لما أدوب من شوقى جنبك
و العيون تحسد هوانا
تبعدى و تدارى حبك...
ليه معاك مكتوب أدارى
لهفتى فى طول أنتظارى
و الفراق مكتوب علينا
ننطفى و يأيد فى نارى...
خايف اتوه فى بحور عينيك
ينكسر من شوقى ليك...
مكتوب أعيش فى بلاد بعيده
حزين فى وسط قلوب سعيده