انا الغلطان ولا هي الغلطانة قصة حب حقيقية حصلت لي شخصيا؟ في انتظار الحكم من القراء

[طالب القرب]

[align=justify][frame="7 80"][align=justify]انا شخص انسان لي احاسيس ومشاعر وكل شخص له نفس الشعور لكن للاسف وللمابقدر
هذا الشعور يكون غير انسان .

اخواني اخواتي هذة قصة حقيقية ومن العنوان باين وقبل كدة كتب في الموضوع كم حلقة وهي حوالي 20 حلقة وحصلت مشاكل بيني وبين وحدة في المنتدي وسؤ فهم بيني وبينها اوقفني الاستاذ صلاح مؤسس المنتدي ومن الامكن كان الاستشارة قبل ما يوقفني لكن سجلت باسم ثاني لان هذا المنتدي الرائع والذي لم شمل جميع اهل السودان ويكفيك الجواب من عنواني ( انا سوداني ) واتمني من الله ثم من الاخ صلاح ان يفك حظري والاسم المحبب لدي ( زعيم القدار ) .وقبل كدة عملت قصة في المنتدي بنفس الاسم وقبل طلب الحزف من المنتدي بسبب شخص في البلد عمل لي قروشة في راسي وقال الموضوع دة بعمل مشاكل وما قصرت الاخت العزيزة الصديقة والوفية ( mon ) قامت بمخاطبة مؤسسة المنتدي وتم الحزف واتمني من الله ان يوفقها في عملها
يارب العالمين .

هذة القصة التي اتمني من الله ان تحكمو عليها بكل صدق اذا كنت غلطان انا ولا هي الغلطانة لكن الحكم ما العاطفة وانما حكم علي حسب القصة وانشاء الله ما انقص ولا ازيد في هذة القصة

تابعونا انشاء الله

الزمان فاتن يا حليلن يا حليلن لا قدرت اعيش معاهن لا قدرت افوت سبيلن والله مشتاق

غدا بداية الحلقة الاولي من قصة حقيقية ؟ فانتظروني[/align][/frame][/align]

[طالب القرب]

الحلقة الاولي : -

كنت في السابعة عشر من عمري صغير يادوب ( جني ) زي ما يقولو
وهي كانت صغيرون في الصف الخامس ابتدائي وهي رمز ( ك )

في يوم من الايام وانا ذاهب الي المدرسة مع الصباح والدنيا برد شديد ( وشائل البستلة هو الفطور بتاعي ) وماشي بطرف الجدار ( الحيطة من شدة البرد ) اري مجموعة ( بنات من خلفي ) ومن ضمن المجموعة ( ك ) ونظرت ليها والموضوع مرة عادي مافي شي واليوم الثاني نفس الشي ما في شي عادي الي ان انتهت المدارس انا بنظر ليها وهي بتنظر لي .في السنة الجديدة والجدية بداءت من بداية السنة ووقتها كنت في الصف الثاني الثانوي وهي كانت في الصف السادس ( لمواخظة كنا بنمشي المدرسة بالحمير لي ناس الشمالية الكلام دة ) وفي ذات مرة من المرات ركزت عليها العين وهي من وسط البنات قالت لي صحبتها شوف الولد دة بعاين لي كيف مع انو الولد دة من الاقارب لكن بي جدودنا عاز ليها ورقة وقلم علشان الواحد يعرف قرابتنا مع بعض ايه المهم انا لمن هي قالت كدة عملت فيها زي ما يقولو رايح من شدة الخجل طبعا الواحد بكون خجلان جدا من الموضوع زي دة وخاصة انا في طور يتطلب الخجل والسمعة الكويسة وطبعا في البلد ول شاغلت وحدة خلاص البلد كلو يعرف انك انت شاغلت البت الفلانية المهم بقيت كل يوم اوقت بنفس مواعيد جيتهم انتظرهم واجي ماشي بس عيني في عينها وكل يوم كدة الي ان مرة قاربة السنة وفي اواخر السنة وفي يوم من الايام ( هرجتني وقالت لي عاين قدامك ) قلت خلاص الموضوع دة شكلو حيظبط معني كدة هي عارفة انو انا خاتي بالي فيها طبعا من هرجتني عاينت قدامي ولا اتلفت عليهم تاني وثلاثة ايام ما شفتها وخليتها واليوم الرابع قلت لازم اشوفها وطلعت من البيت بعد ما جيت من المدرسة لقيتهم طلعو من المدرسة والطريق فاااااااااااااااضي قلت يا خسارة وين هم اليوم وطلعت في طريق بيتهم الي ان وصلت بالقرب من البيت حوالي 200 متر لقيتهم جالسين في الارض وهي عرفت انو انا جاي عشانها وانا ماشي عليهم ما قتدرت اعاين ليهم في وشهم اول ما فتها ونظرت لي للوراء قامت كتحتني بالتراب ( احلي تكتيحة اتكتحتها قبل كدة ) .

نخليكم الي ان نلتقي في الحلقة القادمة انشاء الله .

انها قصة حقيقية وهي الي الان يتداولها جميع اهل ( البلد )

والي ان نلتقي استودعكم الله

[Batta]

هلا والله بطالب الحب

طبعا متابعة معاك واخر رومانسية وكتيح تراب ومباراة حيط

[طالب القرب]

هلا والله بطالب الحب

طبعا متابعة معاك واخر رومانسية وكتيح تراب ومباراة حيط

الاخت العزيزة بطوطة اسعدني مرورك هي لو وقفت بي كتيح التراب ومبارات الحيط ما كويس
دة من عشرين حقلة والله جنس مصائب الله يدي العافية ساي شكرا علي المرور
تاكدي انو لو ربنا حيانا كل يوم حلقة تنزل بعد الساعة الرابعة عصرا بتوقيت السودان المحلي

مسلسل تركي بس
يلا سلام تسلمي علي المرور

[بت السرف]

الله يعينك ؛؛؛؛
اتاريك مكتح من بدرى .....
هههههههههه.....

[dream-lady]

يلا اها...منتظرين!!! كمل ...بسرعة...مشيت وين؟؟؟





أها وين؟؟ لسة ماجيت ؟ يلا كمل !! منتظرين..بسرعة وينك ؟؟لسة مابديت
(واحدة لزقة ولايووووووووووووووووكة)

[بت السرف]

يا dreem-lady
شكلو الزول دة مأخد شاكوش جامد
خلى يحكى براحتو....

[طالب القرب]

الله يعينك ؛؛؛؛
اتاريك مكتح من بدرى .....
هههههههههه.....

بت السرف انهرت بتعليقك وصراحة ما تكتيحة وحدة هي تكتيحات كتييييييييييييييييييييييييييرة
الله يعين بس
اشكرك علي المرور وتحياتي

[طالب القرب]

يلا اها...منتظرين!!! كمل ...بسرعة...مشيت وين؟؟؟





أها وين؟؟ لسة ماجيت ؟ يلا كمل !! منتظرين..بسرعة وينك ؟؟لسة مابديت
(واحدة لزقة ولايووووووووووووووووكة)

اصبر ياقليب وانسي العذاب الكان صابر وكم رجيت والراجي مو ندمان

اصبري والصابرات رواحب

اسعدني مرورك اختي الكريمة

تسلمي

[طالب القرب]

يا dreem-lady
شكلو الزول دة مأخد شاكوش جامد
خلى يحكى براحتو....

هو شاكوش مسالمة والله لامن راسي مطفوق الي الان
تحياتي
اشكرك علي المرور اختي الكريمة
تسلمي

[امال الناس]

طالب القرب حياك الله

انا ما عارفي طبعاً في الشمالية
بتخشوا المدارس عمركم كم
ولكن نحنا عندنا هنا في الخرطوم
الفي الثانو العالي اطفال لسة
فكيف ...............................

[طالب القرب]

طالب القرب حياك الله

انا ما عارفي طبعاً في الشمالية
بتخشوا المدارس عمركم كم
ولكن نحنا عندنا هنا في الخرطوم
الفي الثانو العالي اطفال لسة
فكيف ...............................

انا في الثانوي وهي في الصف السابع يعني لسة صغار

عارفي شنو قلتي لي
اسعدني مرورك امال الناس

[نسرين العسل]

ازيك يا حسن انت كويس انا تمام كان عندى مشكلة فى الجهاز لكن الحمد للله رجعنا تانى
بعدين القصة دى واحدة تانية ولا ننفس البت
اسلوبك حلو وافتخارك ببلدك احلى
مع تحياتى دنقلاوية

[السودانى الاصيل]

قصه والله باديه حلوه

ورجعتنى للايام الجميله ايام كنا طلبه

وبنشاغل البنات

ونركب الحمير

الله ايام

والحب زمان

كمممل ومتابعيين يا راقى

[السنبلاية]

فى قصص تعمقت اكتر من كدا وحكمو عليها بالموت ..

دون مراعات اى طرف من اطراف القصة .

مع الأسف اهلنا فى السودان . ما بخلوك تاخذ الحاجة البتحبها

لو قلتا عاوز ( بامية مفروكة بقراصة )

يعملو ليك ( أرز بلبن ) ويقولوا ليك اكل وانت ساااكت ..!!

مع الأسف نحن كدا ..!!!!!!!!!!؟؟؟؟؟؟

[طالب القرب]

ازيك يا حسن انت كويس انا تمام كان عندى مشكلة فى الجهاز لكن الحمد للله رجعنا تانى
بعدين القصة دى واحدة تانية ولا ننفس البت
اسلوبك حلو وافتخارك ببلدك احلى
مع تحياتى دنقلاوية

ازيك ياعسل كيفك وكيف اخبارك وين ما ظاهرة والله مشتاقين عديل
هي نفس القصة وما اتغيرت فيها الا الاسم من زعيم القدار الي طالب القرب
انتي الاحلي يا نسرين
تحياتي واسعدني مرورك
تسلمي

[طالب القرب]

الحلقة الثانية : -

اسم الحقلة المجاسفة

بعد ما كتحتني بالتراب قلت خلاص البت دي عرفت انو خلاص هي ختتني في راسها وبديت افكر كيف اوصلها ولا اتكلم معاها ومشيت البت بعد التكتيحة بتاعت التراب قلت اتروش واستحمه والكلام دة كان زي الساعة 3.30 عصر كدة مشيت البيت استحميت وغيرت ملابسي وقمت علي طول ركبت وطلعت الي الكورة والميدان بتاع الكورة جم بيتم بقيت امشي بي جم البيت واجي بي جم البيت يعني عملت الحكاية سبب قلت ياريت بس هي تشوفني لو مرة وبقيت علي الحالة دي يمكن حوالي 15 يوم وطبعا من التكتيحة بتاعتها الاخيرة عملت تقييييييييييييييييييل وما احلي التقلة خاصة في بداية المواضيع الذي دي المهم بعد 20 يوم بالضبط قمت الصباح قلت اليوم لازم اشوفها وانتظرت الي الساعة 8 ص وم سؤ حظي اتخرت اليوم ديك وانا مدرستي بعيدة يعني لامن اصل عايز لي قرابة الساعة والله قلت اليوم لو ما شفتها ما اخليها وهي وصحباتها ما عارفهم كان عندهم شنو المهم جو هم ثلاثة بنات وبنفس الدرب وانا عملت فيها مسرع لمواخذة ( بالحمار بتاعي ) واول ما جيت جمبهم قالت لي صحبتها الولد تاني ( جاء )
من ما قالت الولد تاني جاء خلاص قلت هي شبكت وانا كيف اشبك المهم شفتها واليوم ديك كانت لابسة لبسة باكستانية ولونها بيج لبس الابتدائي العادي دة مشت المدرسة وكنت متاخر شوية المهم الاستاذ اننذرني وقال لي الحاصل شنو تاني ما تتاخر .
جيت البيت وقلت ما في طريقة الا وارسل ليها رسالة ولا اكتب ليها ورقة ولا اي شي المهم لازم اوجه البت دي بي اي طريقة وقلت ما احلي المواجه لكن بيني وبين نفسي ما كنت عارف رد فعلها شنو المهم مشيت وجلست مع ود عمي اصغر مني كدة وحكيت ليهو قلت ليهو كل شي وقال لي انا بديك طريقة تصلها
قلت ليهو دلني بيها اول ما بداء في الطريقة ......

قلت اخليكم كدي لامن الحلقة القادمة انشاء الله
نلتقي في الحلقة الثالثة
الي ان نلتقي استودعكم الله
سلام

[هجره]

الحلقة الاولي : -

كنت في السابعة عشر من عمري صغير يادوب ( جني ) زي ما يقولو
وهي كانت صغيرون في الصف الخامس ابتدائي وهي رمز ( ك )

في يوم من الايام وانا ذاهب الي المدرسة مع الصباح والدنيا برد شديد ( وشائل البستلة هو الفطور بتاعي ) وماشي بطرف الجدار ( الحيطة من شدة البرد ) اري مجموعة ( بنات من خلفي ) ومن ضمن المجموعة ( ك ) ونظرت ليها والموضوع مرة عادي مافي شي واليوم الثاني نفس الشي ما في شي عادي الي ان انتهت المدارس انا بنظر ليها وهي بتنظر لي .في السنة الجديدة والجدية بداءت من بداية السنة ووقتها كنت في الصف الثاني الثانوي وهي كانت في الصف السادس ( لمواخظة كنا بنمشي المدرسة بالحمير لي ناس الشمالية الكلام دة ) وفي ذات مرة من المرات ركزت عليها العين وهي من وسط البنات قالت لي صحبتها شوف الولد دة بعاين لي كيف مع انو الولد دة من الاقارب لكن بي جدودنا عاز ليها ورقة وقلم علشان الواحد يعرف قرابتنا مع بعض ايه المهم انا لمن هي قالت كدة عملت فيها زي ما يقولو رايح من شدة الخجل طبعا الواحد بكون خجلان جدا من الموضوع زي دة وخاصة انا في طور يتطلب الخجل والسمعة الكويسة وطبعا في البلد ول شاغلت وحدة خلاص البلد كلو يعرف انك انت شاغلت البت الفلانية المهم بقيت كل يوم اوقت بنفس مواعيد جيتهم انتظرهم واجي ماشي بس عيني في عينها وكل يوم كدة الي ان مرة قاربة السنة وفي اواخر السنة وفي يوم من الايام ( هرجتني وقالت لي عاين قدامك ) قلت خلاص الموضوع دة شكلو حيظبط معني كدة هي عارفة انو انا خاتي بالي فيها طبعا من هرجتني عاينت قدامي ولا اتلفت عليهم تاني وثلاثة ايام ما شفتها وخليتها واليوم الرابع قلت لازم اشوفها وطلعت من البيت بعد ما جيت من المدرسة لقيتهم طلعو من المدرسة والطريق فاااااااااااااااضي قلت يا خسارة وين هم اليوم وطلعت في طريق بيتهم الي ان وصلت بالقرب من البيت حوالي 200 متر لقيتهم جالسين في الارض وهي عرفت انو انا جاي عشانها وانا ماشي عليهم ما قتدرت اعاين ليهم في وشهم اول ما فتها ونظرت لي للوراء قامت كتحتني بالتراب ( احلي تكتيحة اتكتحتها قبل كدة ) .

نخليكم الي ان نلتقي في الحلقة القادمة انشاء الله .

انها قصة حقيقية وهي الي الان يتداولها جميع اهل ( البلد )

والي ان نلتقي استودعكم الله

شكلك كدة من وانت صغير مفتح تفتيحة الشينة ديك

البسموه زمان شافع شااااااااااااااااااااالق

[طالب القرب]

قصه والله باديه حلوه

ورجعتنى للايام الجميله ايام كنا طلبه

وبنشاغل البنات

ونركب الحمير

الله ايام

والحب زمان

كمممل ومتابعيين يا راقى

اشكرك علي المرور وكم انا سعيد بذلك اخي

فتابع اها قصة ولا عنتر وعبلة

خليك قرررررررريب
تسلم يا غالي

[طالب القرب]

فى قصص تعمقت اكتر من كدا وحكمو عليها بالموت ..

دون مراعات اى طرف من اطراف القصة .

مع الأسف اهلنا فى السودان . ما بخلوك تاخذ الحاجة البتحبها

لو قلتا عاوز ( بامية مفروكة بقراصة )

يعملو ليك ( أرز بلبن ) ويقولوا ليك اكل وانت ساااكت ..!!

مع الأسف نحن كدا ..!!!!!!!!!!؟؟؟؟؟؟

شكلك ما خدة شاكوش لكن بردي بطنك هنا

اسعدني مرورك اختي السنبلاية

وتسلمي كتير