مجادعات شعبيه

[waya]

الأخ .. سلطان القلوب ..
لا تؤاخذني على سوء الفهم الذي حدث .. وفعلا اسلوب تنسيق الألوان المتدرجة الذي استخدمه لا يظهر مشاركاتي للأعضاء الذين يستخدمون الصندوق الماسي العادي " يجب أن يتم اختيار اللوحة القياسية في خيارات العضو في بداية تسجيله في المنتدى أو يمكن تعديلها من خيارات المكتب الشخصي " ودي حتحل ليك مشكلتك التي طرحتها في قسم الشكاوي ..
وعموما يا سيد .. كما قال الأخ ود مسكين " رب ضارة نافعة "
ومرحب بيك أخ وصديق .. وقلم رائع .. وان شاء الله نكون لك كذلك ..
والعفو والعافية ,,

الأخ .. ود النعيم .. تشكراتي يا صديق يا هميم

الأخ .. السوداني الأصيل .. تشكراتي لكلماتك الطيبة يا ملك

الأخ الضراع .. تشكراتي لتقبلك ما حدث هنا خارج النص


تحياتي

[سلطان القلوب]

السلام عليكم

اوول مره اجى هنا

وايا

اثبت انك رجل محترم
يعنى لو دا انا ولا صاحبى الفوق دا
زول اقول لى ردك فارغ

ههههههه كنت كيلت ليهو لمن بى هناك ودا خطا طبعا وما اخلاقى

الاخ سلطان
الف مرحب بيك والمنتدى دار لكل سودانى وعضو
ومعليش كلنا فهمناك غلط فى البدايه

[align=center]السوداني الأصيل ...... لك التحية .....ولأداعي للأعتذار ففي بعض الحيان نفهم أنفسنا خطأ فما بال الأخرين


إحترامي[/align][/color]

[سلطان القلوب]

الأخ .. سلطان القلوب ..
لا تؤاخذني على سوء الفهم الذي حدث .. وفعلا اسلوب تنسيق الألوان المتدرجة الذي استخدمه لا يظهر مشاركاتي للأعضاء الذين يستخدمون الصندوق الماسي العادي " يجب أن يتم اختيار اللوحة القياسية في خيارات العضو في بداية تسجيله في المنتدى أو يمكن تعديلها من خيارات المكتب الشخصي " ودي حتحل ليك مشكلتك التي طرحتها في قسم الشكاوي ..
وعموما يا سيد .. كما قال الأخ ود مسكين " رب ضارة نافعة "
ومرحب بيك أخ وصديق .. وقلم رائع .. وان شاء الله نكون لك كذلك ..
والعفو والعافية ,,

الأخ .. ود النعيم .. تشكراتي يا صديق يا هميم

الأخ .. السوداني الأصيل .. تشكراتي لكلماتك الطيبة يا ملك

الأخ الضراع .. تشكراتي لتقبلك ما حدث هنا خارج النص


تحياتي

[align=center]الحبيب waya كثير مايكون سبب توطد العلاقات شئاً من سوء الفهم الغير مقصود .....لذلك فأنا سعيد جداً فذلك السوء قد جعلني أتعرف على أشخاص ذوي روعة فائقة ... فاليدوم الودأبدياً أيها الرائع


إحترامي[/align][/color]

[Batta]

وانا ليا يومين بساسق في البوست الرائع دا,صراحة دخلته صدفة وقريتو بالمقلوب وتاني رجعت قريتو

من الاول أظني بحب الشعر,وأظني مشاعري مرهفة,لكن الأكيييييييييييييييييد كلامكم جد جميل ويخلي

الزول الما بحس يحس.

الضراع ولبيب وهامس وودالزوحي ووايا وحبوبة وسلطان كلامكم حلوووووووووووووو وينغنش جوه

الروح.رغم فقري المدقع في ميدان الشعر لكني ذواقة وبعرف الكلام السمح,وانتو كلامكم سمح بالحيل

[Batta]

اووووووه نسيت مهوية والله عندها كلام في صميم الصميم

[سلطان القلوب]

لكِ التحية بطوطة على الأشادة ............... وهاك الجدعة دي من مااعجبني




جعلي ودنقلاوي وشايقي إيه فايداني
غير نبذت خلاف خلت أخوي عاداني
خلي نبانا يســـري للبعيد والداني
إكفي النيل أبونا والجنس سوداني

[لبيب]

يابطوطة مرحب بيك حبابك مية
ياهلا بيك أبشري طلة زاهية بهية
واصلي علينا تب ماتقطعيها الجية
نكرمك الجميع كبدة ومرارة وشية

[الضراع]

يابطوطة مرحب بيك حبابك مية
ياهلا بيك أبشري طلة زاهية بهية
واصلي علينا تب ماتقطعيها الجية
نكرمك الجميع كبدة ومرارة وشية

بطوطة مرحب حبابك مليوووووون
شرفتي الديار بمرورك الميمـــــون
ابقي معانا واصلة اجمل صلاتنا تدوم
نكرمك عصيدة اوشية بالكانون

[ملك الدراب]

سـلام يالخفته أضيع مابين خطابك ونارك
قلبي رهنتـو عنـدك وابتليت بـي حسـارك
قـال مــرحب حـبـابك يا العـلينـا مـغــارك
كان عهـداً قريب فـاتحين شريـط مسدارك

[Batta]

والله يا جماعة اخجلتوا تواضعي الذي............................يوجد طبعا

ويا لبيب انا ما باكل مرارة غيرها ليا,ملك الدراب مالك؟ما بتضبح زي اخوانك الفوق ديل؟؟؟؟؟؟؟؟؟

وحتى سلطان القلوب لا دم ولا رمية!!!!!!!!!

[ملك الدراب]

يالغالية كان بدوري دم شريانا ماهو غالي عليك
خفت عليك من منظر الضبيحة يالحلوات عينيك
جدعنالك نماتنا وغنانا قولنا ظنيت دا الأخير ليك
لو بدوري الضبيحة حرم نجيبه طب حد كرعيك

[Batta]

يالغالية كان بدوري دم شريانا ماهو غالي عليك
خفت عليك من منظر الضبيحة يالحلوات عينيك
جدعنالك نماتنا وغنانا قولنا ظنيت دا الأخير ليك
لو بدوري الضبيحة حرم نجيبه طب حد كرعيك

عاد اقول شنو يا الملك خجلتني!!!!!!!!!!!!!!!!!!!

واتصورتك بتضبح في الخروف تحت رجولي لمن اقشعر بدني كلامك صح اخير لي النم

[همسة فرح]

[

i]شيخ ودشيخ مشيخ من سنينو الفاتو
ماسك السرمسلسل من كبار ابواتو
الورع التقي المهيله صلاتو
فوق زحل النجوم عند البعرفو قلاوتو


وينكم شباب [/i]

ياك مطر القصيد سكر هنانا و شهدو
ي سيد الرجال بحرك مبدر مدو
الذوق و الكرم آآآ الغالي فايت حدو
و فيك حلو الصفات آآ سيدي ما بنعدو

تقبلوا مروري ........

[الضراع]

ياك مطر القصيد سكر هنانا و شهدو
ي سيد الرجال بحرك مبدر مدو
الذوق و الكرم آآآ الغالي فايت حدو
و فيك حلو الصفات آآ سيدي ما بنعدو

تقبلوا مروري ........

من دقشا صباح اسعتينا وشرفتينا
بشهد القصيد حرفك سطع فوق لينا
يابت عز العزاز بمرورك اتهنينا
ابقي واصلي ديمة اوعاكي مااتخلينا
تحياتي ياهمسة فرح

[لبيب]

زي الريلة نافرة وديمة طبعها جافي
شوفو الصيدة خلت شعري فيها قوافي
الخلاني ادور لى نار قليبي مطافي
أبدا مابتفكر لحظة في إنصافي

[لبيب]

لصافك يحاكي الفي الليالي بريقا
كايس لى لقاكفي الحين بدر لي طريقة
في جواي نار ميقودة باقة حريقة
روحي معاك صبحت لى هواك رفيقة

[امال الناس]

لصافك يحاكي الفي الليالي بريقا
كايس لى لقاكفي الحين بدر لي طريقة
في جواي نار ميقودة باقة حريقة
روحي معاك صبحت لى هواك رفيقة

[امال الناس]

من دقشا صباح اسعتينا وشرفتينا
بشهد القصيد حرفك سطع فوق لينا
يابت عز العزاز بمرورك اتهنينا
ابقي واصلي ديمة اوعاكي مااتخلينا
تحياتي ياهمسة فرح

[الماسة الخماسية]

الأهلية كملت يا حبيب راحت

وياحليل شمس المحنة الغّربت طاحت

**** ***** ***** ***** *****

مالك يازمان شبعتنا فى هولا

ولبّست الناس ثيابا" حاشا مى هولا

يات من يجىّ دّماعو مبهولا

الليلت اللهّ راحت .. بقت البواجهولا

**** ***** ***** ***** *****

مالك يازمان شبعتنا وح .. ووحيح

صحّ الدون كضب .. وكضب العوالى صحيح

عقرب حزىّ لياّ .. زين ومليح

[لبيب]

مالك يازمن داير تودر ريدي
سيد شوقي وهواي بهديهو مني بريدي
يعلم خالقو بهواه و ريدو دم في وريدي
يارب العباد لمتين يسالم إيدي