للزينين سلام

[alfanjry]

تحية حارة ملؤها الحب اهديها لكم ودمتم ودام السودان الى ان يرث الله الارض ومن عليها , وطنا ابيا شامخا محمولا فى حدقات عيون ابنائه الاوفياء , وسلام من الاعماق الى كل شباااااااب بلادى من زوول مجدوع فى اخر الدنيا وفاااااااااااااايض بيهوا الحنين الى ارض الحب والخير , اتمنى ان يكون دوما جمعنا مباركا .

غريب وحيد
فى غربتو
حيران يكفكف دمعتو
حزنان يغالب لوعتو
ويتمنى ...
بس لي أوبتو
طال بيهو الحنين
فاض بيهو الشجن
واقف يردد من زمن

بالله ..
يا الطير المهاجر للوطن
زمن الخريف
تطير بسراع
تطير ما تضيع زمن
اوعك تقيف
وتواصل حلق
في الصباح
تحت المطر
وسط الرياح
وكان تعب منك جناح
فى السرعه زيد
فى بلادنا ترتاح
ضل النخيل
أريح سكن

فوت بلاد ..
سيب بلاد ..
وان جيت بلاد
وتلقى فيها النيل
بيلمع فى الضلام
زى سيف مجوهر
بالنجوم من غير نظام
تنزل هناك وتحيى
يا طير باحترام
وتقول سلام ...
وتعيد سلام
على نيل بلادنا
سلام
وشباب بلادنا
سلام
ونخيل بلادنا
سلام

بالله ياطير
قبل ما تشرب تمر
على بيت صغير
من بابو
من شباكو
بيلمع الف نور
تلقى الحبيبه
بتشتغل منديل حرير
لحبيب بعيد
تقيف لديها
وتبوس ايديها
وانقل اليها وفائي ليها
وحبى الاكيد

[ahmedBolbol]

[align=center]وعليكم السلام ورحمة الله تعالى وبركاتة..
نورت المنتدى وهلا وغلا فيك
وان شاءالله تفيد وتستفيد
ودى واحترامى وتقديرى[/align][/size]

[امال الناس]

مرحب بيك
وحبابك عشرة بلا كشرة
في منتدي انا سوداني
مش حتكون غريب
لانك وسط
اهلك وحبايبك
وعشيرتك
ربنا يعاود غربتك
والقريب عن وطنه
مهما طال غيابه
مصيره يرجع
تاني لاهله وصحابه

[الهنوف]

نورت المنتدى وهلا وغلا فيك

[alfanjry]

الف شكر بس النورمن عندكم ونتمنى نكون خفاف الظل عليكم

[السودانى الاصيل]

هع الفنجرى

اسم على مسمى

يا زوول حبابك مليوون وناسك ودارك هنا


وربنا اردك ساالم غانم الى اهلك ونساسك

[الحلم السوداني]

اهلا وسهلا ونور المنتدى باخ جديد
وانشالله تستفيد وتفييد وتعوض نار الغربه هنا بين اخوانك واخواتك
تحياتي

[Batta]

يا سلام عليك يا فنجري

ويا هلا فيك في انا سوداني وحقيقي حتلقى اخوان واخوات روعة حتى لو فاتم يرحبوا بيك اكيد حيتابعوك

والناس الفوق الرحبوا ديل ,ديل ما ناس هينين واعتبرم نواب عن كل الاعضاء.

ومرة تانية يا هلا ومرحب فيك ويللا ابقى داخل لجوة بننتظرك

[waya]

[grade="00008b ff6347 008000 4b0082"]حبابك ,,
حللت أهلا .. ونزلت سهلا

وخش لي جوووه .. [/grade]

[alfanjry]

الاخوة والاخوات الاعزاء
لكم الشكر اجزله على هذه الحفاوة والبشاشة التى قابلتمونى بها وكل الكلمات الرقيقة، حقا اثلجتم صدرى وكل امل فى ان اكون عند حسن ظنكم
دمتم ودامت المحبة والاخاء

[الماسة الخماسية]

** أهلا" حباب .. الفنجرى ..

** نورت المنتدى .. وأسعدتنا بكلماتك الطيبة ..

** نتمنى أن تداوم على الحضور وتشاركنا بكل جديد ومفيد ..

** وندعو الله ان نكون لك نعم الأخوه والاخوات .. ونفيدك ..

[alfanjry]

لك الشكر يا أخت ماسة ، فاح عبير بشاشتك عند مرورك ولم يزل فلك الشكر مرة ثانية وعشت.