مجادعات شعبيه

[الضراع]

جديا في البراري عزفت ليهو الحاني
كان يصبح دقايق بالغرام لي حاني
لكن ياالضراع دايما تملي هو جاني
نافر مني تب حير ملاكي وجاني

جديا في الصحاري عزفت ليهو اوتاري
كان يقعد يوالف يستقر في داري
لكن يالبيب الشالت بنات افكاري
جافتني انا شمـــــتت عــــــزالي

[الضراع]

الكتراااابه
شكلى كدا تانى من البوست دا مابطلع
Thanks

مون مادام المكان داعاجبك
نفرح نفتخر بروعتك واعجابك

[الضراع]

[align=center]جنس جديع ...............


كع
برمه :

ناس الشعبي ديل
الله يقدرنا عليهم سااااااااااااااااي
انا غايتو ماشي ل ناس المركزي
غااااااغ[/align][/size]

كان الشعبي ولا المركزي برضو مرحب بيك
طولت الغيبة و الشوق مولع بيييييييييييييييك
يابعد الزمن مناي ربي اديك
عرسة وعروس تفرح جميع والديك

[لبيب]

حبابكم كلكم يا الجيتوا شرفتونا
مون . بعد الزمن . أصل الحروف تلقونا
أقعدوا عافية تب بالبشريات لمونا
دايما تب حبابكم أبقوا ماتنسونا

[لبيب]

جات اللابسة لاب كوتا المغسل ومكوي
جات بحداي تطرح في الخطاوي وتطوي
ماعارفاهو قلبي عليها بالشوق مطوي
نار الحاظا تحرق في حشاي وتكوي

[الضراع]

جات اللابسة لاب كوتا المغسل ومكوي
جات بحداي تطرح في الخطاوي وتطوي
ماعارفاهو قلبي عليها بالشوق مطوي
نار الحاظا تحرق في حشاي وتكوي

جات شايلة لابتوبتها الجميل في شكلو
ماشه حداي تننوني بالروائع تتــــــلو
الفرهد فريعو في البوادي شتـــــلو
يارب تتمم امسك سبايب خصلو

[لبيب]

تميت حول عديل والشوق علي متوالي
من فارقتو مافارقت سهري موالي
جديا في الوهاد لخبط علي احوالي
بلقى سعادتي لما يكون معاي طوالي

[ملك الدراب]

نـويـت السـفـر قـافيت بـطانة أم سـاق
وزري السيـف وود أبصيـده والبـراق
بــعـد قـافـيـنـا بـلــد الحـرق العـشـاق
مقيلنا قـفـه السمـيـر إن هـون الخـلاق

[لبيب]

نـويـت السـفـر قـافيت بـطانة أم سـاق
وزري السيـف وود أبصيـده والبـراق
بــعـد قـافـيـنـا بـلــد الحـرق العـشـاق
مقيلنا قـفـه السمـيـر إن هـون الخـلاق

بشوفك يالحكيل بالحيل نويتو فراق
لسا قليبي لى حبك يمين مشتاق
ماعارف وداعك وجمرو كيف حراق
قاسي علي فراك وأصلو مابينطاق

[ملك الدراب]

بشوفك يالحكيل بالحيل نويتو فراق
لسا قليبي لى حبك يمين مشتاق
ماعارف وداعك وجمرو كيف حراق
قاسي علي فراك وأصلو مابينطاق

ثلاثة سنين مضن وادن قلوبنا الحرق
بقت لنـا كلهن نجـعة وشقـاوة وفـرق
ولا خـبـبـنا بالقبـلـة أم بـروقـاً شرق
ولا اترفقنا في الملقة المـلاها البـرق

[لبيب]

ثلاثة سنين مضن وادن قلوبنا الحرق
بقت لنـا كلهن نجـعة وشقـاوة وفـرق
ولا خـبـبـنا بالقبـلـة أم بـروقـاً شرق
ولا اترفقنا في الملقة المـلاها البـرق

الشوق هد حيلي وفي اعضاي اتفرق
وقلبي صبح رهين لى حبو غرّب وشرّق
لي من شوفتو كم حول والقليب اتحرق
من ليل أونهار انا قلبي تب مافرّق

[ملك الدراب]

الشوق هد حيلي وفي اعضاي اتفرق
وقلبي صبح رهين لى حبو غرّب وشرّق
لي من شوفتو كم حول والقليب اتحرق
من ليل أونهار انا قلبي تب مافرّق

فـلانة اللي مده عديدة راغب أشـوفة
مـيـزت الجـمـل والعــدة والمخـلـوفة
بي ذوقة وذكاها وخدمتها لي ضيوفة
خـلـت كـل فـاهم يتحـكى بي معروفة

[لبيب]

فـلانة اللي مده عديدة راغب أشـوفة
مـيـزت الجـمـل والعــدة والمخـلـوفة
بي ذوقة وذكاها وخدمتها لي ضيوفة
خـلـت كـل فـاهم يتحـكى بي معروفة

فلانة المابجيب اسما وبضاري حروفا
بعدت مني غادي وفرقتنا ظروفا
خلت روحي في قامة العفاف ملفوفة
خليت الحروف في ريدا تب مصفوفة

[ملك الدراب]

الخــلانا مــا نــهــم فـي الـكـتـيـر والحــوز
ســمحة وفــاهمة ليـها علـي النـدايـد فـــوز
جـملـي البـدري جـدو بـرنجـي زينة القــوز
شرب في الشاية بي ماسورة من غير جوز

[الضراع]

قصيبة البًدَر زرع لقادة
حكمت شُلت القامن سوية معاها نداده
شيك البي الملايين بيعو مو طرادة
عصرت كردفان من كوستي لي ام كدادة

لك التحية الاخ ملك الدراب
والاخ الشاعر المبدع لبيب
وانتم تنثرون درر انرتم بها صفحة المجادعات
تحياتي

[لبيب]

الخــلانا مــا نــهــم فـي الـكـتـيـر والحــوز
ســمحة وفــاهمة ليـها علـي النـدايـد فـــوز
جـملـي البـدري جـدو بـرنجـي زينة القــوز
شرب في الشاية بي ماسورة من غير جوز

شفتها يوم اكانت داخلة غابة اللوز
مربوعة القوام هيلا الجمال مكنوز
كلّ القلتو من يوم داك مامفروز
اكان شفت الفجل أحلف واقول دا الموز

[لبيب]

قصيبة البًدَر زرع لقادة
حكمت شُلت القامن سوية معاها نداده
شيك البي الملايين بيعو مو طرادة
عصرت كردفان من كوستي لي ام كدادة

لك التحية الاخ ملك الدراب
والاخ الشاعر المبدع لبيب
وانتم تنثرون درر انرتم بها صفحة المجادعات
تحياتي

فسيب التقنت القام بى مهل يتنى
همنا وراهو بالشوق والعشق بشتنا
الخلانا فوق نا اللهيب نستنى
راجين نظرة من شبه الحسان في الجنة


يا اخي كلك ذوق تسلم
وحباب ملك الدراب معانا في المجادعات

[الضراع]

ياحليل ست الخدود الفي الصباح بتجينا
مسدار العصير بي النظره بتسلينا
فاتت مننا ام قصــــــــــة باكية حزينة
يارب العباد في الطيف تجي اتلاقينا

[لبيب]

ياحليل ست الخدود الفي الصباح بتجينا
مسدار العصير بي النظره بتسلينا
فاتت مننا ام قصــــــــــة باكية حزينة
يارب العباد في الطيف تجي اتلاقينا

مربوعة القوام في تتهادى كالوزينة
خلت روحي تسبح في الغرم وأنينا
يارب العباد لمتين تجي توافينا
شان نرتاح ونتناسى العذاب الفينا

[القدورابى]

ست الجيل محاسن الكل وجيل فوق جيل
وجلا جلالو وفى جلالو هو جليل
جلاجل قلبى فيكى اتجلجلن جلجيل
وجلجلتينى يا ست المحاسن جيل