يا الكل يوم مــعانا و ما قادرين نـقـــول ليك
انك في قــــــلوبنا و كــــم نشتاق لي عينيك
حنانك يا حالم
عشنـــاك في الاماني و انت قريب حدانا
فــيك ســـر الغرام عشـــناك بالامــــاني
و اهديــناك اغاني تنبـــع من دمانا
ترمـــش لـــيك توافقفبها نقول حليلا
في قلوبنا الحنينه الراجياك توافق في المانسينا
ديمه امــــير علينا
عربنــــــــا الخصام
كل ما ندور نصارحك يغلبــــــــــــنا الكلام
يتجمد كيانا يغلبنا الكلام و كم نشتاق لي عينيك
حنانك يا حالم
حراسك يا حالم الحياء و الفضـــــيله
و الوعي المبكر و العاطفــــــه النبيله
و امانيك عذاري تتجـــــــــمع في ليله
فيها زغاريد و حنه فيها بخور و شيله
فبها الناس تبارك الحــــــب و الحليله
فيها الناس تغني للزين و العديلــــــــه
ده الحـــــالم في قربو زي راس القبيله
وكم نشتاق لي عينيك و كم نشتاق لي عينيك
إنت عارف
أنا بحبك ... وبحلف بك ...
ولا ماك عارف ..... بالمرة
إنت صارف عني مدة
وأنا خايف تتحدى
أنا خايف ...
متى نبدأ التعارف
والتألف والمودة
ياحبيبي من فضلك
جاملني طاوعني
لاتخالف واحد مرة
أنا شايف
أنا شايف
المحاسن .... الطرائف
في صمتك في كلامك
في عيونك ... في إبتسام
في خدودك في قوامك
إنت جالس ... إنت ماشي
إنت واقف ... إنت نايم
صغير غرير الطرف حالم
ماك عالم ... ماك عارف
أنا طرفي جفا المنام
آلف الحب والهيام
مع الجمال بالعواطف
في هواكم إستمر
متين أصادف
رضاك علي وعلي توالف
هواي مناي حياتي حبك بالمحبة
بلاك أشوف النور ظلام
وأذوق طعم كل حاجة مرة
زورني مرة
إن رأيتك بالقرب مني
سعد أظني ... هل تدري إني
أحس بعظمة وشأن كبير
أفرح كتير فرح كبير
أكاد اطير من الفرح
والأمل أحيا وأخالف المسرة
مـا اتـعــودتــا اخــاف مــن قـبـلـك إلا معاك حسيت بالخوف
أعـمــل آيـه ما القسمه اختارت وكل الناس حاكماها ظروف
عــارف ويــن خطواتك ماشه وآخري معاك هو المامعروف
يـامــا كـتـيــر فـكــرتـه اصــارحــك واستـنـيـتك تبدأ السيره
لا أتكـلــمــتــه ولا لـمــحــتــه ولا بـيـنـتــه الـريـــده مصيره
والحـنــيــه الكـنــت بـديــتــهــا هـســع بـقــت بتشوفه كتيره
وزي خليتنى اشك فى ريدتى وخفته تكون مشغول بى غيره
أنـا مـن قـبـلـك مـا اتـحـيرتا جيت وريتنى دروب فى للحيره
والله عـشــانـك يـامــا صـبـرتـه لـمـا الصبر فتر من صبري
ولـمـا نـسـيــت الـدنــيـــا وحاتك من أعمارنا سنينها بتجرى
لا اتـلـومـتــه مـعـاك لا لـمـتـك وقلته براك بتحـس بى قدرى
وقـلــتــا عـلـيـك بـكـره بتتغير وألقى فى ريدك فرحـة عمرى
إلا لــقـــيــــتـــك لـســع تـايــه فـى دنـيـــاك ومـتـــوه أمـرى
لو شفتي كيف
بنزف نزيف الورد ..
بالشوك أنطعن
وقتين
عيونك
ما يجن
وألقى المواعيد أنتهن
وأصبح حليف
الصحرا
والريح الحفيف
كنت ..
سابقت الزمن
وانتظرت على الرصيف
أو شفتي كيف
بترفض خطاي
لمن خطاك
ما تكون معاى
كل الدروب
وكانت تجوب
سكه رؤاي
وانتى فى ضراى
كل الطيوب
كنتى انسرقتى من الزمن
وازدهرتى مع الغروب
اغالب دمعى واتصبر
واقول يالله صبرنى
على فراقك يا اغلى الناس
سواد حظى الملازمنى
مساهر وطرفى جافا النوم
اقول لو مرة طيفو يزور
اشوفو وطلعتو تفرح
تضوى سماى احلا بدور
اعيش لو لحظة بقربو
مناى اللحظة تبقى دهور
عظيم فيهو الدلال خايل
حبييبى الكلو نور فى نور
انا الحافظ ودادو سنين
انا الماخنت عهد الريد
انا الصابر عليك ياهم
وانا الوافى وهواى فريد
زمان قالو الغرام قسمة
حقيقة القسمة ما بالايد
مصيرو الحى يعود تانى
ويهل فى سمانا اجمل عيد
عن حبيبتي بحكي ليكم
الاستــاذ الـرائـــع.. ابوعركي البخيت
الكلمات تأليف / سعد الدين ابراهيم
* * *
[grade="00008b ff6347 008000 4b0082"]عن حبيبتي انا بحكي ليكم.. و ضل ضفايرا ملتقانا
شِدو اوتار الضلوع .. انا بحكي ليكم عن حنانا
مرة غنت عن هوانا.. فرحت كل الحزانا
مرة لاقت في المدينة.. الحمامات الحزينة
قـامــــت ادتا برتكانة
ولما طارت في الفضاء رددت انغام رضا
قالت اول مرة في عمر المدينة
إنو نامت وما حزينة
تحيا تحيا .. محبوبتي الحنينة
عن حبيبتي بقولكم لونا سمرتو منكم
شايلة حاجات منكم ..!
الاصيلة ندى الشروق الغَنى لي زراع ارضنا
الوليفة زي الشعاع يدخل رواكيبنا و أُوضنا
الجميلة تفوتنا هسع.. نبقى مشتاقين بَرِضنا
الجميلة نَدور نقرب ليها.. حاجات تعترضنا
عن حبيبتي بقولكم
ساوا ليكم بي إيدينا الشاي و حالبالكم ضروع الليل
وجالبالكم ضي القمرا .. ومخبية في جيوبا النيل
متى ما تدوروا ترويكم .. وما بتقدر تخليكم
تجيب النجم وتديكم.. عشان نورا ما كفا تجيب نوراً يكفيكم
عن حبيبتي بقولكم.. لسه لسه بقولكم ، يلا....
عليك الله وحات الريد
وحات الآه والتنهيد
كفاك لا تمشي للغربة
تروح تاني مني بعيد
عليك الله الزمن غدار
مصيرنا بكرة ما بالإيد
وماعاد في قلوبنا مكان
تاني جرح جديد
سنين يا غالي ما ضحكنا
ولا اتبسمنا بالمرة
وأول مرة في الدنيا
تعدي شهور بدون قمرة
حرام بعدك تلاقي (النار)
نعيم دنيانا وأشواقا
نعيش تاني المرار والنار
بعاد أرواحنا وفراقا
عليك الله وحات الريد
وحات الآه والتنهيد
كفاك لا تمشي للغربة
تروح تاني مني بعيد
وشوشني العبير
كلمات .. ابو امنة حامد
غناء صلاح بن البادية
[grade="00008b ff6347 008000 4b0082"]وشوشنى العبير فانتشيت وساقنى الهوى فما أبيت
يد الحرير ارتعشت بكفىّ بكيت من رعشتها بكيت
صبية ... العطر يشتهيها أمذنب أنا إذا اشتهيت؟
جدائل الليل على كتفيها تهدّلت حولى فما أهتديت
أجمل منها ما احتوى فؤادى فالعبق الصادح مااحتويت
حبيبتى أغرودة العذارى ورنة الأفراح إن غنيت
حبيبتى أنيقة العطايا تهمى هوى إذا أنا غنيت
لا تسألونى كيف كان الملتقى وكيف فى دروبها مشيت
وكيف طاف الثغر فى إبتهال وكيف فى محرابها صليت
سرّ عميق حبها بقلبى ما قلته للناس .. ما حكيت
فإن روى القيثار سرّ قلبىّ قولوا لها ما قلت .. ما رويت
لكنه حين بكى حنينا بكيت من رقته بكيت[/grade]
فى دجاك ياليل الطيب هبا لى
ده الجنن قيس وكثير قبالى
هل نومى يعود والطيف يصبا لى
ده يرد الروح فى الجسم البالى
يا الفاطرك نور فاهك عسالى
ضيعت ألوف عشاق امثالى
فى حبك أذوب لى هواك ما سالى
بس اخشى عليك ياجميل تنسالى
طيفك فى النوم لو كان يوحالى
أتغزل فيه وينظر حالى
متى منو يفيق عقلى ويصحا لى
ده رحيق مختوم فى لهيجو الحالى
ياحبيبى هواك طربا هزا لى بى
سهر الليل شوقك يازالى
لا أسمع فيك اقوال عزالى
أسمع واطيع أمرك يا غزالى
دأبى ده جزاى من جنس أفعالى
أرعى الانجم ياليل أرعا لى
كيف أسعى هناك او كيف تسعى لى
يا أخا الفرقد يا النجم العالى
يا أنيس الصيد الحاجبو هلالى
فاطرك لماع وخديدك يلالى
من غيمك راح سكرى ودلالى
فيك طبى حرام وهواك حلالى
حبك يمزج أعضاى اجمالى
لو كنت يمين يهواك شمالى
يا بديع ليه فيك ضاعت امالى
كان مالو هواك يامدلل ومالى[/grade]
