هل نحن شعب كسول

[سودانية صريحة]

منذ فترة قامت إحدى القنوات الفضائية العربية في إحدى برامجها المتعلقة بمواضيع الشباب، بسؤال موجه للشباب العربي في الشارع عن أكثر الشعوب العربية كسلا...جاءت معظم ردود الشباب بأن أكسل شعب هو الشعب السوداني، وبما إني في هذه الأمور لست سودانية صريحة بل سودانية للقاع ثارت ثائرتي وكدت أموت غيظا كيف يقولون هذا عنا، ولما حكيت غيظي لصديقتي التي لم تخفف عني بل زادتني قهرا بقولها نحن فعلا شعبا كسول وإذا لم نكن كذلك هلا تشرحي لي لماذا نسكن للان في بيوت من الطين . سألتها: ماذا تعنين. أجابتني:معظم الردود في الاستفتاء قالت السودان شعبه كسول يعني " إذا أتنين قالوا ليك راسك مافي اهبشوا" فما رأيكم هل نحن حقا شعب كسول.

[مستر زول]

سؤال تمام
مرات الحقيقة بتكون صعبة لكن ما منها مفر نحن بالجد اصبحنا شعب كسلان .
ولك تحيه

[سيراف]

ينقطع لسان البقول إنو أنحنا شعي كسلا
لو بس إعاينو شويه حيشوفو

- أشطر الطلبه دايما سودانين بى دليل إنو في الشهاده السعوديه أكثر من 20 طالبه في الثانويه العامه جابت 100 من 100
- أنحنا العلمناهم لمن كانو لسه قاعدين في الخيم .
- المخطط مدينه دبى سودانى
- الكاتب الحقيقي للدستور الليبى سودانى
ما عارفه من وين بيجيبو الكلام ده
لكن على الأقل أنحنا ما كذابين وما غشاشين وما فينا ريحه تكتل كأنو ما مستحميين لينا سنه
أسفه لو كترت لكن حاجه تغيظ بالجد

[طائر مهاجر]

اخذ ينظر الينا بتمعن تفضحه عيناه الى ان هناك ما يختبئ خلفهما من امر هو بادٍ عليهما ... فافرغ فيهه بكلمات قد طرقن مسامعنا من قبل إذ قال :
عجبي لان اجد ان انشط من في هذا الصرح اثنين فقط .. انتم وما يزيد من غرابتي ان تكونا من السودان ؟
لاذ بالصمت لهنيهات قليلة عله يجد منا ما يفيقه من تعجبه .. ولكنه لما لم يجد منا غير الصمت والانتظار اخذ يكمل قائلا ومن عجبي ان معظم التصاميم القائمة باسم الصرح والتي يتألق بها اسمه من تصاميمكم ..
قاطعته لما بدت منه تلكم الكلمات .. وقلت له انه حال ابناء بلادي في كل مكان ...
ولكن نحن قوم يرهقه الكذب ويثقل كاهله النفاق .. قوم الفطرة النقية مأدبته اجلسه عليها اهله كي يكون انسانا قويما لا يرضخ لقوانين الاعوجاج .. تلهمنا ارضنا الطبيعة التي حباها لها الله بان نكون مثلها شموخا وأدبا وكبرياء ..
وما زلت اكرر له بانا من يرهقه الكذب فنحن ليس من قيل فيهم
(( ويجعلون رزقهم انهم يكذبون ))
وعدت اليه وقلت ان كان مرماك لما تعتقد في نفسك بانا كسالى فهو ليس كسلا منا ان كنا نفوض امرنا لله في كل امر اردناه . او مشيناه
اخذت انظر اليه واقول ضاربا له مثل الرجلين اللذان جعل الله احدهم ذو علم وقناعة ورضاء فبناء جنته عند الله خيرا له من الدنيا وما عليها , والاخر الذي كان يمشي في الارض مرحا ويختال باسم الكذب وما حمل في عقله غير الجهل والنفاق المنمق .. أرايت ان اتاك الاثنان من انت آخذ منهما ...؟؟؟؟؟
فرددت له قبل ان يفرغ ما بجوفه بأني احطت خبرا بأنك ستختار ذلك المراوغ لما في نفسك من فهم بانه هو الاقدر لذلكم المظهر الملفق الذي يرتديه ثوبا انما خليعا لما يجمل بداخله من جهل عله يستره من وعثاء الدهر وكأبة الفقر .. وما علم ان الله له الامر ..فانظر ان كنت من رواد صلاة الفجر في المسجد من تجد الاكثر حضورا بلا شك هم اهل السودان فكيف يكونوا كسالى ؟؟ وانظر لغيرهم من هم عند الفجر اشد كسلا وعند اصحاب العمل اشد نشاطا ونسوا ان من يرزقهم ويرزق اصحاب عملهم هو الله ... فعليك ان تحكم بمن هم الاكسل ..
اخذ يتبسم قليلا وانتظر عله يقلب ما برأسه من كلمات وجمل كي يستطيع بها ردا ينمقه قليلا لحضرت من هم امامه ..
فقال قد ظلمناكم كثيرا .. ولم نعطكم حقكم .. بالرغم من علمنا انكم الاكثر كفاءة والاجدر من غيركم .........
وقبل ان يكمل قاطعته قائلا
انتم لم تظلمونا ولكن انفسكم تظلمون ... فنحن مجرد زوار لن نحمل الى بلاد المال فحسب انما سنحمل ايضا سيرتكم ان كانت هي طيبة او غير ذلك .. ونحن هنا انما نعكس صورة لوجه بلادي الذي هو شامخ في دواخلنا ابد..
وصمت وخفت ان يرهقه الحديث ..........وانصرفت

احبتي الشعب السوداني شعب صافي السريرة شعب بسيط في كل مايحمل بالرغم من انه قوي النسيج الاجتماعي وهذه صفة يحسد عليها ..
اما عن الكسل فجميع السودانيين بالخارج يعملون بشكل نشط جدا .. ولكنهم ينعتونا بالكسل لأن الشعب السوداني لديه خير في وطنه ولا يستغله .. ولا يقوم ببناء وطنه كي يتقدم الى الامام .. ونحن ادرى منهم بوطننا لن نستطيع الرد عليهم بغير السكوت لان مشاكلنا في وطننا دائما ما نجعلها تحت طائلة الكتمان وهذا ماكنا عليه سابقا بالرغم من الانفتاح الاعلامي الذي ان عثرة بغلة بالخرطوم قام بنقل خبرها ..
نعم نحن نعلم خير بلادنا ونعلم نعمه .. ولكن هناك امور يعلمها شعبنا تقف في طريقنا نتمنى ان تزول
[glint][glow=FFFF00]عشمك يا وطن[/glow][/glint]

[asool22]

والله عندك حق يا سودانيه صريحه
انا ما عارف ليه الناس مطلعين علينا الاشاعه دي
ممكن احيانا انحنا(السودانيين) بنهظر مع بعض وبنقول لبعض الكلمه دي
لكن كدي واحد ما سوداني يقول الكلمه دي
انا كل يوم عامل شكله بسبب الموضوع ده
وشكرا ليك اختي الفاضله علي الموضوع المهم ده

[كيمو]

هوي هوي بطلو الفلسفه

والحقيقه حــــــــاره بس الناس تقبل بالواقع بتاعها

فعلا الشعب السوداني اكتر شعب كسول........لو ما كدا لكان السودان متقدما

وبعدين السودن فيهو البترول والسكر والصمغ والقطن دي موارد

الحاجات دي اغلبيت الناس الشغالين فيها اجانب ...........وين ابن بلدي

وبعدين يا سودانيه صريحه الوقت للعمل ..في السودان الكلام مقلوب

يعني الوقت للنوم والاكل فقط ........امكن اقول انتي ما نزلتي السودان قريب

بس مصيرك تعودي يا غاليه .......حتنصدمي وتتفاجئي بالحاصل في السودان

الشعب السوداني بقي غير الاكل والنوم والحفلات ما عندوي اي حطموحات

[سودانية صريحة]

شكرا على المرور يا أخواني وبالنسبة ليك ياأخ كيمو كلامك صحيح ، السودانيين اليومين ديل ما عندهم شغلة غير العرس وكأنه أقصى طموحهم

[بنت سدن دن]

يعني دائما الناس يقدروا يقولوا الشي اللي ما حلو لي غيرهم لكن ما برضوا الكلام ده على نفسهم لكن أنا وبكل صراحة بقول : ( نحنا شعب كسوووووووووووووووووووووووووووووووووووووول)
لدرجة ما طبيعية .
ودي الحقيقة وأتمنى أنو مافي زول يزعل .

[SNGAM]

الاخت سودانيةالسلام والتحية
الحقيقة المرة نعم والف نعم نحن كسول والا ماذا ينفص السودان من كل الخيراتويمكن نقول كل النعم
ومن الموارد البشرية والكوادر المؤهلة تجد الكوادر المهاجرة تعمر فى اراضى الغير
والسودان يترنح بين الاوبئة وعدم القدرة على ابسط ا لاشياء فعلا نحن شعب كسلان مائة فى المائة
وانظر من شمالة الى جنوبة ومن غربة الى شرقة ماذا ينقصة سوى الارادة ثم الارادة ووجود مشروع
واضح اما من عن الكفاءات والكوادر موجودة ولله الحمد

وللحديث بقية

اخوكم SNGAM

[alex muaaz]

أنا عايز أسأل كل الأخوان الكرام الشاركو سودانية صريحة موضوعها
ماذا فعلتم أنتم عشان نقدر نحكم عليكم كسالا و لا لأ؟
وطالما في السودان ناس زيكم عمرنا ما حنتقدم لقدام خالص عشان بدل تفقلو معانا ولا تجيبو الحجار بتضحكو علينا وناسين إنو نحن بنحاول نرفع من السودان عشان الزيكم ديل .
المهم الشعب السوداني ماكسلان نهائي وبكل بساطة ممكن تمشي السوق العربي وتشوف بي عينك وجرب أحسب الناس الماشة والجاية و لو عايز تصدق أطلع الصباح و صلي الفجر في الجامع الكبير وأبدأ أحسب مدة ساعة واحدة وبعداك تعال أدينا رأيك . أنا جربت وطلعت بدري وشفت كمية من الناس متحركة بصروة خيالية كل واحد يجرب مرة واحدة وإحتمال يتصدم .( بس إنت جرب ) .
الأمر التاني نحن مامتقدمين ليه ؟؟؟ ده سؤال مهم جدا
عشان الماسكين أولي الأمر فينا ماعارفين مفترض يعملوا شنو ونحن الشباب بدل مانعمل شي بنقيف و نتفرج فيهم . ممكن أي زول يقول نحن مابنقدر نعمل شئ . أبدا ناخد مثال طلبة كلية الهندسة جامعة النيلين اعتصموا و قفلوا الكلية 9 شهور وكانو قاعدين عطالة ( 9 شهور مدة ماهينة ) عشان الكلية ناقصة معامل و ماعندها رقم هندسي تعال شوف هسه عندهم أفضل وأحسن المعامل الإلكترونية على مدى السودان بأكلمه إن ماكان على مدى أفريقيا .
رجاءا رجاء خاص لو ماعايز تشارك في البناية أحسن تسكت بدل تعطلنا .
شكرا سودانية صريحة على الموضوع الجميل .

[رشووود]

يعني دائما الناس يقدروا يقولوا الشي اللي ما حلو لي غيرهم لكن ما برضوا الكلام ده على نفسهم لكن أنا وبكل صراحة بقول : ( نحنا شعب كسوووووووووووووووووووووووووووو وووووووووول)
لدرجة ما طبيعية .
ودي الحقيقة وأتمنى أنو مافي زول يزعل .

واضح من لهجتك انك مغتربه ومعلوماتك عن السودان كلها بيوت طين وقش وخليك هناك احسن وانا بقول لو ثرواتنا طلعت والبلد اتصلحت عشان نبقى زى الشعب السعودى اللهم لاتذدنا الافقرآ

[Limia]

سودانيه صريحه احيك على الموضوع لكن انا مامايده الكلام ده البقولو انو السودانين كسلا ابدا هم نشطا وهميمين ممكن نرجع لكتب التاريخ ونشوف كتبو شنو عن جدودنا اما بخصوص الواقع المعاش الشباب محتاج فرص عمل لو وجدو الفرصه حايشتغلو فيها بيدهم ورجليهم والله شباب السودان امالن وطموحاتهم عاليه لكن نقول شنوو وزارت العمل مفروض تهتم بالمشكله دى...................بعد ده الشباب بوجدو ليهم فرص عمل حر الببيع مويه البيشتغل كمسارى مامكسلين ولاحاجه والامثال كتييييييييييييييره

[ضياء الروووح]

اسمعي يا عسل ولا تزعلي روحك نحنا انشط شعب ياخي في مثل بقول ليك الما بتلحقو جدعوا ولايهمك تقبلي مروري لكن والله ما كسلانين ياخي شفت ليك راجل هسي بدون شغل بالذات في الغربه دي بس عارفين لي بقولو كسلانين عشان هما في البيت ما بشتغلوا كتييروبعدين الاجناس التانيه وخاصه السعودين ديل مرتاحين راحه شديده خدامه وبتاع زي دا وكمان في حا جه تانيه نحنا مافي يدنا اكانيات بجد عشان نعمل ونعمل ونستخرج بترول يعني هسي دي كلهم دول اليابان والصين البعملو الحا جات دي نحنا بس بنقول البلد بلدنا انا سمعتا انو حديقة المقرن بتاعة الوليد بن طلال يعني نحنا بس مكتفين يدنا وبنتفرج لي لانو مافي امكانيات وشكرا على الموضوع دا اختي وتقبلي مروري

[حســـن]

الشعب السوداني ... والكسل!!



ما مريت بمنتدى إلا ووجدت العبارة دي !!


الحكاية شنو!!



المشكلة وما فيها ياجماعة ان الناس لما تتكلم وتحكم على شي
بتاخد (جزء) أو مثال وتقيم بيهو الكل




حكاية الكسل السوداني في الدول دي البتقول كده
لانها شافت امثلة قدامها .. فهم ما افتروا بكلامهم


لكن افتروا لما عموم الامثل بالمجتمع ككل

ودي مشكلة كل الناس وكل المجتمعات واقعه فيها

مثلاً نحن في السودان بنقول الشعب الفلاني كدا والجنس الفلاني كده
مع اننا ما عرفنا غير افراد .. وفينا السمع قالوا .... فقال




،،



واسي مريت هنا فلقيت انو البعلل على ان الشعب السوداني كسلان وكسول
لانه ما متقدم ولانه ما متطور ولانه ولانه ...وووو

هو العالم دا لكن تاركنا في حالنا عشان نطور ولا نتقدم

وبعدين يعني لو قلت ليكم الناس زمان كانوا بمشوا كداري من الخرطوم لحدى الجيلي
كداري ... ح تقولوا الشعب السوداني .. غزلان

ده كلام ده

[هــدوء القمر]

سودانيه صريحه كيف حالك اول حاجه تاني حاجه يقطع لسان البقول علينا كدا

بس يا عمري انا عايزه اقول ليك حاجه في اي جنس بتلقي الكسول وبتلقي النشيط لكن انتي عارفه هم بقولو علينا كدا ليه؟؟؟
لانو السودانين اغلب عفش بيتم سراير وحلومننا اننا نكون كسولين في الحركه ما في العلم لانوالعلم حاجه مهمه طبعا [size=5] فما تزعلي ولا تتضايقني كسلانين يعني شنو خليهم يتشطرو هم[/size].....