عريس يطلق عروسته ليله زفافهاااااقدام الملا

[جراح]

في سابقة هي الأولى من نوعها طلق عريس عروسته في ليلة زفافها بإحدى الصالات الخرطومية اثناء أداء فنانة معروفة وصلتها الغنائية بعد أن أخطره أحد اقربائه بأنها وصفتها بالمتخلف على خلفية منعه استخدام الهواتف السيارة في تصوير زوجته وهي ترقص. وتعود وقائع الطلاق إلى أن العريس طلب من الفنانة التي أبرم معها عقدا لاحياء حفل مراسم زفافه أن تحذر الحضور من مغبة تصويرهم لعروسته من خلال كاميرات هواتفهم الجوالة وبالفعل نبهت الفنانة كل المدعوين بواسطة مكبر الصوت ومن ثم بدأت وصلتها الغنائية التي انداح على أنغامها معظم الحضور رقصا بما فيهم عروسته التي صوبوا حولها عدسات كاميرات الهواتف، فما كان من العريس إلا وأن ينهض من مكانه ويخطف الموبايلات من أصحابها ما خلق فوضى عارمة استدعت الفنانة المعروفة لقطع وصلتها الغنائية وفقا للخلاف الحاد الذي دخل فيه العريس مع من يشاركونه الفرحة. ومن وسط ذلك الزحام انسحب عائدا إلى الكوشة ليبدأ الناس مناقشة هذا السلوك الذي بدر منه حيث علقت عروسته على ما حدث بأن عريسها متخلف. فالتقطت أذنا قريب له هذه الكلمة فما كان منه إلا وأسرع ناحية العريس وهمس في اذنه بما تفوهت به عروسته على الملأ. فغضب غضبا شديدا لوصف زوجة المستقبل له بالمتخلف والرجعي ما حدا به رمي يمين الطلاق عليها وسط دهشة واستغراب الحاضرين.

صحيفة الدار

[jasmina]

هي حركة تصوير العروس مافي داعي ليها بس العريس ماكان يشاكل بنفسو

عشان مايخرب ليلتو وكان ممكن قريبو او قريبها يقوم باللازم ... اما تعليق العروس

صحيح مالو داعي بس بيحصل وغالبا مافي زوجة ماعلقت تعليق ما على زوجها

فده ماسبب ابدا للطلاق ...المفروض يعمل كنترول على نفسو ربنا اداهو العصمة عشان

المفروض انو احكم بس ده تصرف طايش !!!

[بعد الزمن]

[align=center]الزول الشمشار بتاع الوشاية دا
تصرفو غلط وعبيط شديد (دا اسمو زول اهطل يبظ لي الزول عرسو الله يازيه خراب البيوت)
وممكن العروسة قالت الكلام دا
ما من قلبها قالتو عشان الضيوف والناس
المعزومين ما يزعلو وكمان العريس
ما كان يتهور ويتحكم فى اعصابو
وبعد الناس ما تمشي يتكلم مع عروسو
فى الموضوع ويتأكد ويعرف منها
سبب وصفه ب المتخلف

كان كل واحد مرتو قالت ليه يا متخلف
وقام طلقها ما كنا بنسمع ب بيت عامر
برمه :
هوى النسوان بقولو اكتر من كدا

من كلام الصحف التونسية وبعض مواقع النت
ان الرئيس التونسي لما رفض يصعد
الى الطيارة وقت كان داير يفز والزول كان ملاوس
مرتو ليلى الطربلسي قالت ليه (اصعد ايه الابلة فقد تحملت اخطاءك ثلاثين عاما......!! )
وما طلقها ول هسي معاه فى السعودية ......!!!!!
دمتى بود[/align][/size][/size]

[جراح]

تعليقاتكم منطقيه


بس لى زول اصور عروستى بجوال كمان يعنى ممكن اعمل فيها حاجات واوديها اليوتيوب ولا شى


ثانيا لى اصلا هى تقول متخلف انا لو متخلف انتى اصلا وافقتى بى ليش حقو اكون فى احترام دى زوجك ياخى


حسب نظرى تصرفو صح مافى كلام

مشكورين ........................

[الزهرة البيضاء]

الخطا اصلا من الوصل الكلام والعريس ده انسان متهور جدا وربنا انشاءالله يعوضها احسن منه ورب ضاره نافعه

[الدهمشي]

الاتنييييييييييييييييييييييييييييين مخطئين

[جراح]

الواحد اعكس الموضوع على نفسو واتكلم

عشان اشوفو حار ولا ماحار


بس االعلروس متخلفه لوماكدى ماكانت تقول الكلمه القبيحه دى

وهو شكلو احمق شديد وتصرفو عادى يعنى لوماعمل كدى ابقى ماراجل

[الأميرالحب]

والله ياجراح الجزيره نت
وبعدين لو في احد يوم عرسي صوره عروستس
ما بطلقها بعرف من مصادري الخاصه ليه صورها
ولو كان خارج قرايبي من الحفله لي بيت ابوها طوالي
من غير اي تفاهم
كااااااااااااااااااك

[ود المطامير]

والله عاد أنا قِعيد الكلمات وتحكّر الحروف ما بعرف ليهو
عِلا لو دا أنا ومن قولة تيت وهى تقول على متخلف ؟

على الطلاق فِرد طقّه ليها أكان أعوج خشمها

عِلا عجبنى اللى قال ممكن يصوروها وينزلوها فى اليوتوب

ويوزعوها بالبلا ود التوث المصيبه دا

[جراح]

والله عاد أنا قِعيد الكلمات وتحكّر الحروف ما بعرف ليهو
عِلا لو دا أنا ومن قولة تيت وهى تقول على متخلف ؟

على الطلاق فِرد طقّه ليها أكان أعوج خشمها

عِلا عجبنى اللى قال ممكن يصوروها وينزلوها فى اليوتوب

ويوزعوها بالبلا ود التوث المصيبه دا

ههههههههههههههههههههههههههههههههههههههه

اذن العريس دى بدل اديها كف وتموت ساى طلقه اخف قدرا

ولا شنو

[جراح]

والله ياجراح الجزيره نت
وبعدين لو في احد يوم عرسي صوره عروستس
ما بطلقها بعرف من مصادري الخاصه ليه صورها
ولو كان خارج قرايبي من الحفله لي بيت ابوها طوالي
من غير اي تفاهم
كااااااااااااااااااك

هلا امير

جراح الجزيره انا لى نقلت خبر من باب الاسفاده خلى الناس تتعلم وتستفيد

مش احسن من اقعو فيها تانى ناس
بعدين بتكاكى مالك اتقلبت جداده ولاشنو هههههههههههههههه

[القلب الملك]

قالو ليهم ما تصورا ،،، بصورا لييه ،،،؟


مفروض يحترمو رغبة العريس ،،،


لكين عافيت منك في استخدام الطلقة المباشرة ،،،،


الله يزوجو البتحترمو وتقدروا وترفعوا



لو رجعها اتوقع حياتم تكون حلوة ،،، ويكون الحصل ذكرى تحفظ النظام بينهما ،،،

[جراح]

كلامك عين العقل زى مابقولو اهلنا العتره بتصلح المشى

لورجعه بتمش زى المستقيم



شكر لمرورك

[أبو أحمد]

دة كلام عجيب و الله