همس القوافى

[ريانه إمام]

يعتمد كلي على بعضي
تسيل خواطري جزافا
يخاف بعضي الاندلاق
ويخاف كلي الإهمال
فخذ قلبا عليلا
وارحمني منك
خذه
واندلق بعيدا عني
يكفي ..يكفي هذا السواد

[ام صبا]

اشتقت ليك شوق حتى الخيال
ماقدر شوقى ليك يحدده
حتى النسيم رسلته ليك وشال
السلام منى ليك يوصله
وصيته ما ينسى العهود
والبينا يوم ما تجهله

[مها]

وانا الزايد حنينى اليك
اجيك شايل دوام ريدى
واخط اشواقى بين ايديك
عشان فرح العمر يبدأ

[مها]

ياالبددتـ غيوم احزانـى

ياالطليت فى وقت الشـدة

بشـارة خير من عـالم تانى

ملا وجدانـى وفيا امتدّ

وغنيت ليك صباح واماسى

الزمن القاسي دريبو انسدّ

وعمري الضاع في تيه ايامو

لقى احلامو وفرهد ندى

[الضراع]

وين كنتي واندهدهدتي ليه وكتين لقاك كان بي متاح ؟!
راجيك علي كل الدروب العامري والضماها واح
دقيت أبواب الغيوب لا ارتحت لا فاطري استراح
خايف من العمر قبال أراك يرحل متل ضل الصباح

[مها]

بحلم أجيك

...

شايل عناقيد الفرح...

والفرحة تتسامي وتطول

وأشواقي بي عدد الرمال

وغرامي لاتقال لا انشرح

قربك يعلمني الصبر...

كم مره للدمعات مسح...

والفرحة يوم قربك يحين نلقاها لان بابها وفتح

[لبيب]

انت الفرح موال جديد
يتغنى للناس كلهم
يمسح من العين الدموع
ويزيل أساها وكل هم

[الضراع]

تابعت ناس فارقتني وعارفاني لي شوفتك غيور
وعاهدتني إنك ما بتغيب والليلة تاباه الظهور
وينو الصبر لي زول بيلعن حظو لا يوم النشور
لو تاني عاد ليهو الصبر كان عادوا سكان القبور

[لبيب]

يازول جميل
خليك جميل للدنيا والناس والزمان
ما أصلو حال الدنيا حب
وهوى وعبير كلام جميل من ناس حُنان

[مها]

كلمني طيب خاطري بيك
دقات فؤادي عليك سؤال
وين في محطات العمر
نتلاقي لو كان في الخيال
أرويني قصة حب عفيف
وأكتبني في خاطرك مقال
زملني تحنانك حنان
دثرني عطفك والوداد

[لبيب]

ان أصلي في ذكراك زمن
في نومي في الليل السهاد
دايما يكون طيفك معاي
رغم المسافات والبعاد
انا دير اكون ليك الملاذ
وتكون معاي انت الفرح
والإلفة زاد

[ريانه إمام]

مخنوقة الشهقة الفي رئتي اليمنى
محمومة خلايا الدم و الزفرة
مهمومة شعاب القفص الصدري
ممحوقة حُلول الشِفرة
مفقود مفتاح الباب السري

[لبيب]

أدخل ليك ومعاي افراحي
يانور بدد همي وليلي
وكنت صباحي
انت الأمل الفرهد وغنا
و إنت الخاطر تشفي جراحي

[مها]

أغنيــــــــلك
أتمتم بي حروف اسمك
زي طفلا صغير مولود
أناديـــــــلك
أشابيــــــــلك
اتمدد على ساعديك
بين إيديك أنام عمراً يطول جواي
معاك جواك أكون موجود
ولو يوم مر غير رؤياك
يكون من عمري مامعدود

[waya]

ألـفـيـتها سـاهـمة"
" شـــاردة تــأمـلا
طـيف عـلى أهـدابها"
" كـسـرهـا تـنـقـلا
شـق وشـاح فـجرها"
" خـمـيـلة وجــدولا
ومـا ج فـيها رعـشة"
" حـرى وشـوقامـنزلا
نـاديـتـها فـالـتفتت"
" نـهدا وشـعرا مـرسلا
والـلحظ فـي ذهـوله"
" مـغـرورق تـمـلملا
طـوقـتها يـا لـلشذا"
" مـطـوقـا مـقـبـلا
فـمـا انـثنت حـائرة"
" ولا رنـــت تـدلـلا
ولا درت وجـنـتـهـا"
" مــن خـجـل تـبدلا
كـأنـها فـي طـهرها"
" أطـهر مـن أن تخجلا

[لبيب]

لي في محبتكم شهود أربع
وشهود كل قضية إثنان
خفقان قلبي و اضطراب جوانحي
و نحول جسمي و انعقاد لساني

[الماسة الخماسية]

** أنا من عيونك ينبع صوتي

** وبين يديكِ تطيب حياتي

** ويشرق صوتي

** وأحمل كل نبؤات قلبي

** لألقي بها في خيالٍ غريبٍ مسافر

** أنا منك بل أنت مني !!

[waya]

بينى بينك سكة الشوق البعيدة ..
ذكرى من فرح الليالى
ولهفة أكتر من عنيدة
شهقة من جواك بتطلع
وتانى تدخل فينى ريدة
وكيف خطاى عنك بتبعد
وتانى ترجع فى دقيقة
نظرة منك لى غاية
ومنية لوتصبح حقيقة
نظرة ترحل بى تسافر
دنيا من افراح جديدة

[لبيب]

وبكتب ليك في الخاطر
وتر مشتاق يلاقيك
وارسل نسمة كل صباح
عشان اشواقي تهديك
وتقول مني كل الحب
وحرف الريد يناديك

[waya]

[grade="00008b ff6347 008000 4b0082"]عاينته من شباك قديم
عاينته من رقراق خشب
إمكن تمر الحلوه ديك
بى سبب أو من غير سبب
لانى مشتاق طلته
لانى مشتاق قدلته
ليه بس تكون شالت ذنب
لانى مكتول فى هواك
لاشفته من بعدك جميل
لا داير من بعدك أحب
صدقنى يا حلو العيون
أصبحت متعجب عجب
دى الدنيا من بعدك تضيق
بشوفه من رقراق خشب[/grade]