ابيات ساخرة تحكي حالنا

[هتان]

داون داون يو اس ايه
انحنا في ايه والناس في ايه
في بغداد مارينز امريكي
و في لبنان مارينز امريكي
و في السودان مارينز امريكي
طيب ليه بنكورك ليه
ولا خلاص ادمنا صراخنا
و بقينا وطن لل سي اي ايه
و ينا الامه القال عربيه
ضد الجبهة الصهيونيه
كلو كلامنا اتلاشي اتلاشي
و اسرئيل بقت الكماشه
اسرائيل صنعت عرباتنا
و اي بلد اصبح قراشا
سقنا الدين والجيش العربي
سكناهم في النسيان
و اللاءات بلينا اوراقا
و اهديناها الامريكان
و اسرائيل حلفت بي طلاقا
جويشا تصل لي اي مكان
و الاخبار الوردت هسي
في نيويورك العرب اجتمعت
تحت رعاية ال سي اي ايه
غشو الناس و الناس استمعت
تحت رعاية ال سي اي ايه
قالو بحلو قضية العالم
تحت رعاية ال سي اي ايه
لبسو الجينز الامريكاني
تحت رعاية ال سي اي ايه
شربوا الويسكي الامريكاني
تحت رعاية ال سي اي ايه
رقصوا الديسكو الامريكاني
تحت رعاية ال سي اي ايه
تعبو خلاص ما ملو الرقصة
تحت رعاية ال سي اي ايه
قعدو القعده الامريكه
تحت رعاية ال سي اي ايه
و فتحوا الجلسه القال عربيه
تحت رعاية ال سي اي ايه
اول بند اتناقشو فيهو
تحت رعاية ال سي اي ايه
قالو نوحد نحنا الرايه
تحت رعاية ال سي اي ايه
و اسرائيل سموها دعاية
تحت رعاية ال سي اي ايه
و قالو بيوفرا لينا حماية
تحت رعاية ال سي اي ايه
و فالو كمان بيتحدوا امريكا
تحت رعاية ال سي اي ايه
و انحنا في ايه و الناس في ايه
شان ما الواحد يحرق دمو
حلو قضية الديك والحبة
و املو بطونكم لحم امريكي
و بيها شعوبكم لا تهتمو
ما الطيارة الجايين بيها
كان في الواقع امريكيه
اللبسات الراقيه الفيكم
كان في الواقع امريكيه
النضارة الداير تعميكم
كان في الواقع امريكيه
و التربيزه الفيها قعدتو
صنعه قديمه و امريكيه
الا الجثه الراقده امامكم
ياها الخيبه الياخ عربية
كان يوم اسود يوم جيتونا
لمو كلامكم ياخ اختونا
و احمو نفسكم لا تحمونا
فكو حدود الوطن العربي
خلو الشاب العربي يكاتل
خلو الطفل العربي يكاتل
خلو الشايب العربي يكاتل
خلو الدم العربي يكاتل
خلو السجم العربي يكاتل
انحا قسم ما نواليكم
و قنعانين من خيرا فيكم
كلو كلاما ادانه ادانه
و فشلت يوم لو تطلق دانه
انحنا خلاص ملينا كضبكم
و راجعين تاني علي حطين
راجعين نبني الفينا انهدا
و يطلع فينا صلاح الدين
و يمسح ظلما ياما امتدا
و نحن وراهو نقول امين
و نحن وراهو نقول امين
و ننهي حكايه السي اي ايه ,,,,

[الاء]

ياريت كل الشعب السوداني يتحد وما يدخل ليه اي غريب
(تسلم)

[ود شحات]

والله صدقت

تسلم على الابيات ولا تحرمنا من جديدك

[الدكتوره]

نتمنى السلام يعم كل انحاء العالم
تحياتى هتان

[ود القبائل]

كنتي رائعة
الله يديكي العافية

[هتان]

السلام عليكم
الاخوه الاعزاء
الاء
الدكتوره
ود شحات
ود القبائل


شكرا علي المرور الجميل
و التعقيب الاجمل

[هامس]

جميلة شديد يا هتان, اسمع رايك شنو نشوف لينا لحن ونغنيها؟ لكن عشان العالم العربى يسمعها ويهتم بيها لازم نعمل حاجه مهمة جدا جدا جدا عارفه شنو هتان؟ نشوف لينا بنات عاريات كاسيات يرقصن . (همسة) الله يكون فى عون العرب

[هتان]

الاخت العزيزه هامس

الواحد لو عندو وجهه نظر عايز الناس تعرفها
ما الا يجيب بنات علي حد تعبيرك
ممكن بي طرق تانيه



و فكره الغنا دي فكره ممتازه
بس انت جيبي لي اللحن
و انا حاغنيها ........

[العربى]

ياهتان لك التحية
الابيات بالجد رائعة حكت الواقع قبل ان تكون ساخرة
ولكن يبقى الامل فى ان ينعدل الحال وينصلح
وتسلم

[هتان]

الاخ العربي
في كم مليار مسلم في العالم



ولا اقول ليك خلي العالم
امسك الدول المجاروه للسجم اسرائيل
الدول دي فيها كم مسلم
و اسرائيل فيها كم


مصر فيها سفاره زفت والاردن فيها و قطر


لازم نتحد عشان نمسح اسرائيل دي بي مساحه من الاطلس
وانا غايتو بتفق مع الرئيس الايراني نجاد



و تسلم كتير علي المرور

[تنبش]

شكرا كتير على القصيدة الرائعة

والى الامام وان شاء الله صوتك
الى العالم العربي ...

تحياتي....