مابيبره الجرح تب لا لا مابيبره الجرح
غير ماتكون جنبى وقريّب منى يا زين ياسمح
شرقت وين غربتنى وخليتنى لى شوقاّ تلح
يمرق من النسيان طرا ويتمدّ فى الخاطر يلح
يرحل بى عبر الذكريات للماضى والزمن السمح
يوم كانت الايام لقاء ويوم فيها بى شوفتك فرح
ويوم فتّ ما خليت غير , كلمة وداع وقلباّ يوح
خايف فراقك من يطول والحال وراك ما ينصلح
وضياع أمانى رهاب رهاب تترجى فى حظاّ يشح
دفتر وغنيوات تمدحك وعاجزات حروف عن المدح
أما انت لو سائل على يغنيك حالى عن الشرح
حال الفراق بعد الولف لى زول يعرف الريده صح
لبستنى العهد الوتيق , وخليتنى فوق نار منطرح
ليلى ونهارى علىّ ليل كيف انت امسيت وصبح
لى حق اجاهر بى هواك وكتين يشيلنى ويتكسح
واضرب بلاد الله طشيش لى بسمه من وجهاّ مرح
عطشان حنينك ماب يفيق وماب يروى رحراحاّ يرح
والعاش مع طيفك زمن , ماب ينجا فكرو من السّرح
ليك حق تعظمك المهج وتبنيلك الأعماق صرح
وليك حق نشيلك فى العيون بالرغم من نزف الجرح
يا هاله بين الفرقدين نورك على الآفاق وضح
ان شافك العاقل يجن , والجنّ بى شوفتك نصح
روّح ودعتك لله عاد , يا اب ذكرةّ مااااااااااااااااااااااااااااااب تتمسح
منحوته فى الايام خلود , لاتغيب ولا من بال تزح
وليك شوقى وآلاف السلام يبراك فى الحل والنزح
وأعرف فراقك ماب يهون , وأعرفنى من بعدك قمح
الغالى .......
رغم بعدك انتا باقـــــى
حتى لو عز التلاقــــــى
الدنيا من دونك بسمه باهته
ودمعه من نار اشتياقــــى
بس مناي فى الدنيا تســــلم
مابهم فى الدنيا بــــــــاقى
يا دنيا شوفي البينا خليك حنينة علينا
شوفينا ادردرنا في الريد سنين وشقينا
يا دنيا حلفناك بالريدة حلفناك بعد الفراق لمينا
يا دنيا ديل دنيتنا كل ريدنا ديل بهجتنا
ديل دنيا جابت دنيا شايلة الحنان وسقتنا
أيامنا لو ظلمتنا غيرك منو براعينا
يا دنيا نحنا اثنين شايلين عذاب قلبين
حاضنين هوانا برانا شايلنه لينا سنين
ليه يعني ليه يادنيا لو تاني لميتينا
ما أجمل الأيام يا دنيا لما تحني
وتجيبي لي حبيب غاب بالشهور عني
أصله الحصل والكان لا منه لا مني
يا دنيا لمينا في ريدنا سيبينا
وحياة المحبة واشواقى وحنانى
وحبى الليك نابع منى روحى وكيانى
ترجع يا حبيبى ترجع لى تانى
ترجع تملا دربى بالحب والامانى
يا حبيبى
و حياة المحنة والعطفة النبيلة
و ليالى التلاقى وذكراها الجميلة
و حياة شوقى ليك وقلبى بين ايديك
ما كان بعدى عنك لو بايدى حيلة
يا حبيبى
ما بنساك وربى لو لحظات شوية
حبك مالى قلبى و باين فى عينية
دربى و حاتك اظلم ربى وحاتك اعلم
و انت بحالى دارى وما سائل على
يا حبيبى
لو الريدة أدّت زول
كان الريدة ادّتنا
ولو في الدنيا ناس بتريد
اجمل ريدة ريدتنا
بريدك يا جميل لسا
وشايلك في العيون همسة
بعد علمتني اريدك
تعال علمني كيف أنسى
لو الريدة أدّت زول
كان الريدة ادّتنا
ولو في الدنيا ناس بتريد
اجمل ريدة ريدتنا
بريدك يا جميل لسا
وشايلك في العيون همسة
بعد علمتني اريدك
تعال علمني كيف أنسى
الغالى.....
لو يرضيك حالـي البـييا اتمادا فـي هجـري
خليني اللمـوت بالشـوق عارفو معاك قصير عمري
ايه طعم الوجـود لـولاك وايه بيفيدني عاد صبـري
ما دام انتا منـي بعيـد مـا مهتم بـي امـري
يا ريت لو تحس البـيهوالحـال العلـي تـدري
نارا في الفـؤاد موقـودة وهما عشتو من صغـري
ما ظنيتو كـان يرضيـكواتماديتـا فـي هجـري
لكـن دا المقـدر لــي كيفن افوتو عـاد قـدري
اه يـا غايـة احـلامـو آه يـا زينـة العـمـر
مـن حبـا ملـك قليبو اصبح في دماي يسـري
لو ما عارف انتا هـواك في قلبـي اتولـد فطـري وحاتك انت مـا بنساهـو لو ارحـل علـى قبـري
مما قـم رأيـت عينيـك دلالا وطرفهـا السحـري
أصبح قلبي مفتـون بيهـا في دنياهـا تـاه فكـري
ا يا حليلي انـا المقتـول محتار ديمة فـي امـري ما عـارف اقبـل ويـن محل قبلت جـار قـدري
اصبح لا اهل لا اصحاب من الدنيا غـاب ذكـري
وحتى انا نفسي ما حاسيها لا الحاصل علـي بـدري
الغالى.........
مالى أنا كل ما أقول فى نفسى إتلمينا
ألقى أقدارى تضحك .. لى تقول كضِّاب
وكل ما أعمل حساب لظروفى
زى الما عملت حساب
مالو فراقنا مترقبنا .. دون خلق الله
واقف ديمة عند الباب
نعمل إيه .. عشان يختانا جاى أو جاى
وبينَّا وبينو يبقى حجاب
