همسات شعرية

[waya]

[grade="00008b ff6347 008000 4b0082"]بعـد قاومت حزن الليل *** انبلج النهار بالخــــوف
طارت عاصافير الفرح *** ركت همــوم في الجوف
اتشرا فينـــا الريد *** ومصيــرو ما معـــروف[/grade]

[مها]

من أي زاوية دخلت
ومن أي ناحية أتيت
أغلقت دون الحب كل منافذي
كي أتقي ويلات هجرك مرة لامرتين
لكنني ولربما في غفلة التوهان
ساقتني خطاي إلى المبيت
على شواطئك الأمينة
وسقيتني من خمرك
وجعلتني أهواك أقسم ماحييت

[waya]

[grade="00008b ff6347 008000 4b0082"]اصبــــــحت كـــــيف يازول موكــــــر فى الفــــــؤاد
يــازول معــــــاى رغــــم المسافــــــــات والــــــبعاد
يا خاطرة من نبض الشعر صحيتا من بعد الرقـــاد
جمعتها اندلقت حـروف تنطق بى حســنك او تكاد
يا زول هويتـو الم الم وعود عيونى على السهـاد
نتـلاقى فى الاحســاس دوام لابينا وعد ولاميعــاد[/grade]

[مها]

أن الحياة هي التقاؤك
في سواحل نشوتي
وهي إيماني بك
حتى تواريخ الهطول
إذا استبحن الدمع غابت
عن جداولها وتاهت
كلما انسابت لك

[مها]

قلبي وصدرك والمسافة والنواح
يتلاقيان على الغيوم
فهل لطيفك من براح..
فأنا اكتفيت من الفراق صبابة
وعصبت أبواق الصياح
كي لا تراك بأعيني سهواً
وتنشد في انتظارك ألف لحن
للسنابل ثم تنثر للهوى
سهواً حبيبات اللقاح

[waya]

[grade="00008b ff6347 008000 4b0082"]ذكرى ستمضى والزمان يعاود ضحكه
قد هاج .. فانداح اليقين
معتقا,,
عير الرحيل أما أناخت
للضياء رحاله شوقا ..
وحنينا محرقا,,
إن الذين تحبهم ..
إني رأيت الليل يهذى في المتاهة
يتبع الأثر المخبأ خلفهم
والشوق ما برح المعابر مشفقا,,
فالنيل يعرف غرسهم وحصادهم
وفؤادهم .. والطير وسط مروجهم
قد حلقا ,, [/grade]

[waya]

[grade="00008b ff6347 008000 4b0082"]مكتول العيون ياعابرة من وين دار يفتش تارو
ياكوكب سماي الضاوي ماغارت شهب في مدارو
كاسيهو الوقار بي حلة أجمل من زحل وأقمارو[/grade]

[مها]

ذنبك إنك إني بريدك أكتر منك
نفسك و لونك وصوتك وحسّك
وبرّاق سنك وسنة سيف العين
الطعنت قلبي الرادك وحي بي حنّك
زادن شوق الشوق الشاقّي مسافة
شقة راسك وآخر قدمك
ولسة الناس بالشوق راجينك

[waya]

[grade="00008b ff6347 008000 4b0082"]ياسلام لو أي زول يوم تضيق الدنيا بيهو
يقدر يلقي وسط همومو زول حنبن يسأل عليه
زول تفتش ليه روحك ولما تحتار تمشي ليه
ولما تمرق من دواخلك او تضيع من مداخلك
تبقي مارق شان تجيهو[/grade]

[مها]

وانت الملاذ والعشرة والخل والوفي
أتجلي في جواي اريج خلي الهواجس تختفي
اجري في جواي جدول.. نار العشق كان تنطفي
خلينى في ذكراك طيف وابنيني في شاطيك قيف
وعلمني في الاشواك اقيف وارفعني
من برد الرصيف خليني بيك اسمو واطول
واترمي في حضن الشفيش لسة العمر جنبك جميل
لسه العمر جنبك جميل

[waya]

[grade="00008b ff6347 008000 4b0082"]والليل بداك في زحمة الجرح السكن
خاطر المهابة وعزتك
وأحلامي كيفن ما بتخاف
لما الصباح يكتب نهاية قصتك
يانشوة الدم في العروق
أول شروق في الدنيا
كان ضيء بسمتك[/grade]

[waya]

[grade="00008b ff6347 008000 4b0082"]أدهشني فيكي المحتوى
أدهشنى كيف خاويتي
بين برد الصحارى
وبين هجير الاستواء
وكيفن أريجك كالرؤى فاح ..
يتنقل عكس الهوى
يا بت عشان ريقة وطن
تنفك كم باتت قوى
ما ضاعت الآلام سدى
وآمالنا ما شالا الهوا
لا بدّ يجمعنا الزمن[/grade]

[waya]

[grade="00008b ff6347 008000 4b0082"]اشبه ذاتي بي ذاتك لقيتك انا
لقيت نفسي وعشقتك زي تراب وطني
ونقشتك فوق جدار الليل
همسة شوق ملبده في دموع شجني[/grade]

[مها]

إني سجينك في الهوى
حريتي
هي أن يكون الحب قيد
حريتي هي أن أظل
أسير عشقك للأبد
وحياة نبضي أن أموت على هواك
وأن أشق القلب عَمْد..
إني أحبك فاحتسبني
في رياضك نخلة
حُبلى بهمس الضوء رعْد..
فالعشق دونك لوعتي
وهزيمتي في الحب مجد
لهواك ينفتح المدى
جهراً ويسقط من سمائي
ألف سد

[waya]

[grade="00008b ff6347 008000 4b0082"]سؤال

جِيتْ أسألِك
يا طفلَة الألم الرضيع
تدِّينى خاطْرِك شان أضيع
فى شوق موزّع فى الزحام
يا عذاب الريح للخيام
يا صهيل كَسر اللِّجام
يا خِتَام قبل البدايَهْ
يا بدايّهْ بدون خِتَام
جيتْ أسألِك مين علّمِك
إنّو الزمن فى مرَّهْ ناقِص
ومرّهْ تــــــام
جيت أسألك
الشوق مكتّف فى الطريق
والخوف مداخل للفريق
جيت أسألِك
مين علّمِك لُغة الزهور
مين علمك غضب الحريق
وانت باحَهْ
وانت واحًهْ
وانتِ ذاتِك سكَّة الزول للمضيق[/grade]

[مها]

كيف في منامي إتغزلَك
ورؤياك تقرب تتلمس

أنا مابريدَك شان بريد
لا بعشقَك ساكت عبس

أنا بكتِبَك بي دم غناي
بي شهقة الروح والنفَس

وأغتغِتَك من عين هواي
وأدس هواك جواي دس

[waya]

[grade="00008b ff6347 008000 4b0082"]نزل غيم الوداد صبا
غمر وديان غناي عبا
سرى الفرح الحنين تبا
حضر وفد الولف سايق بشاشات المطر لبا
***
تعال يا العمرو ما غبا
تعال أنا وأنت في عينيك من عينيك نتخبا
تعال أشواقي ما قدرت تقاوم نسمك الهبا
كان جيتك تكون أروع زمن دابو الحرف تبا
زاهية الدنيا بالأفراح ولسة أساي ما تبا
وكنت دخرتلك غنوات عشان أحلامنا تتربا[/grade]

[waya]

[grade="00008b ff6347 008000 4b0082"]رفعت المخدة في بيتنا لقيت
خليتي لي بسمة ,,
فتحت عيوني في الذاكرة طار بجناحو
صوت همسة ,,
فتحت كتاب طلع من وسطو نور
بصماتك الخمسة ,,
سمعت موسيقى حسيتك تقول
تاوقتي لي حسه ,, [/grade]

[waya]

سحابات الهموم يا ليل
بَكَن
بين السُكات والقول
وباقات النجوم الجَّن
يعزَّن فى المطر
فاتِن عزاكْ
رَجعَن
وشوق رؤياكْ
زمان مشدود على أكتاف خيول
هَجَعَنَ
وصوت ذكراكْ
مكان يجرى
يلاقِى السيل
وسِر مدفون بصدْر النيل
ولولا الذكرى
مافى أسف
ولا كان التجنِّي وقَف
وصوت ذكراكْ
رذاذ صفّق على خطوَة بنات
سَجَعَن
وشوق رؤياكْ
حنين لى غيبَهْ فى المجهول
ولولا الذكرى مافى وصول
ولولا الذكرى مافى شجن
سحابات الهموم
ياليل..
بَكَن..

[مها]

نتلاقي في الإحساس دوام
لا بينا وعد ولا ميعاد
في لقيا زي طلة شموس
ترسم صفاها علي الوجود
تدهش عيون الناس جميع
تأمر قلوبهم بالسجود