اختكم مغربيه في حاجتكم

[nana1234]

انا مغربيه مقيمه في السعوديه اود الزواج بسوداني واود كتب الكتاب في سفاره السودان ما هي الاوراق المطلوبه وهل ممكن الزواج في سفاره السودان

[عبدالله عوض الكريم احمد]

وفق الله الاخت الكريمة

ولك ان تقومي بالاتصال بالسفارة السودانية بالرياض
او القنصليه بجدة وسوف تجدين الاجابة على سؤالك

وبمساعدة من تريدين الارتباط به مادام هو سوداني

اكيد بيعرف ماهو المطلوب منكم الاثنين ؟؟؟؟

وربنا يتمم لكم بالخير ويسعدكم

ولك التحية

ودمسكين

[nana1234]

جزاك الله خير اخي الكريم بس حبيت اعرف ممكن الزواج في السفاره ولا لا لان خطيبي الان في السودان

[الدهمشي]

مبروك انا كنت داير اقدم اوراقى

[الدغري]

وفقك الله ..............

ورزقك الزوج الصالح.....


وان شاء الله يرزقك شاب من شباب المنتدى

[أبو صديق]

[overline]أولا نبارك لكي خطوتك وقرارك بالإرتباط بســـــــــوداني ونسأل الله أن يجمع بينكما علي خير
ثانيا أختي الكريمه السفارة السودانية لا علاقة لها بهذا الزواج ولا يوجد أي إجراء في مثل هذه
الحالات، اللهم إلا إذا طلبتي الجنسية السودانية والجواز مش الزواج لأنها ليست طرف في الموضوع.. وكما هو معلوم شرعا لا يجوز الزواج إلا بولي.
والزواج يجب أن يكون في المحكمة الشرعية للمنطقة التي تقيمين بها ولابد أن تكونا مقيمان وحضور
ولي أمرك أو من ينوب عنه بوكاله شرعية موثقة حسب الأصول.. وكذلك وجود شاهدين عدلين..
أتمني أن أكون قد أفدتك أختي وبيت مال وعيال إن شاء الله..[/overline]

[رغودة]

احنا يا أبو صديق ممكن نعقد في السفارة أو المحكمة.. وأنا عقدي تم في السفارة ومامشيت المحكمة لظروف كده.. ومامتأكدة إذا ضروري يتوثق كمان من المحكمة..

...

على فكرة ياجماعة هي مخطوبة خلاص.. البوست ممكن يتفهم غلط شوية

ربنا يوفقك ويسعدك إن شاء الله

[أبو صديق]

احنا يا أبو صديق ممكن نعقد في السفارة أو المحكمة.. وأنا عقدي تم في السفارة ومامشيت المحكمة لظروف كده.. ومامتأكدة إذا ضروري يتوثق كمان من المحكمة..

...

على فكرة ياجماعة هي مخطوبة خلاص.. البوست ممكن يتفهم غلط شوية

ربنا يوفقك ويسعدك إن شاء الله

طبعا يمكن العقد في السفارة في حالة وجود قاضي شرعي إضافة لباقي الشروط آنفة الذكر

وعلي ما أعتقد هي تعدت مرحلة (( مخطوبه )) ما دام هناك إستشارات وتساؤل عن العقد

[رغودة]

طبعا يمكن العقد في السفارة في حالة وجود قاضي شرعي إضافة لباقي الشروط آنفة الذكر

وعلي ما أعتقد هي تعدت مرحلة (( مخطوبه )) ما دام هناك إستشارات وتساؤل عن العقد

طيب أنا هسي قلت شنو ياعمو؟

ايوة هي خلاص اتخطبت ومادام لسة ماتم العقد تعتبر في حالة خطوبة

وياذات الشجون

[رءوف]

الاخت دى لسع ما اتزوجت
هل الزوج وصل من السودان ام لا
لانو مفروض هو يعلمها بالاجراءات القانونية

هسى كلامى دة فيهو حاجة .....

[nana1234]

الله يسعدكم يارب فعلا انا مشا الله وفقتا اني اكون وحده منكم ضحكتوني احبكم كلكم دعولي ان الله يوفقني مع خطيبي

[السودانى الاصيل]

انا ممكن اجاوبك اذا بت عمك لسه ما خطبا سودانى متزوج ومحللات ليهو فووور ممكن تعرس عادى فى السفاره او المحكمه خلاس وبتم الاجراءات عادى سهله شدييد من الرسائل الخاصه بس

تمشى الملف الشخصى وتضغطى على وين ياخ اخونا كنترول ولا صلاح فى استفسار
بس

[nana1234]

مافهمت اخي السوداني الاصيل

[عمار ود الشرفه]

[overline]أولا نبارك لكي خطوتك وقرارك بالإرتباط بســـــــــوداني ونسأل الله أن يجمع بينكما علي خير
ثانيا أختي الكريمه السفارة السودانية لا علاقة لها بهذا الزواج ولا يوجد أي إجراء في مثل هذه
الحالات، اللهم إلا إذا طلبتي الجنسية السودانية والجواز مش الزواج لأنها ليست طرف في الموضوع.. وكما هو معلوم شرعا لا يجوز الزواج إلا بولي.
والزواج يجب أن يكون في المحكمة الشرعية للمنطقة التي تقيمين بها ولابد أن تكونا مقيمان وحضور
ولي أمرك أو من ينوب عنه بوكاله شرعية موثقة حسب الأصول.. وكذلك وجود شاهدين عدلين..
أتمني أن أكون قد أفدتك أختي وبيت مال وعيال إن شاء الله..[/overline]

اللخو والله ماخليت تفاصيل التفاصيل ... الشئ انت مجرب ولأ شنو ؟؟؟ شكيت محنك للخالق ...

ربنا يسعدك اختي يارب ... ويزقنا بي جواز وزواج في وقت وااااحد

[nana1234]

مشكورين ماقصرتو

[غاندي الزين]

اولا اود ان اقول نحنا كلنا عرب لا تفصلنا الحدود ولا السحنات وانا شخصيا بحب المغاربة من جوة قلبي من ايامي الفي دبي وابوالصديق يشهد واذا في اي مشكلة في عقد القران حرم اجيبها ليك من البشير ذاتو وربنا اوفقك وبيت مال وعيال

[الدهمشي]

اولا اود ان اقول نحنا كلنا عرب لا تفصلنا الحدود ولا السحنات وانا شخصيا بحب المغاربة من جوة قلبي من ايامي الفي دبي وابوالصديق يشهد واذا في اي مشكلة في عقد القران حرم اجيبها ليك من البشير ذاتو وربنا اوفقك وبيت مال وعيال

هيييييع عفيت منك اناذاااااااااااتى بحب المغاربة اها ماتشوف لينا؟

[رغودة]

هيييييع عفيت منك اناذاااااااااااتى بحب المغاربة اها ماتشوف لينا؟

الدهمشيييييييييييييي

صهيب اخباره شنو

[رءوف]

الدهمشيييييييييييييي

صهيب اخباره شنو

هههههه الحكومة جاتكم
شايفين الكروت الحمر دى