شوفو غباء وعوارة اخواني لما مشينا السودان

[الهادئه]

ليه مابزعل يعني معقوله مابنعرف الحاجات اللي في بلدنا ********هه والله مازعلانا لكن معلوماتكم حلوه هسي انت بتعرف راسك من قعرك مسوي لي فيها شفت طيب بتلبس الرطب ههههههههه

[عبدالله عوض الكريم احمد]

خابرها الشكابه

الجاك وشاع الدين
لكن مفروض تكوني عارفه
ام تقشو والبرتال

والمشلعيب والتبروقه

ودمسكين

[عمار ود الشرفه]

والله مصاريني دايرات يتقطعن من الضحك ... ود مسكين يا اخوي البنت دي ما خلت دميعاتي مطره بس ,,, قولتي لي (المرعفين ده اللي بيعلقو فيو الملاح يازكي* لكن بنقول ليو نحن ناس الجزيره المشلعين)


الشمّالي يا اخوي ما تجي تشوف المحن دي ...

[الشمالي]

هع هع هع كــــــــــع والله يسمعوك ناس غاااااااااااغ وابو اسمهان يخلوك تبلعي في اللبان وتشربي ما تروي .... امتكشو وويكاب ههههههاااااااااي ... هو نحن اكان ماهن قايلاني بكون قاااعد وبكتب ليك في الكلام ده ...
يا الهادئه ما تشوتي ضفاري بتكسري كراعك ... كــــــــ‘ع

ناس غااااغ جو يااا الكاشف اخوي

نسعل الله السلامة , قال ليك ود ابو سن جابو
ليهو خواجة عشان يعلمو الانجليزي وقفلوهم
في غرفة واحدة مدة شهرين بعد شهرين فتحو
الباب لقو الخواجة قاااعد ممحون ( ممحن)
واحد من العروب سألوا هوي بااا الخواجة
ود ابوسن وين ؟ رد ليهم الخواجة :- ود ابو سن
خفس بي جاي اسع دي غااااااااااغ
غايتو ياااا الشمّالي الله يعدل خطوتك
دائما موقع روحك في الدقداق والحفر
هسع يا الشمّالي ده طريق بجي بيهو لوري كاااك
نسعل الله السلامة يااا عمار اخوي غااااغ

[عبدالله عوض الكريم احمد]

الكلام ده كيف ؟؟؟؟؟؟؟؟؟

انا حافله مقلبنه

ولا جلابيه انصاريه

رايح جاي

ودمسكين الشفت
اسم جديد ياناس باركوا ليناااااااااااااااااا

ودمسكين

[الهادئه]

[عارفاو المشلعيب والتبرقه لكن والله البرتال ده ماعرفته حتى امي ماعرفته كدي ورينا شنو هو كان انت باعرف نستفيد شويه امي قالت ليك البرتال والوتاب واحد ولا بيختلفو ماشاء الله حتى امي عجبتها معلوماتك
زول ما هيين هههههههه

[غاندي الزين]

الشكابة شاع الدين اهلي وافتخر بيهم وجدي علي ود الصديق في خور المطارفة والناس ديل هم ذاتهم ما عارفين التربال وهو الطبق الذي تغطي به الكسرة ولو في شي تاني ارجعي لي جدك غاندي كلو شئ عندي

[الشمالي]

اولا احييك ابنتي الهادية وان شاء الله دائما هادئة انا من الشرفة عشان ود الشرفة اعرف عشت في الامارات 20 سنة ومعظم اولادي ولدو في الامارات ومن النكات الجميلة لما جبتهم الشرفة حبوبتها ادتها غنماية وقالت ليها الغنماية دي تحلبي لبنها وقبل ما تمشي المدرسة توصليها الراعي يلا قومي يا الغنماية الدي البت الصباح كا العادة جات تسوق الغنماية للراعي امها قالت ليها لا الغنماية دايرة راحة كم يوم عشان تمشي للراعي البنية مشت للراعي وقالت ليهو غنمايتي ولدت عليك الله ما تسجلها غياب

هاهاهاهاهاهاااااااااااااااااي

قطع شك ناس الشرفة ديل طينتم واحدة
وبشفطوها ملونة , نسال الله السلامة
يااا غاندي اخوي ,
اها وان شاء الله الراعي جبر خاطر بنيتك
وما سجل الغنماية غياااااب غااااااااااغ
مرحب بيك ياااغاندي كع

[عبدالله عوض الكريم احمد]

الا ود الشرفه يقول لي قول

لكن انا زعلان شديد
وبقيت شفت كمان

الله يستر على ود الشرفةمن الاسم الجديد

البرتال هو .......................................

خلاص

ودمسكين

[الهادئه]

[هيي ياعبد الله ما تكون فهمت شفت دي غلط كان ماعرفتها دا مابينفع

[عمار ود الشرفه]

هاهاهاهاهاهاااااااااااااااااي

قطع شك ناس الشرفة ديل طينتم واحدة
وبشفطوها ملونة , نسال الله السلامة
يااا غاندي اخوي ,
اها وان شاء الله الراعي جبر خاطر بنيتك
وما سجل الغنماية غياااااب غااااااااااغ
مرحب بيك ياااغاندي كع

والله لو جاك ودالمطامير علا يخلي مصارينك تتلوه ... يا الشمًالي يا اخوي انت المغتربين كلهم متل ديل ؟؟

[غاندي الزين]

الله اديك العافية واكان الراعي في الزمن داك سجل غنماية بنيتي غياب كان كطعت لي تذكرة وفنتشتو وبالمناسبة البنية دي عسي عروس والحمد لله

[الشمالي]

والله مصاريني دايرات يتقطعن من الضحك ... ود مسكين يا اخوي البنت دي ما خلت دميعاتي مطره بس ,,, قولتي لي (المرعفين ده اللي بيعلقو فيو الملاح يازكي* لكن بنقول ليو نحن ناس الجزيره المشلعين)


الشمّالي يا اخوي ما تجي تشوف المحن دي ...

قلت لي المرعفين بعلو فيهو الملاح
كان كدي نمشي اقبض لي ام باجحوت واعلق لي
لبن اقصد حليب , مختار الله
كاااااااااااااك
وانا حالتي مرة قلت نجرب كلمة بابا دي بعدين
مشيت وقلت لي ابوي يااا بابا , عمك الحاج قعد
يتلفت يفتش لي بابا ده منو ! والمسكين لا هسة
يتلفت غاااااغ

[الهادئه]

ياغاندي امي قالت بتعرف جدك علي ود الصديق ويادوب عرفت التربال وكيتن عليكم يا عبد الله وود الشرفه عرفتها مجانا من غاندي الدين اححححححححسن كييييه ولييييييه

[عبدالله عوض الكريم احمد]

جابت شنو عتود ولا صخلة
كع كرع كع


ودمسكين

[غاندي الزين]

ود الصديق شخصية قومية ولا فخر واحدة من صبيان قالت الفي بطني دا ولد ولا بت بسمي علي ود الصديق وطلع ولد وحاليا هو مدير جامعة الفاشر

[الشمالي]

والله لو جاك ودالمطامير علا يخلي مصارينك تتلوه ... يا الشمًالي يا اخوي انت المغتربين كلهم متل ديل ؟؟

الله يورينا ليك يااا ود المطامير ونشوفك انت ذاتك
ياا عمار اخوي ,
مسعول من الخير انا مغترب لي تسعة سنين
لكن متل ده
مختار الله تاني غااااغ

برمة

هااا جنا دحين البرتاااال ما الطبق بتاع الصينية
بتاع السعف الملون كااااااااك

[الهادئه]

يالللللللللللله ياجمااااااعه انا طالعه شكرا ليكم قعدته كتير في اماااااااان الله

[الشمالي]

الله اديك العافية واكان الراعي في الزمن داك سجل غنماية بنيتي غياب كان كطعت لي تذكرة وفنتشتو وبالمناسبة البنية دي عسي عروس والحمد لله

الله يخليها ليك وتفرح بيها يااا رب
بس ان شاء الله يكون دخلتها كورسات
تقوية وسودنة كاااااااك

[عمار ود الشرفه]

الله يورينا ليك يااا ود المطامير ونشوفك انت ذاتك
ياا عمار اخوي ,
مسعول من الخير انا مغترب لي تسعة سنين
لكن متل ده
مختار الله تاني غااااغ

برمة

هااا جنا دحين البرتاااال ما الطبق بتاع الصينية
بتاع السعف الملون كااااااااك

بس كتلتو كتله يا الشمّالي يا اخوي ... قالوا الاغتراب اعمي زي الحب وواااحد بعمي الجنيات وبخليهم ماعارفين كوعهم من بوعهم ....
هسي عليك النبي ليك تسعه سنه وما اتحنكشته ؟؟؟