كيف تعرف أنك في السودان ؟؟

[مصطفى صالح]

لو بحثت عن خط (عبور مشاة)

أو (أمامك مدرسة) أو(منحنى)


في كل (العاصمة) ولم تجده ...


تبقى أكيد فى السودان


*****


لو إنت فى بلد فيهو سنه سابعة


وسنة تامنه ابتدائى…


تبقى أنت أكيد فى السودان


*****


لو طالعت إعلانات لشركات (مسئول) كبير


وهو لا زال (فى الخدمة…(


تبقى أنت أكيد فى السودان


*****


لو (لبد) ليك شرطى (مرور) فى نهاية شارع (إتجاه واحد(


وخلاك لمن دخلت وجاك بى (دفتر إيصالاتو…(


تبقى أنت أكيد في السودان


*****


لو لقيت فى بلد ما فيهو (معينات البحث العلمى(


وكل يوم الجامعات تناقش (خمسين) رسالة دكتوراة


و(ميتين) رسالة (ماجستير(...


تبقى أنت أكيد فى السودان


*****


لو أنت في بلد


وزارة الصحة فيهو قالت


)الدواء) ده (فاسد) أحظروهو ..


وبعد شويه قالت (ما فاسد) خلوهو ..


وبعد شويتين قالت (فاسد) أمنعوهو ….


تبقى أنت أكيد في السودان


*****


لو لقيت فى بلد


)الصحف) بتتقفل بى (مادة) فى القانون


)معموله للمطاعم …(


تبقى أنت أكيد فى السودان


*****


لما تلاقى الترزي كاتب على باب المحل بتاعو


آية بتقول


) وفصلنا كل شئ تفصيلا) صدق الله العظيم …


تبقى أنت أكيد في السودان


*****


لما تخلص موضوع فى مكان ما،


وتجى تركب عربيتك


وتلاقى (المساحات) مرفوعه


عشان تعرف على طول انو فى واحد مسحها ليك


وح ياخد منك واحد جنيه …


تبقى أنت أكيد فى السودان


*****


لو قرأت الصحف فى 1987 أو فى 2016


عن (إنتهاء قطوعات) الكهرباء


ولقيت نفس الكلام فى صيف 2030 …


تبقى أنت أكيد فى السودان


*****


لو زوجة الوزير مليانة دهب


بتتجدع بيه بالعلن في الشارع من غير حساب


وأطفالها بيملطشوا اولاد الجيران...


تبقى أكيد إنت في السودان


*****


لو أهم (كبرى) فى عاصمة البلد


صيانتو عاوزة ليها (سنتين)…


تبقى أنت أكيد فى السودان


*****


لو بهدلوك في اي مكان


واشتكيت للشرطة


وقالوا دا مش اختصاصنا


امشي اشتكي في الثروة الحيوانية ...


تبقى أكيد أنت في السودان


*****


لو لقيت أنو وزارة الداخلية عندها مؤسسات (تعليمية(


ووزارة التعليم عندها مؤسسات (صحية(


ووزارة الصحة عندها (شركات إنشائية)…


تبقى أنت أكيد فى السودان


*****


لو دخلت (الوزارة) وأنت مؤجر في (زقلونا(


وطلعت وعندك عمارتين في (قاردن سيتى(


تبقى أنت أكيد في السودان


*****


لو اشتغلت في الخدمة المدنية 30 سنه


وأدوك معاش شهرى


يساوى 6 كيلو لحمة ...


تبقى أنت أكيد فى السودان


*****


لو توقفت (الحركة) إثناء ساعات (الذروة(


وإكتشفت أن السبب (كشه(


تبقى أنت أكيد فى السودان


*****


لو عدمت (التعريفة(


وكمان دخلت فى (ديون(


للإيفاء بنفقات (فراش) قريبك


الذى توفى إلى رحمة الله...


تبقى أنت أكيد فى السودان


*****


لو وجدت أن (ترخيص عربتك(


يساوى (ربع) قيمتها ….


تبقى أنت أكيد فى السودان


*****


لو تقدم إبنك (المهندس) لشغل وظيفة


وكان (الإنترفيو) عن (صلاة الجنازة(...


تبقى أنت أكيد فى السودان


*****


لو (فجأة) إكتشف (المسئولون(


أن (الخريف) على الأبواب...


تبقى أنت أكيد فى السودان


*****


لو عندك (الكلية) اليمين متعطلة


وعاوزين يشيلوها ليك


قامو (إستأصوا) الشمال السليمة


لأنو الدكتور كان ماسك الأشعة (بالمقلوب(


تبقى أنت أكيد فى السودان


*****


لو مكث (مرتبك) معك


)تلاته ساعات وإطناشر دقيقة(


هى الفترة من لحظة إستلامه من الصراف


إلى حين عودتك للمنزل...


تبقى أنت أكيد فى السودان


*****


لو فاز فريقك الذى تشجعه على الفريق الخصم


فى مباراة الذهاب 8/صفر


وخسر فى مباراة الإياب 12/صفر….


تبقى أنت أكيد فى السودان


*****


لو لقيت لوري التراب


وكومر البلدية من سنة 50


شغال بالاضافة للركشة في نفس الشارع...


تبقى اكيد انت فى السودان


*****


لو وجدت أن رؤساء (الأحزاب(


هم (رؤساء) مدى الحياة...


تبقى أنت أكيد فى السودان


*****


لو وجدت أن نسبة الفقر


تزداد بإزدياد (معدل النمو تبع الحكومة(


تبقى أنت أكيد فى السودان


*****


لو ضربتك عربية حكومة


ومشيت القسم و طلعتا انت الغلطان...


تبقى اكيد انت في السودان


*****


لو خشيت مؤسسة حكومية


ولقيت الموظفين مافي اثناء الدوام..


تبقى اكيد انت في السودان


*****


لو طلعت مستحمي و متريح


وماشي عرس


ودخلت العرس زي الكأنك كنت بتلعب كورة...


تبقى انت اكيد و اكيد في السودان


*****


لو لقيت مطعم وقدامو دورات مياه...


تبقى اكيد انت في السودان


*****


لو مشيت الحوادث


وقالو ليك


)لوعندك رصيد اضرب للدكتور لانو نايم(


تبقى انت اكيد في السودان


*****


لو شغال في السوق


وقالو ليك ادفع ضريبة ميزان ...


تبقى اكيد انت في السودان


*****


لو لقيت اجنبي وعواطلي


وعندو صلاحية اكتر منك


والناس كلها تحترمو...


تبقى انت اكيد في السودان


*****


لو اعلنو عن 3000 وظيفة


ومشيت تقدم في اليوم الاول


وقالو ليك


)تعال بكرة لانو لجنة المعاينة ما اكتملت(


وجيت تاني يوم و لقيت التقديم قفل...


تبقى انت اكيد في السودان


*****


لو لقيت حي ساكن فيهو مسؤول كبير


والكهرباء فيهو ما بتقطع نهائى...


تبقى اكيد انت في السودان


*****


لو محتاج حاجة


ولقيت اقرب حتة تجيبا منها


على بعد 3 كيلو متر...


تبقى اكيد انت في السودان


*****





لوقريت الكلام دا


وما علقتا ولا جنيت


وكنت بارد شديد ومستسلم...


تبقى أكيد أنت من السودان

[( ود البورت )]

دي كله عن السودان

هههههههههه

[saare]

والله بالجد صدقتا فى الحاصل ده كــلـــو

[بحر الاشواق]

لوقابلته ليك مشكله
ولقيت اهل الرجوله والشهامه والكرم واقفين معاك تبقي انت اكيد في السودان

مصطفي صالح انت اكيد ما من السودان

[محمد نعيم]

لوقابلته ليك مشكله
ولقيت اهل الرجوله والشهامه والكرم واقفين معاك تبقي انت اكيد في السودان

مصطفي صالح انت اكيد ما من السودان

[3mr=backgrounds/26.gif]

تسلمي يا بحر

لكي التحية

[/3mr]

[اروع من الورود]

لو انت كاتب الكلام ده تبقى اكيد مامن السودان

كلام جدا عجيب

[عيـــــون اللـــــيل]

ههههههههههههههههههههه والله حالنا بقى من شدة ما بضحكنا لما قرب يبكينا..
تسلم على الطرح الجميل واتمنى نرجع بعد سنتين للبوست دا ونقول ياااااااا حليل ايام زماااااااان

دي اول مشاركة لي في المنتدى

[الدهمشي]

يازول دى بلدك لو فى سمح انت اللى عملتو ولو فى شى شين برضو انت اللى عملتو



يعنى باختصار انت اللى بتبنى بلدك وانت اللى بتكسر وبتخرب
والسماحة ماها بس فى الشوارع السماحة فى النفوس

[بسمة الحياة]

فعلا يمكن تكون حاجات حاصلة في السودان
لكن
][®][^][®][ان تضيئ شمعة صغيرة في الظلام خير من ان تمضي دهرك كله تلعن الظلام][®][^][®][

وكيف عايزين البلد يتطور ويقدم و مشكلتنا اننا ننتقد سلبيات بلدنا دون ان نقدم اي حلول

فياريت عشان نستفيد من البوست كل واحد مننا ياخد واحدة على الاقل من السلبيات دي و يقدم لينا حل ليها

[الدغري]

يا هو ا السودن

[ملوله جد]

ولو تعب ليك زول وجريت بيهو المستشفى لقيت الحله كلها وراك تبقى اكيد فى السودان

لو اذن ليك المغرب فى الشارع فى رمضان ولقيت زول رابط ليك شارع الظلط على بالحرام تنزل تفطر تبقى اكيد فى السودان

لو حصل ليك لاقدر الله حادث ولقيت الشارع كلو وقف عايز ينقلك المستشفى قبل اللاسعاف تبقى فى السودان

لو حلمان ساكت وصرخت قلت الحرامى ولقيت الحله كلها متلبه عندك تبقى فى السودان

لو حصلت ليك وفاة لاقدر الله ولقيت الناس كلها شربت شاي الصباح وفطرت من غير ما ناس البكاء يولعوا نار تبقى فى السودان

ولو ما كنت من زى ديل وااسفاى وامأساتى واذلى
اكييد انت من بره السودان
تحياتى زوور السودان بقلب كبير وحتشوفوا على حقيقتوا

[صانع الحب]

طيب انتى تكلمتى عن الدولة وكلامك منطقى
احب اضيف علية الشعب حتى اصحح الصورة
لو لقيت طيبه القلب تعرف انت فى السودان
لو لقيت الشهامة تعرف انت فى السودان
لو لقيت الترابط الاجتماعى تعرف انت فى السودان
لو لقيت البساطه تعرف انت فى السودان
لو لقيت الشجاعة تعرف انت فى السودان
لو لقيت التعاون والترابط تعرف انت فى السودان
لو لقيت الدفاع عن الشرف تعرف انت فى السودان
لو لقيتى صانع الحب تعرفى انتى فى السودان

( نعيب زماننا والعيب فينا
ومالزماننا عيبا سوانا
ونهجو زى الزمان بغير ذنبا
ولو نطق الزمان لنا هجانا
وليس الذئب ياكل لحم ذئبا
وياكل بعضنا بعضن عيانا )

[صانع الحب]

http://www.youtube.com/watch?v=IHp__yfHGBQ



http://www.youtube.com/watch?v=c4sGPEhS ... re=related

http://www.youtube.com/watch?v=vIWofNV2 ... re=related


ياهو دى السودان الحقيقى

[عبدالله عوض الكريم احمد]

ياهو ده السودااااااااااااااااان
والماعاجبوووووووو نقطع ليه حته ونرضيهو
ولاكيف ؟؟؟؟؟؟؟
كل ماقيل عن السودان واقع معاش فعلاً
ابداً ماهنت ياسواننا يوماً علينا
ودمسكين

[رغودة]

لو لقيتى صانع الحب تعرفى انتى فى السودان

[صانع الحب]

ههههههههههههههههههههههه تسلمى رغودة بس بالجد المفروض نتكلم عن الوطن بطريقة كويسة ونعكس صورة حضارية ونذكر المحاسن لان ممكن جدا يدخلو اجانب المنتدى وياخدو صورة سيئة عن السودان

[الهادئه]

لما تصحى من الصباح ويسوو الشاي وتنظفو الحوش وتدخلو السراير جوه الغرفه كده انو انته في السودان

[فطومة]

بعد كل الحاجات دى بنحب السودان وبنموت على ترابها ونتمنى انو نرجع ليها