صباح الخير على الجميع
إبتسامة الصباح إنشاء الله تعجبكم
7
7
7
7
7
مشهود بالكرم ارواحنا بيك تنجم.....
حاشاك البخل ده معاه ما بتتلم .......
دراج الكرب كاشف حوايج الغم.....
بتمد باليمين دون الشمال تعلم......
يا بحر السخا بالدنيا ما بتهتم......
رسل لي رصيد وعليهو ما بتندم.....(شايقي ينفخ في جعلي)
يا ترطيبه كلامك ما بيفوت على أب عاجات
الجعلي نضم زي ده يحسبو من العـوجـات
حرّم رسل ليهو الرصيد وكمان معاه نغمـات
والعجب اداهو جوالو وقال أنا أخوك يا بركات
أولاً أسعدني مرورك الله ماحرمنا منك
ثانياً عليك الله في جعلي بيقول الكلام ده
باين عليك لسان السوط وصلك .
مشكور على مرورك وما تحرمنا من ترطيبك
[grade="00008B FF6347 008000 4B0082"]الشوايقة:
شـايـقى واقـــف في بص شـاف بنت قـاعـــدة قـام عاين ليها .
عــاينت ليه أبتـــسم ليها أبتســمت ليه غمـــز ليها . غمــزت ليه.
أشـــــر ليها علي المحطة نزلت . . . قعـد محلــــــــــــــها !!!
=========
فى اتنين شـــايقى وجعــلى حكمــوهــــم بالأعـــــدام . بعــين يـوم الأعــــــدام سالوهم آخر أمنية ليكم قبال ما نعدمكم ؟؟؟ شنو .
الشايقى حنين نط قدام الجعلى قاليهم انا عاوز أشـــوف أمى .
وأنت يا الجعلى داير شنو ؟؟
قاليهم الشــايقى دا ما يشوف أمــــو
========
شايقى قالو ليهو ناس البلد رسل لينا التبرع بتاعك عاوزين نعمل حوش للمقابر قال ليهم تبرع شنو عمركم شوفتو ليكم ميت شرد ؟
=========
شايقى الحريقه قامت فى بيتو عمل مس كول للمطافى
=========
سته شايقيه غاطسين فى البحر قالو البطلع أول على سطح المويه الغداء عليهو وحاتكم لى يومى ويومكم ده ماطلعو
==========
شايقى مغترب فى الخليج عشرين سنه رجع السودان ظابط الشماغ الخليجى وركب التاكسى واللسان خليجى تب قال لى بتاع التاكسى الله يرضى عليك أبقا الثوره وفى الطريق الونسه كلها باللهجه اسعوديه بلدكم زينه وسواليفكم حلوه وديرتكم هواها زين بتاع التاكسى إحتار معقول فى سعودى مشلخ شايقى ولما وصل الثوره قال لبتاع التاكسى الله يرضا عليك نزلى القش تبعى هذا ( العفش) ولما نزلو قال للتكاسى كم يسوى المشوار قال ليهو خمسين ألف ورد صاحبنا مزهولاً… فيييييى شنو ؟
تمساح خاتي ليهو كوم ليمون جنبه يقشر ويأكل . . . جاء تمساح سأله مالك يا تماسيحو ان شاء الله خير . . قال ليهو والله اتغديت لي بي شايقي عامل لي طُمام . . . قال ليهو اجيب ليك دواء استفراغ . . قال ليهو المشكلة لا معدتي دايرة تهضمه لا الدنيا راضية ارجعه ليها تاني
===========
الحلفاويون:
حلفاوى قالو ليهو بكره عيد الحب قال ليهم ده بصلوهو كم ركعه
=========
حلفاوى قال لى صاحبو ماسمعت محمد صالح ماجاهو اللوترى صاحبو قال ليهو اوعه يكون عوقو
===========
حلفاويه راكبه القطر قالو ليها لمن تصلى أبوحمد خشمك عندك ماتنضمى إقوموا إرزعوك بى كلمه ملتدليها قالت ليهم سمح ياوليداتى والحاجه دخلت فى نومه عميقه واساعه أربعه صباحاً القطر وقف فى محطه فتحت الشباك شافت ليها بت صغيره شايله شاى وتكورك شاى بى لبن قالت ليها تعالى يابتى شايك ده بى لبن شنو البت قالت ليها لبن عشر الحاجه إستدركت قالت ليها سجمى دى أبوحمد البت قالت ليها لا دى أبوظبى
الرباطاب:
دار الحوار التالي بين الرباطابي وابنه:
الولـــــــــد : يابا يابا شوف الفار
الرباطابي : تقول لي الفار نان قايلني كديسي
الولــــــــد: نان يا يابا انا قلتا ليك اكـــــــــلو ؟
==========
رباطابي عندو جارة غنماية عايز ابيعة
بعدين في السوق دايرة تزووغ قام رفع لية ولدها
جات راجعه والرباطابي محمض الموقف كلة
قام قال لية ((اسمع ياصحبي جبتوة بي الريمووووووت)
=========
قال ليك واحد دخل قرية الرباطاب وفي طرف الحلة كده
لقي لية واحد صغير قام سألة اسمع عندكم موية
قام قال لية نان شجرنة ده قايم بي التيمم
========
رباطاب عندهم وفاة بحفروفو في قبر مر بيهم جنوبي قال ليهم ياشباب
ان شاء ماعندكم عوجة قالوا ليه لالا بنفتش لنا في صارقيل
==========
رباطاب معزومين عشاء والسمك ريحتو ضاره بي شفقتم كلهم السمك طعنهم شوكو ابوهم قال لي سيد البيت انت عازمنا عشا ولافحص ملاريا
==========
رباطابي ولدو بتعلم في المشي بمسك في السرير ويمشي من الاول لاخر السرير ويرجع ابوه شافو قال ليهو ياولد بفتش لاذاعة لندن
==========
رباطاب بحفرو في قبر مرّ بيهم الجنوبي البتعلم في العربي قال ليهم
البكاء ده هنا ولاخبر من البلد قالو ليه خبر الا جينا ندفن التلغراف
قالوا واحد رباطابي إنكشح فوقوا جاز كتير
الجماعة سألوه يا زول إن شاء الله خير
قال ليهم خير شنو إنتوا عارفين لو ركبتو لي شريط لمبة أولع للصباح
========
رباطابي لقى بنتو قاعدة سرحانة قالها :
يابت انتي عاشقة قالت لو : لا أنا 3310 عنيدة[/grade]
قالو ليك في حلة بتاعة حلفاويين قالوا دايرين يبنو ليهم جامع وفتحو باب التبرعات وماشاء الله جاتهم قروش كويسة !!! وفي خواجة كان فاتح ليهو بـــــــار وجات الحكومة قفلتو وقال داير يتبرع دفع 50 الف ،، والجماعة قالو اصلا المال دا نجس وما صاح يدخل في الجامع دا ،، قام واحد منهم مشهور بالسخرية وقال ليهم(( خلاص ابنو بيهو الحمامات))
الأب: لوين الليلة مبدر كدة.؟
التلميذ: الليلة ما النتائج!
الأب: تمام تبارك الله، بس جيب لينا نتيجة كويسة وما تتأخر
الولد ما رجع إلا مع صلاة المغرب مكتح مغبر .
الأب: يا ولد جيت الكم؟
الولد: التسعة وخمسين
الأب: والفصل فيه كم؟
الولد: ستين
الوالد: ما شاء الله جدعتلك واحد وراك.
طيب وكت أصلك جاي كده جاي متأخر ليه؟
الولد: ما كنا مسيرين الطيش
واحد جعلي حايم مع شايقي في الخرطوم,مرو بشارع المك نمر ,الجعلي
داير يتفلهم علي الشايقي .
قالو عارف إسم الشارع ده
الشايقي:ماني خابرو.
الجعلي :ده إسمو شارع المك نمر.
الشايقي:بالله !!يكون ده الشارع القام جاري بيهو
