السلام عليكم جميعا....
فقط هو مجرّد سؤال أحببت طرحه عليكم علي أجد الإجابه الشافيه لديكم...
كلنا يعرف مدى تأثير الأغاني الوطنيه على الشعوب وكيف ترفع هذه الاغنيات من معنويات الشعب..
بما تحويه من كلمات ذات معاني قويه...تثير الحماسه في المستمع وتجعله يثور معها ويتفاعل ويشتد الحماس لديه....
في مقطع من اغنيه وطنيه مصريه...يقول
( ما تقولش مصر ادتنا ايه ...قول ادينا ايه لمصر)
لطالما اعجبني هذا المقطع....
ماذا لو عكسنا هذا المقطع علينا..
ماتقول السودان ادانا شنو...قول ادينا شنو للسودان)
ماهي الاجابه عندئذ...
سؤال آخر:
هل فعلا نحن شاركنا في ان ينفصل جنوب السودان عن شماله؟؟؟
لقينا منو عدم اللامبالاة .. في أقل أمور الحياة كإيجاد فرص ملائمة للخريجين !!
أديناه الحب ..
أدانا غلاء الأسعار ..
ولسه مازلنا بندي .. وما بناخد شي ..
وبرضو حنقول .. سوداني الجوه وجداني بريده ..
لكن هل هو بريدنا زينا كده !!
أكيد انه بلدنا بتريدنا زي ما بنريدها....
بس انا برضو حأخلي ليك تاني سؤال....
انت ماحاسي انك ظلمت اسم السودان لمن دمجته مع مابتفعلو الحكومات بشعوبها...
السودان عنده تاريخ عظيم كل فرد من افراده بيفخر وبيفخر بشعبه نساء ورجال لانهم حاربو من اجل رفع علم السودان الدوله العظيمه...
ماذنب البلد ولكن كل البيحصل لينا ده من فعل الحكومات...
وبرضو سوداني جوه وجداني بريدو
أكيد انه بلدنا بتريدنا زي ما بنريدها....
بس انا برضو حأخلي ليك تاني سؤال....
انت ماحاسي انك ظلمت اسم السودان لمن دمجته مع مابتفعلو الحكومات بشعوبها...
السودان عنده تاريخ عظيم كل فرد من افراده بيفخر وبيفخر بشعبه نساء ورجال لانهم حاربو من اجل رفع علم السودان الدوله العظيمه...
ماذنب البلد ولكن كل البيحصل لينا ده من فعل الحكومات...
وبرضو سوداني جوه وجداني بريدو
الحكومة هي المسؤول الأول والأخير عن تحديد ماهية منهجية البلاد .. سواء كان خيرا أم غيره ..
يعني مامعقولة البلد تكون رخيصة براها وتكون غالية براها .. في عوامل الحكومة ليها دور كبير فيها ..
الشي التاني استحالة البلد تكون جميلة بدون ضوابط وحكومات تجلس عند ضبط اللوائح فيها والقوانين .. وألا شنو !!
اخدنا كل شئ من الوطن ولم نعطية اى شئ
نعم شاركنا فى انفصال الجنوب عن الشمال
لاننا قبلنا بمصير السودان وكان على الشعب السودانى ان لا يرضى ببنود الاتفاقية
ممكن نقول
العلاقة بينا وين السودان زي عملية البيع والشرا
يعني بوفر لينا الجامعات عشان نتعلم ونحن بالمقابل بندفع ليهو عشان نتعلم
بوفر لينا مصدر دخل و بيجي ياخد مننا دخلنا و زيادة مع غلاء الاسعار
و..و.. غيرها الكتير من عمليات البيع والشراء
لكن برضو بنقول في النهاية انو ما لينا غنى عنو
ود الزوحي كتب:الحكومة هي المسؤول الأول والأخير عن تحديد ماهية منهجية البلاد .. سواء كان خيرا أم غيره ..
يعني مامعقولة البلد تكون رخيصة براها وتكون غالية براها .. في عوامل الحكومة ليها دور كبير فيها ..
الشي التاني استحالة البلد تكون جميلة بدون ضوابط وحكومات تجلس عند ضبط اللوائح فيها والقوانين .. وألا شنو !!
طيب ياخوي...كلام جميل لكن برضك مافهمت قصدي....
الحكومات بتمشي وتجي بس السودان بظل ثابت في مكانه واسمه عالي...
لكن لو اي شخص وضع في باله انه يضع احتياجات الشعب ويعتبر نفسه انه واحد منهم ويشعر بهم..ماكان بيحصل البحصل معانا حاليا....
بلدنا وبنحبها لكن دائما بتحس انه في حلقة مفقوده...في جزء من الوطنية مفقوده...
ودالسكوت كتب: اخدنا كل شئ من الوطن ولم نعطية اى شئ
نعم شاركنا فى انفصال الجنوب عن الشمال
لاننا قبلنا بمصير السودان وكان على الشعب السودانى ان لا يرضى ببنود الاتفاقية
مشكور ود السكوت على التواجد...
وحاليا لم يبق لنا سوى ان نهنئ اخواننا الجنوبيين ببلدهم الجديده....
ممكن نقول
العلاقة بينا وين السودان زي عملية البيع والشرا
يعني بوفر لينا الجامعات عشان نتعلم ونحن بالمقابل بندفع ليهو عشان نتعلم
بوفر لينا مصدر دخل و بيجي ياخد مننا دخلنا و زيادة مع غلاء الاسعار
و..و.. غيرها الكتير من عمليات البيع والشراء
لكن برضو بنقول في النهاية انو ما لينا غنى عنو
مشكوره بسومه على المداخلة الجميله...
وتقريبا دي علاقة اغلب المغتربين مع البلد....
لكن في النهاية يفضل السؤال...
من هو المسؤول عن وصول مرحلة علاقة السوداني مع وطنه
تاركا مشاكل الحكومات خارج هذه العلاقه
السودان مهما نديهو ونديهو ما بنكفي حقو علا الحكومات الجائرة جعلت مننا من يبخل بأعطاء
الوطن حقة وسلبت وطنية كل مواطن كانت له وطنية وجردت الروح التي كانت تحرك كل
سوداني .
نحن لا نريد من الوطن ولكن نريد من الطغاه المعتوهين أن يعيدو دراستهم فيما هم ماضين فيه
نريد لفتياتنا أن يجدن لقمة شريفة، ولا نريد لهن الابتزاز الجنسي بواسطة رجال القانون.
نريد أن تكون الشرطة في خدمة الشعب لا للحكام
نريد للعاطلين عن العمل أن يتوظفوا حتى لا يكونوا عرضةً للاحباط والأذى النفسي الذي يدفع بعضهم
لاغتصاب الأطفال.
نريد أن نحيا في سلام.
[align=center]كرهتونا البلد زاتو .....!
مشكور اخوي فارماس...
وكلامك جميل وتقريبا ده الواقع وكل يوم الحال ماشي متدهور اكتر من زمان...في حالة انعدام امان... بسبب جرائم الاغتصاب والمخدرات وماخفي كان أعظم...
مشكلتنا يافارماس اننا شعب بنستقبل اي حاجه جايانا من بره...بغض النظر عن هل هي متناسبنا معانا ولا لا..اقل شي اللبس فحدث ولا حرج...يعني احنا غيرنا صورة السودان القديمة بس للأسف انها ماشه للأسوأ ...وفي مقولة اتقالت انه السودان واحد من البلدان اللي تارخها القديم امجد واحسن من حاضرها...وربنا يصلح الحال...[/color][/font][/size][/align]
السودان ............ ذاك الوطن . المفعم بالجمال ..........
المتفرد بكل ما هو غال ........ وجميل .............
أعطانا الكثير .............. ولكننا كأبناء له جحدنا حقوقه علينا .............
لم نشر من لبن الوطنية الصافي ........... فكان منا العميل والانتهازي الذي سرق قوت الشعب ..........
منا الذي سرق ثورة الشعب ............ منا الذي باع الوطن .............
منا الذي باع نفسه فس سوق النخاسة من أجل حفنة دولارات ....... وباع الكثير والكثير .......
ومنا ومنا ومنا .............
طيلة العقود الماضية لم نعمل على أن يكون السودان وطنا واحدا موحدا ...........
بل الكثير منا ان كان يدري أو لا يدري يكرث للعنصرية والجهوية والقبلية .......... مما أدى الى ما نححن فيه من وضع ...........
اذا اعطينا السودان ما ستحقه لكان الآن من مصاف الدول المتقدة ...............
ولكن واحسرتاه ضيعناه ضيعناه
مشكور استاذ الدغري على المداخله الجميله...
للأسف اننا بنتنبه للمشاكل دي بعد فوات الأوان اقل حاجه عنصريتنا القبليه في الوقت الكل ناس شايفين نفسهم انهم احسن من ناس لو كان الناس قعدت مع بعض ووضعت في بالها هدف واحد وكلمه واحده انه احنا سودانيين وما بفصلنا اي شي تاني ماكان وصلنا للاحنا فيه... وما كان الجنوب انفصلنا وما كان حنكون واقفين خايفين من انه احتمال نفقد جزء تاني من وطنا...
الياسمينه لك الشكر على وجودك الجميل...
حاليا الاخوه الجنوبيين مافضل عندهم حاجه عندنا الا اننا نتمنى ليهم انه يكونو مستقرين في بلدهم الجديد ويعمروها....وبعد كده الوقوف على ذكريات الماضي ضياع وقت المفروض انه الناس تحاول تحافظ على كل دقيقة ممكن تكون سبب في فقدانا لاجزاء البلد...
هي بضع كلمات ربما تكون لاتكفي لكن توفي ... السودان قاااامه وابنائه من يملكون استقامتها ... ان منحوها تمنحهم وان خزلوها تخزلهم ... والالحان ربما تزرع في النفوس الحماسه ,,, لكن لاتكفي من غير تطبيق وعمل ...
بعد طول انتظار وغيبه وانا اتصفح مواضيع المنتدى امرعلى هذا الموضوع فــــ اتعجب كثيرا وتزداد رغبتتى فى الانضمام اليكم فقمه الامتاع والفخر والامتنان والاعزاز لى وجود موضوع وردود بهذا الحجم من الصدق والمسئوليه الوطنيه والرد على السؤال الذى لم اغب يوما الا وكررته وهو الفرق بين الحكومه والوطن والوطن والحكومه فوجدت الاتى ...:ــ عرف المتخصصونفى اللغه ان الوطن هو تلك الرقعه الجغرافيه المحدده بمواثيق دوليه ومجموعه من الافراد يقطنون تلك الرقعه الجغرافيه ووجود موارد طبيعيه وصناعيه وحكومه تسيرها ... وبا الاضافه الى موروثات وعادات وتقاليد وتاريخ تلك المنطقه بماتعرف بثقافته المنطقه المعينه فوجود اى خلل فى هذه الحلقه المترابطه يحدث نقص فى التركيبه الوطنيه بشكل عام فاالخلل با التاكيد ليس فى الموروثات الثقافيه ولا فى الرقعه الجغرافيه ولا فى الافراد المتواجدين فيها اذا السبب الرئيسى هو فى الحكومه او الاشخاص الذين نصبوا انفسهم وصايا عليها والذى كان لهم الاثر الكبير فى تقسيمها الى دويلات وذلك بنشر ثقافه الدين الواحد والغه الواحده والثقافه الواحد ....
