ماريكم في تدريس برنامج الـ CorelDraw

[Still I Need U]

بالمناسبة لازم يكون اى زول معانا هنا في الكورس ده ،،
لازم يبلغني بانو نقل الدرس وفهمو ،
عشان نخطو كلنا مع بعض ما عايز امشي لي قدام والناس ،،
ما عارفة الحاصل شنو ،،
او في حاجة فايتاهم من اشرح ،،
اتمني انو الناس تكون جاده شوية ،،
واى زول جا رد ورحب بالفكرة لازم يقول لي انا بديت ،،
عشان نكون يد واحدة ،،
وبالتوفيق انشاء الله ،،
تحياتي لكم ،

[شاربة توت ولابسة بوت]

شكرا خالص يا ستيل ..
واحنا متابعين معاك ..
بس دروسك شكله حدوخنا ...

[Still I Need U]

ابدا بالعكس والله يا شاربة توت ،،
الدروس حتكون مبسطة جدا ،،
والمتابعة لا زم تكون دقيقه جدا ،،

ونتمني التوفيق انشاء الله

[Halimeek]

Still I Need U انا اسف جدا لتأخري في الرد ولكن والله ظروفي مابتسمح ادخل المنتدى كتير شغلي كتير جدا وبعيد عن المنتدى لكن من فترة للتانية يادوب بدخل المنتدى وبشارك مع اعضائنا الحلوين ديل
وفكرة التدريس دي انا متشوق ليها جدا جدا جدا واتمنى اني اكون احد طلابك يااستاذي الفاضل ولك التحية والإحترام والتقدير

[Still I Need U]

تحياتي أخي الجميل الراقي الزواق حليم ،،
كل عام وانت بخير وصحة جيدة تتتع بها ،
لك الشكر والثناء والتقدير على الإشادة الطيبة منك ،،
وأتمني بالفعل أن أقدم ما يفيد الأعضاء عموما من كل شئ ،،
وأنا رهن الإشارة وأحمل الكثير من الأفكار في جعبتي ،،
وسيجني ثمارها المنتدي بأعضاءه إنشاء الله ،،

تحياتي لك والشكر والتقدير لك مرة ثانية على المرور ،،
وإبداء الرأي ،،

تسلم

[Still I Need U]

طبعا الكورل الميزة الجميلة فيه انو بصنع ليك وبتيحك ليك اى حاجة انت عايز تعملها ، والبداية قبل ما تبدأ أول حاجة بتشوف نفسك انت عايز تشتغل شنو ، الحاجة التانية البتتطلب منك المقاسات ، اهم عوامل العمل على الكورل مثلا الرسوم الهندسية اكيد بتحتاج لمقاسات عشان الشغل يكون دقيق جدا ، بنلاحظ في المسطرة على شاشة البرنامج وايسرها – عايزين اثناء تبيق بعض الاعمال على البرنامج كل جزئية نبدا نشتغل عليها نحاول نشرحها طوالي.

من ناحية تانية زر Move Tool ده من اهم الازرار اى بمعني انك لمن لمن تختار اى اداة لتحريرها او عايز تشتغل عليها بمجرد من انتهاء الاستخدام لازم تضغط على زر Move Tool عشان الماوس يكون محرر.

نحاول الآن ناخد الدرس الاول لاستخدام الأدوات ونحاول نعمل عليها بعض الاضافات نبدا بالدائرة والمربع وتعالو مع بعض نشوف كيف حتكون كيف :
• الخطوة الاولي اضغط بالماوس على اداة الدائرة من شريط الادوات ووجه مؤشر الماوس على ورقة العمل ستجد شكل الماوس تحول نفس شكل الاداة المختارة وهي دائرة .
• الخطوة التانية نقوم بالضغط على الماوس للسحب على الورقة لادراج الدائرة وهنا عندنا طريقتين طريقة عشوائية والطريقة التانية غير عشوائية انظر الصورة



[img][IMG]http://www.c5c6.com/Janu/1169891594.jpg[/img][/img]


• الدائرة العشوائية تسحب على الورقة من غيراستخدام مفتاح الكونترول CTRL ، اما الدائرة الغير عشوائية عند السحب على الورقة تقوم بالضغط على مفتاح الكونترل ثم اضغط واسحب على الورقة كما هو موضح امامك على الصورة.
بالنسبة للتلوين واتخاذ بعض التأثيرات عليها هناك الكثير من العمليات والإضافات ممكن تعملها على الدائرة نحاول ناخد جزء من الإضافات ، تعالو نشوف :
• بالنسبة للتلوين تقريبا عادي جدا نضغط على اللون المرغوب من شريط الألوان دي طبعا هنا بكون لون واحد بس .
• النقطة التانية كيف تعمل الدائرة مجسمة بي لونين .
• أول حاجة حدد الدائرة يعني اضغط عليها Click ننشطها وبعدين نحدد ليها اللون من شريط الالوان مثلا الازرق انظر الرسم .



[img][IMG]http://www.c5c6.com/Janu/1169892014.jpg[/img][/img]



• أول حاجة حدد الدائرة يعني اضغط عليها Click ننشطها وبعدين نحدد ليها اللون من شريط الالوان مثلا الازرق انظر الرسم .
• عايزين الان نجعل الدائرة مجسمة وبي نفس اللون ، وبامكانك اختيار اللون العايزو يلا نبدا الخطوات :
1. بعد تحديد اللون نضغط على زر Interactive Fill بظهر لينا شكل الاداة على الماوس.
2. النقطة التانية عندنا طريقتين للتجسيم ، في تجسيم بكون في نص الدائرة وفي تجسيم في غير نص الدائرة وقبل التجسيم وعند السحب سيظهر تدرج اللون من اسفل الي اعلى او العكس ، ولاحظ وزي ما شرحنا قبل كده قلنا انو اى اداة بنختارها بظهر لينا معاها شريط التحكم الخاص بيها ، يعني هسه نحن حددنا الاداة وظهر لينا انظر اعلى شاشة البرنامج حتلقي الشريط.


[img][IMG]http://www.c5c6.com/Janu/1169892133.jpg[/img][/img]



3. التجسيم هنا عندك ليه كذا طريقة انظر الصورة هذه الطريقة ليست بالتجسيم ، لكن لو عايزين التجسيم بنختار من شريط الادوات تأثير Radial وأسحب من اعلى الدائرة إلى أسفلها ، بعد ده طوالي بظهر ليك شكل التسجيم ، اضغط مباشرة على زر Move وحرر الماوس من الاداة.



[img][IMG]http://www.c5c6.com/Janu/1169892191.jpg[/img][/img]

[Still I Need U]

4. في طريقة تانية بتخليك تجسم انت على طريقتك من غير اظهار التسجيم في وسك الدائرة مثلا اتبع نفس الخطوات الفائتة ولمن تجي تسحب ما تسحب من نص الدائرة اسحب من الجزء الاعلي للدائرة ومن الجهة اليمين انظر الصورة وبعد الانتهاء بكون انتهينا من ادراج الدائرة وتلونيها وتجسيمها وحنشوف في الدرس الجاي كيف نعمل ليها ظل وبعض التأثيرات التانية

[img][IMG]http://www.c5c6.com/Janu/1169892297.jpg[/img][/img]


[img][IMG]http://www.c5c6.com/Janu/1169892362.jpg[/img][/img]


[img][IMG]http://www.c5c6.com/Janu/1169892448.jpg[/img][/img]

[Still I Need U]

[align=center]ولو في حاجة ما واضحة أرجوكم اخبروني عشان اعرف
انو الناس كلها ما شه مع بعض ،،
ما عايزين الناس تمشي ساي
عايزنها بي فهم ،،
تقبلو تحياتي ،،
ربنا يوفقكم ،،[/align]

[بت أبوظبي]

لحدي هنا الخطوات واضحه .. ما فيها مشكله
بس لو البرنامج ممكن تنزله لينا عشان نخزنه عندنا
شكرا ستيل
استاذنا العزيز

[شاربة توت ولابسة بوت]

سؤال :
حسه الفرق شنو بين الفوتوشوب والكورل !
من جميع النواحي !
ودمتم سالمين ...

[Still I Need U]

تحياتي يا توت ،،
الفرق شاسع جدا في كيفية الإستخدام من حيث الأدوات
المتاحة بالنسبة للبرنامجين ،،
أولا برنامج الكورل درو من أقوي وأضخم البرامج على الإطلاق في ناحية الرسم ،،
والشئ الثاني انه يمتاز بالرسم على ي شئ تودين رسمه ولو كان مجسم
وانشاء الله حتعرفي الكلام ده على الدروس الشغالين عليها ،،
الناحية التانية برنامج الفوتو شوب برنامج مخصص لمعالجة الصور والنصوص
من ناحية التأثيرات فقط وإذا حاولتي المقارنة ما بينهما في عملية الرسم ،، ستجدي
أن الكورل يتفوق على أى برنامج في الكون ،، سهل الإستخدام في جميع النواحي ،،

تقبلي تحياتي ،،

[شاربة توت ولابسة بوت]

متشكرين على توصيل المعلومه يا استيل !
وفعلا نحنا استيل need u
ودمتم سالمين

[صلاح يحيى سليمان]

الاخ استيل....!

كلك ذوق....ايوه كده ياخى خليك معانا.
انا نزلت اخر نسخة من البرنامج (12 ولسع مافى ليها كراك)...نسخة تجريبية ...وبديت فى بعض
الدروس....استعجل لينا الدروس....باقى للنسخة التجريبية 20 يوم....هههههههههههه
او ...ذى ما قالت توت ..نزل لينا النسخة العندك فى ايه مكان ...حتى نستطيع مواصلة
الدروس معاك على هدوء.

مع تحياتى

[صلاح يحيى سليمان]

والله يا استيل جد برنامج رهيب....!
الواحد عاوز يتعلم منو الكتير.
اها انا عملته الدوائر دى ..رائك فيها شنو؟؟؟
يعنى ممكن الواحد ....يواصل الدرس ....وله اقنع؟؟؟؟؟

مع تحياتى

[Still I Need U]

[align=center]جنس روعة عليك يا صلاح اهو ده الكلام ولا بلاش ،،
انتو عارفين ووالله العظيم لمن أحس بانو الشئ الانا بقمو الناس طبقتو ،،
وأستفادت منو أقسم بالله العظيم بنتابني شعور راقي وجميل جدا جدا
ما بقدر اوصفو ليكم ،، يمكن اقل حاجة ممكن اقولها هي اني بكون سعيد ،،
لمن افيد الناس ،، لاني بحب افيد ما بالضرورة عندي بمكان يعني لازم
انا برضو استفيد ،، الفائدة بكل تأكيد بتعم الكل ،،

وانا عايز الناس كلها المعانا هنا في الكورس تتطبق التمرين الاول ده ،،
زي صلاح ،،
احييك يا صلاح

بالمناسبة :
بالنسبة للـ Outline الموجود على الدائرة ممكن تشيله بالزر اليمين بالضغك على
مربع موجود به علامة ( × ) حتي يتم التجسيم بالصورة الكاملة ،،
تحياتي لكم بالتوفيق الدائم ،[/align]

[شاربة توت ولابسة بوت]

طيب برنامج CorelDraw صراحه ما متوفر عندنا .. وعايزين نعمل ليه تحميل عشان نقدر نشتغل عليه !
شغل صلاح ده عمل لي قلق شديد !
ودمتم سالمين ...

[Still I Need U]

خلاص كلام جميل انا بحاول بقدر الأمكان أنزل ليكم النسخة 11 من البرنامج ،،
في اليومين ديل كويس ،
والقادم مش حتقدر تغمض عينيك ،،

[شاربة توت ولابسة بوت]

والقادم مش حتقدر تغمض عينيك ،،

ليه روتانا سينما !

[البادرابي]

سلامات استاذي
.................. شكرا كتير على الدروس القيمه دي .............
انا عندي نسخة من البرنامج لكن بس ما عارف لي موقع برفع البرامج لو انت عندك موقع انا ممكن احمل ليكم البرنامج ( 11)
و اخوك يا داب بادي في الكورل محتاج خبراتك ..... ارجو انك تواصل .......
تحياتي .........

[بت أبوظبي]

بانتظاركم يا شباب ..
زهجت والله من الإنتظار !!
ماشه أنوم .. !!