داحنا شعب فقرى والنعمة؟؟؟؟

[إسلام المصرى]

نظرا لأن النعمة فاقت حدها

ولأننا مش قدها

ولأن فعلا انجازاتك

فوق طاقتنا نعدها

ولأننا غرقنا في جمايل

مستحيل حنردها

نستحلفك ....... نسترحمك

نستعطفك .......نستكرمك

ترحمنا من طلعة جنابك

حبتين

عايزين نجرب خلقة تانية

ولو يومين

اسمع بقى

إحنا زهقنا من النعيم

ونفسنا في يومين شقا

عايزين نجرب الاضطهاد

ونعوم ونغرق في الفساد

بيني وبينك حضرتك

دا شعب فقرى مايستحقش جنتك

أنا عارف شعب ماينفعوش

إلا شارون وبلير وبوش

عايز يجرب الامتهان

ويعيش عميل للأمريكان

بيمد "غازه" لإسرائيل

ويومين كمان ويمد نيل

أهو يعنى نشرب ميه واحدة

ندوب في بعض

ماء وماء وماء

ونفض سيرة الانتماء

وبلاها نعرة وطنطنة

تبقى البلاد "مستوطنة "

(متسلطنة بالسرطنة)

إيه اللي خدناه م الكرامة والإباء

حبة خطب وكلام...كلام

إحنا راهننا على النظام

ورضينا بخيار السلام

(بخيار)حنسد عين الشمس بيه

علشان مايطلعش النهار

ويطلع لمين؟

حبة معارضة مغرضين؟

وحسب بيان السلطة

شلة مأجورين؟

ياعم فضك سيرة

وارضى بقسمتك

دا شعب مش فاهم أكيد

يالا اطرده من رحمتك

وإن كنت غاوي الحكم

خليك مطرحك

حاغطس واقب وأعود

بشعب يريحك

راضى وعمره مايجرحك

أخرس ومايسمعش

وأعميلك عينيه

مش كل قرش يبص فيه

مايقولش لأه، وفين، وليه

يضرب ينفض في السليم

وعلى الصراط المستقيم

كل اللي يعرف ينطقه

زعيم الفرين

إسلام المصرى

[asool22]

شكرأ شكرأ شكرأ شكرأ شكرأ شكرأ شكرأ شكرأ شكرأ شكرأ شكرأ
شكرأ شكرأ شكرأ شكرأ شكرأ شكرأ شكرأ شكرأ شكرأ شكرأ
شكرأ شكرأ شكرأ شكرأ شكرأ شكرأ شكرأ شكرأ شكرأ
شكرأ شكرأ شكرأ شكرأ شكرأ شكرأ شكرأ شكرأ
شكرأ شكرأ شكرأ شكرأ شكرأ شكرأ شكرأ
شكرأ شكرأ شكرأ شكرأ شكرأ شكرأ
شكرأ شكرأ شكرأ شكرأ شكرأ
شكرأ شكرأ شكرأ شكرأ
شكرأ شكرأ شكرأ
شكرأ شكر
شكرأ

[إسلام المصرى]

[align=center]شكرا يااااااااعسول على مرورك[/align]

[عشوقة]

يسلمووووووووو
لهذه الكلمات الجميلة..

[glint]دمت بود..[/glint]

[إسلام المصرى]

[align=center]شكرا عشوقة على مرورك وياااااااااارب

يكون الكلام عجبك

سلاموز مصر[/align]