كلمات الأغاني السودانية

[waya]

هاشم مرغني
غيرك انت مافي

[grade="00008b ff6347 008000 4b0082"]صدقني غيرك انت مافي
تظلمني بالشك والظنون ياحبيب تقسى وتجافي

ابتسامتك كون بحالو نحن ليها ونشتهيها
والخطاوي ايقاع الغناوي الديمه نشتاق لي مجيها
والعمر لو ضاع معاك ايامو مابنسأل عليها
انحن عشنا الدنيا زاتا عشان وجودك انت فيها

والدروب من غيرك انت مابتودينا وتجيبنا
مابتوطن لي عيونك لا لغيرك ياحبيبنا
نحن عاهدناك قسمنا مابنسيبك لو تسيبنا
لو وفيت عهدك ياغالي تبقى آلامنا وطبيبنا

صدقني غيرك انت مافي وكيفنو موج الشك اهدي
واصفى زي موية عيونك الديمه للافراح تودي
ترجع تزاورنا وتشوفنا غمامة الاحزان تعدي
والشتيلات في بيوتنا لي لقاك تزهر تندي[/grade]

إهداء خاص ليك يا مضره

[waya]

هاشم مرغني
عنواني في عيونك

[grade="00008b ff6347 008000 4b0082"]اصلي قبلِك كنت مافي
غريق بحر من دون مرافي
إلا يوم ما شفتِك إنتِ في غفلة الزمن المجافي
بقيت احِس الكون سعيد..
اي يوم ألقاهو عيد..
الزمن لو لي إعيد..
إرجِّعني من بُعد المنافي

اصلي قبلِك كنت مافي ماعرفت الكون بدونِك
واللي بسأل عني مره إلقى عنواني فعيونِك
كل لوحه تقول إريدِك فيها من تأثير فنونِك
إنتِ غيرِك عمري ضايع انا اسير داخل سجونِك

الرزانه الإنتَ سيدها
والكلام غنوات تجيدها
المحبه دي لو تعيدها
أبقى حِكمه وشايلا ريدها

واصلي قبلِك كنت مافي
غريق بحر من دون مرافي
إللا يوم ما شفتِك إنتِ في غفلة الزمن المجافي
بقيت احِس الكون سعيد..
اي يوم ألقاهو عيد..
الزمن لو لي إعيد..
إرجِّعني من بُعد المنافي[/grade]

[waya]

هاشم مرغني

انا إتأخَّرت سامحيني

[grade="00008b ff6347 008000 4b0082"]انا إتأخَّرت سامحيني ومعادي معاكي ما نسيتو
ولو ما ظروفي جبرتني كان قبل الزمن جيتو

صدقي لي زمن بَسأل.. بَسأل حتى الشافني مره معاك
ولمَّا الناس عليك تسأل وانا الطوَّلت من لُقياك
اقول ليهم هي لسه معاي وانا الخليت زمان دُنياك
اخاف اشواقي تفضحني ويعرفو إني سِبت هواك
فراقِك جد صَبرتَ عليهو إللا غلبني بس انساك

غريبه الليله زي سنوات زمن ما كُنَّا نتلاقا
عيونِك شايله نفس الشوق وفاضت روحي اشواقها
غلبني اداري حُلمي عليك خُطاي إحساسي ليك ساقها
صَحي القالوهو قبلي الناس دروب الريده فرَّاقا
وصحي الفي الدنيا حظو جميل يوم الفرقه ما ضاقها

نسينا من الفرح باللقيه وسنين فُرقتنا بي لُومَه
وإتواعدنا نتلاقا ودروب للدمعه ما نحومها
وإتشوقت لي لقياك وإتمنيت إهِل يومها
ولما خلاص معادِك جا صِحَت اشواقي من نومها
انا إتأخرت بي ظروفي وحرام ترجيني مهمومه[/grade]

[waya]

( يانديدي)
كلمات الرائع عبد العزيز العميري

[grade="00008b ff6347 008000 4b0082"]يانديدي يازمان الاغنية الجاية وجديدي
اي صوت راجيهو صوتك واي شريان فيك وريدي
الزمن قاسي الملامح وانت نوارة قصيدي
ما اشتكيت لي وردة غيرك
وما لمست سوى حريرك
وكلما هاجت شواغل مانشدت بدل مصيرك
شوفي كيف الدنيا اخضر من زمان
وعايني كيف الافق اوسع من مكان
هل فجرك يامصابيح انطفي
تاني وين ضيق المحل لو انت في
اي صوت راجيهو صوتك واي شريان فيك وريدي
الزمن قاسي الملامح وانت نوارة قصيدي[/grade]

[waya]

"ياعيوني ما قلتي"
الفنان كمال ترباس

[grade="00008b ff6347 008000 4b0082"]ياعيوني ماقلتي من الريدة تبتي
شنو الوداكي تاني وجابك لي تبكي

*****
نسيتي زمن دموعك وبحسنه إنبهرتي
أغراك بعيونو وبي لهجو وحنينو
ما قايلاه بظلم وترجعي تاني تبكي

*****
قدر ما أوصي فيك وأزيدك في الوصية
أوعي كفاي عذاب وماتزيدي العليا
تجيني حزينة باكية وشايلة معاك أسية
ايه أعمل معاك ياعيني إنتي

*****

أقول ليك ياحنينة الله عليك وليك
من ظلم البظلمه يوم ماحسو بيك
الجازاك أميرك وبقي دمعك سميرك
الريدة في دروبها ومسكينة انغلبتي[/grade]

[بحلم]

مابنختلف
كلمات الراحل / حسن الزبير

مابنختلف مابنختلف
درسني بس قانون هواك
بحفظ حروفو حرف حرف
اول بشيل الضمه ديك
وابدي السكون حرف الوقف
واكسر عيوني امام عينيك
واحفظ ملامحك بالوصف
أنا ببقى زي قيس زي جميل
أبكي واجن أشكي وأعف
ونرجع الريد الزمان
القالوا عند الناس خرف
شفاف وشوفتك شفا
وزعلك يشفق وبعترف
في سري في الغيب من سنين
ما قايل الغيب بنكشف
سامحني مرة إذا نسيت
ما تبقى صارف ومنصرف
لو حتى حق الريدة هان
انا لي عليك حق الولف
أنا عندي ليك سر من زمان
داير أقواو ومنكسف
كل ما أقول قربت ليك
ألقاني بادي من الألف

[آيات التفاؤل]

تسللللللللللللم على الاختيار الحلو
واتمنى لكمزيد من التقدم

[مها]

مدن عينيك
مصطفى سيد احمد


لمحتك
قلت بر امن بديت احلم
الملم قدرتي الباقية
واشد ساعد على المقداف
تلوح لي مدن عينيك
وترفع لى منارة بسمتك سارية
بديت احلم
كل ما الريح تطارد الموج
أزيد إصرار واحلف بيك
أغير سكة التيار
أقول يا انتى يا اغرق
تلوح لى مدن عينيك
تلوح لى
أخاف الضفة ترجع بيك قبل الحق
أخاف غيم المنى الشايل تسوقو الريح ويتفرق
أخاف ..أخاف ..أخاف
واشد ساعد على المجداف
واجيك بقدرتي الباقية
حطام إنسان موسم بشقى الدنيا
مقسم قلبو في الاحزان اجيك فنان
اشد اوتارى واحكي ليك
حكاية إنسان وهب لسكتك نفسو
رسم صورتك على حسو
ربط ساعد على المجداف
وقال يا انت يا اغرق
أخاف ..أخاف .. أخاف
أخاف غيم المنى الشايل
تسوقوا الريح ويتفرق
والاقيك يا أماني سراب
مواهبى عليه تدفق
أخاف ..أخاف .. أخاف

[الماسة الخماسية]

بتتعلــــــــــــم مــــن الايـــــــــــام



بتتعلم من الأيام مصير ك بكره تتعلم
وتعرف كيف يكون الريد وليه الناس بتتألم

متين عرف الهوى قلبك متين صابك بآهاته
متين سهر عيونك ليل طويله طويله ساعاته
وحاتك لسه ما بتقدر تقاسم قلبي دقاته
ومصيرك بكره تتعلم
وتعرف كيف يكون الريد وليه الناس بتتألم
وتتعلم

أقابل ك وكلي حنيه وأخاف من نظرتك ليا
وأخاف شوق العمر كله يفاجأ ك يوم في عينيا
ورا البسمات كتمته دموع بكيت من غير تحس بيا
ومصيرك بكره تتعلم
وتعرف كيف يكون الريد وليه الناس بتتألم
وتتعلم

بكره الريد بدون مواعيد يزور ك يا حياة عمري
تقول يا ريتني لو حبيت زمان من بدري
تعال فرح ليالينا تعاااااال قبل السنين تجري
ومصير ك بكره تتعلم
وتعرف كيف يكون الريد وكيف الناس بتتألم
وتتعلم

[waya]

روعة الغناء
الفنان عبد الوهاب الصادق

[grade="00008b ff6347 008000 4b0082"]حبايبي الحلوين أهلا جوني ,, وأنا ما قايل حلوين زي ديل بزوروني
جوني زاروني شايلين أزهار ,, شايلين الليل قلبوهو نهار
حبي المكتوب عملوهو جهار ,, والشافن قال جلا القهار

بعد الدروس جن ذاكرن ,, للحفلة فجأة اتذكرن
موضه وتياب ماإتنكرن ,,احتلو الحفلة وعسكرن

نزلو الرقيص وهاج الشباب ,, هيجة فرح بــ لقاء الاحباب
باب الزواج ده اول باب ,, ودايرين ندخل رغم الاسباب[/grade]

[waya]

أمونه
الشاعر هاشم صديق
الفنان أبوعركي البخيت


[grade="00008b ff6347 008000 4b0082"]كــل البنــات أمـــــونــه يــا خرتـــــوم
معـــاى ســــاعة أفتـــح الدكـــــان
معــــاى ســــاعة الــــدرس بالليــــل
معــــاى فـــى البـــص علـــى أمدرمـــان
مــن الكبـــرى الكبيـــــر فـــى الليـــــل
أعــاين فـــى البحــــر مهمـــــوم
ألاقـِـى وجيهــــا شــــأقــى النيــــــل
وفـــى ســـاعة التعــــب والخــــوف
تشيــــل خطــواتى وأمشــــى عــديــــل
دحيـــن خـــــاتــــى .....؟؟
أكـــان يــا يمـــه صبحـــت نفســــــى
ســــــــاعة الكتمـــــــــه
مــن ضيـــق الزمــن والنـــاس
وصبحــــت راحتـــى .....!!
لامـن ألقــى دمـــى يفــــور
تمــــد إيدينهــا ...
تمسـح للعصـــب والــراس
أمـانه كلامهــــا كــــان رفـرف
وكــت ســاعة الدرس يــا بــوى
يطيـــــر قلمـــــى ,,
ويزغــرد سـِنـو فـــى الكــراس[/grade]

[ahmedBolbol]

اسبوع العطاء والتقدير والحب والشكــر لمجـهوداتــ اعضــاء المنتدى
waya
الضيفـ لهذا الاسبوع

[مها]

ياأعز الناس/اسحاق الحلنقي

يا أعز الناس حبايبك نحن
زدنا قليل حنان
دا العمر زادت غلاوتو معاك
وصالحني الزمان
يا أحن الناس حنان
كنت من قبلك
بشيل الليل دموع
واطويه هم
انا كنت بخشى
على الأماني الطفلة
يفنيها العدم
وجيت لقيتك بين قلبي دموع
وغنيتك نغم
يا حبيب
ورد الأماني
الفي أعماقي فتح
وابتدا القلب
العاش العمر في آهاتو
يفرح
والزمن ماظنو بعدك انت
يرجع تاني يجرح
نامت أحزان عمري
غنى زماني
واتلاشت صعاب
أنا قبلك الأيام
قضيتا سراب
يسلمني السراب
وبيك طويت من عمري
صفحة ماضي مكتوب بالعذاب

[سجودة]

كلماات جدااااا جميلة ومعبــرة لكــن مابتكـون ـواضحـة للاسـف في الاغنية

[أبو أحمد]

و الله الأغانى السودانية دى عجيبة مرة واحدة
و بالذات الحقيبة كمان

[waya]

حتى من شوفتك تمانع
حيدر بور سودان

[grade="00008b ff6347 008000 4b0082"]حتى من شوفتك تمانع ... تحرم العين سر جمالك
تقسي لي قلب بريدك ... ياما تاه في تية دلالك

يا جمال بدر الكواكب ... قلبي سابح في مدارك
أجمل الريد في عيون ..... في عيونك
المحال يترك محالك
لو قسيت و الفرقة طالت بحيا و اعشق في خيالك
أنا بحيا و اعشق في خيالك
نسيت عذابي عذاب بريده برضي اشتاق لي وصالك
أنت ما دنيا و بعيشه وديمه بحلم بي وصالك [/grade]

[waya]

مراكب الشوق
الشاعر محمد الحسن
غناء الرائع/ ود الأمين

[grade="00008b ff6347 008000 4b0082"]شايلك معاي و ادفق بطيبة العيون
وكتين أسير مشوار براي
و اتاتي زي رمشاً حزين بكى الصباح
واتمسى بحزنو المساء
وابقى الوحيد
زي بلبل فقد الجناح هاجر جناه على الصقيع كاس لبوادي مِشمِسة
وارحل شواطئ الغربة مغلوب بالرياح وانحت حروف فوق الصخور و اتحسسا
وابعث غناي مع كل آها و كل زفرة وكل ضحكة مونسة
شان تمشي لعيونك تعيش وتونسا

واتخيلك وكتين اشوف أُماً تهبب لعروس وقت الزفاف و ترقصا
وارحل بعيد فوق شعرها زي مركب نشوان مشى فوق موج و شلالات
و آخر المطاف فوق شط حنان مهجور زمن راح واتنسى
وزي ريس الساري الغريب غالَب ليالي الشوق على الساري إتكى
ورش الدموع برعشة الغيم البكى
ودس الانين فتق جراحات الحنين في الغربة باسة و وَشوَشا
واتذكرك وكتين اشوف لارنجة تتحدى الرياح عِز السموم صدر الشتاء
وتمد غلالها على الهجير تفرح ....تفرِح الرياح و توسوِسا[/grade]

[waya]

عاطفه وحنان يا ناس
كلمات الشاعر: محمد عبد القادر ابو شورة
الحان الاستاذ: السنى الضوى
اداء الفنان:محمد ميرغنى



[grade="00008b ff6347 008000 4b0082"]عاطفه وحنان يا ناس
وانسان مليح وناس
وعيون تضوي الليل
وقليب رقيق حساس
ضمتنا جلسة ريد
نستنا دنيا الناس
ما شفنا فيها ملل
ولا طاف علينا نعاس
***
عاطفه وحنان يا ناس
***
جاد الزمان عطر
ليلتنا بالافراح
وهب النسيم اسكر
ارواحنا من غير راح
وقصر علينا الليل
ليل الاحباء صباح
ادينا حق العين
وشوق السنين ارتاح
***
عاطفه وحنان يا ناس
***
وامضينا باقي الليل
مشوار يبوح انغام
وسرحنا متقابلين
نتساقى احلى كلام
ينثر علي الحان
من فم رشيق بسام
بي لهفة الاشواق
ونداوة الانسام
***
عاطفه وحنان يا ناس
وانسان مليح وناس
وعيون تضوي الليل
وقليب رقيق حساس
ضمتنا جلسة ريد
نستنا دنيا الناس
ما شفنا فيها ملل
ولا طاف علينا نعاس[/grade]

[waya]

هسه فيك أنا شن نسو
عــاصــم البـنـا

[grade="00008b ff6347 008000 4b0082"]يـا سـلام لـــو جـيـتـي أبــدر وهـل تـفـيــد بـالله لــــــــو
يــاتــوغيـمـاً نــازلــــة مـنــــو ويـاتـو مخمل ويـاتو جـــو
والكــــواكـب أيــــه لــزومــه وإنتـي ماليــه الدنيــا ضـو
***********
عـلـــــمي الغصـن الطــراوة ومــن نـــداوتك هـشــشـي
وعـلـــمي البـــــــان التـثنــي والـتمايــل وادهـشــــــــي
وعـلـــمي الطــاؤوس يـعـدل فـي اختيـالــو وفـي مشــي
الـجمــــال لـمـيـتـي كـلـــــــو للمعـــاك ماسـبتــي شــــي
وقـلبـي تــاه من يـوم عـرفتك الإتـــــــــوه مــا تـفـتـشـي
***********
النسيـــــم لـــــو مـــر جنبـك بـــي أريـجـك عطــــــري
وخلــــي بعدك لينا يوصــــل أوع يرجــــــع حــــــذري
والـــــورد من فيض نداكــي أدي بـرضو اتـذكـــــــري
عمـــري ليك أنا واهبو كلــو هاتــــي نظـــرة وإشتـري
وإن ودر فـي دربك إنتــــــي يعنـي أيـــــــه ما تـودري
***********
الحريــــــر شافـــــك تحيـــر وصــد زعــلان حنســـــي
إنتــــي أنــعم منــــو ملمـس إلا جــاملــــي والبســــــي
وطيفــي لو جاك في الأماسي هــدهــديــــو وونســـــــي
أحكـــــي ليهـو وقولــي ليهـو وسيبــي عنـدك واحبســي
وخلــــي من أنفــاسك ينعـــم وبــــي ودادك حســســــي
***********
الجمـــــــال العهــدو ولـــــى جيتــــــي تـــاني ترجعـي
والـدلال القــالـــــوا قـــــــــل جيتــي في الكون تزرعي
وقلبــــي من الريـد تخلــــــى جيتــي تـانــي تـلــوعـــي
البريـــــق الفـــي عيـونـــــك كفــــي عـنــي وأقـرعــي
مـابـراي تصلينـي بيـهـــــــو شـتـتـيـهــو و وزعـــــــي
والوصـــال الضانــــة بيهـــو ضنـــي بيهــــو وامنعــي
مــا الكــلام الدايـــر أقولـــــو مــن عيونــي بتسمعــــي
***********
يــوم تدخلـي علي المحافـــل الحضـــور بتجهجهـــــي
الـعيـــون تبراك جحافــــــل وكــــل زول بتوهـــــــي
القمــــر فـــي ليــــل تمامــو بشبهــك مــابتشبهـــــــي
والنجــــــوم ماتشــابـي ليهـا خلــــي تنزل ليكــي هـي
أنضميهـا وزينـــــي بيـهــــا جيــدك النـــــادي البهــي
الفــــراش لـــو ركٌ فـاكـرك زهـــــــرة أوع تنبهـــــي
خلــــــي يرشف مـــا رحيقك مــــافي زول ما مشتهـي
***********
الـــــورد لــــو جيتــــي جنبو بقطفك مـــــا بتقطفــــــي
والعســـل بهجــر مناحلــــــو ويرشفك مـــــا بترشفـــي
قلبــــــي فـــارش ليك أزاهـر خشــــي جــــوا وشرفــي
إلا بــس شيـشـك عـليهــــــو إجتيـاحـــك خـفـفـــــــــي
وفــــي الدخـول خليك حنينـه نبضـــــو أوعـى توقفــي[/grade]

[waya]

نظرة يا السمحة أم عجن
كلمات /الشاعر سيد عبدالعزيز


[grade="00008b ff6347 008000 4b0082"]نظره يا السمحه أم عجن .. لوكان قليل تبرى الشجن
اعرف صفا الأيام وأفيق ..انظر جمال تلك الوجن
***
دولات صدودك ما رعن .. آلام وبى اتدرعن
أبكى وأصيح متضرعا .. يا ناس دموع عيني ترعن
***
راحمونى مارضنى الظعن .. آمالي جور لي قاطعن
احشائى هديل أتقطعن .. بالفرقه نشابك طعن
***
يا منبع النور والفطن .. يالفقتى يعرب والرطن
في جوفي من حبك قطن . .يا جاهله مليون الف طن
***
كيف اسلي عينيك والوجن .. يا البسمتك نور للدجن
جسمك حرير ناسجه العجن .. ناضر وباللون انعجن
***
الضاوية زى خديك من .. في الدنيا يانور الزمن
أرواح نسائمك لي رمن .. نرجس مزج مسك اليمن
***
ما أحلاك يا الجيدك شدن .. يالعمرى فيك ضائع سدن
انا عندي شوفتك يا اللدن .. أفضل من الروح في البدن
***
يا منبع الذوق آه يا من .. حبك غرز في الجوف كمن
يا جاهله قط ما ليك تمن .. إن هب أو جار الزمن
***
ليك السلام ما ولعن .. خديك بالنور يلمعن
وعدد النجوم ما يطلعن .. يرضيك وبيك لى يجمعن[/grade]