ونسة مع بنات حوشنا الكوارع

[رءوف]

مبروك لي بت اختك
عقباالك

واصل >متابعين<

الله يبارك فيك وتسلمى كلك زوق
وعقبال الجميع


معليش خطبوك ولا لا بس سعال
حاضر ح اواصل لو قلتى خطبوك ولا لسع بايريكس

والله مشتاقوووون

[رءوف]

هههههههههههههههههههههههههههههههههههههه

رووووووعة بتعرف تكتب ما شاء الله بطريقة حلوووووة

ومبرووووووك لبنت اختك ربنا يتمم ليها على خييير


يلا باقي الشمار

تسلى .............. هههههههه بعرف اكتب بس

بس انتى طريقتك احلى
الله يبارك فيك وتسلمى
باقى الشمار ؟؟؟ كدة سا كت ملح .... لازم تدفعى ..انتى ما شفتى النقناق قال لى انت جيبك فاضى عشان كدة ما عرست ؟؟ يبقى لازم تدفعى حاجة

[رءوف]

حمد الله علي السلامة
وبعدين يا اخوي انت عزموك العرس دا عشان تتونس مع بنات اخواتك ولا عشان تخت ايدك في جيبك وتقيف في الراس
والحاجة عارفة انك كنت في ابها بس لقت الوكت ما مناسب
المهم كمل اللوحة

اخونا سامى
مرحب بيك فى المنتدى ولو انها جات متاخرة عشان انا مشيت اعرس ....عفوا قصدى مشيت لى عرس
عزمونى ؟ عزمونى كيف ودى بنت اختى ؟؟
حاضر ح اكمل اللوحة تدفع كم

عشان اسكت الاخ النقناق دة ما يشمت فوقى

[القلب الملك]

عمو عيشتنا في جو حلو ،،، كأننا نزلنا معاك وشوفنا العرس ،،،


إن شاء الله ربنا يحفظكم ،،،، ويحقق أحلامكم ،،، ونمشي نحضر عرسك كمان ،،،


كل عام وانتو بخير ،،،



وتبارك الله ،،،

***

ابنك المحب القلب الملك ،،،

[بسمة الحياة]

الله يبارك فيك وتسلمى كلك زوق
وعقبال الجميع


معليش خطبوك ولا لا بس سعال
حاضر ح اواصل لو قلتى خطبوك ولا لسع بايريكس

والله مشتاقوووون

انت ما وصلك الشمار ولا شنو
عرسي الليلة

[shosho wbs]

يا محسية انتى ازيك
العزوبية وعدم العرس بتخلى الواحد يهضرب
ماعندك حل عشان نسكت

تمام الحمد الله
بصراااااحة في كتااار
بس انا ما بعرفك كويس
عشان اعرض عليك البنات



الف مبرووووك مقدما عمو رؤوووف
ههههههههههههههه

[رءوف]

اخوى رءووف مشتاقيييييين

حقييقه والله قصتك روووعه وسردك جميل وواقعى

نفس الاشياء البتحصل فى المناسبات الاسريه فى الفريق

واصل بقية رحلتك السودان

متابع

حبيب الدنيا كولها اخوى الاصيل كيفنك
انت الزوق والفهم وكل شيتا سمح والل مشتاقين
طبعا دة صورة مبسطة عن اجواء افتقدناها كثير جدا بى درب الغربة
والواحد بقى اهلو ما يعرفهم

تصدق انا قبل 7 سنة كنت 3 سنوات ما نزلت اجازة ولم نزلت لقيت الناس كبرو
المهم فى شافعة كدة قلت ليها انتى بنت منو
قالت لى لكن انت مبالغة يا خالو .....تصدق .....طلعت بنت اختى وما عرفتها
وحاجات كثيرة بتحصل

والله العظيم انا مشتاق ليك

[رءوف]

رؤوف ازيك

وكل عام وانت بخير بمناسبه السنه الجديدة

ومبروك لى بت اختك وعقبالك

تحياتى ام مودة

الناس الغاليين
ام مودة كيفننننننننننننك بالجد ليك وحشة كبيرة وفاقدنك
الله يبارك فيك
الشافعة لسع ما قامت من الارض عرست غايتو جنس محن

اوعك تسالينى من العريس عشان انا كنت بعاين ليهو حقارة حقارة
والا ما اتكلم معاى اقول ليهو صاح صاح ايوة غايتو كان قعدت فى السودان كنت ح اشيلو وارميهو برة الحوش ..... بدون سبب تصدقى

[رءوف]

عمو عيشتنا في جو حلو ،،، كأننا نزلنا معاك وشوفنا العرس ،،،


إن شاء الله ربنا يحفظكم ،،،، ويحقق أحلامكم ،،، ونمشي نحضر عرسك كمان ،،،


كل عام وانتو بخير ،،،



وتبارك الله ،،،

***

ابنك المحب القلب الملك ،،،

صاحبى وحبيبى ( وخالى) دى عشان قلت لى ابنك
بالجد الواحد كان مشتاق لى ناس يكونو معاهو اليوم داك
ربنا يحفظ الجميع
عندى معاك شمار كثير خلينى النقعد شوية واجيك

[رءوف]

انت ما وصلك الشمار ولا شنو
عرسي الليلة

معقوووولة دة منو دة العايز ينتحر دة .....عفوا قصدى سعيد الحظ دة

والله الف مبروك وانتى بنت محترمة وتستاهلى كل خير


مش حرام عليك تعرسى وتسيبى ملاك الورد ونهر وعاشقة بايريكس
انتو البنات ديل اصلو ما عندهم خوة
هسى انا لو ما اتزوج حبيب الناس وبعد الزمن والسمالى وفارماس
يمين بالله ما اتزوج ...لانو عندنا نحنا معشر الرجال دة عيب

[رءوف]

تمام الحمد الله
بصراااااحة في كتااار
بس انا ما بعرفك كويس
عشان اعرض عليك البنات



الف مبرووووك مقدما عمو رؤوووف
ههههههههههههههه

متين الزواج داير ليهو عرفة
دة السبب زاتو العامل البورة اليويمين دى

طيب وصفى لى
او اتعرفى على
او عرسينى

التلاتة ديل لو ما اخذتى فيهم واحد مابسيبك

[رءوف]

الف مبرووووك مقدما عمو رؤوووف
ههههههههههههههه



عمو رءوف ؟؟
طييييييييييييييييييب ليك يوم

[shosho wbs]

متين الزواج داير ليهو عرفة
دة السبب زاتو العامل البورة اليويمين دى

طيب وصفى لى
او اتعرفى على
او عرسينى

التلاتة ديل لو ما اخذتى فيهم واحد مابسيبك

ههههههههههههههه
وانا مالي انا اللي حتزوجك

[رءوف]

تمام الحمد الله
بصراااااحة في كتااار
بس انا ما بعرفك كويس
عشان اعرض عليك البنات



الف مبرووووك مقدما عمو رؤوووف
ههههههههههههههه

ههههههههههههههه
وانا مالي انا اللي حتزوجك

احسن ليك انا من البورة الانتى فيها دى
بعدين تندمى لم القطر يمشى

اها قلتى شنو
اجيب عمى ابو الصديق وخالى ابسن ولا رايك شنو

[shosho wbs]

احسن ليك انا من البورة الانتى فيها دى
بعدين تندمى لم القطر يمشى

اها قلتى شنو
اجيب عمى ابو الصديق وخالى ابسن ولا رايك شنو

هووووووووووووي احسن ليك طلعني من الموضوع ده
بعدين منو اللي قال ليك بايرة

[بسمة الحياة]

معقوووولة دة منو دة العايز ينتحر دة .....عفوا قصدى سعيد الحظ دة

والله الف مبروك وانتى بنت محترمة وتستاهلى كل خير


مش حرام عليك تعرسى وتسيبى ملاك الورد ونهر وعاشقة بايريكس
انتو البنات ديل اصلو ما عندهم خوة
هسى انا لو ما اتزوج حبيب الناس وبعد الزمن والسمالى وفارماس
يمين بالله ما اتزوج ...لانو عندنا نحنا معشر الرجال دة عيب

خلاص خليت العرس زاطو

انا ما بعرس وبسيب صحباتي بايرات
نبوووور سوى ولا نعررررس سوى

[GentleMan]

اخونا سامى
مرحب بيك فى المنتدى ولو انها جات متاخرة عشان انا مشيت اعرس ....عفوا قصدى مشيت لى عرس
عزمونى ؟ عزمونى كيف ودى بنت اختى ؟؟
حاضر ح اكمل اللوحة تدفع كم

عشان اسكت الاخ النقناق دة ما يشمت فوقى

ياخوي انت شكلك ضارباك موجة فلس قويه
يا جماعة رايكم شنو نعمل دفتر تبرعات للاخ رءوف
(مثل المؤمنين في توادهم وتراحمهم كمثل الجسد الواحد ..الخ)

[رغودة]

الله الله الله بحلم زاتها ....دة ايه الهنا الانا فيهو دة
يا بنت لم اشوفك بتجينى حاجات كدة


الله يبارك فيك يا رب ويجيلك واحد كدة يوديك محل التلج لى ذات الشجون ( عشان تانى واحد كدة يكسر ليك تلج هنا مافى)
بصراحة كدة من اليوم داك دخلتى وصالحتينى مع ذات الشجون ..يعنى بصراحة كدة .. عاوز اقول ليك شنو ...يعنى حسيت انو كدة يعنى ..والله ما عارف اقول شنو .. المهم جانى احساس كدة انو انتى ..يعنى كدة .. ممكن يكون يعنى انا .... انتى يعنى ... والله الواحد لو عاوز يقول حاجة كويسة هنا يتذكر رغودة هنا ويبلع الكلام .. ونهر هسى تجى ناطة ..ز ولا رغودة ...تقول ليك يا راجل ما تتكلم عديل مالك بتلف وتدور كدة .. المهم انا بصراحة حسيت انو انا وانتى يعنى كدة .... اسمعى ما فى داعى
بتمو بكرة عشان رغودة وذات الشجون ديل ما اشمتو

[أبو صديق]

أوفا يا حبيبي كم مره قلت ليك إشرب الحليب وإتغطّي كويس قبل تنوم.. وأبعد عنّك هواجس البوره
والكوره ( وإنت ود متين يا يابا ) لسه شباب والمستقبل قدامك وألف من تتمناك..
ولو حار بيك الدليل إنتظر شويه الأموره دي باقي ليها طاشر سنه بس وتكمّل نص دينها.

لكن بالجد إجازه متعه ومبروك لبت أختك وبيت مال وعيال
وأنا خايف بتها إعرسوها وإنت لسه تهضرب عرس ..عرس

حاجه كدا
أسلوبك إنسيابي ويدخل النخاشيع مما يُرقق قلوب العذاري والجكس

[الغاليهـ بنت الغالي]

تسلى .............. هههههههه بعرف اكتب بس

بس انتى طريقتك احلى
الله يبارك فيك وتسلمى
باقى الشمار ؟؟؟ كدة سا كت ملح .... لازم تدفعى ..انتى ما شفتى النقناق قال لى انت جيبك فاضى عشان كدة ما عرست ؟؟ يبقى لازم تدفعى حاجة

شكراااا كللك زووق
ملح ول سكر

بجيب ليك عرووس بس تم باقي الشمار عشان هنا في ناس شمشارين وبينكرو ذي فلانة دي
ذي شوشو