السفارة البريطانية تمنع موظفيها واسرهم من شرب ماء الحنفيه

[GentleMan]

الخرطوم: هويدا المكي: أخطرت السفارة البريطانية بالخرطوم موظفيها وأسرهم بعدم الشرب من مياه الحنفيات وعدم استخدامها في نظافة الاسنان، بعد أن اثبت فحص معملي أجري في بريطانيا، تلوث المياه بالبكتريا «الفيلقية».
وفي الاثناء، أكدت هيئة مياه الخرطوم، سلامة المياه واعلنت عزمها أخذ عينات من مياه السفارة للتأكد من مطابقتها للمواصفة القياسية.
وافاد تعميم ، خاطبت به السفارة طاقمها، بان موظفي «حلول النقل والنفايات» أخذوا ـ ضمن إجراءات جديدة للصحة والسلامة ــ عينات مائية من كل منازل موظفي السفارة لفحصها في المملكة المتحدة للكشف عن البكتيريا الفيلقية.
واضاف التعميم الذي تحصلت «الصحافة» على نسخة منه، انه تم إخطار سفارة الخرطوم بأن نتيجة بعض العينات كانت إيجابية، وقال ان مسؤولي السفارة في انتظار وصول النتائج المفصلة وانتظار النصح والتوجيه الرسميين من جانب إدارة الصحة والسلامة التابعة لوزارة الخارجية البريطانية.
واكد التعميم، المعنون بـ«إخطار لموظفي السفارة البريطانية: لا تشربوا من مياه الحنفية»، ان السفارة تعاملت مع الأمر على مأخذ الجد ،قائلة انها ستبلغ الموظفين بأي تفاصيل ترد اليها.
وذكر التعميم أنه لم يتم تشخيص حالات من مرض «الفيالقة» محلياً من بين الموظفين أو الأسر، لكنه نصح بالمراجعة الطبية إذا ما شعر أي أحد بأنه غير صحيح أو لديه مشاكل صحية.
وطالبت السفارة موظفيها باجراءات وقائية بعدم الشرب من مياه الحنفيات في منازلهم، بجانب عدم استخدامها في نظافة الأسنان، واللجوء الى المياه المعبأة في القوارير، واكدت السفارة ان تلك الاجراءات «ستتبعها خطة عمل كاملة».
لكن المستشار الفني لهيئة مياه ولاية الخرطوم محجوب محمد طه، قال لـ«الصحافة»، ان المياه المنتجة من قبل المحطات النيلية والآبار الجوفية صالحة للشرب ومطابقة للمواصفات ، حيث تمر عبر مراحل للتنقية تنتهي بالفحص البكتيري، ثم اضافة مادة الكلور المعقمة للمياه.
واشار الي انه في حالة وجود بكتيريا بالمياه يكون السبب فيها ان الصهاريج تكون غير معقمة، ومن المفترض ان تتعرض لعملية التعقيم كل ستة اشهر، هذا بالاضافة الي احتمال تواجد البكتيريا في التوصيلات الداخلية للمياه .
وعلي اثر التقرير الصادر من السفارة البريطانية بالسودان، اكد عزم الهيئة بالتحرك الي مباني السفارة، وأخذ عينة من المياه للتأكد من صحة التقرير الصادر عنها بذلك الشأن.واعتبر ان الرائحة التى ظهرت فى مياه الشرب، ناتجة عن ظاهرة طبيعية هى توالد الطحالب وهى كائنات عضوية غير ضارة، مؤكدا خلو مياه الشرب تماما من أي ملوثات بما فيها مياه الصرف الصحي.
واشار الى ان التلوث داخل السفارة البريطانية هذا لا يعني الحكم على كافة شبكات مياه الشرب بولاية الخرطوم،معتبراً تحذير السفارة لرعاياها «امرا يخصها وحدها» .
واكد ان الهيئة ستقوم بأخذ عينات من السفارة وما حولها اليوم للتأكد من سلامة المياه في تلك المنطقة.

المصدر - الصحافة

[بعد الزمن]

[align=center]بريطانيا تضرب لنا اروع الامثلة ب كيفية الاهتمام ب المواطن
الله غالب[/align][/size]

[GentleMan]

[align=center]بريطانيا تضرب لنا اروع الامثلة ب كيفية الاهتمام ب المواطن
الله غالب[/align][/size]

عليك امان الله المويه دي مشوا حللوها في مختبرات لندن
ولقوا فيها ميكروبات وناسنا ديل قالوا اخذوا عينة من مويه السفارة
البريطانية في الخرطوم .. وطلعوا بتقرير انها نقيه وخالية من
اي ميكروبات .. هسي يعني نكذب معامل بريطانيا ونصدق
ناس قريعتي راحت وللا شنو ؟؟ افتونا

[بعد الزمن]

[align=center]الحكومات العربية بصفة عامة لا تصدق ولا تكضب
لان الاتين هلاك
والافضل انك ما تشرب وتسكت وتصفق ليهم
وما تنساهم من صالح الدعاااااااااااء يوم الجمعة
وشكرا[/align][/size]

[GentleMan]

[align=center]الحكومات العربية بصفة عامة لا تصدق ولا تكضب
لان الاتين هلاك
والافضل انك ما تشرب وتسكت وتصفق ليهم
وما تنساهم من صالح الدعاااااااااااء يوم الجمعة
وشكرا[/align][/size]

والله ناس السفارة ديل عملوا دعاية مجانية لشركات مويه الصحة
لومك بي يكونوا ناوين يفتحوا مصنع ويروجوا للسلعة خايفين تبور

[بعد الزمن]

[align=center][quote="النقناق"]والله ناس السفارة ديل عملوا دعاية مجانية لشركات مويه الصحة
لومك بي يكونوا ناوين يفتحوا مصنع ويروجوا للسلعة خايفين تبور [/quote]

ممكن ناس المصنع بكونوو متفقين معاهم مقابل الدعاية نسبة من الارباااااااااااح[/align][/size]

[السودانى الاصيل]

الموية دى مما الله خلقنا بنشرب فيها مافى زول قال بطنى وجعتنى
الا كان مره دايره تلد


ومقويانا بى بكتيريتا

الدير افلسف واعمل لينا فيها مصارينو بيض امشى اشرب فى البحر

ولا اجيبوا معاهم موية نقيه من بريطانيا

نحن مويتنا لو ما فيها بكتيريا ذاتا ما عايزنها

ولو طلعت نقيه بنجيب بكتيريا فيلقيه نكبها فيها عشان تصلح للشرب

قال بكتيريا هههههههههه عدم الشغله بسو اكتر من كدا

[GentleMan]

الموية دى مما الله خلقنا بنشرب فيها مافى زول قال بطنى وجعتنى
الا كان مره دايره تلد


ومقويانا بى بكتيريتا

الدير افلسف واعمل لينا فيها مصارينو بيض امشى اشرب فى البحر

ولا اجيبوا معاهم موية نقيه من بريطانيا

نحن مويتنا لو ما فيها بكتيريا ذاتا ما عايزنها

ولو طلعت نقيه بنجيب بكتيريا فيلقيه نكبها فيها عشان تصلح للشرب

قال بكتيريا هههههههههه عدم الشغله بسو اكتر من كدا

الرجاء منع التعليقات التي لا تمس جوهر الموضوع بصلة
والتي تتعارض مع الذوق العام

[الدغري]

لكم التحية .......

يا خوي ناس بريطايا ديل متحيلين


يا خوي مويتنا ده عاجبانه اذا ما عاجباهم اليشربو من السماء ........


مالم ومال مويتنا


نحن قادرين عليها ........

هم لسه شافوا موية ..........

ويقولوا شنو اذا شربوا موية الحفائر أو الترع

[GentleMan]

لكم التحية .......

يا خوي ناس بريطايا ديل متحيلين


يا خوي مويتنا ده عاجبانه اذا ما عاجباهم اليشربو من السماء ........


مالم ومال مويتنا


نحن قادرين عليها ........

هم لسه شافوا موية ..........

ويقولوا شنو اذا شربوا موية الحفائر أو الترع

ياخوي كلامك صح ديل اولاد المصارين البيض .. خواجات
حتي لوفيها الميكروب المذكور ما بتعمل للسودانيين حاجة لانو مناعتهم ضد الامراض
عاليه عكس الاوربيين

برمة
مابين كديستنا الدقوها بالعكاز وبين كديسة لندن الربوها بالاناناس
شوفو الفرق ياناس
التحية لفرقة الهيلاهوب [/color]

[TARIQNASS]

سؤال بسيط اطرحه:
هل يشرب البريطانيون من الحنفيات؟
الاجابة معروفة بالطبع..
فلنحمد الله علي نعمته لنا بالنيل..الذي نشرب منه مباشرة..واتحدي اي شخص من فعل ذلك في اوروبا وامريكا..فان قبل التحدي قد يخسر حياته..
المهم هو كيفية الحفاظ علي بيئتنا المائية من الملوثات الكيميائية..والمخلفات الصناعية..والاسمدة الصناعية في الاشرطة المتاخمة لمصادر المياه..
وعلي هيئة المياه..تقع مسئولية جسيمة..تأمين سلامة المستهلكين صحيا..كلهم والحكومة أيضا مسؤولين أمام الله عما يحدث لمن يتولون أمر مسؤوليتهم،،

تحياتي

[بعد الزمن]

[align=center][quote="tariqnass"]سؤال بسيط اطرحه:
هل يشرب البريطانيون من الحنفيات؟
الاجابة معروفة بالطبع..
فلنحمد الله علي نعمته لنا بالنيل..الذي نشرب منه مباشرة..واتحدي اي شخص من فعل ذلك في اوروبا وامريكا..فان قبل التحدي قد يخسر حياته..
المهم هو كيفية الحفاظ علي بيئتنا المائية من الملوثات الكيميائية..والمخلفات الصناعية..والاسمدة الصناعية في الاشرطة المتاخمة لمصادر المياه..
وعلي هيئة المياه..تقع مسئولية جسيمة..تأمين سلامة المستهلكين صحيا..كلهم والحكومة أيضا مسؤولين أمام الله عما يحدث لمن يتولون أمر مسؤوليتهم،،

تحياتي[/quote]

كلامك واقعي وجميل
ومعقول ومنطقى
داير اعرف ماذا استفدنا من المهاترات والمزايدات السياسية غير التشتت والتشرذم
وادعووو جميع الاعضاء ان يحكمووو عقولهم وابدى بنفسي
كانت عندي بعض المواقف وبعد راجعة نفسي وعقلى
لقيت انى ادور فى دائرة فارغة وكنت اتحدث ب عاطفة نحو انتمائى السياسي
لذلك تعطل عقلى عن التفكير والبحث عن حل
وشكرا على الرأي السديد والرشيد[/align][/size]