كرسي ساخن جدا جدا

[انفلونزا الحب]

هههههههههههههههههه

[الغاليهـ بنت الغالي]

هههههههههههههههههه

فــــــــلو الموضوع بتاع الايميل وين؟؟؟؟

وانا يوم 23\12 بتم التلاتة شهور وبرد ليك ع الرسايل

[GentleMan]

[quote="الغاليهـ بنت الغالي"]بوريك ليو يا بعدو
اول شي اسمك كاامل منو؟
عادل محمد الحسن
عمرك كم سنة من غير الجمع والعطلات الرسمية (وما تقول لي عايش من زمان)؟
الاعمار بيد الله
المهنة؟
موظف
اختك اسمها منو؟
عيب عليك
الاسبوع فيو كم يوم؟
كان زمان سبعة لكن هسي شكلو بقي يوم
الشهر فيو كم جمعة؟
دي عايزه ليها سؤال
بتحب ياتو لون ولييه؟
اللون الوردي
بتكره ياتو لون ولييه؟
الاسود .. دلالة علي التشاؤم والحزن
عضو لايوق ذيك كدة؟
طبعا بعدو

5 مواضيع حلوة؟
المواضيع الرومانسيه
في رايك منو زعيمة المنتدى؟
اهاسيس وللا انا غلطان .
ملك الراكوبة؟
محمد نعيم .. ابو اسد
انت سمين ول ضعيف؟
كان سمين بس عملت رجيم
اسمر ول ابيض؟
قمحي فاتح
طويل ول قصيروني؟
وسط
مجنون ول نصيح؟
انتي شايفه شنو ؟؟
بلد داير تزورها؟
ماليزيا
حلم ما اتحقق لي هسي؟
الزواج (اكمال نصف الدين)
اتشوكشتا كم مرة؟
بشوكش ما بتشوكش

امبارح الساعة 8 بليل كنتا وين؟
في البيت يعني حاكون وين مع البرد الشديد دا.
اسي غير المنتدى فاتح شنو؟
فاتح اليوتيوب
واحد زايد واحد يساوي كم؟
مايساوي اتنين .
فنان سوداني بتحبو؟
عبد العزيز المبارك
فنان انجليزي بتحبو؟
وليه ماتكون فنانة .. برتني سبيرز
ممثل بتحبو؟
مافي شخص محدد
اوصف لينا شوشو من مخيلتك كيف تتوقعها؟
صغيرونه وحلووة ورومانسيه
بتشتغل وين؟
شركة الخليج للعود والعطور

المراحل التعليمية؟
ابتدائي - متوسط - ثانوي .
بكالوريوس كلية العلوم جامعة النيلين - قسم الاحياء الدقيقة والاحياء الجزيئية
دبلوم المحاسبة - جامعة جوبا .
ليه اخترت اسم بعد الزمن- النقناق ليكون اسمك المستعار؟
معجب بالنقة بصراحة .
هو في حاجة احلي من النقه والحنك المجلي



سوال كنتا متوقع اني اسألو ليك وما سالته؟
هو انتي خليتي حاجة .. سالتيني سؤال منكر ونكير
محل الاقامة؟
السعوديه - الطائف (عروس المصايف)

الهواية؟
كرة القدم والنت
وجبتك المفضلة؟
البيتزا و البيك .
مشروبك المفضل؟
ميرندا
هلالابي ول مريخابي؟
سيد البلد .. لازم هلال
عارفنك سوداني لكين قبيلتك شنو؟
بجاوي يجرح ويداوي
اوصف لينا انفونزا الحب كيف تتخيلها؟؟
حنكوشة وحلوة وظريفة وصغنونة
نصايح بتقدمها لينا كلنااا؟
عليك بالصدق والوفاء بالعهد وحفظ الامانة
صف لينا انا سوداني في كلمتين ؟
بيت يحوي جميع الوان الطيف من المبدعين
جيت المنتدى دة بي وين؟؟
جيتو بالصدف عن طريق محرك البحث - جوجل
اعضاء تعرفهم خارج المنتدي؟؟
مافي شخص معين
اغنيتك المفضلة؟
المشكلة ؟؟ للفنان جمال فرفور .








شاعر تحب كتاباته

اسحاق الحلنقي -- ود كسلا الخضراء


قصيده لها وقع خاص عندك
لن احيد - لمحي الدين فارس




من هو او هى

هي منو انا ما عارف !!


((من غير دبلماسيه ))




فاكهة المنتدى

الجكس طبعا


روح المنتدى

الاخ الشمالي


القلم الصادق

شوشو وبس

الزوق العالى

انتي يالكلك زوق وحنيه



القلم الجريئ

انا طبعا .. بقول اي حاجه بدون كنترول


المبدع او المبدعه

كل المنتدي تحس فيهم نزعة الابداع




العضو الشقى
(()) هو في اشقي منك .. باسئلتك الكتيرة دي

تاريخ تسجيلك في المنتدى
راجعي البروفايل الخاص بي


بكيت بحرقة السبب والمسببات

وفاة الوالد عليه رحمة الله .
وايضا ضحكت \من اعماق الاعماق السبب والمسبب
في وجود الاهل والاصدقاء وليس في الغربة
الاسئلة لي بعدو والنقناق[/quote]
الله ينتقم منكم لسه في باقي اسئلة كويس يا بت الغالي
نشوف فيك يوم ...
حاخد لي نفس واجيكم راجع .. حرم ما بذوق ابدا

[الغاليهـ بنت الغالي]

ههههههههههههههههههههههههههههههههههههههههههه

الف مبروك حل الدفعة الاولى عقبال الدفعات الجايات

الحمد لله انا قعدتا وقمتاااااااااااااااا

بس كدي اقدر زوغ

[shosho wbs]

ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
لكن اسئلتك ما خطييييييييرة
لكن في كم سؤال كده ما عجبني وانا لو من بعدو ما بجاوبوا
هو وراحتوا غيتوا
انت كده ريحتيني بعد اسئلتي الاولة ديك تاني ما بكتب كفاية حقينك
هههههههههههههههههههههههههههههههه

[GentleMan]

[quote="الغاليهـ بنت الغالي"]الدفعة التانية؟
كم وزنك ؟؟
تقريبا 72 كجم
كم طولك ؟؟
165
تلعب كرة القدم ؟ اذا تلعب وين تلعب ؟؟

لعب شنو يابت ، نحنا من جينا البلد دي غير الشغل مافي شي .

* :متى يحس بعد الزمن\النقناق أنه في حالة:



غصب شـــديد

عندما يظلمني شخص ما .

فرح
عند العودة للاهل في الاجازة .


لا مبالاة
المواضيع الهامشية (سفاسف الامور)


رضا
عند اداء اعمالي علي اكمل وجه


انتصار

عند النجاح في شي معين .

وحدة
في الغربة




* لو أتيحت لك فرصة حكم السودان ليوم واحد

أي القرارات ستتخذ
الاعفاء الضريبي والجمركي للمغتربين
تحقيق الرفاهيه وسبل العيش الكريم للشعب السوداني


* متى تنزل دمعة بعد الزمن\النقناق
عند فراق الاهل والعودة لديار الغربة .


* حكمة تمثلك وتعمل بها دوماً؟

احسن الي الناس تستعبد قلوبهم ** لطالما استعبد الاحسان انسانا
* لو أتيحت لك فرصة لحذف لحظة من حياتك .. ما هي هذه اللحظة؟
لاتوجد لحظة ندم في حياتي حتي احذفها .

*مرايك في *الــــــــــــحب
رباط مقدس وكلمة ذات مدلولات جميلة .
وهل جربت هذا الكاس
قصة الريد ما غريبة واي واحد جربا

*الامل
ما اضيق العيش لولا فسحة الامل

*كلمة البحر
تعني الهدوء والرومانسية والتفكر في عظمة الخالق .

* ماذا تعني الصداقة لبعد الزمن\النقناق؟
كلمة كبيرة .. صديقي هو من يرد الشر عني ويرمي بالعداوة من رماني .


* كلمة قيلت لك .. وتركت أثراُ في نفسك؟
احبك ... يا عادل


* السودان.. ماذا يعني لك؟
قبل وللا بعد الانفصال

* ذكريات من الطفولة عالقة بذهنك؟

العاب الطفولة مثل شليل وينو .. الرمة والحراس
لعب البلي .. ونيش القماري والطيور ...
مثل زي طفولتكن انتن يا الحناكيش
*شخصية لها اكبر الاثر في حياتك وماذا استفدت منها؟
الوالد .. مدرسة قائمة بذاتها

* موقف محرج مررت به ؟
دخلت مطعم في جدة في عيد الفطر لتناول وجبة الغداء
وعند دفع الحساب نسيت ان النقود في جيب الجلابيه بالبيت

*خبر هزك بشده واخر افرحك؟
ارتفاع الجنيه السوداني مقابل الرياح
والعكس هو الذي افرحني

* حلم تتمني تحقيقه علي الصعيد الشخصي؟
ما قلنا الزواج وقربنا انشاء الله

* انضمامك للمنتدي صدفة ام دعوة من احد الاصدقاء وان كانت الاجابة صدفة فما الذي دفعك للاشتراك؟
صدفة زي ما اسلفت .. الذي دفعني موضوعية المنتدي والطرح الجاد وحاجات تانيه حامياني

* وجهة نظرك لتطوير المنتدي؟

تعدد انواع المواضيع حتي تتم الاستفادة .
* ميولك الرياضية شنو؟
هلالابي .. ما قلنا سيد البلد .. لازم هلال


* رايك في المنتديات بصفة عامة وامكانية الاستفاده منها وهل لديك اشتراك في منتديات اخري؟

المنتديات فرصه للتعارف والتفاكر .. مشترك في اكثر من ثلاثة منتديات سودانيه .
* اي انواع الكتب تحب قرأءته واخر كتاب قراته؟

الكتب الاسلاميه .. اخر كتاب قراته .. رجال حول الرسول .

* هل لديك ميول سياسية سابقاً او الان؟
ماعندي اي ميول سياسية
مالك عايزة تجيبي لي الهواء
* رايك في عمل المرأة
لامانع شرط عدم اختلاطها مع الرجال .

* صفة لاتحبها تتميز بها وتتمني التخلص منها واخري يشيد بها ممن هم حولك؟
الطيبة

كم عدد اللغات واللهجات المحليه
التي تتحدث بها
؟؟
اتنين
بتحب اي لغة؟؟
اللغة العربية
* ترتيبك داخل الاسرة
ااخر العنقود

* مثل شعبي سوداني أعجبك
لالوب بلدنا ولا تمر الناس

* شئ افرحك لحد البكاء
شراء منزل خاص بي في السودان

* شئ اغضبك لحد البكاء
لايوجد اولا ا زكر بالظبط

5 اعضاء حنااااااكيش؟
في حناكيش غيركن انتن يالجكس
سؤال متوقع اني ما حاقدر احلو؟؟
انتي خليتي شي ما حليتو

كيف يبدا يوم النقناق\بعد الزمن وكيف ينتهى ؟
يبدا بصلاة الفجر حاضرا وينتهي بالنوم الساعة الثانية عشر ليلا .

شنو هى الماده الى كنت بتكرها فى المدرسه ؟ وليه؟
الرياضيات .... بس كده
ما هو اجمل مكان فى السودان تحبه ؟
كسلا - ارض القاش .

سياره تتمنى تشتريها؟
bmw
واول مشوار حيكون وين؟
علي جدة البحر .. ومنها السودان راس
عايش وين ؟
اسئلتك مكررة ..السعودية

اكتر زول بغيظك في المنتدى منو ؟
مافي شي غايظني غير الاسئلة الكتيرة دي ما بتنتهي
بتشم منو من المشرفين ؟ ( يعني بالجمبة حذف ليك بوست نقل دمج ) :d
ما بشم اي شخص .. واكن لهم كل احترام .. ولم يحدث ان حذف بوست خاص بي .
1_ جيت الكم
ما طلعت من صف العشرة الاوائل

2- ابوك قبلي كد دقاك
هههههههههه لازم

3- ترتيبك كم في اخوانك
ما قلنا .. اخر العنقود


-
موقف حلو مريت بيه
يفرق كتير طعم الحلو لويبقي مر .. كتيرة المواقف
8-
درست الثانوي وين
9- كسلاالثانوية
درست لمتوسط وين
الميرغنية المتوسطة
0-درست الابتدائي وين
ابوبكر الصديق الابتدائية
112- شغال ولا لا
شغال الحمد لله

13- بتدقي منو؟ ادقك انتي بس

16-
بتصلي ولا لا
17- الحمد لله .. ربنا يقبل
خر مرة ابوك ضربك فيها كان عمرك كم والسبب؟
18- ا
خر مرة امك ضربتك فيها كان عمرك كم والسبب؟
ههههه 12 سنة .. فلقت واحد بحجر

19-شعرك خشن ولا ناعم
20- ناعم والحمد لله
بتحب ابوك ولا امك
كلهم محبتهم ومعزتهم عندي واحد

21- لو بتحب ابوك ليه
هو الذي رباني وعلمني وشقي لاصبح انسان .
2
2- ولو بتحب امك ليه
هي التي حملتني وتعبت وساهرت الليالي
امي ويالفؤادها من جنة * كم ذا نعمت به وكم ذا انعم
كم كنت املا ليلها ونهارها * غضبا يضيق الصدر عنه فتحلم
3-حبوبتك اسمها منو
يابت ما قلنا عيب
6- عيونك لونها شنو
عيوني سود

27-لو كنت بتشبه تامر حسني الشين دة كنت حتعمل شنو؟
ما لقيتي غير البنيه دي عشان تشبهيني بيها
علي فكره هو لا وسيم ولاشي بس البنات طايره ليهن
8-كم مرة سويت مشكلة مع ناس
عادي المشاكل بتحصل .. وبتتنسي
بتحب تاكل شنو وليه وعشان شنو والسبب
بحب اكل الخضروات وبكره النشويات والدهنيات
لانها سبب لامراض الضغط والسمنه والسكر حمانا الله

30-مشيت مكة وعمرت كم مرة
وويك عد واغلط الجمعة الفاتت دي كنت في مكة المكرمة قريبة مننا تكلة بس
حجيت ولا لا
الحمدلله
33- كم مرة مسكتك الشرطة وليه وعشان والسبب
34- اتصوري ولله الحمد منذ مغادرتي السودان ووجودي هنا لم اتعرض لاي مساءلة من الشرطة

اخر مرة بكيتي ؟؟ انتي وللا انا
37 بتحبي تستهبل على البنات والاولاد ولا لا
خاطبيني بالمذكر .. شكلك بتحبي تستهبلي بالاولاد وتلعبي بمشاعرهم
39-
اخر كذبة كانت بتين
كذبة ابريل
كم مرة كذبت في المنتدى
يابت شنو الكلام البايخ دا
عندك شبكة ولا سارقها من الجيران
لا الحمد لله عندي بلاك بيري كمان
بتحب تتفرج على اي قناه
النيل الازرق
بتحب اي مسلسل
كلها كلام فاضي
6- بتتفرج على افلام كرتون
47- شايفاني شافع يابت
كم مرة سقطت في المدرسة
48- سقطت وللا وقعت .. هيي يكا
كم كان ترتيبك في المدرسة
49- ما حصل طلعت من صف العشرة
بتعرف تسوقي سيارة ولا عجلة
50- ياختي انتي دنقلاويه وللا حلفاوية مالك بتانثي المذكر
بتحب اي لون
51- سؤال مكرر
بتحب المطر ولا لا
بموت فيك
- بتحب اي نوع من السيارات

الدفع الرباعي
53-بتحب اي نوع من الفواكه

الكرز والعنب
54- بتحب اي نوع العصير
55- الافوكادو
بتحب اللحمة
56- بموت فيك :
مقاس جزمتك كم
57- 40
بتلبس نظارة ولا لا
58- لا بس احيانا شمسيه
شنو رايك في المنتدى
59- جميل ورائع
اخر مرة عصبت وكنت عاوز تبكي منها
60- هسي من اسئلتك الكتيرة
اكتر زول كرهتو في حياتك وليه عشان السبب
اتمنى تجاوب بمنتهى الصراحة,,,,هع هع هع هع
61- واحد كده .. فتن بيني وبيني حبيبتي
برأيك من هي افضل ممثلة عربية حاليا؟؟
62- هو في فن عشان يكون في ممثلة كلو هابط
برأيك من هي افضل مغنية عربية؟؟
اليسا


اذا جاتك الفرصه انك تلتقى بى شخص من المنتدى تختار منو ؟

انتي يالغالية بت الغالي .. وللا ما بتجي من الصين

وبكدة اخدت بطاري منك يا بعدووووووووووووووووووو

ويا نقناق رد سرييييييييع انت وبعدو

واتمني يكون الكرسي برد وسلاما عليكم هع هع هع[/quote]

انشاء الله يكون نار عليك وتقعدي فيو .. يدي تعبت من الكتابة
الله يجازي محنك .. ليك يوم .. انشاء الله اكون قمت بالواجب وعداني العيب
وسعيد بلقاءك .. عزيزتي بت الغالي وشكرا لك .

[nooon]

ياريت ياشوشو بس الصلاحيه الارسال ماعندي
رسلي انت وبردليك فيه

[shosho wbs]

امنية بتتمناها ؟

شنو اصعب موقف مريت فيه ؟

هل ندمت علي شيء معين في حياتك ؟

ما هي التجربة التي تتمني تكرارها ؟

شخص لا ترفض له طلب؟

دمعة سقطت من عينيك ؟ من كان سببها ؟

ماذا تعني لك كل من

الزواج _الصداقة _الحب _العدل _المنتدي _القمر _الليل _السكينة _الاقصى _النميمة _النفاق

اذا كنت قلم وممحاة ماذا كنت ستكتب وستمحي ؟

دي اسالتي لي ما جاوبتا عليها يالنقه
ياااابعدوووو تعال بيجاي
والله صاحبكم ده شكلوا زااااق

احيييييك يا النقة على الاجابات الرائعة

[kaydoo]

والحمد لله الانا خارج الكرسي

[الغاليهـ بنت الغالي]

تمااااااام يا نقة
ترقب الدفعة الجاية
والله على ما اظن سألت من اي شي ما فضل اي حاجة موش

[GentleMan]

تمااااااام يا نقة
ترقب الدفعة الجاية
والله على ما اظن سألت من اي شي ما فضل اي حاجة موش

هوووووووووي يابت الغالي علي الطراخ .. تكتبي ساي مافي زول يجاوبك
اصلو شنو الحكايه ما خليتي شي والا سالتيني منو

برمة ..

والله اسئلتك لو زول عايز يناسب بت ناس ما بسالو جنس
الاسئلة دي ... كمان لسه عايزة تجيبي هوا تاني

[الشمالي]

نق نق نق نق نق نق نق نق
جنس نقة قديتنا يااااا النقناااااق

غاااااااااااااااااااااااغ

وين ياااا عسل

[الغاليهـ بنت الغالي]

هوووووووووي يابت الغالي علي الطراخ .. تكتبي ساي مافي زول يجاوبك
اصلو شنو الحكايه ما خليتي شي والا سالتيني منو

برمة ..

والله اسئلتك لو زول عايز يناسب بت ناس ما بسالو جنس
الاسئلة دي ... كمان لسه عايزة تجيبي هوا تاني

هههههههههههههههههههههههههههههههههههههههههه
كدي استهدـ بالله
هدي اعصابك

[nooon]

ازيك ياالغاليه

[GentleMan]

نق نق نق نق نق نق نق نق
جنس نقة قديتنا يااااا النقناااااق

غاااااااااااااااااااااااغ

وين ياااا عسل

وينك يالشمالي ياخي مش انا النقناق ..
اتاري البنات ديل غلبوني وشبكوني نقة من العصر
بقيت انا الدقاق وبقو هن النقناق ...
غايتو يحلنا الحلا بله .. من البنوت ديل

برمة
الشمالي تعال اقعد بدلي عليك الله ..
واستلم الكيبورد .. يدي تعبت من الكتابة الليلة

[الشمالي]

هههههههههههههههههههههههههههههههههههههههههه
كدي استهدـ بالله
هدي اعصابك

هوووي يااا الغالية اجيب السووووط
ولا كيف غاااااااااااااغ.
نياهاهااااااااااااااااع

كااااااااااك

[مسلمة وافتخر]

يا لهوى

اسئلتكم دى تتطفش بلد بحالها

ههههههههههههههههههههههه

عشان كدا بجى بطاوق بالحيطة واشوف الاسئلة اللى بتقطم الوسط دى بس وبرجع


يا الله الصبر

[الغاليهـ بنت الغالي]

ازيك ياالغاليه

اهلييييييييييييييييييييييييييييييييييييييييييييييين

[مسلمة وافتخر]

هههههههههههههههههههههههههههههههههههههههههه
كدي استهدـ بالله
هدي اعصابك

عييييييييييييييييييييييب

ممنووووووووووووووووع

[الغاليهـ بنت الغالي]

هوووي يااا الغالية اجيب السووووط
ولا كيف غاااااااااااااغ.
نياهاهااااااااااااااااع

كااااااااااك

]d lh Hkhدي ما انا

يا لهوى

اسئلتكم دى تتطفش بلد بحالها

ههههههههههههههههههههههه

عشان كدا بجى بطاوق بالحيطة واشوف الاسئلة اللى بتقطم الوسط دى بس وبرجع


يا الله الصبر

هههههههههههههههههههههه
اصبري دورك جاااااااااااااااايي